المحكمة الدستورية

[abdulh]

هل يؤثر حكم المحكمة الدستورية ع السوق

سلبا او إيجابا؟؟؟؟؟

 

[عمر المنصوري]

سلبا ولكن نحن نتفاءل في القرار
وان شاء الله ... خير

 

[سرور]

انتظار المحكمة الدستورية والحديث عنها أصاب الكثير بالهلع ورموا أسهمهم بأبخس الأثمان
وهناك من استغل هذه النقطة للمضاربة والتجميع واعتقد الخسران هو اللي كيش.

 

[بروكر محترف 2]

القرار ايجابى ولا سلبي ما نكسر هالارقام باذن الله 7878 الى 7857

 

[فارس777]

الاسهم والاوراق الماليه ذات قيمه وتتأثر بالازمات الماليه ومامدى ملائتها من ضعفها وفي الوقت الحالي نشاهد انتعاش اقتصادي بعد الازمه العالميه وارتفاع اسواقها الماليه الى ماقبلها في امريكا واوربا. وكذلك بدول الخليج لاتقحمون الامور السياسيه بالاقتصاد فالسوق الكويتي مترابط مع الاسهم الخليجيه واغلب الشركات تمتلك شركات سعوديه وامارتيه وقطريه ومساهمه برؤوس اموالها والبعض الاخر هي بالاصل خليجيه ومدرجه عندنا وقد اارتفعت الاسهم الخليجيه ارتفاع كبير خلال الاسابيع الماضيه وبعضها تضاعف سعره ممايؤدي الي ارتفاع القيمه الماليه للشركات الكويته التي تتمتلك بها والتي ترتبط بها بشكل غير مباشر لذلك اقولكم ان السوق الكويتي اسعاره الآن مغريه للشراء وان كل الكلام الذي يقال هو ماله اي دخل ويخلو من الصحه

 

[سالم علي علي]

السوق رايح فيهااا السعودي ١٧٠- والاوضاع بالمنطقه ملتهبه والامريكي امس١٠٠- والمحكمه باجر الله يستر

 

[talalplatinum]

السوق رايح فيهااا السعودي ١٧٠- والاوضاع بالمنطقه ملتهبه والامريكي امس١٠٠- والمحكمه باجر الله يستر

الله الله راح نموت يعني ولا شنو ليش هالكلام والتخويف والتأجيج ليش هالكلام اللي ماله داعي السعوديه انهيار والامريكي نازل ١٠٠ نقطه انت تدري ان الامريكياذا نزل ١٠٠ نقطه يعني شنو يعني شركتين اللي نازلين بس من كثر عدد الشركات كمية التداول اللي عندهم ١٠٠ نقطه نزول بالامريكي تعادل ١ نقطه نزول بالكويتي ليش كل هالخبه ونزول وراح نموت والسعودي منهار والامريكي والعماني والهندي اشدعوة اشدعوة سويتها انهيارات بعدي السوق الامريكي صاعد من 6600 راح لغاية 15300 احنا ماصعدنا معاه واذا نزل ١٠٠ يعني صارت انهيارات وننزل معاه الامريكي لو ينزل ٢٠٠٠ هم ماكو مشكلة .
لاحول ولاقوة الا بالله

 

[m-m]

يعني افهم من كلامك أنت العدل والفاهم بين هالناس يأخي هذى وجه نظر لاتصير دكتاتوري بكلامك تقبل الرأي الأخر

 

[talalplatinum]

يعني افهم من كلامك أنت العدل والفاهم بين هالناس يأخي هذى وجه نظر لاتصير دكتاتوري بكلامك تقبل الرأي الأخر

انا مو دكتاتوري يا استاذي بس الناس اللي جذي تأجج وتخوف اتوقع ماله داعي قول رايك بس بطريقه حلوه مو طريقة تخويف ومن وجهة الاخرى اللي مو قد البورصة والاسهم يروح سوق الغنم يبيع ويشتري فيه احسن له وشكراً

 

[m-m]

بالضبط يروج سوق الغنم أو سوق بو 100 فلس يتاجر يأخي هذي وجه نظر بكتاباتي ومنت ملزوم لا أنت ولا غيرك يأخذ كلامي أو كلام غيري بالبيع أو يشتري اذا أنت قد هالسوق أشتر أي سهم براحتك مالك شغل بكلام الناس وشنوو يكتبون والله زمن هم بوجه النظر وبكتاباتنا يهاجمونه الله يرزقك ويرزق العمووووم

 

[khalidalazmi]

انا من راي لحد يبيع
خل المحافظ تبيع وتشتري على نفسها وبين بعضها البعض
ولازم ولازم لازم
راح يرفعون الاسهم علشان يطلعون ارباح واذا وصلوا الاسهم اسعار معقولة
الى يبي يبيع يبيع
والى يبي يستثمر يستثمر
وهذه وجهة نظري انا

 

[SUPER1]

m-m و سالم علي علي اعتقد شخص واحد

 

[talalplatinum]

شخص واحد ولا عشره كل من عقله براسه ويعرف خلاصه

 

[m-m]

والله انك مريض
أقول الله يرزقك

 

[loranc arab]

والله انك مريض
أقول الله يرزقك

يا أخي .. لا تحاول نقل الأخبار المفزعة وتخويف البشر إنت فاتح صفحة إنهيار السوق السعودي خليك هناك وبس .. ونرجو من المشرفين إغلاق تلك المواضيع التي لا تعتمد علي تحليل مهنية .

 

[راعي_أسهم]

رأي شخصي من خلال قراءة الوضع على أرض الواقع:
في حالة قبول الطعن: راح ترجع حدة التأزيم كوضعها السابق,
وفي حالة رفض الطعن: الطاعنون سينقسمون على أنفسهم رأي يرضى الوضع ورأي آخر راح يحاول مستقبلا.. والله الموفق