للحد من الربح والخساره سؤال عن الاوسط

[dwps]

هل من الممكن استخدام اوامر
وقف الطلبيه
وقف حد الطلبيه

بالاوسط للسوق الكويتي

و هل وقف السعر هو ادنى سعر للبيع او الشراء
وهل حد السعر هو السعر المرغوب بالشراء او البيع به

مثلا لنفرض لدي المجموعه د ولرغب ببيعها ب 1500 فلس ولكن للحد من الخساره ابيعها ب 900 فلس


كيف القيام بهذه العمليه باستخدام الاوسط

وجزاكم الله خير الجزاء مقدما و عيدكم مبارك

 

[dwps]

معقوله

اشدعوه اشكثر الى قرؤو الموضوع و لا واحد فيهم عنده الجواب

 

[زين العابدين]

دق على الأوسط يفيدونك أكثر...................يمكن محد جربها بالسوق الكويتي..............

 

[bujwsq8]

انا ما اعتقد انهم عندهم هذي الخدمه
اعتقاد شخصي لاني كنت عندهم تقريبا 3 سنوات وعمري ما سمعة عن هذي الخدمه
والاحسن انك تتصل فيهم نفس ما قالك زين العابدين​

 

[dwps]

عيل ليش حاطينها

يعطيكم العافيه على سرعه تجاوبكم

مدام ما عندهم عيل ليش حاطينها ولا مجرد ديكور لانه برنامج واحد للسوق الامريكي و الكويتي

اتصل على منو عمك اصمخ ياما حاولت اتصل محد يرد قلت اطرح الموضوع اهنيه
الله و العالم الارقام الي عندي قديمه وحطو ارقام جديده لوووووول :d

اذا محد عرف ماكو الا اروحلهم و اسال شخصيا

 

[NaSSeR33]

كيف تستخدم امر وقف الخسائر

السلام عليكم .. وكل عام وانتم بخير
اخوي dwps .. نعم بامكانك استخدام امر وقف الخسائر بأوامر السوق الكويتي ..
- في مجموعه نوع الامر هناك اربع اختيارات :
الاول بسعر السوق ( معروفه )
الثاني حد الطلبية ( معروفه )
الثالث وقف الطلبية - وفي خانه وحده للسعر - ( لما تحط سعر بهالخانه من تتم صفقه على هالسعر تنعرض اسهمك للبيع بنفس السعر - وفي هالحاله لما تكون الكمية المطلوبه للشراء 10000 سهم وانقط عليها 20000 سهم صارت معروضه بهالسر وتنعرض وياهم اسهمك مو اكيد تنباع )
الرابع امر وقف الطلبية -وفيها خانتين الخانه الاولى للسعر اللي تتم فيها صفقه بيع والثانيه للسعر اللي تبي تبيع فيه اسهمك )
مثال : عندك سهم بيتك شريته بـ 1.500 دينار واهو واصل 2.100 دينار
وانت تبي اذا نزل وتمت صفقه 2.060 يبيع لك 2.040 حتى تضمن انه ينباع تحط بالخانه الاول (سعر : اللي تمت عليه صفقه بالنزول 2.060 مثلا )
والخانه الثانية (حد السعر : السعر اللي تبي تبيع اسهمك فيه 2.040 مثلا )
يعني لما تنقط كميه كبيرة تغطي المطلوب بـ 2.060 تضمن ان في اوامر شراء على 2.040 ويقطهم عليه لضمان اتمام صفقه البيع ...
وتبقى مشكله السوق الكويتي ان ممكن ينزل سعر السهم للحد الادنى من غير مايمر على الاسعار اللي حاطهم وماتتنفذ اوامرك وهذا اللي يحد من فعاليته بالسوق الكويتي ...
وانشالله اكون قدرت اوصل المعلومه او جزء منها .. وسامحونا على القصور

 

[dwps]

يعطيك العافيه

يعطيك العافيه اخوي NaSSeR33

هل انت مجرب هل الخطوات

لان واحد قال قالي شي ثاني يقول مثل ما قلت الاولى لل حد الادنى بس للبيع

والثانيه للحد الى تبي اتبيعه

مثلا
يعني سهم بيتك سعره الشراء 1500 و حاليا سعره 2000

تبي اتبيعه ب 2300

بس تخاف ينزل فيكون الخط مالك 1800

فبالخانه الاولى تحط 1800
وبالثانيه تحط 2300

و يعطيك العافيه

 

[حداق البورصة]

عزيزي هذه الخدمة التي تفضلت بالسؤال عنها خاصة للسوق الأمريكي مو الكويتي ... أنا سائلهم و جاوبوني باللي ذكرته لك ... و دمتم سالمين

 

[dwps]

مشكووووووووووووووور

يعطيك العافيه اخوي حداق البورصه على المعلومات

ومعناته مردنا حق امر حد الطلبيه وبس

حلوين ونلعب بالحلال و انشاءالله الكل ربحان

 

[NaSSeR33]

نعم اخوي dwps انا جربته مع دوليه م ا ونفع معاي بالطريقه اللي قلت لك عليها .. بس مانفع معاي مع المخازن لما فتحت حد ادني ومامرت على السعر اللي حاطه..
لكن الطريقه اللي تقول عليها انت غلط السعرين اللي تحطهم للحد من الخساير يعني لحاله نزول السهم مو صعوده

 

[Abo_Yousef]

الثالث وقف الطلبية - وفي خانه وحده للسعر - ( لما تحط سعر بهالخانه من تتم صفقه على هالسعر تنعرض اسهمك للبيع بنفس السعر - وفي هالحاله لما تكون الكمية المطلوبه للشراء 10000 سهم وانقط عليها 20000 سهم صارت معروضه بهالسر وتنعرض وياهم اسهمك مو اكيد تنباع )

الرابع امر وقف الطلبية -وفيها خانتين الخانه الاولى للسعر اللي تتم فيها صفقه بيع والثانيه للسعر اللي تبي تبيع فيه اسهمك )
مثال : عندك سهم بيتك شريته بـ 1.500 دينار واهو واصل 2.100 دينار
وانت تبي اذا نزل وتمت صفقه 2.060 يبيع لك 2.040 حتى تضمن انه ينباع تحط بالخانه الاول (سعر : اللي تمت عليه صفقه بالنزول 2.060 مثلا )
والخانه الثانية (حد السعر : السعر اللي تبي تبيع اسهمك فيه 2.040 مثلا )
يعني لما تنقط كميه كبيرة تغطي المطلوب بـ 2.060 تضمن ان في اوامر شراء على 2.040 ويقطهم عليه لضمان اتمام صفقه البيع ...
وتبقى مشكله السوق الكويتي ان ممكن ينزل سعر السهم للحد الادنى من غير مايمر على الاسعار اللي حاطهم وماتتنفذ اوامرك وهذا اللي يحد من فعاليته بالسوق الكويتي ...
وانشالله اكون قدرت اوصل المعلومه او جزء منها .. وسامحونا على القصور

يعطيك العافية أخ NaSSeR33

أخوي الي أنا أعرفه ان الأمر الثالث والرابع للبيع فقط

الأمر الثالث وقف الخسارة والبيع والتخلص من الكمية كلها الي انت تبي تبيعها
يعني إذا كان سعر بيت التمويل 2100
وانت حاط في الخانة 2060
راح يبيع لمن يوصل هل سعر ( 2060 كمية مطلوبة ) وإذا الكمية الي عندك أكبر من المطلوب عند هل السعر راح يبيعك ابسعر أقل 2040 أو 2020 لغاية أقل سعر
المهم ان يتخلص من الكمية الي عندك ويبيع لك ابسعر السوق


الأمر الرابع
لو حطيت في الخانة الأولى 2080
والخانة الثانية 2060 ( سعر وقف الخسارة )

راح يبيع ابسعر 2060 وليس غير هل السعر
يعني لي وصل 2040 أو 2020

ماراح يبيع ، لأن انت حطيت حد للسعر ، فا عندك السعر أهم من التخلص من الكمية

نعم اخوي dwps انا جربته مع دوليه م ا ونفع معاي بالطريقه اللي قلت لك عليها .. بس مانفع معاي مع المخازن لما فتحت حد ادني ومامرت على السعر اللي حاطه..

السؤال أخ NaSSeR33 هل أنت جربت الأمر الثالث ( خانة واحدة )
أو الأمر الرابع ( خانتين ) مع سهم دولية م ا ؟

اعتقد ان إذا الكميات المطلوبة على سعر وقف الخسارة الي انت حاطه أكبر من الكمية الي عندك
الأمرين في هذه الحالة راح يصلحون


أنا للأسف ما جربت الأمرين


أبويوسف

 

[NaSSeR33]

سلام عليكم
هلا اخوي بويوسف .. انا جربت الامر بوخانتين نفع معاي على دوليه م ا .. بس المخازن ماتنفذ اي جزء من الكميه نهائيا .. بس بوخانه وحده حذرني منها الاخ فادي بروكر بنك الشرق الاوسط وقالي هذي تنفع بالسوق الامريكي وماتنفع بالسوق الكويتي ..

 

[Abo_Yousef]

سلام عليكم
هلا اخوي بويوسف .. انا جربت الامر بوخانتين نفع معاي على دوليه م ا .. بس المخازن ماتنفذ اي جزء من الكميه نهائيا .. بس بوخانه وحده حذرني منها الاخ فادي بروكر بنك الشرق الاوسط وقالي هذي تنفع بالسوق الامريكي وماتنفع بالسوق الكويتي ..

الله يعطيك العافية أخوي NaSSeR33

مشكور ما قصرت

أبويوسف