مامدى تأثير أيقاف اللآجل على السوق؟

[bo_ahamad]

أيقاف الأجل حتى أشعارا أخر هل يأثر على نزول السوق؟ مع أخذ بالأعتبار أنة تم توقيفة سنة 1998 وكان لة تأثير كبير في نزول السوق!!

 

[بومشـــاري]

الكلام الي يدور انه في حركه تصحيحيه قويه بتصير
اتمنه انه يطلع هالكلام غير صحيح
وسالفة الاجل اعتقد انهم بزيدون النسبه وبخلونه فوق 35 % وكذالك ارباحهم بزيدونه

 

[zgombi]

لا ماراح تتغير النسب والارباح بالنسبة للاجل .

السبب الوحيد لايقاف البيوع المستقبلية هو تنظيم صفقاته وطريقة البيع للمستثمرين حيث ان الكثير من المتعاملين يشتكون انهم كلما طلبوا اجل يرد عليهم بعدم توفر مبالغ .لذلك رات ادارة السوق ايقاف البيع عن الطرق الهاتف وان يكون الحضور شخصيا فقط .

والايقاف سوف يكون لمدة عشرة ايام ويعاد بعدها للتداول .

 

[boali]

وقف تدول الآجل ؟؟ اتوقع في صعود قوي ........ والعلم عند الله

undefinedundefined

 

[غازى]

مع أخذ بالأعتبار أنة تم توقيفة سنة 1998 وكان لة تأثير كبير في نزول السوق!!

ما كان فيه آجل ب98 واللي وقفوه كان المارجن

 

[بوو محمد]

متى يوقفونه

السلام عليكم


متى يتم ايقاف التداول بسوق الأجل

صج يوم الأثنين الياي ولا كلام

ومشكورين

 

[السوق الكويتي]

السلام عليكم


متى يتم ايقاف التداول بسوق الأجل

صج يوم الأثنين الياي ولا كلام

ومشكورين

اييه نعم أخووي من اول يوم تداول بعد العيد ... واعتقد السبب اللي حاصل بالسووق من رشاوي ... ومشاكل بالبيوع المستقبلية ... وكلها سلبيات سيتم دراستها وبالتالي وضع الحلول قبل رجوعها الى السووق ...

 

[بومرزوق]

مرحبا أخوانى انا اتوقع مع توقف البيوع راح يشعلل السوق..

وانتو شرايكم ياخوان .....

واعتقد مافى مجال للتصحيح,,,, ​

 

[الراقي]

وقف الأجل راح يكون له تأثير سلبي خصوصآ اول تدول لأن 90% من الي يشترون اجل عندهم معلومة على سهم معين من الشخص الي راح يدش على سهم وأكبر دليل على كلامي شوف الأسهم الي تنشرى اجل ياترتفع في نفس اليوم او بعد جم يوم

 

[aadm1]

ما اعتقد ان البيوع المستقبليه لها تاثير علي السوق .... لان تقريبا كل فلوسهم اللي يشترون فيها اول السوووق بس ,, ولو تجمعها كلها ما تزيد علي جم مليون دينار بس ؟؟ 4 او 5 ملايين بس وشوف تداول السوق كله جم مليوون يومياا....والشاطر يفهم ؟؟

 

[صقرالبحر]

ما اعتقد ان البيوع المستقبليه لها تاثير علي السوق .... لان تقريبا كل فلوسهم اللي يشترون فيها اول السوووق بس ,, ولو تجمعها كلها ما تزيد علي جم مليون دينار بس ؟؟ 4 او 5 ملايين بس وشوف تداول السوق كله جم مليوون يومياا....والشاطر يفهم ؟؟

كلام معقول وجميل

 

[bujwsq8]

عدل كلامكم ما راح يغير باي شي في التداول بس راح يخلي اللي عنده اجل ما يبيع لانه يدري اذا باع ما يقدر يشتري بهذا الوقت سهم ثاني
مع اعتقادي لو يكنسلون الاجل نهائيا افضل للسوق
​

 

[فارس العنزي]

مرحبا أخوانى انا اتوقع مع توقف البيوع راح يشعلل السوق..

وانتو شرايكم ياخوان .....

واعتقد مافى مجال للتصحيح,,,, ​

أضم صوتي لصوتك ، كان في السابق السهم يضغطون عليه وما يرتفع مع وجود عقود للشركة أو أرباح طيبة ، والسبب يقولون في كمية كبيره بالآجل ويضغطون عليه الكبار لين يحل موعد الآجل ويلمونه برخص التراب لأن الشاري إما يسدد أو البيع بخسارة ، خلنا نلغي هالجمله " الآجل " ونخلي السهم يآخذ راحته .

 

[بومرزوق]

الوعد جدام والحي بشوف ​

 

[dnyay]

للعلم فقط

فى افضل احواله البيوع المستقبليه ما تتجاوز المبالغ المدفوعه
للصفقات عن 7 ملايين دينار اين التأثير اذا كان التداول يفوق
ال150 مليون دينار

 

[سلااااااااام]

إحساس شخصي ممكن أكون غلطاااااااااان

بالنسبه للآجل المبلغ موبسيط لما تتركز مبالغ الآجل على سهمين أو ثلاثه راح يكون لهاااااا تأثير قوي على كميه الشرااااء هذي نقطه يجب وضعهااا بالحسبان.........

وفي نظرتي المتواضعه إن إيقاف الآجل في هالتوقيت قبل إعلان مجموعه المخازن عن أرباحها (سلطان والوطنيه ) فيه تلاعب حتى لايزاحم صغار المستثمرين التجار في الشراء في حال تحرك المخازن ومجموعتهااا للأعلى ؟؟

وقد أكوووون مخطأ

 

[سعود222]

توقيف الآجل يمكن يحرك السوق اكثر والله اعلم

 

[امل الكويت]

وقف الأجل راح يكون له تأثير سلبي خصوصآ اول تدول لأن 90% من الي يشترون اجل عندهم معلومة على سهم معين من الشخص الي راح يدش على سهم وأكبر دليل على كلامي شوف الأسهم الي تنشرى اجل ياترتفع في نفس اليوم او بعد جم يوم

برايي انه اللي عنده معلومه بصعود السهم مراح يمنعه عدم توفر الأجل من الشراء اهو كله ربح واعتقد انه كميات السهم سوف يرتفع معدلها بسبب عدم توفر الأجل

 

[sprite]

البيوع المستقبليه هي التي توقف تداولها و هي العقود المبرمه أثناء التداول

أما الآجل مسموح به الآن هو الذي يتم قبل و بعد التداول .. و الله أعلم .

عموما هذه العقود هي المحرك الرئيسي للسوق .. و إيقافها أمر سلبي .

 

[Bo jana]

الله يعطيكم العافية ...
بالنسبة لمدى تأثير ايقاف الآجل على السوق يعتمد على مدة الايقاف اذا كانت مدة طويلة فقد يتأثر السوق والسبب انخفاض القوة الشرائية وهذا بأختصار شديد . وشكرا