شركة بوبيان للبتروكيماويات ش.م.ك ( بوبيان ب ) .

[الحكمة]

الربع الثانى لبوبيان انتهى فى 31/10 واخر موعد لاعلان بياناتهم المالية هو 15/12 والا سوف يوقف السهم عن التداول

المصدر :مدير اكبر محفظة بالسوق
المعلومة ؛ انه سهم واعد بس بعد الربع الثانى لانه ارباحه موشى فى احتمال انه السهم يتماسك او ينزل شوى ومن ثم ينطلق
حتى قاعد معانا واحد مليونير ويقول انه شرا بوبيان قبل فتره بسبب التحليل الفنى..بس يقول تأخرت الحركة اللى متوقعها ..

انا شخصيا شريته بشهر 8 ولوع حبدى وقطيته بخساره بشهر 11

والله جان عندى كاش راح اشترى بعد الربع الثانى ...
والقعده كانت يفترض لمناقشة سهم المخازن..

... بس لاخذت لاحق ولاباطل بالنسبه لسهم المخازن لان صاحبنا يقول انه ماعنده بالمحافظ اللى يديرها سهم المخازن ...

...

 

[المقرود]

صندوق الهدى التابع لشركة الأهلية عنده كميات في سهم بوبيان طابع فيها ، أداءه متردي بسبب هالسهم التعبان

 

[المضاربه فن]

كمية الاجل في سهم بوبيان هذي الكميه تتبعتها وعملتلي جدول لمتابعت الكميه من حيث الزياده او النقصان فأرجو من الاخوه المحللين انهم مايبخلون علينا بأرأهم.
الكميه المذكوره هي من تاريخ الثلاثاء 22/11/2005 ألي الاربعاء 30/11/2005.
1-الثلاثاء 22/11/2005
أقل من شهر(2575000) مجموع الكميه خلال الفتره من شهر الي12 شهر (9942500).
2-الاربعاء23/11/2005
0اقل من شهر(1857500) مجموع الكميه خلال الفتره من شهر الي 12 شهر(1003500).
3_السبت 26/11/2005
اقل من شهر(2025000) مجموع الكميه خلال الفتره من شهر الي 12 شهر(10072500).[/
4-الاحد27/11/2005
أقل من شهر(1755000)مجموع الكميه خلال الفتره من شهر الي 12 شهر(9990000).
5-الاثنين28/11/2005
اقل من شهر(1587500)مجموع الكميه خلال الفتره من شهر الي 12 شهر
(9960000).
6-الثلاثاء29/11/2005
اقل من شهر(1477500)مجموع الكميه خلال الفتره من شهر الي 12 شهر(10075000).
7-الاربعء 30/11/2005
اقل من شهر(1587500)مجموع الكميه خلال الفتره من شهر الي 12 شهر(10212500).
السؤال الذي اتسائله دائما ؟؟
*هل من المتوقع ان يصعد السهم في ضل كميه الاجل الكبيره ؟
* هل من الممكن صندوق الاستثمارات الوطنيه الذي يتحكم بالسهم يكون هو نفسه يملك بعض من الاسهم المذكوره اجل( بمعني يشتري مثل الاشخاص بسوق الاجل)؟؟؟؟؟بصراحه انا بعرض الموضوع هذا باكثر من منتدي حتي اصل لجواب مقنع.

 

[المتدور]

شباب مداخله ومن باب تبادل وجهات النظر
سهم لا زال مفتوح الاجل فيه
وكمية السهم بلاجل 10075000 عدد لا يستهان به
ولاكن كون صانع السوق او المتحكم به هو الاستثمارات الوطنيه
وبما ان الضرر الذي يعاني منه سهم بوبيان ايضا يعاني منه سهم الاستثمارات الوطنيه
استنتجت ان الموضوع ربما يطول اشوي
ولاسباب
1-نسب كبيره بلاجل
2-عقود الاوبشن علي الاستثمارات الوطنيه
=========================
ومن ملاحضت الاوامر بالسوق نجد ان
السهم خصوصا سهم بوبيان
مطلوب بال1080 فلس كميه طيبه تتراوح بال400 الف تقريبا
والعرض علي 1100 فلس كميه قليله بالنسبه للطلب وهي من 100 الي ال200
من المفروض ان يتم الارتفاع ولا هالشي يدعم وجهة نظري
صانع السوق ياخذ سياسه التطفيش علي السهم (تنشيف الدم) يبون الي ماسك بلاجل يقط
============================
وبالنهانه هالكلام وجهة نظر واتمني انها لا تاخذ بنظرت الجد
وجهة نظر ممكن تكون صحيحه وممكن تكون خاطأه والله اعلم
============================
ولاكن الي متأكد منه ان السهم ممتاز ممتاز ممتاز للمستثمر مو للمضارب والله اعلم

============================
بخصوص ان اهم انفسهم الي ياخذون الاجل من المتوقع ان يكون كلامك صحيح وممكن لا
بس ياليت تتابع مع بوبيان سهم (استثمارات وطنيه) لان المصير واحد
وموفقين خير

 

[مقاييس]

اخي الاجل لا يشكل ضغط علي السهم تتذكر بشهر ثمانيه المشاريع بها 100 مليون سهم اجل وشوفه اليوم 530

 

[المتدور]

اخي الاجل لا يشكل ضغط علي السهم تتذكر بشهر ثمانيه المشاريع بها 100 مليون سهم اجل وشوفه اليوم 530

كلامك عين العقل والمنطق
بس انا يا اخ مقامس تكلمت من عوامل الضغظ الاجل

 

[الشورى خالد]

السلام عليكم ( الاجل لا يسبب اي ضغط ) اغلاق اخير دقائق تقوم به محفظه تجمع بالسهم على الاسعار 1060 - 1080 ويغلق 1100 شي واضح والله العلم ( اذا ارادوا رفع السهم لن تستطيع اي محفظة او صندوق ان يقف بوجهها

 

[circle]

السهم استثماري

والدخول للمضارب الان فيه مغامره الا اذا استقر فوق ال 1.200 على الاقل ممكن للمضارب كسب ال 100 فلس بالراحه لانه سيتجه الى 1300 وفوقها بقليل


اما فى هذه الاسعار السهم للمستثمر فقط واعتقد ان افضل سعر هو ال 1060

لضمان بيعه فى نفس اليوم بالنسبه للمضارب

 

[بومرزوق]

السلام عليكم ...

بالنسبه للاعلان عن الربع الثانى احتمال من تاريخ 7/12 يبدا والتوصيات مازالت عليه ...
والله اعلم ​

 

[bo-sahm]

يا جماعة في شيء محيرني ؟؟؟؟

شنو تحليل ما هو حاصل خلال الأيام الماضية لبوبيان للبتروكيماويات

كل اليوم التداول على سعر معين 1.080 او 1.060 لكن الإقفال لازم يكون
سعر اعلى 1.100 او 1.080

وهالشيء صار كم يوم قاعد يتكرر

وشنو تاثير زيادة كميات الآجل مع هالشيء؟؟؟

لا يكون هذي لعبة من الإستثمارات الوطنية و تصريف ؟؟؟؟؟

انشاء الله يكون العكس و يكون تجميع و شيء إيجابي للسهم

يا اخوان : بومرزوق - المتدور - الجنتل1 - الريان - boalons - circle

شنو رايكم

ياليت احد من الإخوان المتابعين او المحللين يفيدنا

 

[نوخذه 15]

ايه والله يا اخوان نبى شى واضح ومفهوم من الاخوه محللينه الكبار الاخوه المشرفين والمطلعين على خفايا الامور هذا السهم يبيله دكتور نفسى لانه مو طبيعى الرجاء اللى عنده معلومه بالمخبه الصغيره ولا اللى بالاجناب يطلعها

 

[ChuCky]

بوبيان ب 1,060 2,500 12:29:58
بوبيان ب 1,080 2,500 12:29:56
بوبيان ب 1,080 2,500 12:29:51
بوبيان ب 1,060 25,000 12:29:43
بوبيان ب 1,060 85,000 12:29:42
بوبيان ب 1,060 5,000 12:27:16
بوبيان ب 1,060 5,000 12:27:1
بوبيان ب 1,060 475,000 12:26:21
بوبيان ب 1,080 10,000 12:26:18
بوبيان ب 1,080 2,500 12:25:42


تصريف واضح ! واصادوهم اخر شي على 1060

 

[المتوكل ع الله]

انا بعت اليوم نصف كميتي في السهم بخسارة لأني شاريه على 1220 و ربنا يعوض على ، بعت قبل الصفقة الضخمة التى تمت على 1060 قبيل الاقفال ، و فعلا التصريف فيها واضح جدا اكثر مما ينبغي
فاهمين قصدي ؟ ليه ما تكون هذه الصفقة لأحداث أثر نفسي معين و هو التخويف ثم نهرول لنبيع و بعد ذلك يرتفع السهم ؟؟؟؟؟؟ مجرد احساس و لأن التصريف ما يكون أبدا بهذا الوضوح الا لو مدير هذه المحفظة أو الصندوق الذي باع يبحث عن الفوز بجائزة اغبى مدير محفظة ، أو أن هذه الكمية كانت اخر ما يملك الصندوق فلم يهتم بما يحدث للسهم ، و في هذه الحالة نكون خلصنا منه غير مأسوف عليه (

 

[wazer]

والله كل شي جايز

 

[الدغري]

مع احترامي لجميع الآراء
السهم كاستثمار ممتاز للاستثمار طويل الأجل

لأننا شبعنا من وكالة يقولون لأن المشكلة أن هالسهم لايعترف بأي أخبار وأي تحاليل فنية
وللأسف الشديد إللي يشتغلون عليه ما يبون يطلعونه الحين ... وإذا قرروا يطلعونه راح يرفعونه في الوقت إللي يبونه على مزاجهم من غير ما أحد يدري .

وعلى فكرة نفس الأخبار إللي وصلتكم وصلتني بأن السهم راح يوصل دينار ونص قريبا جدا ولكن موقاعد يصير لأن على قولة أخواننا المصريين "المخرج عاوز كده"

ولكني أتوقع بأن السهم راح يبدأ بالإرتفاع منتصف يناير والله أعلم.

بالتوفيق للجميع

 

[الساحر Q8]

آنا موقاعد أطبل لا سمح الله
ولكن كان عندي واحد أمس بالديوانية ما يهرول عبث مثل ما يقولون
يقول اشتر بوبيان الحين .... والله أعلم

 

[المخيال1]

ارجو ما يكون كلامي صحيح...

السلام عليكم..
انا واحد من الناس اقولها بمراره شريت بوبيان اليوم على سعر 1.060 توقعت هذا اقل سعر يوصله بوبيان لان من مده ما وصل لهذا النزول ...لكن للاسف يمكن شفتوا اخر لحظات شنو صار يمكن اخر دقيقه بالضبط نزل السهم على 1.040!! ..انا خايف اللي قاعد يصير ان السهم رايح تحت من سئ الى اسوء ...ارجو اذا في احد عنده معلومه بالتحليل الفني للاسهم او مصدر قوي يفرح قلوبنا ....الكل يحاتي هالسهم ....ياجماعه بشرونا الله يبشركم لو تقصون علينا...انا ماني مستعيل على السهم بس فعلا ماني عارف تحليله شنو؟؟

 

[نوخذه 15]

يا بن الحلال اصبر لا تحاتى السوق كله نازل لو اهو بس قلنه ممكن فى شى بس السوق كله نازل وانشالله راح يوصل فوق 1300 لكن انت بيعه على 1080 اذا كنت خايف وباجر حط امر بسيطه 1060 ياخوى علبالى فى شى جايد ان ماخذه على 1260 بس وحياتك يا انه او اهم وحاطى 6 اشهر جدام صبر

 

[fmhalhd]

السلام عليكم..
انا واحد من الناس اقولها بمراره شريت بوبيان اليوم على سعر 1.060 توقعت هذا اقل سعر يوصله بوبيان لان من مده ما وصل لهذا النزول ...لكن للاسف يمكن شفتوا اخر لحظات شنو صار يمكن اخر دقيقه بالضبط نزل السهم على 1.040!! ..انا خايف اللي قاعد يصير ان السهم رايح تحت من سئ الى اسوء ...ارجو اذا في احد عنده معلومه بالتحليل الفني للاسهم او مصدر قوي يفرح قلوبنا ....الكل يحاتي هالسهم ....ياجماعه بشرونا الله يبشركم لو تقصون علينا...انا ماني مستعيل على السهم بس فعلا ماني عارف تحليله شنو؟؟

والله اليوم واحد قالي ان بوبيان تمتلك بشركة بترو كيماويات كويتية 10% وان ارباحها كبيره وحصتها من الارباح 20 مليون دينار تقريبا وان موصينه ان ياخذ فيها والله هذا اللي قاله لي اليوم الصبح ووصاني اني مابيع اللي عندي
وانشاء الله انه صاج​

 

[pipes_kse]

اقفالات اخر صفقة على سعر 1040 فلس هي لشراؤه من الاجل بارخص الاسعار, و اللي يشتريه هم اهلها
قريبا جدا جدا جدا جداااااااااااااااااااااااا صعود بوبيان ان شاء الله
انا اشوف السهم لو صعد مبدأيا نقدر نبيع 1.320 فلس ان شاء الله و اللي يصبر فيها 1.500 فلس ان شاء الله
احتفظ بالسهم و لا يقصون عليك و يبوقوا السهم منك