توجه السوق بعد الاجازة ,, إمسك سهمك Hold

[napoli]

السلام عليكم ورحمة الله وبركاته ,,

بما إن الشهر قد إنتهى بالنسبة للمؤشر السعري

الشارت شهري



مثلث متماثل تم إختراقه والهدف 9400 إن شاء الله

تذكر أخي إن الله فقط هو علام الغيوب والسرائر

هذه رؤيتي المتواضعة والله أعلم وليست دعوة للبيع أو الشراء

بالتوفيق لكم جميعا ..

 

[Abdullah7373]

جزاك الله خير والله ايوفق الجميع ويصدق التحليل باذن الله

 

[خالدالاحمد]

الله يجزاك الخير
ملينا من هالسوق الدايخ

 

[ريكاندو]

اي والله ملينا كل اجازه قالو السوق طاير طارة الاجازه وطارة افلوسنا والسوق راوح مكانك

 

[BOAHMAD]

والله يانبّولي السوق كسر بالجميع
من محلّلين لمستثمرين اهل خبره ،، السوق ملوهش امان . ولكن ٢٠١٤ ان شاءالله تكون سنة خير

 

[سلفادور]

السلام عليكم
سوق الكويت قرر انه يغرد خارج السرب
اتوقع والعلم عند الله
عندما تبدا الاسواق العالميه والخليجيه بالتصحيح والنزول
يبدا التغريد العكسي للسوق الكويتي بالصعود

 

[هاوي طبعهم ١]

روح المؤشر فوق 10500 نفطة

 

[المستحيل]

السلام عليكم
سوق الكويت قرر انه يغرد خارج السرب
اتوقع والعلم عند الله
عندما تبدا الاسواق العالميه والخليجيه بالتصحيح والنزول
يبدا التغريد العكسي للسوق الكويتي بالصعود

اسرع سوق بالعالم يعشق النزول

 

[السعد محمد]

للاسف السوق الكويتي

صاير من الاسهم اللي ما فيها خير

لاتصعد مع اسواق العالم وتنزل معاهم

 

[رابح رابح]

السلام عليكم
سوق الكويت قرر انه يغرد خارج السرب
اتوقع والعلم عند الله
عندما تبدا الاسواق العالميه والخليجيه بالتصحيح والنزول
يبدا التغريد العكسي للسوق الكويتي بالصعود

اذا الاسواق صححت تصحيح متواصل وقوي بتشوف سوقنا سابقهم رواسي
السوق نازل ولكن في مؤشرات ايجابيه قويه السنة صار لنا كم سنه ماشفناها
عموما احنا قاعدين بالسوق لان الخروج اخطر من البقاء بالسوق ولكن بشرط البقاء بالاسهم الجيده

 

[السعد محمد]

نشكر تجار الكويت لنزول السوق في العيد الوطني

يقولون الوطنية للفقارا

 

[الدرب الخضر]

الحمدلله يااخوان الامر والتوفيق كله بيد الله جل وعلا
وتفائلوا واستغفروا الله وتوبوا اليه
ًأبشركم ان شاءالله ارتفع السوق او لم يرتفع فهناك شيئ اجره عظيم وهو الصبر
ولاتنسوا قول الله عز وجل((فإن مع العسر يسرا إن مع العسر يسرا))
وأسأل الله ان يوفق كل مسلم ويعوضه أضعاف مايتمنى
وأقول لكل حاسدفي السوق اتق الله في أموال المسلمين

 

[سرور]

سووا مثلي اخذوا الارباح
وحطوا راسكم وناموا

 

[رابح رابح]

صار لي جم يوم اقلب الافكار عن اتجاه السوق واخر شي طلعت فيه ان :
انخفاض السوق غير طبيعي والمنطق يقول السوق لازم يرتفع بالطيب او بالغصب

 

[Shadow123]

ان شاءالله تكون الامور طيبه بعد الاجازه ..

 

[صاعد نازل]

نعم امسك سهمك

بس مو اى سهم

السهم اللى اعلن و محترم حتى لو كان سعره غالى

علشان لا تطوفك الفرصه .

بس يا جماعه نبى نتحاشا الاسهم اللى ممكن تعلن انسحابها ؟!

 

[Bo_3bdullah]

صبحكم الله بالخير
ان شاء الله الامور بتحسن وبيشلع السوق
ترا مجرد احساس لا تحليل ولا شارت بس باذن الله للاحسن
اخوي صاعد شلون نعرف الشركات اللي ممكن تعلن انسحابها

والشكر موصول للجميع .....

 

[صاعد نازل]

صبحكم الله بالخير
ان شاء الله الامور بتحسن وبيشلع السوق
ترا مجرد احساس لا تحليل ولا شارت بس باذن الله للاحسن
اخوي صاعد شلون نعرف الشركات اللي ممكن تعلن انسحابها

والشكر موصول للجميع .....

يا هلا اخوى بوعبدالله

علمى علمك !!

انا مثلك اسأل

 

[الدرب الخضر]

يا هلا اخوى بوعبدالله

علمى علمك !!

انا مثلك اسأل

صبحكم الله بالخير
ان شاء الله الامور بتحسن وبيشلع السوق
ترا مجرد احساس لا تحليل ولا شارت بس باذن الله للاحسن
اخوي صاعد شلون نعرف الشركات اللي ممكن تعلن انسحابها

والشكر موصول للجميع .....

اي شركة تلاحظ عليه تداول ضعيف وبعض الأيام لايتم عليها تداول هذي هي الشركة اللي احتمال انها تنسحب


اما الشركة اللي تداوله يومي وعالي فاستبعد انسحابها
لان مساهمينها كثير وغالباً تكون ذات راس مال كبير حتى وان كانت خسرانه لان تداولها اليومي يعتبر مكسب لها كما ان المساهمين في حال عقد الجمعية العمومية
سيرفض الانسحاب أيضاً لأنجد فيها ملكيات كبيرة اي ان سيتم استحواذ او رفع نسبة الملكية للتحكم بالسهم
بمعنى خلك على الاسهم القيادية او اللي تداولها يومي وعالي حتى وان كانت خسرانه....،،اما القيادية فملكياتها حتى وان كانت كبيرة فهي تحافظ على سمعتها قبل كل شيئ

 

[napoli]

السلام عليكم ورحمة الله وبركاته ,,

شكرا للجميع وجزاكم الله خير ...

اشوف الشباب متشائمين عسى ماشر تفائلوا بالخير تجدوه ،،

مع العلم إن السوق قبل شهور أعطى من 5600 الى 8400 تقريبا !

ليس ذنب السوق إن لم تحسن التصرف وقتها بأسهمك يتبادلك الخوف والطمع ..

لأطمئن الأخوان بإذن الله ودعوة للتفاؤل سأضع شارت يومي يوضح ...

وأحب أن أذكركم بأن سوق الكويت سنة 2007 كان يصعد عكس الاسواق العالمية وقتها ..

في موضوع منفصل إن شاء الله سأضع أفضل الأسهم للشراء قبل أن تطير الطيور بأرزاقها ..