هذا الفيديو لرئيس مجلس الاداره باجتماع الجمعيه العموميه للشركه في شهر مايو .. راقبو من الدقيقه 1:03 حاولوا تدرسون ملامح ويهه تشوفون شكله جذاب مو جذاب ! يمكن يفيدكم باتخاذ قرار البيع والشراء
مبين مرتبك والأرتباك يدل على عدم قناعته هو نفسه بما يقول
انا من تجربتي معه في التداول اقول موضوعه خالص والله يخارجنا با افضل الضروف
اول مره كانت على 26 ونص و26 و25ونص 300 الف سهم ثلاث دفعات بيوم واحد عطاني القاضيه سقف انزل
والي بعده ايضا انزل وتخلصت منه 22 ونص والله العالم انه مو هو الي شراها مني ونزل لا 20 ونص
طبعا فرمة على 21 ونص وارتد لا 25 ونص
نزل ثاني مره لا 20 ونص قلت بنتقم منه ما صدته الا على 21 ونص وتعال شوف صار ما يطلب 22 فلس بتاتا البته طلبها مره وطلب ملايين قلت بيروح لا 23 وابيعه وفا جئه ولا معروض
وهم طلعت منه بخساره نص فلس بسعر 21 فلس
والأخيره على 15 فلس عطاني نص فلس مضمون وانطلب ب 16 فلس لكن مو كميه يجس النبض وقفل 14 ونص
يحسب صح لكن انا اتوقع انه مو المالك الي قاعد يشتغل عليه اتوقع واحد غيره
السهم هذا صار لي فيه موقف ما انساه كان عندي فيه كميه كبيره وكان توه جاي من فوق 100 فلس وكان السقف الأنزل 71 فلس وانعرض فيه وشريت كمية كبيره فيه
وفا جئه ولا عارض فوق 10 ملايين با الأنزل عرضت كل الكميه 73 فلس وكان قدامي 7 ملايين تقريبا وحط فوق 12 مليون با 72
المهم با اخر ثانيه من التداول طق كل المعروض وسكر 73 قلت اخ لو حاطها له با 72 وطالع با الأمر ولا منفذ با 73 والسهم معروض با 73
الموقف مو هنيه الموقف لما فتح السوق يوم الأحد سقف انزل يومين لا 63 فلس
