الشركه الخليجية للإستثمار البترولي ( بتروجلف ) ..... 3

[adel8877]

من كثر الدق على المتداول البسيط اللي كل ما جمع جم دينار قالوا له تعال نخش لك فلوسك عندنا لا تحاتي انت معانا بأمان .
ما صارت تفرق معاه يخسر ويعاند يمكن غدا اجمل .
بس مو بسوق الكويت تجد الجمال .

 

[Navigator]

كتوقع راح يسترجع مستوى ٤٤ بشرط عدم الاغلاق اسفل من ٤١
بالتوفيق

 

[سلفارادو]

«بتروغلف»: حفار جديد

نشر في : 01/03/2016 12:00 AM
">أعلنت الشركة الخليجية للاستثمار البترولي (بتروغلف) عن توقيعها عقدا جديدا لتأجير حفار أرضي في جمهورية مصر العربية بداية من 18 مارس المقبل بقيمة اجمالية 765 الف دولار اميركي لمدة ستة شهور قابلة للتجديد.
وصرح براء الجناعي رئيس مجلس إدارة الشركة الخليجية للاستثمار البترولي (بتروغلف)، بان توقيع العقد الجديد هو نتاج طبيعي للجهود التي بذلتها الإدارة خلال الفترة الماضية من عملية إعادة هيكلة شاملة لكل أنشطة الشركة على المستويين المالي والإداري.
وكشف الجناعي ان تراجع اسعار النفط خلال الفترة الماضية شكل ضغوطاً كبيرة على كل شركات النفط على مستوى العالم، ولكن مرونة نموذج الأعمال المتبع حالياً في بتروغلف سهل على الشركة استيعاب اثار الصدمة في اسواق النفط، واضاف ان تلك الفترة اتاحت لنا فسحة من الوقت للقيام بعملية صيانة شاملة لكل الحفارات الأرضية بما يضمن استمرارية اعمالها خلال المرحلة المقبلة.
واضاف ان العقد الجديد يعتبر اضافة كبيرة ليس في قيمته ولكن في قدرة الشركة على التنويع في طبيعة العملاء ونوعياتهم، وهو ما يسهل كثيراً في فتح آفاق عملية على المدى الطويل.​

 

[نصوح]

خل الواحد يكون صاق مع نفسه ويواجه الحقيقة
خسائرهم للربع الثالث وايد كبيرة شلون راح يطفونها ..؟؟
هل من فلوس الزيادة ولا من فلوس العقود القديمة ؟؟؟؟

 

[سلفارادو]

اول مرة اشوف شركة تفوز بمناقصة تنزل ... من ردى الحظ

 

[ابومحمد 1920]

شروا قبل الاعلان وصرفوا على الاعلان لان عندهم خبر هذى الشفافيه

 

[يوسف خالد]

مبروك عقد جديد

 

[mutadawil_22]

مبروك عقد جديد

اخوي العقد قديم بتاريخ ٢٨ فبراير ارجع جم صفحه وتأكد بنفسك

 

[يوسف خالد]

اخوي العقد قديم بتاريخ ٢٨ فبراير ارجع جم صفحه وتأكد بنفسك

مجلة غلوبل ناشرتها اليوم وانا بصراحة ما تابعت الصفحة
http://www.global-mag.com/?p=2291

 

[saad44]

كم تتوقعون نتائج الاجتماع اليوم

 

[navy_q8]

خسائر أكثر من ال ٣ أرباع مجرد إحساس. وإن شاء الله يخيب ظني

 

[saad44]

شنهو صار على الاجتماع

 

[Cigar_70]

كواليس الجمبزه البورصويه

عندهم استكشاف نفطي ضخم

وعندهم عقد زوييييين

عاد مدى صحة الاخبار ماادري يمكن يبون يدزونكم الجمعيه حفاااي

بس اذا صح ابي من كل واحد كود زبيدي كويتي وابي سلة ربيان نعيره كويتي

بس ماني طماع

قلنا نحرك الصفحه بالجمبزة عن الهواش

 

[المشنص99]

الشركه عندها خمس حفارات واحد بحري وقديم ومتهالك والباجي صغار تتوقعون لو يختربون الحفارات تقدر الشركه تصلحهم والقطع الميكانيكية مو زين تتوقف فتره طويله راح تخترب

 

[Cigar_70]

لا عاد مو جذي السالفه تنقط بالمنتديات اخييييي .... السيارات فيها تأمين

هل تعتقد هذيل حفارات مافيهم تأمين لالا مستحيل

اصلا اتوقع الصيانه خاصة الشركات اللي تتعامل مع الحفر من شروط المناقصه لازم تكون صالحه للاستعمال لمدة العقد

اهيا مو سياره تقدر اتقطها اي كراج

حبيبي هذيل شركات يفللونها ويبيعونها سكراب

 

[ابو فلاح 3737]

طولت السالفه يابترو

 

[العبدلـــي]

طولت السالفه يابترو

بو فلاح

احذر من سهم

لا تتعاطف معاه

وخل عندك وقف خساره

كلامي ليس ترهيب

انت في بورصة الكويت

كل شي جايز فيها حتي

صار صناع سوق

يستمتعون بتكسير صغار المتداولين

 

[ابو فلاح 3737]

بو فلاح

احذر من سهم

لا تتعاطف معاه

وخل عندك وقف خساره

كلامي ليس ترهيب

انت في بورصة الكويت

كل شي جايز فيها حتي

صار صناع سوق

يستمتعون بتكسير صغار المتداولين

ياليت تحلل السهم اخوي العبدلي

 

[العبدلـــي]

ياليت تحلل السهم اخوي العبدلي

نظرتي للسهم

لم يعطي اي اشارة دخول

الا اقفال فوق ٤٣.٥

والحين سهم عنده نقطه مهمه

٤٠ يجب المحافظه عليها

ولا راح يودينا للقاع السابق

٣٥.٥

والله يوفق ملاك سهم

 

[كلك نظر]

الزلزلة مايدش بسهم الا ويجيب فيه العيد من جميع النواحي يدش على الشركة وهي بهدومها ويطلع منها مفصخة تفصخ !!