@@@ ديوانية المؤشرنت الاقتصادية @@@

[سرور]

اليوم وصل المؤشر 7370 نقطة
وهذا شيء جدا ايجابي
واذا عدى 7385 على كلام المحللين
فأمورنا راح تكون طيبة وفيه صعود حقيقي ..
والله أعلم

 

[Now]

السلام عليكم جميعا واسعد الله اوقاتكم بكل خير

السوق صارله جم يوم اخضر .. راضين علينا الجماعة والا شنو ؟

عندي 3 نقاط حبيت اوضحهم:
الاولى: خلونا نتابع ردة فعل السوق باجر عقب الخبر اللي طلع اليوم على رئيس الوزرا
الثانية: اتفق جميع المحللين .. الجميع .. ان السوق ماشي على نموذج وتد هابط .. هل نعتبرها بداية الضربة القاضية للمحللين في المرحلة القادمة؟ ام ان النموذج المرسوم وتد هابط حقيقي؟
الثالثة: جاري كتابته وهي ملاحظة بسيطة بتكون بالدوانية والمدونة .. وبتخليكم تبتسمون .. بعطيكم hint صغير: جاي الوزة !

 

[Now]

ادري شي يضحك

شنو علاقة جاي الوزة بالسوق؟
وشنو علاقة جاي الوزة بالصفحة الاقتصادية بالقبس؟
وشمعنى جاي الوزة اهو الاعلان الوحيد اللي ماله علاقة بالبورصة موجود بهالايام بالذات؟
وليش تحرك السوق مع وجود هالاعلان؟

اسئلة غريبة .. موضوع غريب جدا
نظرية المؤامرة؟
يمكن !!

نصيحة لكل قارئ للصحف المحلية .. خصوصا الوطن والقبس .. اقرأ ما بين السطور .. ولا تقرأ الخبر
!!​

 

[صقر2010]

االأمور ان شاء الله طيبه

وبالنسبه لي ناطر صفحة القرش(( السوق دخول والأجر على الله))

 

[رابح رابح]

االأمور ان شاء الله طيبه

وبالنسبه لي ناطر صفحة القرش(( السوق دخول والأجر على الله))

ذكرتني ياصقر : الدين ممنوع والعتب مرفوع
والرزق على الله

 

[رابح رابح]

ادري شي يضحك

شنو علاقة جاي الوزة بالسوق؟
وشنو علاقة جاي الوزة بالصفحة الاقتصادية بالقبس؟
وشمعنى جاي الوزة اهو الاعلان الوحيد اللي ماله علاقة بالبورصة موجود بهالايام بالذات؟
وليش تحرك السوق مع وجود هالاعلان؟
اسئلة غريبة .. موضوع غريب جدا
نظرية المؤامرة؟
يمكن !!

مشاهدة المرفق 225751

نصيحة لكل قارئ للصحف المحلية .. خصوصا الوطن والقبس .. اقرأ ما بين السطور .. ولا تقرأ الخبر
!!​

حيالله الزعيم الغايب تلومني اذا فقدتك
ماشاء الله عليك بوعادل
- يا انك قاعد تسوي دعاية حق شاي الوزه
-او ان تفكيرك عبقري هاي لڤل وانا اشوف انك ذكي جدا

ملاحظتك سوبر ملاحظة
اشرايك بكمية تداول سهم انجازات امس 6.6 مليون سهم

 

[Now]

حيالله الزعيم الغايب تلومني اذا فقدتك
ماشاء الله عليك بوعادل
- يا انك قاعد تسوي دعاية حق شاي الوزه
-او ان تفكيرك عبقري هاي لڤل وانا اشوف انك ذكي جدا

ملاحظتك سوبر ملاحظة
اشرايك بكمية تداول سهم انجازات امس 6.6 مليون سهم

الله يحيييييك .. هلا بوخالد ما تفقد عزيز ان شاء الله

لالا .. قاعد اسوي دعاية حق جاي الوزة .. ترقب دعاية ستاربكس .. شعارهم لونه اخضر وراح اخلي الاعلان طول السنة بالصفحة الاقتصادية

سهم انجازات والكمية اللي عليه شي جميل جدا .. المهم لا يصك تحت 76 .. وخله يطوف 84 يصير خوووش سهم

 

[Now]

االأمور ان شاء الله طيبه

وبالنسبه لي ناطر صفحة القرش(( السوق دخول والأجر على الله))

والله يا اخوي صقر احنا دايما متفائلين .. لكن السوق يقولك خل قلبك برة وادخل .. العاطفة ممنوعة بالسوق

واخونا القرش من خيرة المحللين .. اشك ان اهو صانع السوق

 

[سرور]

السلام عليكم جميعا واسعد الله اوقاتكم بكل خير

السوق صارله جم يوم اخضر .. راضين علينا الجماعة والا شنو ؟

عندي 3 نقاط حبيت اوضحهم:
الاولى: خلونا نتابع ردة فعل السوق باجر عقب الخبر اللي طلع اليوم على رئيس الوزرا
الثانية: اتفق جميع المحللين .. الجميع .. ان السوق ماشي على نموذج وتد هابط .. هل نعتبرها بداية الضربة القاضية للمحللين في المرحلة القادمة؟ ام ان النموذج المرسوم وتد هابط حقيقي؟
الثالثة: جاري كتابته وهي ملاحظة بسيطة بتكون بالدوانية والمدونة .. وبتخليكم تبتسمون .. بعطيكم hint صغير: جاي الوزة !

تصدق أن قلبي ناقزني
عندي كاش .. بس ماني راضي أدش
السوق خلانا حذرين زيادة عن اللزوم

 

[Now]

تصدق أن قلبي ناقزني
عندي كاش .. بس ماني راضي أدش
السوق خلانا حذرين زيادة عن اللزوم

عدل شغلك .. والحذر المفروض حاضر على طول .. بالصعود او النزول

انا قاعد افكر اطلع مع هالارتداد وبنطر شوي

 

[سرور]

عدل شغلك .. والحذر المفروض حاضر على طول .. بالصعود او النزول

انا قاعد افكر اطلع مع هالارتداد وبنطر شوي

راعي النصيفة سالم
بالتوفيق

 

[Now]

اشوف حركة ايجابية للمؤشر الوزني وكويت 15 .. قطاع البنوك هو القائد كالعادة

الوطني
بيتك
الاهلي
بنك بوبيان
بنك الخليج

 

[سرور]

اشوف حركة ايجابية للمؤشر الوزني وكويت 15 .. قطاع البنوك هو القائد كالعادة

الوطني
بيتك
الاهلي
بنك بوبيان
بنك الخليج

لاتنس بنك برقان هواللي رفع السيولة اليوم

 

[Now]

المؤشر الوزني لقطاع الخدمات المالية جميل .. ابحث عن الشركات اللي لها "وزن" في هالقطاع !

 

[Now]

لاتنس بنك برقان هواللي رفع السيولة اليوم

للأسف بالرغم من السيولة اللي عليه الا ان مؤشراته سلبية مبدئيا .. كسر 550 يأكد السلبية .. اختراق 570 لنا كلام ثاني

 

[سرور]

صباح الخير على الجميع
ننتظر الساعة 9.30 موعد الاقلاع
كل يوم هذا موعدهم تزيد السيولة
الحين قاعد يسخن

 

[سرور]

السيولة جيدة للحين 6ملايين دينار تقريبا لأول نص ساعة

 

[سرور]

سوق ماصلي ..
جاتني ضربة من تحت الحزام ..
السبب أكيد تعرفونه .. هو الوحيد1974
قال السوق بيصعد .. بيصعد

 

[قاروه]

السلام عليكم جميعا واسعد الله اوقاتكم بكل خير

السوق صارله جم يوم اخضر .. راضين علينا الجماعة والا شنو ؟

عندي 3 نقاط حبيت اوضحهم:
الاولى: خلونا نتابع ردة فعل السوق باجر عقب الخبر اللي طلع اليوم على رئيس الوزرا
الثانية: اتفق جميع المحللين .. الجميع .. ان السوق ماشي على نموذج وتد هابط .. هل نعتبرها بداية الضربة القاضية للمحللين في المرحلة القادمة؟ ام ان النموذج المرسوم وتد هابط حقيقي؟
الثالثة: جاري كتابته وهي ملاحظة بسيطة بتكون بالدوانية والمدونة .. وبتخليكم تبتسمون .. بعطيكم hint صغير: جاي الوزة !

عليكم السلام ورحمة الله
حيالله الغالي بوعادل
اخيي منتصف السنه الماضيه او اخرها كثرت مقوله ماراح تشوفون سهم تحت ال ١٠٠ فلس
واغلب هالكلام كان من التويتريه وحاليا ربع السوق تحت ال ٥٠ فلس ، بالنسبه لي متابعتهم ومخالفة ما يغردون به هو المكسب ناهيك عن عدم الاخذ بتحاليلهم
كأنك تقرا افكاري للنقطه الثانيه

ادري شي يضحك

شنو علاقة جاي الوزة بالسوق؟
وشنو علاقة جاي الوزة بالصفحة الاقتصادية بالقبس؟
وشمعنى جاي الوزة اهو الاعلان الوحيد اللي ماله علاقة بالبورصة موجود بهالايام بالذات؟
وليش تحرك السوق مع وجود هالاعلان؟
اسئلة غريبة .. موضوع غريب جدا
نظرية المؤامرة؟
يمكن !!

مشاهدة المرفق 225751

نصيحة لكل قارئ للصحف المحلية .. خصوصا الوطن والقبس .. اقرأ ما بين السطور .. ولا تقرأ الخبر
!!​

بالعكس بوعادل مو غريب اولا تبارك الرحمن على ملاحظتك وسرعة بديهتك مايهندسها الا مهندسينها
اذا كان اكثر من لاعب حقيقي لابد الاتفاق فيما بينهم وصعبه حاليا بتطور التكنولوجيا من تصوير الرسائل او
تسجيل الحديث وخلافه ،، يكون اعلان بسيط وبعيد الشك عن جميع ماذكر ويتم الاتفاق على طبيعة الإعلان وسلامتك وان كانت حقيقة ففعلا اهنييهم على مستوى تفكيرهم
وانا مع نظرية المؤامره

 

[Now]

سوق ماصلي ..
جاتني ضربة من تحت الحزام ..
السبب أكيد تعرفونه .. هو الوحيد1974
قال السوق بيصعد .. بيصعد

افاااااا .. وين كلامنا امس ان السوق تو الناس عليه .. قص عليك الوحيد بهالسهولة