نبيع والا لا ؟؟؟

[الطائي]

شرايكم أبي شوركم بمجوعة المخازن وطنية وسلطان شاري باسعار غالية ومن زمان ماسكهم وهم شوفتكم راح نص الحلال فيهم ابيع والا لا ؟؟؟
الي ينصحني الله يخليه بضمير واذا عنده معلومه عنهم يقول ..
ومن غشنا ليس منا ..

 

[basmman]

شرايكم أبي شوركم بمجوعة المخازن وطنية وسلطان شاري باسعار غالية ومن زمان ماسكهم وهم شوفتكم راح نص الحلال فيهم ابيع والا لا ؟؟؟
الي ينصحني الله يخليه بضمير واذا عنده معلومه عنهم يقول ..
ومن غشنا ليس منا ..

ما دامك صابر كل هالمدة أخوي اصبر لي نهاية السنة.....والله انشاء يرزقك وطمن قلبك.....اصبر وأنا أخوك....وانت كيفك

أخوك بوعبدالمحسن

 

[الزايرالفيلكاوي]

والله ياخوك اكلنا المقلب وشربنا فوقه قلاص ماي من حوالي
5شهور وبالعينها وساكتين شرايك تبلعها ويانا ويمكن يصير
شي قبل الجمعيه العموميه ( يمكن ) لان تبي الصراحه كل
هالعقود والناقصات مافادت معاها .............. اصبر !!!!!!!!!!!!
ان الله مع الصابرين والله ياخوك انا مابعت خايف اتحسف
نص راس المال راح وقاعد نطالع السوق يرتفع واسهمنا نازله
وعسى الله يوفقك ياخوي ...................................

 

[apollo]

انا واحد من الناس شريت اللبنانيه 870 وبعتها 1040 والحمد لله
أولا لأني اقتنعت بالربح
وثانيا لأني شعرت انه سهم مو تكانه
عموما من صبر ظفر وما بعد الضيق الا الفرج والفرج قرب باذن الله

 

[سهم استثماري]

شرايكم أبي شوركم بمجوعة المخازن وطنية وسلطان شاري باسعار غالية ومن زمان ماسكهم وهم شوفتكم راح نص الحلال فيهم ابيع والا لا ؟؟؟
الي ينصحني الله يخليه بضمير واذا عنده معلومه عنهم يقول ..
ومن غشنا ليس منا ..

خلنا نتكلم عن قائدة المجموعة " المخازن " لأن توابعها يتفاعلون معاها بشكل طردي

المخازن ما يختلف عليها اثنين انها من افضل الشركات بالسوق ... تابع اعلانات الأرباح هالسنة :

الربع الأول ( الارباح :33,511 مليون دينار ___ ربحية السهم 55,21 فلس )
الربع الثاني(الأرباح :72,080 مليون دينار ____ ربحية السهم 117,93 فلس )
الربع الثالث( الأرباح:111,649 مليون دينار ___ ربحية السهم 176,86 فلس )

لاحظ النمو بالأرباح وانت احكم

 

[بومرزوق]

الصبر مفتاح الفرج ​

 

[الميموني]

باعتقادي ان المخازن والوطنيه وسلطان

طريق ارتفاعهم وصعودهم قادم وجميعنا نعلم ذلك ولكن المشكله في أننا نرى فرص ممتازه في السوق خلال فترة الست شهور السابقه التي مسكنا فيها السهم في انتظار صعوده والطيور طارت بأرزاقها ونحن لازلنا ننتظر الفرج .. وأما مايجعلنا ننتظر الفرج فهو التالي...

المخازن ..........انتظار أرباح الربع الرابع والتي يفترض أن لاتقل مع مجموع الأرباح عن 400 وأما وان حصل غير ذلك فاسمحولي ياجناعات بانكم ثبتم على أنفسكم انكم...........وانشالله هالشي مايصير..

الوطنيه........... يقال أنها تعرضت بالفتره السابقه لضغط لم يتعرض له أي سهم بسوق البورصه والأمل المنتظر هو في ادراجه في بورصه دبي عن قريب وحصوله على أرباح25 % بالربع الرابع من المخازن غير أرباحه الخاصه فيه.

سلطان.......... قنبله عمر باشا افندي بيه نحن بانتظارها على أشد من الجمر وبانتظار مايترتب عليها من قرارات لمجلس ادارة سلطان وذلك بزيادة راس المال 100% .وهو مايتردد حاليا. مماسيؤدي لارتفاع السهم لأسعار جديدة ..
وأيضا بانتظار الاعلان عن العقد و اللي طول مع الحكومه العراقيه..
............................................................................................
نتأمل أن يتحقق كل ماذكر عن قريب وتنجلي الآثار النفسيه التي أصابه المستثمرين بأسهم كل ماهو جناعي وأنا منهم ونتأمل بالله الخير عن قريب.

ملاحظه..
كل ماذكر أعلاه آراء شخصيه تحتمل الصواب والخطأ

 

[بوتركي111]

السلام عليكم

اخوي الطائي

الصبر مفتاح الفرج.......... وانت بما انك صبرت هالفتره بامكانك ان تصبر فتره بسيطه بعد.

علي فكره انا ما عندي الا اللبنانيه وناسيها..........عموما المخازن مايختلف عليها اثنين وفي اخبار حلوه انشالله جايه بالطريج حق المخازن.... والوطنيه وسلطان متعلقين فيها وانت عارف هالشي.
ثق تماما اي خبر يفرحك ويفرح الاخوان راح ابلغك فيه. تامل خير

 

[SpeciaL 1]

أضم صوتي للأخوان

أخوي دامك صبرت كل هالمده..
فأضم صوتي مع الأخوان إنك تصبر..
واضح إنك ماتضارب..
ولو تقدر تضارب وتعوض أقول لك بيع واستفيد من مكان ثاني..
أكبر غلط إنك عقب ماتخسر وايد تبيع..
المفروض تكون حاط لك حد للخساره وبعدها تطلع..
لكن دام هذا وضعك اصبر..
وترى صبرنا سنتين وغيرنا أكثر.. والحمدلله قاعدين نعوض..
الله يكون بعونك.

 

[الطائي]

الله يرحم والديكم وجزاكم الله خير الجزاء وهذه الهقوه فيكم ياعيال الحمايل وعسى الجناعات يلتفتون حق أسهمهم ويفتكون من دعاوي المسلمين عليهم ...
اللهم أغني أخواني في المنتدى وأكفهم شر الحاسدين وسهل أمر كل من نصحني.

 

[الشورى خالد]

شرايكم أبي شوركم بمجوعة المخازن وطنية وسلطان شاري باسعار غالية ومن زمان ماسكهم وهم شوفتكم راح نص الحلال فيهم ابيع والا لا ؟؟؟
الي ينصحني الله يخليه بضمير واذا عنده معلومه عنهم يقول ..
ومن غشنا ليس منا ..

السلام عليكم الاخ العزيز لا اعلم شي عن هذا السهم ولكن هناك شخص في احدى المنتدبات ماشاء الله وصى على تمويل خليجي يوم كان 880قلس وشوفت عينك بفترة كانت قليلة وصل 1260 مع اني ما شريت ووصى على تعمير يوم كانت 380تقريبا وشوف كم اليوم بزمن قصير والتوصية الحالية وطنية عقارية يقول فيها 25% تقريبا والعلم عند الله ونشوف النتيجة

 

[الطائي]

السلام عليكم الاخ العزيز لا اعلم شي عن هذا السهم ولكن هناك شخص في احدى المنتدبات ماشاء الله وصى على تمويل خليجي يوم كان 880قلس وشوفت عينك بفترة كانت قليلة وصل 1260 مع اني ما شريت ووصى على تعمير يوم كانت 380تقريبا وشوف كم اليوم بزمن قصير والتوصية الحالية وطنية عقارية يقول فيها 25% تقريبا والعلم عند الله ونشوف النتيجة

مشكور أخوي وكثر الله أمثالك

 

[Fayez]

ياليتك بايع الاسبوع اللي فات ومضارب عليهم انا سويت نفس النظام والحمدلله قربت الفجوة اللي بينهم ... على العموم كل الكلام اللي قالوه الاخوان صحيح كمل صبرك لنهاية السنة .. واذا النفسية حيل تعبانه بيع جزء ودش على جرانـــــــــد ترى فيها طلعه قريبة
والقرار قرارك دون تحمل مسئولية