السلام عليكم
لا ياخوي ترى الشربيني خوش ريال ومافي منه .... العيب فينا عطانا خير وماقصر بس احنا رفسنا النعمة والغلط فينا .
سواء الشربيني او صانع السوق او المحافظ والصناديق مو فاتحين سبيل . هناك اصول وطرق معينة وامور ما نعرفها وعوامل محلية وعالمية وضغوط كثيرة ودورهم وارتباطهم مع المحافظ والصناديق الاخرى وتعاونهم مع الفعاليات الاقتصادية . الحركة اليومية والاسبوعية والشهرية وارتفاع ونزول المؤشر عملية دورية بين المجاميع .
لاتخاف اخوي altamimi الشربيني راح يعطيك وراح يفرحنا جميعا ولا تستعجل لان السهم صعد بشكل كبير ولازم يوقف ويؤسس ويعمل عملية غربلة وينزل ركاب ويركب ركاب جدد .. ما يصير السهم يطير و يرتفع انطر وشوف كلمة الشربيني ... ( اتصدق احسن منهم كلهم ) على الاقل معطينا فرصة اللي يبي يطلع يطلع شنو نبي بعد وصعد لنا السهم من تحت 100 فلس الى 200 فلس يعني 100 % ربح خلال اقل من شهر ... ولا بعد عطانا 150 % .......
