الشركة الكويتية للكيبل التلفزيوني ش.م.ك ( ك تلفزيوني ) .

[nabeels8]

السهم هذا نجم 2004 النصف الاول بالتدهور,لكنه الى الان سهم للمضاربه واتفق معاك ممكن يروح الى 400 بس هم ممكن يروح اقل ,بالنسبه لى اذا نزل الى 200 فلس افكر اشتريه :d

بوعنتر ترى السوق ما عنده سهم قوي
مثل المصالح والمشاريع والأسماك والصناعات المتحده وإلى....................ألخ

 

[بوعنتر]

عزيزي عزوز 25 اقفال الانابيب 2003 هو 920 فلس اما سعر اليوم الانابيب 860 هبووط 60 فلس فقط خلال النصف الاول لعام 2004
اما الكيبل التلفزيوني فاقفال 2003 هو 560 فلس اما سعر اليوم فهو 310 فلوس
هبوط 250 فلس
الفرق واضح

عزيزي نبيل 8
اتفق معك السوق مافيه كبير او صغير ولكن هذا السهم سهم مضاربي ومضاربي هذا السهم من اكثر مضاربي السوق شراسه وغالبا ماتجد هذا السهم متصدر الهبوط او احيان اخرى متصدر الاسهم صعودا

 

[nabeels8]

بوعنتر
عطنى سهم من الأسهم الكويتيه ما فيها مضاربه شرسه حتى البنك الوطني ماسلم من 1440 إلى 1100

 

[بوعنتر]

عزيزي نبيبل البنك الوطني ماتشوفه اكثر من يوم بالحد الاقصى من غير سبب وايضا بالحد الادني من غير سبب اما الكيبل فأكثر من يوم بالحد الاعلى دون سبب وبعدها بالحد الادني دون سبب وحركه السهم بكل بساطه بالحد لاعلى او بالحد الادني اما الوطني بالكاد تراه يتحرك وحده واحده هبوطا او صعودا
وهناك امثله كثيره غير الوطني قطاع البنوك بشكل عام اضافه الى الصناعات الوطنيه نادرا ماتتحرك هذه الاسهم بالحد الادني او الاعلى لاكثر من يوم دون سبب .ومشاهده سريعه لشارت الكيبل فى الاشهر السابقه ترى مقدار التفاوت بالسعر هبوطا ونزولا بشكل حاد.

 

[nabeels8]

يا جماعه تراه رايح بأذن الله 400 فلس وأخبار أكيده

 

[nabeels8]

السهم هذا نجم 2004 النصف الاول بالتدهور,لكنه الى الان سهم للمضاربه واتفق معاك ممكن يروح الى 400 بس هم ممكن يروح اقل ,بالنسبه لى اذا نزل الى 200 فلس افكر اشتريه :d

شرايك يا بوعنتلر اليوم أول التعليقه ورايح ودربه خضر

 

[بوعنتر]

عزيزي nabeels8
كنت متفق معك ان السهم ممكن يوصل 400 لانه سهمم مضاربي والتعليقه هذي ماهي اول مره لو فى احصائيه اعتقد انه نجمها السهم هذا من كثر تعليقاته فوق او تحت
ولو احد يرفق الشارت راح يشوف انه السهم هذا يافوق ياتحت وهذا يدل على شراسه المضاربين
ملاحظه :كميه التداول الكبيره اليوم تدل على انه فى تدوير للسهم لانه الكميه هذي بيد ملاك السهم

 

[بوعنتر]

على سبيل المثال ما تطرقت له السياسة سواء في سهم الكيبل التلفزيوني او سهم شركة المباني. وقال ان هذين السهمين من اكثر الاسهم المرشحة للمزيد من الصعود فبالنسبة لسهم الكيبل التلفزيوني سيبقى هذا السهم محل تجميع وترقب المتداولين حتى الاعلان عن البث الرسمي للشركة في الاسبوع الاول من الشهر المقبل وبالنسبة لشركة المباني فان تحويل اراضيها في السالمية الى تجاري رغم عدم اعلان الشركة عن ذلك رسمياً سيجعلها ايضا محط انظار المتداولين والمراقبين لفترة طويلة

منقول من جريده السياسه

اذا عرف السبب بطل العجب اذا كان الكلام هذا صحيح فالشركه الى 500 فلس بعد مو بس 400

 

[nabeels8]

بوعنتر
أشوف الكلام تغير رغم إنك كنت تقول إنه مضاربات وألحين تتوقع إن السهم يمكن رايح 500فلس الله يكون في عونك على عدم الثبات عند كلامك

 

[بوعنتر]

شكرا يا الأخ المهذب
أتمنى منك أن تنصحني لأني شريت 50ألف سهم خرسانه بقيمة 530 ما السعر المناسب للبيع والتوقع للسعر حسب خبرتك
مع الشكر

عزيزيnabeels8
اولا :ليش مادشيت على السهم هذا بدل الخرسانه طالما انت واثق من كلامك
ثانيا اسئل اي واحد بالسوق يقولك السهم هذا للمضاربه فقط وصارله 5 سنوات بالسوق فقط للمضاربه وعلى فكره السهم قبل اقل من شهر سعره 400 ونزل 300 وكان قبلها 500 ورد نزل 300 واتحدى اي واحد يعطيني سبب للنزول او الهبوط غير شغل مضاربات.
ثالثا :انا ماقتلك انه ماراح يروح 400 قتلك عادي يروح 400 ويروح اقل .لانه سهم مضاربي بحت
رابعا :الكلام هذا منقول من جريده وكلام الجرايد وايد وللحين ماكو شي رسمي
وخامسا :تمنياتي بالتوفيق للجميع

 

[nabeels8]

السهم هذا نجم 2004 النصف الاول بالتدهور,لكنه الى الان سهم للمضاربه واتفق معاك ممكن يروح الى 400 بس هم ممكن يروح اقل ,بالنسبه لى اذا نزل الى 200 فلس افكر اشتريه :d

يا بوعنتر
أنت الظاهر تناقض روحك لأني لمن ألحين أنا محتفظ بالكيبل وأنا إشتريت الخرسانه وبعدين أنت تقول مضاربات وألحين تقول كلام جرايد أنت إنسان يبلك دوره عندنا بشركة زمرده

 

[بوعنتر]

عزيزي الكلام هذا مو يايبه من عندي هذا تقرير نشر بجريده القبس للشال وفيه اكثر الشركات ارتفاعا بالسعر واكثرها هبوطا وكان الاكثر هبوطا الكيبل .انا مايبت شي من مخباي ياعزيزي
وبعدين ياعزيزي مافى اعلان رسمي من الشركه بموعد بدء التشغيل
والله الموفق

 

[jreea]

ياااااااااااجماعه

ياجماعه الاختلاف بالرأي لا يفسد بالود قضيه ،

الاخ / nabeels8 عطانا خبر حلو عن الكيبل وصدق فيه ويعطيه العافيه على الاخبار الطيبه .

الاخ / بوعنتر عقب على كلام nabeels8 وهاذي مافيها شيئ ، لأنه هم اهو عند رأي بهذا السهم .
من الملاحظ ان اثنيكم خايفين على مصلحه الاعضاء ، مشكورين اثنيكم وجزاكم الله خير ، وعسى الله ان يرزقكم بالرزق الحلال .

 

[nabeels8]

الكيبل التلفزيوني

يا جماعه أنا قلت من إسبوع إن الكيبل رايح إلى 400فلس وكان وقتها 305
بس ألحين يا جماعه ما زال الشخص الذي قال لي أشتر يقول أشتر ولا تخاف راح يودنه إلى 700 لأن السهم بعد تخفيض الراس المال إلى النص فأرجوا منكم نصيحه هل تتوقعون صعود السهم وهل خبر تشغيل الشركه وهل ممكن أن يكون بقوة سينما الكويتيه

 

[شراره]

أنا بالنسبه لي شاري على سعر 300 فلس والحمد الله أنا راضي بالسعر اللي وصله ألحين وأخاف ينطبق علي المثل من طمع طبع

والله يرزق اللي راح يشتريهم من بعدي ،،،
حطو طلبكم باجر عند 450 وأنشاء الله أنا راح أعرض 80 ألف بهذا السعر

وإلى صيده أخري أنشاء الله

 

[شراره]

على فكره ياشباب حطوووووووو بالكم على هال السهم لمه يرتد تري هم بعد تقدرون أطلعون من وراه خبزه مثل أجيال لمه أرتد من 750 إلى 550 وبعدين أرتد بقوه إلى أن وصل 690

ترقبوووو السهم عند الارتداد

والله يرزق الجميع

 

[bu3zoz]

طلب وزارة الطاقة من لجنة المناقصات المركزية ترسية المناقصة الخاصة بتوريد وتركيب كيبلات ضغط منخفض مختلف لشبكات التوزيع الكهربائية على ( شركة الخليج للكيبلات) ثاني اقل اسعاروفي حال ترسية المناقصة على الشركة تكون قد حصلت شركة الكيبلات على عقود قيمتها 10.4 ملايين دينار هذا الاسبوعالمصدر جريدة القبس في 13/7/2004 .

أختي شركة الخليج للكيبلات تختلف اختلاف كلي عن الكيبل التلفزيوني

وايد ناس عبالهم بيض الخعفق مثل فرخ الخعنفق انتي الحين لمن اتين حق بيض الخعفق عبالج نفس فرخ الخعنفق لايبا في اختلاف واضح

 

[امل الكويت]

أختي شركة الخليج للكيبلات تختلف اختلاف كلي عن الكيبل التلفزيوني

وايد ناس عبالهم بيض الخعفق مثل فرخ الخعنفق انتي الحين لمن اتين حق بيض الخعفق عبالج نفس فرخ الخعنفق لايبا في اختلاف واضح

ويييييييييييييييي انا حسبالي نفس الشي ههههههههههههه طلع بيض الخعفق غير فرخ الخعنفق

 

[nabeels8]

ويييييييييييييييي انا حسبالي نفس الشي ههههههههههههه طلع بيض الخعفق غير فرخ الخعنفق :d

أمل الكويت عادي الأخطاء تحصل بس يا جماعه لحد يجرب عند الكيبل التلفزيوني تراه نازل إلى 340 وأشتروا لمن يوصل بهالسعر

 

[bobader77]

الكيبل التلفزيوني

السلام عليكم ورحمة الله وبركاته

هذه أول مشاركه لي في المنتدى، وأرجو انها تكون مفيده، انا حبيت أساهم وياكم في المنتدى عن المعلومات اللي عندي و إهي عباره عن اجتهادات شخصيه فأرجو العذر إذا كنت غلطان، بالنسبه حق الكيبل التلفزيوني انا متابعه من أكثر من سنة ونصف ، وحاط احتمالي ان ضربة السهم في التشغيل ولكن خونت فينا الشركه العام الماضي وهذا سبب انهيار السهم من فوق 600 الى 300 فلس، ولكن مع اجتماع الجمعيه العموميه وتغيير مراكز مجلس الادراه (والعلم عند الله ) جانهم صاجين فأعتقد وبناء على تصريحات وائل جاسم الصقر اللي قال ان راح يكون التشغيل بعد شهرين والمفروض ان هالشهرين راح ايكون خالصين الاسبوع الياي، فخلوا عيونكم على السهم خلال الفتره اليايه وترا هامش الربح فيهم خلال الاسبوع اللي طاف كان وايد حلو وانا اتكلم عن اللي ايحبون ايضاربون فيه. بس يبيله مثل ما يقول المثل المصري ( الرزق ايحب الخفيه) يعني اذا صار تحت 350 يستاهل انك تاخذه واذا ضرب السهم ضرب ضربه قويه وهامش ربح حلو بس خلك متفق ويا الدلال لا يخون فيك