السلام عليكم

[kuwaity9]

السلام عليكم

الى اخواني ملاك الاسهم لبورصه الكويت

انا عندى راس مال بسيط وودي اشتري فيهم اسهم

بما انه الوضع في ازمه ونيه الشراء الاستثمار

شنو تنصحونى او توجهوني اشتري اسهم وشركة لها مستقبل

وشكرا لكل تعاون معي في الموضوع

 

[سالم علي علي]

نصيحه انطر الاستقرار يعني الاوضاع تهداا

 

[المقاتل]

اشتر راحة بالك ولا تدش المعمعه اذا الوطنى نازل وزين حد ادنى والمخازن حد ادنى

نصيحه وانا اخوك انحش انحش

 

[Albaghdadi]

اذا الفكره استثمار اشتر الاسهم اللي ديونها معقوله وما عندها خساير مرحله ، ودام المبلغ صغير ف ما يسوى تشتري بالشركات الكبيره الغاليه ، الاسهم الرخيصه اللي عدلت اوضاعها افضل كونك راح تستفيد من صعودها دون التفكير بالتوزيعات النقديه ،،،،،

هذي نصيحتي لك والله يوفقك ،،،،

 

[kuwaity9]

اشكر كل من تفاعل معاي بالموضوع

وشنو تنصحوني اشتري ابي توجيه منكم

يعني ابي اسم كذا شركة لها مستقبل

 

[أبو فلسين]

بيان السلام التخصيص بيت الاستثمار الخليجى عربيه عقاريه المغاربيه هالااسهم اشوف سعارها حلوه وتسوي تشتري فيها على أسعارها الحاليه ممكن تنزل شوي وممكن تستقر
اذا ناوى تشترى انطر لى يوم الخميس وشتر والله يوفقك ويرزقك

 

[أبــو بــدر]

البنوك اسعارهم ببلاش الحين
انصحك في الوطني او بيتك
او في الاتصالات نفس زين ( لا تقرب صوب فيفا )
اتوقع مستقبل الاتصالات هي الاقوى عندنا في الكويت و الخليج
..
لله يرزقنا معاك بسعر الطيب

 

[ابو غانم]

أخي العزيز

الأستثمار في ظل الأسعار هذي مغري وجيد ، وله مستقبل .

ولكن نصيحتي أنتظر حتى تنتهي موجة الهبوط الموجوده حالياً ، وعندما يبدأ السوق بالتعافي والصعود ، بأمكانك الدخول والله الموفق

 

[kuwaity9]

شكرا لكم ولتعاونكم

 

[waham]

اذا مو ملم بالسوق عدل .. ابعد يا خوي شلك في البحر واهواله ..