بيتك للتداول

[الدين يسر]

السلام عليكم
اليوم بيتك للتداول ورطنا لا خلانا نشتري ولا نبيع لا عن طريق النظام ولا عن طريق خدمة العملاء ... لما كلمتهم الصبح بداية التداول عن سبب المشكله ردو علي ان المشكله بسيطه وراح تنحل وانتهى اليوم وماصار شي .. بس انا عندى اول شي ملاحظه وثانى شي سؤال
الملاحظه انى ما شفت اي مشارك فى المنتدى من بداية اليوم تكلم عن المشكله اللى فى بيتك للتداول .. وهذا الشي خلانى اظن انى انا الوحيد اللى اتداول عن طريق هذه الشركه
والسؤال هل ممكن بيتك للتداول يقدم منحه تقدر بنسبه معينه من قيمة محفظة المتداول لتعويض عن هذا اليوم الذى ادى الى خسائر بسبب عدم القدره على البيع او الشراء ؟؟؟

 

[فردان]

صديقي اليوم مثل مشكلتك في بيتك للتداول يبي يبيع المدن ب61 ما قدر مسكين وتكبد بخسارة قاسية اتصل فيهم وشرشحهم تشرشح بس المشكلة من بيعوضه

 

[faris48]

انا نفس الشي بعت اليوم سهم عن طريق بيتك للتداول

والعمليه تمت على موقع البورصه وماتمت بمحفظتي الي ببيتك للتداول

والمبلغ مو راضي ينزل برصيدي علشان اشتري سهم ثاني



الله يعوضنا خير

 

[faris48]

وعقب الساعه 12 ونص عقب ماسكر التداول


كان توصلني رسايل بالبيع والالرصيد


بس شالفايدة السوق مسكلر


طاح حضكم من بن تداول


بس هل الخلل على بيتك للتداول ولا باقي البنوك..؟؟؟؟

 

[basharele]

تعيسسسسسس

 

[master-70]

نعم
تعيس جدا

 

[المسهماني]

انا اليوم انشغلت ومافتحت عليه لكن انا حصلت معاي عدة مرات اي هزة بالسوق على طول يعلق البرنامج مايعطيك فرصة للبيع قبل مايبيع هو اسهمه بعدين يفتح لك المجال للبيع
غير تعليق البرنامج عندك نظام الصفقات نقول لهم ضيفوا لنا شراء اوبيع وهالصفقة كم فلس طالعه اونازله مثل كثير من برامج الايفون
و اذا بتشتغل باسواق الخليج شوف كم الصرف يحاسبونك شي مومعقول بينهم وبين المزيني اذا الصرف تحويل سعودي ٧٧ فلس يصرف لك ٧٤ ريالين فرق عن المزيني وريال عشان صرف فوري منين جايبينها والله مادري ونفس الشي اذا بتحولهم كويتي
يعني اذا الله وفقك وربحت ياخذونها منك الجماعه (معوضيين )

 

[الراقي]

نظام معقد وفاشل انحشت منهم ورجعت حق المتحد هم فاشل بس اشوى من بيتك

 

[قاروه]

نظام معقد وفاشل انحشت منهم ورجعت حق المتحد هم فاشل بس اشوى من بيتك

وليش يابوعبدالله !

عندك ايفا هيرمس الوسيط وغيرهم شغلهم مضبوط والشباب الي هناك الله يعطيهم العافيه زقرتيه وابضايات

وماتراجعهم تقدر تحول عن طريق النت من خلال المقاصه اون لاين

(تحتاج اول مرة بس تراجع برج احمد الدور الخامس )

وتربط حساب التداول مع البنك بحيث اذا بعت تتحول الفلوس عالبنك

 

[الراقي]

وليش يابوعبدالله !

عندك ايفا هيرمس الوسيط وغيرهم شغلهم مضبوط والشباب الي هناك الله يعطيهم العافيه زقرتيه وابضايات

وماتراجعهم تقدر تحول عن طريق النت من خلال المقاصه اون لاين

(تحتاج اول مرة بس تراجع برج احمد الدور الخامس )

وتربط حساب التداول مع البنك بحيث اذا بعت تتحول الفلوس عالبنك

صح كلامك يابو عبدالعزيز بس اخوك قمة الكسل السيارة ابي ابدل الزيت من ست شهور وكل اسبوع اقول هذي العطلة

 

[bader__7]

افشل شركة تداول علي الاطلاق...

 

[AHMAD88]

يا حليلكم ضحكتوني ..

انا يوم الاحد الماضي دقيت عليهم ابي ابيع سهم عندي رد الموظف وقال للاسف ما تقدر تبيع ليش يالحبيب قال مو محدث بياناتك ههههههههههههههههههههههههه

شر البلية ما يضحك انا بغيت ادعم السياره اللي جدامي يوم سمعت السبب !!

ولا فوق هشينهم حولوني الي خدمة العملاء ويكلمني واحد صوته ضعيف وحاد اعتقد الكل مار عليهم من قبل صوته مميز !!

بعد النقاش معاه جان فجأه يسد الخط في وجهي والمشكله انه اول المكالمه ما قال اسمه كالمعتاد !!

المهم تعوذت من الشيطان واخذت سلاحي ورحت سلمته الداخليه

مو عن شي علشان لا اتهور وارمي نفسي

المهم كلمت مديرهم علي الفاضل والله رجل اخلاق وفيه الخير والبركه ومتربي ولا ازكي على الله احد ..


صدمني يقول مو محدث بياناتك ول ول عليك حتى صوته ولهجته ذكرتني بشخصية ابونبيل

 

[يوسف محمد]

انا اتداول مع شركة شرق للوساطه الماليه عندهم برنامج للتداول الالكتروني ممتاز لجميع الاجهزه

 

[مستثمر شامل]

بيتك للتدوال،،،
لولا سهوله التحويل الالكتروني بين حساب التدوال والحساب الشخصي،،،للنقدي.
ماصبحت يومي الا مع غيركم.

 

[jamal5]

الاسهل هو من خلال وسيط تأخذ كل ارقام وأسماء الموظفين وتبيع وتشتري من خلالهم وتضع امر شراء او بيع دائم بدلا من الدخول في متاهة الجافا وتحديث البيانات وعطل الجهاز لان الانترنت عندنا متخلف وبطئ ومكلف مقارنة بدول العالم

 

[foxmind]

برنامج تعيس ومعقد وبطيء وتعليق وسبب لي خسائر بصفقات كثيره تركته ورجعت لشركات الوساطه بالسوق صج انهم متعبين روح حط فلوس ولابقيت تسحب شيك بس سرعه وسهوله بالبيع والشراء واي تعليق تكلم البروكر يظبطك

 

[بو هادي.]

الصراحة برنامجهم الجافا سيئ للغاية
يا كثر ما يعلق
تحط الغاء للامر يعلق بعدين يشتريلك
صارت فيني اكثر من مرة
المشكلة مو راضين يقتنعون ان برنامجهم القديم كان افضل
غير هذا الشركة و الموظفين تعاملهم طيب

 

[المسهماني]

ياخوان في احد اليوم حصلت له مشكلة بيع وشراء مع بيت التمويل الخليجي انا لحد الحين الاوامر على بيت التمويل ماتشتغل عندي الاوامر كانه من الشركات الغير اسلامية ممنوع التداول بالسهم

 

[المجازف]

ياإخوان انا اتفق معاكم انه بيتك للتداول تعيس لكن اليوم ماصار معاي اي مشكله و نفذت صفقات كثيره باستثناء تمويل خليج ما اقدر اتداول مثل الشركات غير الاسلاميه ودقيت عليهم قالولي اطلع من البرنامج ودش مره ثانيه تنتهي المشكله وفعلا راحت المشكله قأي مشكله تواجهكم ماعليكم الا تعملون خروج ودخول وان شاء الله تنتهي و هذا اللي حصل معاي بتداولات الثلاثاء