شركة القرين لصناعة الكيماويات البترولية

شركة القرين وآخر أخبارها ستجدها هنا ..

دمتم

 

بالنسبه لشركه القرين الشركة سعرها مغري جدا حاليا
بالسوق للمستثمر ومايطوف بس الصراحة سالفت المبايعة غير مضمونه كلش وتخوف ... والأهل والأصدقاء مايبيعون السهم لعلمهم أنه السهم كنز
وحتي لو ببيعون يطلبون سعر عالي بالنسبه لسعرة بالسوق
شرايك أخي؟؟؟؟؟

120 _ 130 سعرها أخ أخ حسافة


والله يعطيك العافية علي التنظيم الحلووو للقسم الي أحله من تنظيم
المارينا مووووول

 

صبحكم الله بالخير والعافية .....

مثل ما قلت السعر مغري للشراء ... بس يظل كابوس " نقل الملكية "
المصيبة إنك بعض الاحيان تشتري من ناس .. تعتقد أنهم ثقة ..
بس لمن يدرج السهم بالبورصة ويطق 400 فلس مثلا ... لاحظ الفرق بين 120 فلس قيمة الشراء و 400 فلس الادراج .. يعني 280 فلس فرقية مربح كله باسم الشخص البايع ... وهنا مورد " طمع " يمكن يرجع صاحبك الاسهم ... ويقدر ياخذهم بكل سهولة ... ويقولك تفضل هذي " بيزاتك " إحنا ما نبي ناكل عليك

وتظل جنابك مجمد راس مالك سنة وفي الاخر يرجع الراس مال بدون مربح
....و لا حتى مؤسسات خيرية يعطون جذي خدمة للغير ...

نصيحتي لك ... إحفر الصخر ودور لك على السهم من الاهل والمقربين
بس عاد زيدهم اشوي بالسعر ...

دمتم

 

كلامك صحيح أخي
بس بالنسبه للسعر يخلون السعر مفتوح بالمبايعة
علشان لايخون البايع إذا وصل سعر السهم بالعالي

بس المشكلة مني لسنه جدام لو لاسمح الله ... الله أخذ أمانته
وتوفي البايع أهني المشكل.. وتتحول الملكيات لشؤوون القصر
تعال فجج هني هاذا لو أعترفوووو فيك أهل البايع أصلا


بس فوق هاذا السعر وايد مغري

 

بشكل عام ما أشجع أي تعامل بين الغرباء ولأن المعاملة باطلة قانونيا وكلا الطرفين له حق التمسك بالبطلان في اي وقت ...
ولكن لا بأس يكون فيه تعامل بين الاهل بالاسهم الغير مدرجة ... من باب
" التنازل " وليس بيع وشراء ... وبهذه الطريقة وبضمان " القربى " يضمن الطرفين وديا حقهم .. المشكلة ... أن " الطمع " ما يعرف يفرق بين الاهل والربع والغريب بس يظل قريبك يستحي منك على الاقل قبل لا يفكر " يقلب " عليك ...

*** صارت معاي بالبنك الاسلامي واحد من الاهل توفى وعمره 30 سنة الله يرحمه .... رب اسرة طبعا .... بس عندي لها حل ... " على الخاص " طبعا

السعر نعم مغري ... بس يا خوفك تصير مصداق للآية الشريفة
" هذه بضاعتنا ردت إلينا " صدق الله العلي العظيم


دمتم

 

السلام عليكم عندي استفسار عن سعر الشركه الحالي وشكرا ؟

 

مساء الخير ... 120/130 فلس وأغلب التجار ما يشترون

دمتم

 

مشكور اخوي وبيض الله ويهك.

 

العفو وبالخدمة

دمتم

 

استفسار

السلام عليكم ورحمة الله وبركاته

اولا : اود ان اشكرك على سعة صدرك وردودك الوافية وبيض الله وجهك .

ثانيا : ارجو ان تفيدني بالتالي :-

أ - لماذا سعر شركة القرين نزل .
ب- لماذا لا يوجد له طلب .

وشكرا لك والله يعطيك العافية ​

 

وعليكم السلام ورحمة الله وبركاته ... والعفو اختي الفاضلة .. بالخدمة دوماً ... مسجل إنشاءالله في ميزان أعمالي ..

ج أ - الكل كان متوقع الادراج أول السنة الجديدة .... بس في آخر إجتماع رسمي لهم حول موضوع الادراج قررت الادارة تأجيل الادراج للسنة 2007
وهذا " أزعج " السهم معنوياً وأصاب المستثمرين بحالة " إحباط " .

ج 2 _ السبب الاول هو الرئيسي واما الاسباب الاخرى فمنها " كابوس " نقل الملكية + أولوية شراء الاسهم الاهم والاقرب إدراجا منها 1- بوبيان 2- الوقود 3 - منازل 4- صكوك 5- اوكيانا 6- خباري 7- المستقبل 8 - مبرد ... كل هالشركات لها اولوية شراء عند المستثمر واهم من شراء القرين .... اللي كميتها بالسوق " مليار " سهم مبعثر .... يعني متى ما بغوا يلمون فيه جمعوه بكل سهولة فما عندهم خوف " الفوت " فوت الفرصة ...

دمتم

 

شكرا على الرد

السلام عليكم ورحمة الله وبركاته

اود اشكرك اخوي على الرد الوافي وجزاك الله خير .

بس انا عندي استفسار ثاني لوسمحت اذا مافيها ثقلة عليك .

متى تعلن ميزانية شركة القرين يعني في اي تاريخ ؟ وهل هناك سوف يكون توزيع اسهم منحه وارباح ؟.

ولك جزيل الشكر والله يعطيك العافية وبيض الله وجهك على سعة الصدر .

 

صباح الخير ... الشركة حسبوا ميزانيتهم أول شهر مارس عام 2005
وراح تنتهي في 31/12/2005 ويومها راح يعلنون عن ارباحهم ... بس ما اعتقد راح يصير في توزيعة ارباح .... واللي اعرفه انه عندهم للحين 18 مليون دينار ارباح الاشهر اللي طافت ...

والعفو اختي الفاضلة ما سوينا الا الواجب ... ولا تترددين في أي سؤال عن بقية الشركات الغير مدرجة

دمتم

 

السلام عليكم ورحمة الله وبركاته

اود اشكرك اخوي على الرد الوافي وجزاك الله خير .
بس انا عندي استفسار ولك جزيل الشكر اذا رديت علي ابسرعة
كم وصل الحين سعر شركة القرين ؟
وشكرا على سعة الصدر .

 

وعليكم السلام ورحمة الله وبركاته .... السعر الرسمي الى هذه اللحظة هو 130 فلس .... مع الاخذ بعين الاعتبار أن ... محد يشتري .. مجرد سومه

دمتم

 

السلام عليكم
ياجماعه مافي هذي الاسعار الناس تشتري سهم القرين من بري
250 فلس وانتم تقولون 130 فلس هل هذا يعقل
( حدث العقل بما يعقل )0
انا اقول ان التجار هم وراء هذا اللعب وترويج الاشاعات والسهم
ارباحه في 6 اشهر 19 مليووووون دينار كويتي وللعلم ان الشركه
جديدة واسف علي الاطالة

 

نعم حدث العاقل بما يعقل ... ومؤشر الناسجت يقول أن السعر المتعارف هناك الرسمي = 130 فلس عرض فقط دون اي طلب للشراء
وإذا تبي تتأكد أكثر وتطمئن ... مشوار بسيط ما راح ياخذ من وقتك الا ساعة وحده بس ... الى سوق الجت وعندك حوالي 20 مكتب دلالة " سماسرة " السوق إسئلهم ..مكتب مكتب ... وإسمع الجواب " الرسمي " منهم .. وياليت تبلغ الشباب اهني في القسم السعر اللي قالوا لك اياه ...

نعم " حدث العاقل بما يعقل " حدثني بالله عليك عن سهم المخازن اللي عندهم عقود قيمتها توازي وتعادل ميزانية دول في العالم الثالث وبالمليارات .... فهمني ... إشلون سهمهم اليوم في البورصة مصاب ب " إسهال " مزمن وكل يوم فيه تصريف .. وكل يوم السهم في نزول وإنتكاسة جديدة ...

أما ان مسالة التجار يروجون اشاعات ويبون يطيحون بالسهم .. وان الشركة فيها ارباح 18 مليون .. فالكل معاك بالنقطه هذي ... لكن يظل أن السعر الرسمي 130 فلس من دون شراي ....

يا جماعة الخير للمره الالف ... أقول لكم كل شيء يصير في الناسجت راح ابلغكم اول باول يعني " خلك بالبيت " .... ......


دمتم

 

صح 130

لا ومافي احد يشتري ولا اذا تبي اتاكد وانت بالبيت اتصل على الرقم :9025211 وسيط بسوق الجت واخذ الخبر الاكيد وعيطيكم العافيه

 

اخوي الناسجت طول الله عمرك

متى بالضبط راح يتم تداولها يقولون في 2007

وكم المحتمل السعر اللي بتوصل له

شاكر لك ومقدر

 

الله يطول في عمرك ... صباح الخير

http://www.indexsignal.com/vb/showpost.php?p=191642&postcount=18

ttp://www.indexsignal.com/vb/showpost.php?p=191642&postcount=18

http://www.indexsignal.com/vb/showpost.php?p=205104&postcount=78
http://www.indexsignal.com/vb/showpost.php?p=233683&postcount=261

http://www.indexsignal.com/vb/showpost.php?p=233683&postcount=261

دمتم