&@ صفحة متابعة السوق @& الجزء الثاني عشر @&

[Nameless]

عسى ما فيه اصابات ؟

ترى اقصد هني بالصفحة مو هناك

 

[رابح رابح]

@Aljoman_Center:

غداً مزاد لبيع نحو 24 مليون سهم في 5 شركات ... احتمال أنها كانت لـ "هامور" كان " يلبط" سابقاً !

وللتفاصيل
http://****/lBuIQdAOwM

 

[رابح رابح]

@Aljoman_Center:

بعد كسر حاجز الأساس 1000 نقطة لمؤشر "كويت 15" أمس .. يبدو أن المؤشرات الثلاثة استسلمت إلى اللون الأحمر "القاني" اليوم ! .. ولله عاقبة الأمور

 

[الراقي]

لله الحمد ما في قتلى لكن في جرحى واصابات بليغه
وفي جم واحد تم تحويلهم الى المستشفى النفسي

هو الطب النفسي ناقص

 

[Albaghdadi]

:/

 

[Nameless]

هو الطب النفسي ناقص

آخرتنا كلنا بنراجع هناك

 

[Nameless]

:/

مسموح التحلطم لمدة نصف ساعه بس
المايك لك

 

[Albaghdadi]

مسموح التحلطم لمدة نصف ساعه بس
المايك لك

لا مراح اتحلطم هني .. خلاص !

الوعد يوم الجمعه الفجر .. حق مقال يوم الاحد .. راح افصل اربع شركات .. اللي يعتبرون اكبر ملاكهم الهيئه .. واغلب الظن .. مواشي والكويتية للاسثمار والصينيه وزين .. بمحطهم محطططططططططططط .. وخل الناس تشوف مثال حي عن ادارة الصندوق السيادي وفلوس الاجيال :/

 

[Albaghdadi]

اذا السوق باجر ما اعتذر وارتد وعطانا اغلاق فوق 6250 .. فارقامي 6124 .. ومن ثم 6046 .. واغلاق تحت الاخير .. راح انام بساحة الاراده ..

 

[Albaghdadi]

الوطني عطانا اغلاق سلبي صريح .. باجر لازم يعتذر .. ويرد فوق 850 وهم لازم يعطينا اغلاق بنهاية الاسبوع فوق 860 .. موضوع الفقصه اللي اهو فيها ما لازم تطول .. خلاص !

 

[Albaghdadi]

نرد ونقول .. سوقكم وصخ ومعفن .. ودمر رؤوس اموال اغلب الكويتيين :/

تتوقعون الاجنبي يستثمر ويرفعه لكم ؟؟ طربطيطي :/

تبون فلوس الاجنبي .. استخدموا فلوس الاوفست اللي انتوا مو عارفين شتسوون فيهم وكل يومين فاتحين لجنة تحقيق بسوء استغلالهم !

كنت ولازلت اقول محفظة الحراميه .. طلعت لخداع الناس وتوجيههم للسوق علشان الفجار ينحاشون .. وهذا اللي صار بالفعل !

 

[Albaghdadi]

وين اللجنه الماليه اللي استحدثة من خيرة العقول الاقتصاديه والخبرات الفذه لانتشال وانقاذ الاقتصاد الكويتي ؟؟ خذيتوا مكافآتكم ؟؟؟ تقربتوا من اصحاب القرار ؟؟؟؟ وصلتوا للي تبونه !؟ زين الحين سوو شي علشان نقول بعد ما سووها غسلوا !!!!

 

[Albaghdadi]

كلمتين صرت اكرههم يسببون لي كل العلل والامراض النفسيه .. المال العام والاجيال القادمه .. ف تبا للاثنين !

فالاول شرف الرقاصه اكرم منه من كثر ما انتهك .. والثاني كان ابوي الله يرحمه منه ومات ولا استفاد منه شي :/

 

[Albaghdadi]

من يقول ان الكويت تتأثر في نزول النفط وانها تعتمد على مصدر وحيد للدخل فهو واهم واهم وااااااااااااااااااااااااااااهم .

الكويت التي لا يتعدها تعداد شعبها 1.5 مليون نسمه بمساحة جغرافية لا تمثل فريج في الصين .. تتربع على خامس اكبر صندوق سيادي في العالم بقيمه 548 مليار دولار .

فهي من الدوله القليله التي تستفيد من النفط بارتفاعه وانخفاضه .

اتعلم ان الصندوق السيادي في فبراير 2014 كان 420 مليار دولار تقريبا ؟ واليوم 548 مليار ! بزيادة 120 مليار دولار في سنه ونصف !!! وهذا يفوق دخل النفط يوم كان ب 100 دولار !!!!

 

[Albaghdadi]

وحده من ثنتين .. يا تدقون على الاسعاف .. يا تدقون على الدوريه :/

 

[Albaghdadi]

خلصت النص ساعه .. شكرا على اتاحة الفرصه .. لكم المايك :/

 

[jarrah_aam]

وحده من ثنتين .. يا تدقون على الاسعاف .. يا تدقون على الدوريه :/

الو الاسعاف , في حادث انقلاب

الحين عندك اخوي

الحمدالله الاصابات خفيفة ورخصوه من المستشفى

 

[ولد السرة]

يعطيك العافية على المجهود الطيب ,,,,,,,,,,,,,,, لكن الأوضاع السياسية والأقتصادية , سيئة سيئة سيئة جدا جدا ,,,, لا تساعد السوق على الصعود

وين سيئة صَل على نبينا محمد

مصر بعد كل اللي صار فيها بورصتها عطت بورصتنا ١٠ صفر واحنا شعب ١.٣ مليون وماشاء الله الدولة بنعمة وخير لكن الفرق ان احنا لاتوجد لدينا الروح اللي كانت بكل كويتي سنة ال٩٠

وايد اشياء وناس تغيرت أصبحت حلب الديرة والنظر لها على انها كيكة ويجب ان تتقسم على القلة القليلة اول أولياتهم لكن لايعلمن بان الأرض والدولة تتساوى مع عرض الإنسان فمن باع أرضه لن يجد مثلها ولن يحس بالأمان والراحة الا في وطنه

الحمدالله احنا بنعمه وامان صمدنا امام الغزو ورجعنا اقوى من ذي قبل كل اللي صاير الحين لأننا انحرفنا قليلاً إنما الذكرى تنفع المؤمنين

وآسف على الإطالة القلب متروسة

ونحبج يالكويت

 

[ولد السرة]

بكرة احسن بكرة افضل

هذا صج ولا تحاول تقنع نفسك

هههه شر البلية مايضحك

 

[السور]

سلموني المال العام واحتياطي الاجيال القادمة
ابي احرقهم حراق
المال العام لان هدد وسايب ابي ألعب فيه لعب ابي اشتري فيه طيارة واحرقها
والاجيال القادمة ابيهم يطرون علشان يسترجلون
خلنا نذبح هالعيال علشان نفتك من اسطوانة الاجيال القادمة
مادري شنو بيطلعون
علماء ذرة
اخرتهم بالحرس الوطني ولة موظف يبوق بالشؤون