استحواذ بمليون

[mbohamad]

السلام عليكم اخواني عندي استفسار اذا عندي مليون ودشيت البورصة على هل الاسعار صحيح استطيع الاستحواذ على بعض الشركات بنسبة تفوق 55 % لبعض الاسهم وانافس بمجلس الادارة ولا حسبتي غلط؟

 

[jousef]

السلام عليكم اخواني عندي استفسار اذا عندي مليون ودشيت البورصة على هل الاسعار صحيح استطيع الاستحواذ على بعض الشركات بنسبة تفوق 55 % لبعض الاسهم وانافس بمجلس الادارة ولا حسبتي غلط؟

هههههههههههه
والله ليعلمونك إن الله حق
دش وتشوف المليون يصير ربع مليون بعد بضع أشهر
أل إيه أل إستحواذ
هههههههههههههههه
ضحك الله سنك يالحبيب والله ضحكتني من صج

 

[سرور]

السلام عليكم اخواني عندي استفسار اذا عندي مليون ودشيت البورصة على هل الاسعار صحيح استطيع الاستحواذ على بعض الشركات بنسبة تفوق 55 % لبعض الاسهم وانافس بمجلس الادارة ولا حسبتي غلط؟

أنا أقول توكل على الله ودش

 

[بوناصر56]

ولو ان سؤالك لو
شوف الشركات وراس مالها وعدد اسهمها ونسبة المملوك لكبار الملاك ونسبة الي قاطينا قط بالسوق و الخزينه جم


واحسب حسبه خلك بكبار الملاك بس العبها صح وتصير من ملاك بارخص سعر


اهم شي دور اسهم قيمتها الدفتريه عاليه عشان لو صتر شي لك اولويه بتعويض ارباح كل شي

وفي طريقه تقدم عرض استحواذ من ادارة السوق ... يفيدونك فيها الاخوان

 

[بوناصر56]

بعدين مليون يبيلك شركه راس مالها صغير اتوقع تقدر بلسوق الموازي

 

[mbohamad]

جيكت كثير من الشركات قيمها السوقية متدنية من 5 مليون لغاية 30 بس هل الطريقة اشتري من السوق ولا تقديم طلب لادارة السوق؟

 

[بوناصر56]

الشركات الي راس مالها اقل من ١٠ يمكن تكون معرضه للشطب من الرسمي لان افتقدت الشروط


طيعني خلك بلموازي تعلم فيه لان شروطه سهله بس الاستحواذ انت تكتكها وخطط بطريقتك

شروط الادراج بالرسمي :-
١-راس مال ١٠ مليون مدفوع كامل
٢- اجمالي حقوق مساهمين لمجموع ٣ سنوات هو ١١٥٪ او اكثر بالنسبه لراس المال .
٣- تحقيق ارباح ٧.٥٪ لكم سنه من اخر سنتين قبل الادراج
٤- رسوم سنويه ٠.٠٠٥٪ من راس مال الشركه بشرط مايزيد عن ٥٠ الف

شروط الادراج بالموازي
١- راس مال ٣ مليون الى ١٠
٢- حقوق المساهمين مجمعه تساوي اكثر من ٣ مليون
٣- وجود ٥٠ مساهم عالاقل .
٤- تكون الشركه محققه ٥٪ عالاقل ارباح لاخر سنتين قبل الادراج
٥- رسوم سنويه ٢٥ الف
٦- ما تتحكم ب٥٠٪ من اسهمها الا بعد سنتين من الادراج



شوف الي فوق وقرر منو افضل لك ....

انا عن نفسي اذا مليون تتجه للسوق الموازي وشركه حديثه الادراج ويكون مر علبها سنتين ليه اربع عالادراج ويكون الاسهم متحرره .

 

[محمد000]

شلون رأس مال 10 مليون علي الأقل
شوف كيبل تلفزيوني 3 مليون ليش موجود بالسوق

 

[بن زيمه]

مليون حته وحده

اشتر الانظمه وراح تكون كميتك

٢،٥ مليون بسعر اليوم ٣٩٠ فلس

جذي تكون نسبتك ٥٪ ومن كبار الملاك

سهم يوزع باستمرار واخر توزيعه له

كانت افضل توزيعه بالسوق !!

يبقى من المليون ٣٠ الف ،، عمولتي

 

[السعد محمد]

شركة اجوان الخليج راسمالها 10 مليون
سعرها 27 فلس = يعني تقدر تشريها بمليونين و700 الف

واذا عندك مليون 300 الف تملك 50%

 

[الموسوعه]

مو عساس هم طايحين بالشارع تجي تشتري كمياتهم


ياخالي اسمع نصيحتي حب العافيه والعب على قدك

 

[بوعجيم]

اخوي سو نفس مايسوون عندنا بمنطقتنا
يشنري بيت عربي بحدود 250 الي 300 الف ويبنيه
اربع ادوار ب100 الف او 150 الف يعني الاجمالي
تقريبا 400 الف دينار تصير عندك عماره صغيره اربع
ادوار كل دور شقه غرفه وصاله ومطبخ وحمام تاجرهم
نقريبا ب150 دينار يطلع عندك تقريبا 40 شقه علي
اربع ادوار وعليك الحسبه 40×150 =6000 دينار
شهريا هذا بيت النااااازل
وانت تقول عندك مليون يعني اشتر عقارين اخر الشهر
يطلع لك 12 الف دينار ثاااابته شهريا
واترك عنك سووق الفلس والحراميه
متي ماصار سوق محترم ذيك الساعه فكر انك تدشه
واهم شي لاتنسي عموووولتي علي هالاقتراااح

 

[Q8_POOS]

ي الربع كرهتووو الرجال بالاستحواذ ههههههههعع

 

[بوناصر56]

شلون رأس مال 10 مليون علي الأقل
شوف كيبل تلفزيوني 3 مليون ليش موجود بالسوق

http://www.kuwaitse.com/A/KSE/Trading.aspx


لو عندنا قانون يطبق والشركات الفاشله تنقل للموازي جان ما تشوف مؤشر البورصه نازل وجان تشوف سيوله كبيره .


في الواقع مؤشر البورصه عندنا لا يعكس حال السوق لان:-
١- وايد اسهم خامله تدش بلحسبه وهذا خطأ
٢- اسهم يفترض ماتكون موجوده بالسوق الرسمي لان تفتقد شروطه


عشان جذي لم المؤشر العام ينزل في اسهم تتتماسك لان ما يمثل الواقع وفيه اخطاء بلمعادله


ولكن المشكله لم المؤشر العام ينزل .... المسنثمر الاجنبي وكثير من الاشخاص يخافون يدشون السوق لاعتقادهم بانه يعكس واقع السوق ... بس لو تعمقنا حقيقة السوق نشوف نزوله لان في اسهم خامله وفي شركات مفروض ماتكون بالسوق الرسمي .



وعدم تصحيح هذا الامر هل هو متعمد ام لا الله واعلم وبسبب ما سبق السيوله والمستثمر خاصه الاجنبي يهرب من سوقنا لاعتقاده بان البورصه دائما طايحه .

 

[ولد السرة]

مليون حته وحده

اشتر الانظمه وراح تكون كميتك

٢،٥ مليون بسعر اليوم ٣٩٠ فلس

جذي تكون نسبتك ٥٪ ومن كبار الملاك

سهم يوزع باستمرار واخر توزيعه له

كانت افضل توزيعه بالسوق !!

يبقى من المليون ٣٠ الف ،، عمولتي

يتبقى 23 الف تقريبا

 

[الراقي]

هم يسمحون لك تبيع لهم بهذي الاسعار لكن تشري انسى الموضوع