&@صفحة متابعة السوق@&&@الجزء الرابع عشر&@

[دايــم]

يالربع الي عنده فكرة اشلون اتداول الكتروني في السوق السعودي انا عندي مبلغ بسيط اقل من ٥٠٠٠ دينار لاني شفت اغلب البنوك تشترط مبلغ ٥٠٠٠ كحد ادنى الي عنده فكرة لا يبخل علي

شوف شركة كميفك
رقمهم 22255555
اعتقد راح تكفيك عنوة الجبيل مع لحمة الحاشي

 

[نصوح]

هههههههههههههههههههههه
هلا بالغالى/بومحمد
حاضرين ناطرينك 3 أيام ونص ... بس قولى الأسهم اللى حاط عينك عليهم ..أكيد واحد منهم سهم المدينه

بواحمد لا تفضحني ،،، اول شيء اسهم الشجعان طلقناها كلها ،، ما بينفعوش هاليومين
المدينة العين عليها بس ناطرها تحت شوي
وعندك صكوك قاعد احاول من اسبوع اصيد بال 48 و 47.5 ماني قادر احصل كميتي
المطلوبة ،، تم تنشيفه وقاعد امخمخ لي سهمين بعد جاري البحث والتأكد من بياناتهم
اذا عندك كم سهم تنبهني عليهم اكون لك شاكر. ،،، حبيب بواحمد

 

[ابوسارونه]

شوف شركة كميفك
رقمهم 22255555
اعتقد راح تكفيك عنوة الجبيل مع لحمة الحاشي

متي العوده؟!

 

[ابوسارونه]

حبيتك زيادة بوسارووونة ،،، صج شوقتني بالاكل مو فتح الحساب

الكلام عن الأكل بالقرب من توقيت الوجبات اليوميه ، يكون له وقع مثل وقع الزلازل هههههه

 

[دايــم]

متي العوده؟!

موجود يالغلا
اول يوم العيد صباحا
عشان الضحايا ،، وارجع العايله

قول عندك نيه عوده مره اخرى اقولك باذن الله بالويك اند راجع

 

[ابوسارونه]

شباب تحليل السوق - قبل لا أقوله بعطيكم إعتراف

فيه استراتيجيه خاصه جدا .تقدرون تقولون انها استراتيجيتي وانا صاحبها وأقرب مالها .. الديفجر لكن اختلافها عنه أن يكون القاع التالي كبير وفرقه واضح. تعلمتها أثناء التداول بالعملات لم تخب معي ولا مره .مع العلم أن العملات حتي المحترفين يخسرون فيها ... والمفروض أن لا اكشفها بس لأنكم اخواني ... والواحد مو ضامن عمره يكشف المعرفه كثر ما يقدر


المعطيات
تسجيل قاع ب rsi .. مع نزول قوي للمؤشر ومن ثم تسجيل قاع rsi أقل .. مع نزول قوي ومضاعف للمؤشر .. يعطينا ارتداد اكيد ... يؤكده تقاطع الماكد

يا اخوان اذا خالفنا السوق .. ليس من ضعف القراءه
إنما من ضعف السوق .. أما بهذه الاستراتيجيه فأعتقد انها لايمكن ان تخالف بحكم التجارب

 

[ابوسارونه]

موجود يالغلا
اول يوم العيد صباحا
عشان الضحايا ،، وارجع العايله

قول عندك نيه عوده مره اخرى اقولك باذن الله بالويك اند راجع

الحمدلله علي السلامه .. اشوف الكويت نورت
اذا طيارتك يوم الجمعه
احتمال اشوف بالمطار

 

[دايــم]

الحمدلله علي السلامه .. اشوف الكويت نورت
اذا طيارتك يوم الجمعه
احتمال اشوف بالمطار

اخليها الجمعه ؛ بس ابيك تخاويني

منوره بوجودك ووجود رواد الصفحه اللي انت فاتحها

اوووووبا لو يصعدون السوق باجر 150 نقطه بهالمناسبه

 

[ابوسارونه]

اخليها الجمعه ؛ بس ابيك تخاويني

منوره بوجودك ووجود رواد الصفحه اللي انت فاتحها

اوووووبا لو يصعدون السوق باجر 150 نقطه بهالمناسبه

طريقي غير .. ماخذ خط سوق البل

 

[دايــم]

طريقي غير .. ماخذ خط سوق البل
مشاهدة المرفق 245164

تقول الجمعه ؟؟ طلعت السبت
الله من قصايد انكتبت على الفتانزا ايام عزها
حفظك الله في حلك وترحالك ياصديقي

 

[ابوسارونه]

تقول الجمعه ؟؟ طلعت السبت
الله من قصايد انكتبت على الفتانزا ايام عزها
حفظك الله في حلك وترحالك ياصديقي

أن أشهد .. معلقات... الله من أيام ، .. لا الجمعه من الكويت حوالي 12 بالليل .. ترانزيت فرانكورت

 

[امبركو]

تغريدات الدكتور طارق العلوي حفظه الله تطربني غالبا او بمعنى اصح دائما
وهو رجل وطني
من لم يتابعه ،، يلغي تويتر افضل

 

[Albaghdadi]

باجر ان شاء الله نبلش قص ولزق ان شاء الله اول الصبح

 

[صاعد نازل]

نبي نسوي هالخطه

علشان اذا صعد السوق نقول السوق احمر اليوم و بذلك يستانس التجار ونكون قد خدعناهم

و هاذي الخطه مو من اكتشافاتي لكن اكتشاف صيني.

شرايكم بس ؟!

 

[Albaghdadi]

نبتعد عن الامور السياسيه جزاكم الله خير

 

[بــوزيــاد]

مساء الخير ع الجميع

بواحمد بيتك للتداول عنده تداول اسواق الخليج

باسعار رمزيه وعنده ثلاث اشهر وست اشهر وسنه

اشتراكات ومازال

بس سوقنا غير عنهم باستثناء ... قطر

له صعود ان شاءالله

 

[بــوزيــاد]

ابي اغير الاسم يصير

 

[Albaghdadi]

كل شي يصير ،،،،، خاطب الاداره وان شاء الله ما يقصرون .


تبادل ؟؟؟


صج انا قاعد افكر اغيره ،،،،،

قبل كانوا يسمونه بيت البغاده ، وبعد سالفة الجنسيه والامور هذي صرنا البغدادي ، عم ابوي الله يطول بعمره ويرحم ابوي كان عنده حساسيه من عبدالكريم قاسم وتهديداته المتواصله ، فاختلف عن يدي وقرر ما يحط البغدادي ويكتفي باخر اسم ويكون معرف وصار الحسن ، ف المراد جدي صار البغدادي واخوه الحسن .

وانا في مطار بمباي قرى اسمي مال الجوازات بصوت نوعا ما عالي ، وقال البغدادي ؟؟ اللي يمه خزني خزه ، بغيت اقوله ( اي ام كريستيان سيرررر )

هذول من وين طلعولي داعش وماعش والبغدادي :/

تتوقعون وقت الصجيه اناديه ولد عمي !!!!! ههههههههه

 

[الراقي]

سلام عليكم
السوق فيه خير كثير ولاتبالغون بالخوف وتفائل
امسكو العصى من النص

 

[Abdullah2626]

مساء الخير ع الجميع

بواحمد بيتك للتداول عنده تداول اسواق الخليج

باسعار رمزيه وعنده ثلاث اشهر وست اشهر وسنه

اشتراكات ومازال

بس سوقنا غير عنهم باستثناء ... قطر

له صعود ان شاءالله

بيتك يشترط مبلغ ٢٥٠٠ دينار لفتح حساب تداول