الحذر الحذر النفط اعطى خروج جديد للمضارببين فى الاسهم

[whaler21]

ولد ولد ولد بررنت سمع إعلان الطوارىء چان يعصب

‏الخام الأمريكي يقفز أكثر من 12%.. و ”برنت” يقفز بنحو 9.5% وسط آمال بشأن خفض الإنتاج

ههههه
علي اساس لم نزلت موضوع وقلت السوق دخول والنفط راح يصعد ...
كان صعود نهائي

 

[whaler21]

ليس خروج اليوم
اليوم دخووول لامفروض
النفص بوادر ارتداد مايكسر قاعه ان شاءالله

وهذا ردي عليك

 

[نواخذة الكويت]

وهذا ردي عليك

شوووف يا ألفااا الرجال يقول هذا ردي

رد على كلامة

أول مرره اشوف واحد يحذر بدون ما يرد على تساؤلات الناس

ولر قال صعود وصعد النفط

انا أقوول النفط في مستوى القاع
إن بينزل نزوله محدود وإن صعد بسر الناظرين

حبيبي ألفا المحلل اللي بدون شارت مثل الخباز بدون تنور

 

[نواخذة الكويت]

يااااااا ساتر يقولكم مو قادرين يسيطرون على النفط رابطين المؤشر بحبل يبونه ينزل مووو راضي

ولد ولد برنت

 

[qw80]

لكل من يهاجمنى الان بعد اسبوع نزول متواصل للنفط

اقول لكم كلمتى النهائية

النفط صعد اليوم فقط ارتداد مضاربى وليس صعود لان النفط وصل الى القاع

فقط ارتداد وهمى مضاربى لا غير

ومازال النفط فى مسار هابط ولم يكمل بعد الوصول الى نهاية القاع

كتبت هذة المشاركة ليلا يوم 12 فبراير

عندما كان النفط يتدوال عند 29.23 ومرتفع بنسبة +1.94 (+7.11%)

قاع هالاسبوع اصبح قوي كسره راح يكون مدمر للداو والأسواق العالمية...

 

[longinvestor]

تسجيل حضور

النفط ما راح يرتد ارتداد حقيقي إلا لما الشركات الأمريكية تتفق انها تنزل إنتاجها

وهشي مستحيييييييييل

واي شي ثاني كلام فاضي

 

[نواخذة الكويت]

قاصدني

 

[alfa 2]

تمام اليوم بمجرد انتهاء عمل السوق الامريكىى الاسبوعى سابدء فى وضع شارتات فى الاجازة الاسبوعية الامريكية

ارجو منكم تقبل ما ساقولة لكم لانة كلام خطير جدا يجب دراستة والتمعن فية فى دراسة عميقة لمستقبل للاسواق العالمية ولا اعرف رد فعلكم لما ساقولة !!! والله المستعان

والله يرزقكم ويوفقكم

 

[السور]

تسجيل حضور

النفط ما راح يرتد ارتداد حقيقي إلا لما الشركات الأمريكية تتفق انها تنزل إنتاجها

وهشي مستحيييييييييل

واي شي ثاني كلام فاضي

ليش مستحيل اش صاير

 

[نواخذة الكويت]

تسجيل حضور

النفط ما راح يرتد ارتداد حقيقي إلا لما الشركات الأمريكية تتفق انها تنزل إنتاجها

وهشي مستحيييييييييل

واي شي ثاني كلام فاضي

ليش مستحيل اش صاير

الرجال يقولك ليش مستحيل

رد عليه اشفيكم كلكم صرتوا مثل ألفا ماتبون تجاوبون

انزين قلت مستحيل وين شارتك

 

[أبو فلسين]

‏⁧‫النفط‬ يقفز 12% بعد تقارير أشارت الى موافقة أوبك على خفض الانتاج
‏⁦‪cnbcarabia.com/?p=282290‬⁩
‏

 

[أبو فلسين]

‏العراق يعلن استعداده لتخفيض إنتاج النفط - اقتصاد: أعلن العراق أمس الجمعة عن استعداده لبحث تخفيض إنتاج النفط

 

[السعد محمد]

الله يعطيك على قد نيتك

يعني اذا قصدك الناس تبيع اسهمها بخسارة

فانت مثل الشيطان ... الملعون ...لما يغري الناس بالمعصية ويتبرا منهم

واذا قصدك تحذر الناس ... عشان تبيع اليوم وتشتري غدا بسعر افضل فانت من اهل الخير والصلاح .

وعسى الله يعطيك على قد نيتك وانت الوحيد الي يعرف ما هي نيتك

 

[longinvestor]

الرجال يقولك ليش مستحيل

رد عليه اشفيكم كلكم صرتوا مثل ألفا ماتبون تجاوبون

انزين قلت مستحيل وين شارتك

شياب طاري الجارت
انا اتكلم عن توقع شخصي واللي مو عاجبه كيفة مو ملزوم أن يسمع كلامي

 

[نواخذة الكويت]

شياب طاري الجارت
انا اتكلم عن توقع شخصي واللي مو عاجبه كيفة مو ملزوم أن يسمع كلامي

افاااا اشفيكم صايرين چباريت ما تستحملوون شي

يا لووونق يا الغالي لكل كلمة سبب
وانت قلت مستحيل وضاغط على الياء مده مستحيييييييل
فحبينه نستفسر منك

وانا طلبت الشارت قلت يمكن تفيدنا فيه ما عندك شارت عيل عندك سبب قلنا تنورنا

مدام طلع توقع شخصي من حقك ولكن ؟
يرجى منك ذكر بعض الكلمات اللي تبريء موقفك .... انا أقولك
احتمال - اعتقد - احساس - يمكن
يا حبذا هم معاهم

هاذي الكلمات نقدر نفهم منها إن اعتقاد شخصي

وشنو قساوة الكلام هذا شنوو اللي موعاجبه كيفه احنا أصدقاء لازم يكون الكلام بينه راقي

النفط بيصعد وهم بينزل واحنا تعايشنا معاه على هالأساس

المهم بدون ما تعتذر انا قبلت أسفك

 

[رابح رابح]

هلا بعطر الورد وشيخ المحللين بوخالد

إي والله بوخالد العنوان يثيرر الذعر بين الأعضاء حلوه الذعر أدري

ماااااا حطلنا شارت وقول رفعوا التحذير إلى الدرجة القصوى واعلان الطوارى
حتى انا لزقة درايش البيت بلزاق حسبالي بقطون علينا كيماوي

النفط الشهر ونص اللي طاف تقريبا
ارتفع 8% وعقبها نزل 8% وقبها ارتفع 8% وعقبها نزل 8% وهالمجره

انا تبنيت النفط هالإسبوع وإن شاء الله بيصعد

ههههههههه هلا بالغالي بويوسف ملح المنتدى والله
عجبتك كلمة الذعر .. شنسوي في بورصتنا ام العجايب .. النفط مثل مانزلوه يرفعونه
- مرحلة التذمر كانت يوم ارتفع النفط 120 دولار السوق مطنش وما ارتفع
- مرحلة الاحباط يوم ارتفعت جميع بورصات العالم والخليج وما ارتفعنا
- حاليا السوق بمرحلة اليأس شي مخجل اسهم شبه مجانية ومحد يشتري (انهيار كامل للثقة)
والحين يوم انهار النفط المؤشر الاسعار متقضبين بانهيار النفط (قلص)

... انا اقول الله يرحم حالنا خسارة فلوس وخسارة وقت

 

[رابح رابح]

افاااا اشفيكم صايرين چباريت ما تستحملوون شي

يا لووونق يا الغالي لكل كلمة سبب
وانت قلت مستحيل وضاغط على الياء مده مستحيييييييل
فحبينه نستفسر منك

وانا طلبت الشارت قلت يمكن تفيدنا فيه ما عندك شارت عيل عندك سبب قلنا تنورنا

مدام طلع توقع شخصي من حقك ولكن ؟
يرجى منك ذكر بعض الكلمات اللي تبريء موقفك .... انا أقولك
احتمال - اعتقد - احساس - يمكن
يا حبذا هم معاهم

هاذي الكلمات نقدر نفهم منها إن اعتقاد شخصي

وشنو قساوة الكلام هذا شنوو اللي موعاجبه كيفه احنا أصدقاء لازم يكون الكلام بينه راقي

النفط بيصعد وهم بينزل واحنا تعايشنا معاه على هالأساس

المهم بدون ما تعتذر انا قبلت أسفك

بويوسف الصراحة حلوة ( ياحبذا ) بايقها من المتنبي

 

[رابح رابح]

أبي واحد يقول لي شنو وجه الشبه بين مسار مؤشر السوق و مؤشر النفط
خاصة محللين برنامج المؤشر التلفزيوني اللي كل يوم يكررون الربط
ما يتم طرحه يوميا يعتبر استهزاء بالمتداولين

 

[ابوسارونه]

أبي واحد يقول لي شنو وجه الشبه بين مسار مؤشر السوق و مؤشر النفط
خاصة محللين برنامج المؤشر التلفزيوني اللي كل يوم يكررون الربط
ما يتم طرحه يوميا يعتبر استهزاء بالمتداولين

مشاهدة المرفق 248891

مشاهدة المرفق 248892​

الاخ ألفا مجتهد
وتأثير النفط ي بو خالد ... موجود علي دول الخليج بشكل واضح


كل بورصات الخليج ( ماعدا الكويت والبحرين وعمان ) ارتفعتو من ضعفين الي 3 أضعاف منذ عام 2009 حتي 2015 والسوق الامريكي والياباني (هذولا اللي تأكدت منهم فقط غيرهم كثير ) ارتفعو بحدود ضعفين ونص الي ثلاثه !!

(الارقام علي الذاكره تقريبه- لاتعتمد عليها - وممكن لو كانت مهمه لعمل بحث .. أني احضرها بالكامل بشكل دقيق جدا )

الامريكي من 7 الاف الي 20 الف
الياباني اعتقد من 6 الاف الي 20 ألف
السعودي من 4 الاف .. الي 11 الف
دبي من 1500 الي 4500
ابوظبي من 2000 الي 5500

والنفط .. بهذه الفتره
من عام 2008 الي 2015 .. ارتفع من 38$ الي 114$


--------

اللي بقوله
ان ارتفاع النفط يرفع
حتي البورصات العالميه مو بس الخليجيه - بسبب ارتفاع كلفه اللقيم والبتروكمكل والنقل فترتفع المداخيل والارباح صوريا بسبب التضخم عندما ترفع الاسعار للتعويض

وان العالم كله حقق
من ضعفين الي ثلاث اضعاف
ماعدا .. القليل القليل جدا من الأسواق

وأن اللي ماحقق الطفره خلال هالفتره من الاسواق ... فالخلل فيه .. ماهو بسبب عدم الترابط بين النفط والأسواق


------

الان ولأننا نعلم
ان سوقنا .. مضغوط جدا .. ويكاد ينفجر
نقول ... اهم عامل ننتظره .. هو ارتفاع النفط .. علشان سوقنا يرتفع

وعلشان هالامر ... متابعه النفط
له اهميه بالغه للسوق الكويتي (حاليا ) وان تأثير الارتفاع له .. اقوي بكثير من تاثير النزول .. لان الضرب في الميت حرام


وهذي وجهه نظر ... وانت يبوخالد
استاذ كبير .. مانقدر نقول بعد كلامك شي
فيما لو فندت هذه الاطروحه

قياسنا لكل هذا
محصور بالاعوام
مابين 2009 الي 2015
كل ماقبله .. يجب ان نعتبره تحصيل حاصل
لان الاسواق بناءها السعري الجديد كان خلال هالفتره

 

[الجزيره نت]

أبي واحد يقول لي شنو وجه الشبه بين مسار مؤشر السوق و مؤشر النفط
خاصة محللين برنامج المؤشر التلفزيوني اللي كل يوم يكررون الربط
ما يتم طرحه يوميا يعتبر استهزاء بالمتداولين

مشاهدة المرفق 248891

مشاهدة المرفق 248892​

في وجهه نظري أنا لا أعترف في شئ اسمه محلل فني أهم شي هو المحلل المالي الذي يعطيك قيمة الشركه وبعدها مجلس الإداره أما بالنسبه لمؤشر النفط فمساره بالدقائق حسب الاخبار يمكن تشوفه نازل 2 دولار وفجأة أرتفع 2 دولار، ولا ننسى أن عامل النفط مع مؤشر السوق الخليجي لأنه هو مصدرنا الوحيد فإنخفاض النفط يؤثر على ميزانيه الدوله والميزانيه تؤثر على بناءالمشاريع ووقف بناءالمشاريع يؤثر على الشركات والبنوك وهذا التأثير يؤثر على البورصه .