&$@ صفحة متابعة السوق @ $&

[الراقي]

السلام عليكم ورحمة الله وبركاته
الحمدلله الاسواق الاسيوية خضراء وان شاء الله جميع الاسواق خضراء
ويخرب بيت بريطانيا ويخرب بيت صفقة امريكانا اللي تدبسنا فيها

 

[Navigator]

لقيت مشاركه لابو تركي من ٨ سنين وحطيت له اعجاب فيها

 

[الراقي]

بوسلمان مافي سهم يقول ترى انا بصعد

 

[Navigator]

بوسلمان مافي سهم يقول ترى انا بصعد

هههههه
فيه وشكثر

 

[الراقي]

هههههه
فيه وشكثر

عندك الرقم او الخاص جنك ماتدري حق العيديات هههههههههههه

 

[ابوسارونه]

عسا دوم وانت طيب

اعذرني ع العتاب

طريقتك ليست طريقة تداول

ليش تبيت العقد وتاخذ عكس تيار

اهم مافي عالم الفوركس متي تقتنص الفرصه للشراء او للبيع

الباوند اذا لم يخترق ١،٣٤٨٣ لن يكون هناك صعود راح يستمر بنزول



ترا عتابي لاني احبك في الله

اسف علي المداخله / ودي اسولف

اغلب شركات الفوركس اليومين اللي فاتو
خفضو الرافعات الماليه ... لسببين

1/ الخوف من الخساره
2/ دخول ضخم لتداولين العملات خاصه من عشاق التذبذب القوي وهذا يحتاج لتوفير سيوله لهم

الباوند يجب التعامل معه حاليا بشكل
(اساسي) مو فني .. مع ان الفني يعطيك .. بس الاساسي اقوي بمثل هالظروف

لتقييمه بشكل اساسي
نسأل سؤال / هل خروج بريطانيا من الاتحاد الاوروبي يخدم الباوند والحركه التجاريه؟؟


(هنا) ... نقسم السؤال لشقين
ونقول .. هل كانت بريطانيا تتعامل باليورو؟

الجواب .. لا

اذن ... ننتقل للشق الثاني
ونقول .. هل كانت بريطانيا تستفيد من انظمامها لمنطقه اليورو ؟

الجواب .. نعم


اذن .. بريطانيا ستتاثر اكيد ..
والاثر سينتقل لعملتها ... علشان هالامر

طريقه التعامل مع هالامر بطريقه تجاريه متحوطه يكون هكذا ...

البيع يكون بدون رافعه ماليه ضخمه .. يعني تدخل .. ويكون عندك مجال حركه كبير .. مو تصك الرافعه فل .. يستحسن ماتحرك الا 5% فقط و 95% اجعله تحوط .. واجعل صفقتك .. مدتها طويله ( يعني اقفل شهرين ثلاثه)


لان الذي سيحدث
هو نزول العمله اكيد .. كما يتوقعه كل الناس ولكن البنوك .. بين فتره وفتره .. سترفعه لأغلاق الصفقات وتخسير الناس .. لاتظن ان الهوامير بس عندك .. تري بالعالم كله .. الكبير ياكل الصغير

تأكد انهم سيغلقوون ملايين الصفقات ... لانه ..اكيد ..لايمكن ان يربح كل اهل الكرة الارضيه من خلال مسئله بسيطه مثل هذه
انتبه

 

[Navigator]

عندك الرقم او الخاص جنك ماتدري حق العيديات هههههههههههه

دزيت لك البرشامه

مو متأكد من شرعية بعضهم

والغير شرعيات ما دزيتهم

 

[الراقي]

دزيت لك البرشامه

مو متأكد من شرعية بعضهم

والغير شرعيات ما دزيتهم

الله يجزاك خير ياالريس
الاسهم الغير شرعية حتى لو ابي اشتريها ما اقدر بيت لتداول حاط عليها بلوك

 

[ابوسارونه]

دزيت لك البرشامه

مو متأكد من شرعية بعضهم

والغير شرعيات ما دزيتهم

سؤال يسدح نفسه


هل يوجد بالسوق غير شرعي
ان كنت مضارب؟

انت لم تؤسس
ولم تنتظر ارباح
وكل اللي سويته هو استفادتك من الفروقات السعريه .. والشركه قائمه فيني وبلياي!!

مو داش براسي شرعي وغير شرعي
ماني عارف ليه

 

[دايــم]

لقيت مشاركه لابو تركي من ٨ سنين وحطيت له اعجاب فيها

هههههه
صدمتني ! وذكرتني بالايام الجميله مع الصحبه الطيبه
كان مانبهت عليها ،، علشان اللي يدور مشاركاتي يقول ماعرفناك الا 2013

 

[الراقي]

سؤال يسدح نفسه


هل يوجد بالسوق غير شرعي
ان كنت مضارب؟

انت لم تؤسس
ولم تنتظر ارباح
وكل اللي سويته هو استفادتك من الفروقات السعريه .. والشركه قائمه فيني وبلياي!!

مو داش براسي شرعي وغير شرعي
ماني عارف ليه

ترى الموضوع كبير وفيه شرح كثير وكذالك فيه تصنيف لشركات الغير شرعية والمضاربة فيها او الاستثمار فيها
ولكن الاخوان في بيتك مايبون يدوخون راسهم وممنوع جميع القائمة

 

[ابوسارونه]

ترى الموضوع كبير وفيه شرح كثير وكذالك فيه تصنيف لشركات الغير شرعية والمضاربة فيها او الاستثمار فيها
ولكن الاخوان في بيتك مايبون يدوخون راسهم وممنوع جميع القائمة

عاد انت يا الراقي
مالقيت الا بيت التمويل ... انتقل يارجل

روح هرمسس .. تداول اكتروني عجيب وسهوله بالتعامل ... وناس محترمه


قبل لا افتح بهرمس علشان التداول الاكتروني ... سويت بحث كبير عريض عن تداول البنوك وفصفصته عدل وطلع معاي ان كل بنك .. يتعامل مع شركه وساطه قائمه وموجوده بالسوق ... وتصنع له برنامج بأسمه .. وتاخذ كميشن وهو ياخذ كميشن

يعني منتفينك من الصوبين

ميزه البنوك وحده فقط
انها تربط حسابك مع المحفظه دايركت
وهذي فيها لعبه / البنوك تعطيك من عندها وتالي تسوي تسويه ... وانا ما اشوف ان هذي ميزه .. خاصه للي يربط حسابه البنكي بالمحفظه ويكون عنده صبر يومين فقط

لان ان اغلب المتداولين
المبالغ اللي بالمحافظ .. شبه مستغنين عنها

 

[ابوسارونه]

غدا ... للمراقبه
بتروجلف ...

اذا كان السوق اخضر
قد تشهد ارتداد الي 41
(وهنا) لا انصح فيها .. فقط راقبها ، تراني اراقبها ومستهدف الدخول من قبل رمضان .. علي خبركم

اما ان كان فيه ضغط
فحااول تقتنصها 38 .. بكميه (مضاربه) بتعطي عطاء طيب .. خلال يوم من الوصول لهالسعر

اما الدخول اللي تقفل معه
37/36

 

[ابوسارونه]

أثناء بحثي في النت عن محتويات تختص بموضوع لي عن الدعم و المقاومة وجدت هذا الموقع الذي يحسب نقاط الدعم و المقاومة
و
كذلك يحسب نسب وقف الخسارة في سهم تملكه لتختار منه مسبقا ما تبني عليه قرارك
عن طريق تعبئة الخانات
http://www.diryal.com/site/calc2.asp

حسبت سهم المال فطلع

مستوى المقاومة الاول 27.5 ​

مستوى الدعم الاول 26 ​

مستوى المقاومة الثاني 28 ​

مستوى الدعم الثاني 24.5​

نقارن غدا

قد يكون حساب الدعم و المقاومة غير دقيق .. بس شتسوي بعد .. لما اتعلم

على رأي الحكمة العميقة
.. قزر بالمقروشة لما تييك المنقوشة ..
طبعا المقصود الرقية ..هاه..أخاف أحد يروح بعيد

​

نظريا صح
لكن نقول ....

الدعم الاول 25.5 / 26 عباره عن سقف وادني سقف .. مدموج ببعض ولاينفصل عن كونه دعم واحد غير مفصول

والدعم الثاني 24.5 وهو يعتبر دعم هش لا يأخذ عليه نأخذه للاستئناس ... وكسره يعتبر انذار مبكر .. لانتظار السهم 22.5 .. // عن نفسي // كسر ال 25.5 يعطيني قناعه بزياره ال24.5 والارتداد منها لمده يوم فقط.. ومن ثم مواصله الهبوط

أما المقاومات
27.5 /28 ... تعتبر واحده
سقف .. وادني سقف ولا يمكننا الفصل بينهم ويجب اعتبارهم واحد


اما المقاومه الصعبه نسبيا
هي 29.5 /30

اختراقها يذهب بالسهم
لاقوي مقاومه ... اختراقها يحتاج لام المعارك
وهي 32

بمجرد الاختراق يتم النظر
ل 34 ..

بمجرد الاختراق
نقول مبروك

تعدلت مؤشرات السهم

 

[التحالف]

سلام الله عليكم ورحمته وبركاته
صبحكم الله بالخير ان شاء الله

​

 

[دايــم]

اغلب الاسواق تتحول للاخضر
حتى الاوربيه بالبيوع المستقبليه تحولت للاخضر بعد ماكانت نازله
والنفط كذلك

 

[الهاجري6]

السلام عليكم يا اعضاء القروب

 

[ساروق الحديد]

السلام عليكم ورحمة الله وبركاته
صباح الهنا والسعادة

 

[الراقي]

سوقنا مع انهيار الاسواق جنه احسن
يخرب بيت صفقة امريكانا سببت اكتأب لسوق

 

[ابومحمد 1920]

والله ياربعنا ما ينفع فيهم شىء