زياده اسعار البنزين هل تؤدى الى زياده ااسعار المواد اﻻساسيه؟

[eleanor67]

راح ابدأ بنفسى وآنه احب الارقام:
الثوم بالجمعيه اللى ب 550 فلس قسموه نصين الواحد ب 550 فلس.
يا ريت اللى عنده سلعه زادت اسعارها يحطها علشان اوخر عنها وهذا اللى اقدر عليه انحشششش
ليش احط ثوم بالاكل ماله دااااااااااااعى

 

[الراقي]

اكيد راح ترتفع اغلب السلع
وماتقدر تقاطع السلع المرتفعة لان التاجر ملزوم يرفع السعر ولايخسر
هي نفس الحلقة شي يسحب شي
ترى الموضوع في البداية يعني عادي تشوف بعض السلع ترتفع بعد سنة بعد حساب التكلفة

 

[eleanor67]

عيل شفيهم الجرايد ماكو شي ماكوشي بس رفع بنزين حتى امى قامت تعايينى وكلمه والثانيه شوف الجريده
ماعلينا :
الثوم مايخالف ارتفع 20 ﻻ30 ﻻ روح 50 بالميه مو على قولت السورى الميه ميه
الله يرضى عليكم اللى عنده سلعه دبلت يقول
هالصفحه علشان اعرف زياده الميه ميه مالى خلق الف على 3 جمعيات بالس س س ياره بنزيييييييين

 

[عندك سلف]

الأراضي تضاعفت خلال الخمس سنوات الماضية

الإيجارات تضاعفت أيضا

سعر استقدام الخادمة والسابق

هذه عينة بسيطة لأسعار خدمات بسيطة تضاعفت أسعارها...قبل تطبيق تعرفة البارزين والكهرباء والماء الجديدة...


جميع السلع والخدمات ستتضافع أسعارها "لكن السؤال المهم ...متى؟"

أو ما هي الفترة الزمنية التي ستستغرقها في الارتفاع إلى الدبل؟!

المتوقع أن تكون وتيرة الارتفاع ستكون بسرعة مضاعفة بعد تطبيق زيادة البنزين ثم الكهرباء والماء.

وأنصحك لا تتابع أسعار السلع الغذائية لأنها كثيرة ومتنوعة وبعدين ما تشكل شي بالنسبة للمصاريف الأخرى مثل المسكن والتعليم والصحة

 

[سكر]

تعرف الي قاعد عند النهر ويبيع ماء

على الحوالينه وأهله

 

[Trillion]

طبيعي ايكون هناك في ارتفاع بالسلع وللاسباب التاليه
1- عدم وجود رقابه على الاسعار
2- عدم وجود قانون صارم يطبق على المتلاعبين بالاسعار
3- غياب الضمير في النفوس بحيث انه التجار او العامل او غيره يرفع سعر السلع او الخدمه وممكن ايكون مو متضرر من زياده البانزين ولكن طمع وهشي بالكويت انشوف تقريبا بكل مكان ومعروفين ومتمزين فيه للاسف
4- لكل فعل ردت فعل ف الاسباب المتقدمه لزياده سعر البانزين محد مقتنع فيها بتاتا وعلى جميع الشرائح ولكن سرا تمريرها ولذلك التجار او الحرفي يفعل ما يشاء وفق المزاجيه والمصلحه الشخصيه ( بالمثل ) !

 

[بو راشد القرش]

سيناريو ارتفاع البانزين مشابه ارتفاع الديزل؟؟؟؟

قبل فتره تم رفع الديزل من 55 فلس الى 175 وفى المقابل ارتفاع مواد البناء وغيره من نقل العفش وغيره وغيره

والحاليا الديزل 90 فلس والشهر القادم سوف يكون 85 فلس؟؟؟؟

لكن فى المقابل تم ارتفاع مواد البناء وغيره ولم تنزل حتى الان

وفى هذى البلد المحتكره على فئه معينه من تجار وشيوخ من المستحيل الشىء الى يصعد ينزل

والمشكله الحكومه تقول الاسعار هذى بالنسبه للبانزين معتمده على اسعار النفط

كل هذا كلام فاضى

بعد فتره ممكن 9 شهور راح يتم تنزيل البانزين مثل الديزل

لكن الهدف من هذا رفع كل شى وهذا هو المراد

وبعد فتره قريبه يتم زيادة الكهرباء والماء والضرايب على الجميع والحبل على الجرار

ولنا عبره بالرياضه بالكويت

وبالاخير هم يسعون الى سحق الطبقه الوسطى

الله يكون فى عون الجميع

 

[سكر]

أنا اشوف الكويتيين كله ضغط وسكر

 

[عندك سلف]

الداخلية تسمح لسيارات التاكسي الجوال برفع أسعارها.

 

[الراقي]

الداخلية تسمح لسيارات التاكسي الجوال برفع أسعارها.

التاكسي يحسب على الكويتي دبل الغير كويتي
وكل شي بهذا البلد سعره دبل على الكويتي
رحت ابي اشتري باب وشباك المنيوم قالو لي ٢٠٠دينار ثاني يوم اخذت المقاول الايراني معاي جابهم لي ب١٠٠دينار من نفس المحل
اي شي مافيه تسعيرة معلنة الكويتي يروح فيها

 

[laith8123]

شكرا لكم على المعلومات

 

[بو راشد القرش]

راح ابدأ بنفسى وآنه احب الارقام:
الثوم بالجمعيه اللى ب 550 فلس قسموه نصين الواحد ب 550 فلس.
يا ريت اللى عنده سلعه زادت اسعارها يحطها علشان اوخر عنها وهذا اللى اقدر عليه انحشششش
ليش احط ثوم بالاكل ماله دااااااااااااعى

اخوى روح الجبره؟؟؟

تشترى خيشة الثوم فيها حوالى 4 كيلو بسعر 4 دنانير وربع

لو بتقسمهم على الحجم الى بالجمعيه يطلع معاك دبلات الدبلات

لا وفوق هذا مو بس الثوم اشياء وايد وعليك الحسبه

 

[مليون دينار]

 

[eleanor67]

اخوي اللى يقول روح الشبره
صليييييبيه
حذفوها ورا الشمس
قبل رياده البنزين كتبت الموضوع ما مدانى كتبت زادو البنزين
امس ترست ب 8 دنانير
يعنى شلون اسوى مخازن اكل بالبيت عشان اطلع قيمه المشوار
زين اللى سووو فينا علشان نييوز
ادور قارى غﻻم راعى بقالتنا اللى فيها سله من جدام ! حق الجمعيه

 

[بوناصر56]

دام الداخليه زادت اسعار النقل فوق ١٠٠% رغم ان البانزين الممتاز ارتفع ٤١% والخصوصي ٦١% بمباركة وزارة التجاره الي لم تعترض

فتوقع غير المتوقع ...!

 

[eleanor67]

جمعيه الروضه كرتون فلنسيا برتقال كبير ارتفع خﻻل خمس ايام من 5.5 دينار الى 7.5 دينار.
حتى انتى يا روضه
موشرط يشربون عصير شفيه تانج اللى يوزعونه مع الوسيط.

 

[eleanor67]

للعلم كنت اشتريه من الروضه بعد رمضان ب 3.5
السعر زاد بين العيدين 115بالاميه
على الرغم ان سعر الديزل خﻻل نفس الفتره نززززل من 175 فلس الى 95 فلس عجيييييب
ﻻ وعلشان اضحك سألت سايق الهاف لورى. انت اكيد تحط بنزين الترا مو ديزل ﻻ وهو مصر انه ديزل
احسن خل القرعه ترعى

 

[رابح رابح]

بعد الاعتراضات الواسعة والتذمر العنيف
اول امس رايح دوانية بالدسمة وقلت اكيد بعد رفعة البنزين قلت الزحمة ودوارة الشباب ودشيت شارع الحب المكروه والمشهور بالزحمة ..ولقيت الشباب وايد تأثرو من ارتفاع سعر البنزين.
يوم دشيت الشارع اخترعت لقيت الزحمة والدواره زادو والشارع واقفين السايدين من الإشارة الى الاشاره.

طلع كل الكلام خرطي ولا همهم ارتفاع البنزين ولا يدرون عنه مجرد مادة اعلامية للتحلطم

 

[سكر]

بعد الاعتراضات الواسعة والتذمر العنيف
اول امس رايح دوانية بالدسمة وقلت اكيد بعد رفعة البنزين قلت الزحمة ودوارة الشباب ودشيت شارع الحب المكروه والمشهور بالزحمة ..ولقيت الشباب وايد تأثرو من ارتفاع سعر البنزين.
يوم دشيت الشارع اخترعت لقيت الزحمة والدواره زادو والشارع واقفين السايدين من الإشارة الى الاشاره.

طلع كل الكلام خرطي ولا همهم ارتفاع البنزين ولا يدرون عنه مجرد مادة اعلامية للتحلطم

مشكلة ربعنا علبالهم الكويتيين مايتكاثرون

كل سنة يزيد عدد السكان

لكن الشوارع مثل ماهي

الحل ببناء مدن

أو قرى على الف مسكن

الكويت هي الدولة الوحيدة الي مافيها قرية ليش

نبي قرية بالسالمي والنويصيب والعبدلي والصبية وبوبيان

 

[رابح رابح]

مشكلة ربعنا علبالهم الكويتيين مايتكاثرون

كل سنة يزيد عدد السكان

لكن الشوارع مثل ماهي

الحل ببناء مدن

أو قرى على الف مسكن

الكويت هي الدولة الوحيدة الي مافيها قرية ليش

نبي قرية بالسالمي والنويصيب والعبدلي والصبية وبوبيان

القرية مفهومة منازل قليلة بخدمات متواضعه جدا او بدونها
وعندنا منطقة الوفرة السكنية صار لها 30 سنه بس هدوها مايبونها .. منو يدق درب للدوام او الجامعة ساعتين .. نص معاشه يطير على البنزين وصيانة السيارة هذا غير اربع ساعات زيادة على ساعات العمل
تروح الساعه 6 توصل 8 الصبح
وتطلع الساعه 2 توصل 4 العصر

الحمدلله الوضع الحالي نعمة