نصيحه بهذا الوقت العصيب

[boalons]

للمستثمر الي واثق من سهمه ويتوقعله صعود , نصيحه لاتتابع السوق هاليومين علشان ماياخذون منك سهمك غصب



وفي امان الله نشوفكم بعد اسبوع

 

[حداق البورصة]

راي ممتاز و كلامك صحيح ... و أحيّ صمود الكيبل أمام موجات تسونامي

 

[بو بندر]

والله انك اصبت كبد الحقيقه


فعلن السوق مو مال متابعه هاليومين

النوم افضل خصوصا اني اقعد الساعه 5,30 علشان اتابع

كبر المخده باجر النوم يمدحونه حيل

 

[امل الكويت]

عندي اقتراح كل واحد يقول سهمه شنو وبصراحه تامه اذا كان واثق منه يهده بدون مراقبه اسبوع او اكثر شويه او اذا كان مو واثق وذكر السبب

ابدأ انا ، سهمي الوطنية العقاريه والصراحه واثقه منه وقبل لا يفتح هذا الموضوع بدأت بتطبيق النصيحه واهي عدم المراقبه وحطيت المده اسبوع او عشر ايام
والسبب السهم مو هذا سعره وما ارتفع اساسا علشان يصحح

 

[مضارب 2]

سلام عليكم...

انا عن نفسي مكبر المخدة من اسبوعين بس كل يوم العصر اشوف صفحة السوق واتابع المنتدى وعلى العموم نصيحة قالها لي طويل العمر عمي مستشاري الخاص بالسوق؟؟؟ طبعا عمي خليصي نام على اسهمك وفكر فيها بعد الحج تبيع ولة تدوبلها زيادة..وانا باخذ بنيصحته ...

امل الكويت ايش قصدك تجرجرنا وتعرف ايش عندنا ...؟؟؟؟

ودمتم سالمين...

 

[bu_nawaf]

بصراحه انا عندى بالمخازن سلطان بيان الوطنيه الكيبل التلفزيونى والكابلات وما عليهم خوف بس باقاطع السوق هالاسبوع علشان الواحد ما يحوشه اكتئاب من اللون الاحمر؟؟؟؟؟؟؟؟؟؟؟؟؟؟؟ موفقين

 

[boali]

للمستثمر الي واثق من سهمه ويتوقعله صعود , نصيحه لاتتابع السوق هاليومين علشان ماياخذون منك سهمك غصب



وفي امان الله نشوفكم بعد اسبوع

هذا اللي بيصير

 

[السوق الكويتي]

فعلا كلامك منطقي وصحيح ...

وانا عن نفسي بعت اللي عندي قبل فترة لما نزل السوق .. وزدت الكمية بسهم التمويل الخليجي ....

بس ساعات الواحد يشوف اسعار ممتازة للشراء .. خلال هالنزول الحاد للسوق ... تغريك ... بس ما اعتقد الوقت الحين مناسب لان كل ما اقول السعر مناسب .. اروح وارجع القاه نازل اكثر !!

 

[laqtan]

( السلام عليكم
انا عندي اسهم وايد والنزول ضيق خلقي وشكلي بسافر اسبوع وانسى ضيقة الخلق
الوطنيه العقاريه-الاهليه-غلف انفست-عقار-اسكان-خليجي-الاولى-المتحده-المال ع-التجاريه-بوبيان-أ صناعيه

 

[متداولجي]

للمستثمر الي واثق من سهمه ويتوقعله صعود , نصيحه لاتتابع السوق هاليومين علشان ماياخذون منك سهمك غصب



وفي امان الله نشوفكم بعد اسبوع

يعني بعد في نزول امكثر ؟!!

 

[السهم الخليجي]

هناك فرق في هبوط الاسهم ...فالاسهم التي لم ترتفع الى مستويات متوقعة لم يؤثر عليها الهبوك كثيرا

 

[boalons]

ياجماعه للتوضيح

في اسهم وايد بالسوق منتفخه وموهذي الي نقصدها نقصد الاسهم الي لها ارباح تدعم سهمها

 

[mrshed]

ياجماعه للتوضيح

في اسهم وايد بالسوق منتفخه وموهذي الي نقصدها نقصد الاسهم الي لها ارباح تدعم سهمها

يا جماعه أنا وايد أسمع عن أسهم منتفخه أسهم منتفخه ... أنزين عاد شنو هالأسهم هذى
ممكن واحد يوضحلنا أو يحددنا هذى الأسهم علشان لا ندخل عليها بالغلط

 

[السوق الكويتي]

ياجماعه للتوضيح

في اسهم وايد بالسوق منتفخه وموهذي الي نقصدها نقصد الاسهم الي لها ارباح تدعم سهمها

أخووي .. تمويل الخليجي .. عسى مو معاهم ؟؟

 

[المعوشرجي79]

للمستثمر الي واثق من سهمه ويتوقعله صعود , نصيحه لاتتابع السوق هاليومين علشان ماياخذون منك سهمك غصب



وفي امان الله نشوفكم بعد اسبوع

صح لسانك هذا عين العقل بس الله يعين الي عنده اسهم اجل وقام يتفصخ عليه السهم وهوه خسران !!

 

[العلمي]

يا اخوان كنت شخصيا اتوقع مع انتهاء اعلانات الربع الثالث وبعد الصعودكبير الذي شهده السوق في الفتره التي سبقت الاعلان وبعدها وارتفاع بعض الاسهم الى مستويات كبيره لا تتناسب ومستوى الربحيه الذي تحقق لها في الربع الثالث ان يحدث تصحيح في هذه الفتره تحديدا اي في الاسبوع الحالي وربما القادم ايضا ثم يرتد السوق ليكسر في رايي حاجز 12000 وبقوه ولعل ما اقوله ليس بجديد فقد اشار اليه تقرير بيت الاوراق قبل فتره ..مايهمني الان هو التاكيد على امر معين وهو ان ما يحصل من هبوط هوفي رايي شئ صحي وجيد للسوق وليس هناك ما يقلق ...وارجو حقيقة من اواخواني عدم الالتفات للاشاعات التي تتحدث عن انهيار للسوق والتي تبني ارائها تلك على افتراض قيام مجلس الامه باحالة امور السوق للتدقيق من قبل ديوان المحاسبه او الغاء معيار لمحاسبه رقم 39 _40 يا اخوان مبدا قانوني لا يخفى عن كثير منكم وهو ان اي قانون او قرار لا يمكن ان يسري باثر رجعي وبتالي لايمكن لاي قرار بهذا الخصوص وحتى على فرض صدوره ان يؤثر على ربحية الشركات التي تم اعتمادها من قبل البنك المركزي وفق المعيار السابق وبالتالي فحتى في حال صدور القرار المذكور فبتاكيد لن يعمل به الا مع بداية السنه الماليه الجديده هذا من جانب ومن جانب اخر فلايمكن للحكومه او المجلس مهما كان متخاذلا ان يساهم في انهيار السوق وفي خلق ازمه ماليه جديده في البلاد ومرد ذلك ليس البحث عن المصلحه العامه فقط وانما لان من نتحدث عنهم واقصد وزراء ونواب هم اصحاب المصلحه في الحفاظ على استقرار السوق فهم اما اصحاب شركات في السوق او من ذوي المحافظ والصناديق التي لا تبحث عن لخساره بالتاكيد ...اسف على الاطاله السوق باختصار بخير وسيتجاوز هذا النزول وبالتوفيق للجميع انشاء الله

 

[امل الكويت]

سلام عليكم...

انا عن نفسي مكبر المخدة من اسبوعين بس كل يوم العصر اشوف صفحة السوق واتابع المنتدى وعلى العموم نصيحة قالها لي طويل العمر عمي مستشاري الخاص بالسوق؟؟؟ طبعا عمي خليصي نام على اسهمك وفكر فيها بعد الحج تبيع ولة تدوبلها زيادة..وانا باخذ بنيصحته ...

امل الكويت ايش قصدك تجرجرنا وتعرف ايش عندنا ...؟؟؟؟

ودمتم سالمين...

لا مابي اجرجرك واعرف شنو عندك لأنه باختصار ماراح استفيد شي بس قصدي نرفع من معنويات بعض في هذا الوقت العصيب جدا