مبتدئ ويبيله جم كلمه طيبه من اهل ديرته :)

الموضوع في 'السوق الكويتي للأوراق الماليه' بواسطة ولد ابوه, بتاريخ ‏12 ديسمبر 2005.

  1. ولد ابوه

    ولد ابوه عضو جديد

    التسجيل:
    ‏29 نوفمبر 2005
    المشاركات:
    70
    عدد الإعجابات:
    0
    :) :) :)

    السلام عليكم ورحمة الله وبركاته

    اولا اهنئ نفسي بقبول عضويتي في منتدى مؤشر نت الذي له الفضل
    علينا جميعا ولو انني جديد في عضويتي وفي تصفحي له

    ثانيا ... اخوكم توه عليمي وبقراطيسه بالبورصه وطاح الفاس بالراس علي قولتهم :)
    دخلت 90% من فلوسي بالبورصه وصارت علي راسي بعد الهبوط الملحوظ
    هالايام بالبورصه بس عسى الجاي افضل والجميع متفائل خلال كم اسبوع او اقل راح يرتفع السوق ويرجع إلي حالته الطبيعيه ان شاءللله

    وبخصوص الجم كلمه الطيبه اللي ودي اسمعها منكم هي تخص ترجمة بعض
    المصطلحات وتعريفها اللي نسمعها بالبورصه وهي خفيفه عليكم ان شاءلله :)

    اولا اسمع السهم الفلاني راح يفصخونه ؟
    هل التصحيح مثل التفصيخ ؟

    وماهو التصحيح او التفصيخ او ماهي الطريقه الاعتياديه للتفصيخ سهم ما ؟

    ومتى يكون التفصيخ ؟ وهل يتم تفصيخ اسهم معينه او عموم السوق او الاسهم ؟

    ثانيا اسمع كثيرا عن سهم يسمى سهم مخطور او بالعربي لاتقرب صوبه طيحته قريبه ؟
    هل تم اطلاق هذا المسمى عليه علي اساس تحليل فني او مصادر؟ او لعبة صناديق الاستثمار ؟

    ثالثا استفسار بخصوص المضاربات الشبه اليوميه
    هل استطيع تحليل سهم معين طريق مراجعة تاريخ الاسهم اليوميه بأجهزة الكمبيوتر العاديه التي توجد في السوق اي البرنامج الخاص بسوق الاوراق الماليه الكويتي
    دون الرجوع للبرامج الموجوده بالمنتدى التي تدعى الميتا ستوك والشموع اليابانيه ومش عارف ايه :>

    واذا كانت كذلك فهل هي مضمونه ولو بنسبة 80% ؟


    واخيرا اتمنى اني ماثقلت عليكم بأسئلتي السخيفه بالنسبه لكم:d

    واللي يقدر يجاوبني علي سؤال واحد حتى ياليت مايخبل علينا بالرد
    وعساها تكون في موازين اعمالكم ان شاءلله

    والف شكرا حق اللي راح يساعدوني مقدما وشكرا ايضا للمارين علي الموضوع

    والسلام عليكم ورحمة الله وبركاته
    اخوكم بالله
    خالد النامي
     
  2. white soul

    white soul عضو جديد

    التسجيل:
    ‏6 ديسمبر 2005
    المشاركات:
    1,213
    عدد الإعجابات:
    0
    حياك الله اخوي بين اخوانك

    والله يصبرك انشالله تراك بعدك ما شفت شي

    انا نفس عليمي بس راح اجاوب على الي اعرفه والشباب ما راح يقصرون

    هل التصحيح مثل التفصيخ

    التفصيخ هو ان هالسهم علي زيادة راس ام او ارباح اضربلك مثل

    مثلا سهو الهواتف علي زيادة راس مال لغاية يوم الاربعاء القادم

    الي عنده السهم ليما يوم الاربعاء يقدر يكتتب معاهم

    يوم السبت السهم يتفصخ من الزياده يعني اذا شريته مالك حق تكتتب

    والارباح نفس الشي مثلا اذا اقرو توزيع الارباح كمثال لحملة السهم

    لغاية يوم 15_1 الي عنده السهم بهاليوم له ارباح

    اليوم الي وراه السهم يتفصخ من الارباح يعني اذا شريته ما راح تاخذ ارباح

    والتصحيح مابي افتيلك في الاخوان ما راح يقصرون


    ثانيا اسمع كثيرا عن سهم يسمى سهم مخطور او بالعربي لاتقرب صوبه طيحته قريبه

    يعني هالسهم سعره ارتفع بما فيه الكفايه او علي اخبار مو زينه

    او دشو علي مضاربين وارفعو سعره وصرفو كمياتهم

    والا اهل هالسهم معروف عنهم الغدر
     
  3. الفهلوي

    الفهلوي عضو مميز

    التسجيل:
    ‏22 سبتمبر 2003
    المشاركات:
    4,244
    عدد الإعجابات:
    11
    مكان الإقامة:
    في قلب أمي

    حياك الله اخي خالد

    اولا انت من شرفنا لا العكس

    والمنتدى منتداك واحنا ان شاء الله اخوانك وعند وجهك بما نستطيع

    الروابط التالية ستفيدك ان شاء الله .

    والأخوة الأعضاء ماراح يقصرون معك .



    http://www.indexsignal.com/vb/showthread.php?t=19712

    http://www.indexsignal.com/vb/showthread.php?t=18741

    http://www.indexsignal.com/vb/showthread.php?t=22051

    http://www.indexsignal.com/vb/showthread.php?t=19706

    http://www.indexsignal.com/vb/showthread.php?t=18971

    http://www.indexsignal.com/vb/showthread.php?t=18940

    http://www.indexsignal.com/vb/showthread.php?t=18740

    http://www.indexsignal.com/vb/showthread.php?t=18739



    الفهلوي
     
  4. Koko wawa

    Koko wawa عضو جديد

    التسجيل:
    ‏15 أغسطس 2005
    المشاركات:
    606
    عدد الإعجابات:
    0
    يالحبيب التفصيخ اهو الى قاعد اصير بالسوق هل ايام :d

    بس حبيت اضحك وياكم وشر البلية مايضحك
     
  5. مسكين

    مسكين عضو جديد

    التسجيل:
    ‏22 نوفمبر 2005
    المشاركات:
    298
    عدد الإعجابات:
    0
    أخوى خالد النامى

    أنا مثلك جديد فى المنتدى ولكن محاسب والحمد الله أنا عندى معلومات بسيطه عن السوق.

    هلا ومرحبا فيك فى المنتدى .

    على فكرة هذا المنتدى عجيب أحس لم أدخله أنى قاعد بين أخوانى والله العظيم .

    بس هذا مومعناه أنى أصدق كل إلا ينقال وروح وراه وأكون أمعه

    لازم أكون دقيق فى أختيارى وحريص وتكون عندى معلومات أشلون أحلل ميزانيات ماليه علشان أعرف وضع الشركه حتى أستطيع أقرر أشترى أو لا
    حتى فى حالت البيع.


    على العموم :

    إجابة أولا:التفصيخ يعنى السهم لابس شىء وفصخه مثل أرباح السنة بعدالتوزيع

    التصحيح يعنى السهم سعره مبالغ فيه مقارنة بأرباحه فيأتى وقت عليه لتصحيحه أما بالزياده أو النقص.

    إجابة ثانيا:بخصوص السهم المحظور يعنى أن أصحاب الشركه مو ثقه فالشركه مو ثقه لعوبه صعب أنك أتحقق شىء من وراه سواءا مضاربه أو أستثمار .
    فعلك أنك تكون حذر لأنهم يعرفون أنك داش عليهم وشرة أسهمهم .


    إجابة ثالثا : ما أستعمل الشارت لآنى مو مقتنع فيه فى السوق الكويتى ولكن يظل علم لازم نحترم فى الأسواق الأخرى.
    الله يوفقك أخوك عبدالله
     
  6. almoress

    almoress عضو نشط

    التسجيل:
    ‏9 ديسمبر 2005
    المشاركات:
    902
    عدد الإعجابات:
    5
    مكان الإقامة:
    دولة الكويت
    هلا أخوي ولد أبوه


    أنا مثلك بعد جديد على المنتدى أما السوق دخولي فيه يعتبر حديث الولادة

    عند الأخوة الي موجودين

    أول دخول لي لم أوفق وطلعت بخساره لظروف معينه

    والحين دشيت مره ثانيه :) ومن أول يوم دشيت صار الي يقولون عنه

    التصحيح :)

    وأحسن شي سويته أنك مادشيت بفلوسك كلها نفس أخوك :)

    ولكن يبقى أملنا بالله كبير واليوم المؤشر يبشر بخير

    أما بالنسبة لمنتديات المؤشر لا شك أنها من خيرة المنتديات

    وأكثر منتسبيها ذو فكر وتفكير راقي

    ستجد آراء متفرقه وهناك من يتفق على رأي واحد

    لكن قبل كل شي يجب أن تأخذ ما تقتنع فيه أنت شخصيا

    حتى لا تلقي باللوم على أحد لأن هؤلاء أخوتنا يجتهدون ولهم من الله

    الأجر والثواب

    نصيحة أخيره من شخص يحتاج للنصيحه

    لا تبداء ولا تدخل في سهم لا تنطبق عليه شروط هيئة الإفتاء في السوق

    لك وللجميع خالص الود
     
  7. fahad1234_1

    fahad1234_1 عضو جديد

    التسجيل:
    ‏19 أكتوبر 2005
    المشاركات:
    396
    عدد الإعجابات:
    0
    انا انصح انكم تنطرون شوي لين تبين معالم السوق اكثر
    هالاسبوع شويه صعب الواحد يدخل ينطر شوي افضل
     
  8. ولد ابوه

    ولد ابوه عضو جديد

    التسجيل:
    ‏29 نوفمبر 2005
    المشاركات:
    70
    عدد الإعجابات:
    0
    بسم الله الرحمن الرحيم

    اشكركم جميعا اخواني علي التوضيح والارشادات والنصائح اللي سمعتها من بعض الااخوان اللي ردو علي الموضوع
    وجزاكم الله الف خير

    وبصراحه اللي فهمته من الردود هاي كلها لا بأس فيه
    اخوي white soul فهمت الان وش معناة التفصيخ واشكرك جزيل الشكر
    اخوي الفهلوي اشكرك جزيل الشكر علي الروابط اللي حضرتك وضعتها
    لكن وللاسف بسبب عدم فهمي للبعض المصطلحات والعبارات التي في بعض الروابط اعلاه لم افهم منها شيء
    ولكن لا انكر انه بعض المواضيع التي وضعت من قبلك فهمت واستفدت منها بشكلا كبير
    اكرر شكري لك

    اخوي Koko wawa كيف الله يهديك اللي قاعد يصير هو تفصيخ؟
    ماسمعت انه صاير تفصيخ بالسوق علي الاسهم كلها ؟.؟؟
    ياليت توضح اكثر + تذكر الدليل والمصدر ان وجد

    اخوي POORGUY اشكرك ايضا جزيل الشكر علي التوضيح والشرح

    اخوي almoress حياك الله ومشكور علي النصايح والمرور المشرف
    وعسى الله يعطيك علي قد نيتك الصافيه ان شاءلله

    اخوي fahad1234_1 هلا بك

    واسف علي الاطاله اخواني
    من لايشكر الناس لايشكره لله
     
  9. A Finance

    A Finance عضو جديد

    التسجيل:
    ‏5 ديسمبر 2005
    المشاركات:
    33
    عدد الإعجابات:
    0
    اشلون نعرف وقت التفصيخ علشان نتجنبه قبل حدوثه
     
  10. السوق الكويتي

    السوق الكويتي عضو جديد

    التسجيل:
    ‏12 أكتوبر 2005
    المشاركات:
    1,801
    عدد الإعجابات:
    0
    مكان الإقامة:
    الكويت
    تتجنب التفصيخ قبل الجمعية العمومية للشركة ....

    يعني مثلا الاتصلات المتنقلة ... سعرها وصل فوق الخمس دنانير .. وبعد الجمعية لما اقروا زيادة راس المال .. تفصخ السهم ونزل سعره ليه الثلاث دنانير اعتقد ...


    بس فيه فرق اخوي بين الجمعية العمومية .. واجتماع مجلس الادارة ... لا تتلخبط