♒️ أسهم تَسير ♒️ على طريق الحَرير ♒️

[نواخذة الكويت]

قاعد ابيع و اشتري في الوطنية و اجيليتي

چان أدوخ

 

[نواخذة الكويت]

استراحة ✋

يا جماعة الخير ( ذبح امذابح ) بيني و بين صانع سوق أجيليتي

اشوفكم بعد الإغلاق

سلام

 

[نواخذة الكويت]

شباب خلوا عينك على ال >>> 312

مهم يغلق فوقه السهم علشان نقول غدى الشر ،، ترى أهو مفتاح الأمان

وأظن أمس شفت بالشارت هم رقم 318 <<< مهم

لكن سابق لأوانه إنبه عليه بعدين

 

[( عتيج )]

السلام عليكم
بو يوسف دامك تشتري في اجيليتي
شيل 11 12 و13 وسكرها 14
ههههههه

 

[نواخذة الكويت]

مؤشرات المزاد تُشير على أن الإغلاق

على رقمي >> 312

عاد ما يندرى شنو يصير بعد اشوي

 

[نواخذة الكويت]

تغيرت الحسبه

حطوا بالكم من كسر ال 300 هههههههههههههه

 

[نواخذة الكويت]

امممممممم إغلاق لا باس

لأن أمس الكسر على 312 كان مُضاعف

نشوفكم باچر الصبح

سلام

 

[( عتيج )]

بو يوسف
يجيب الله خير
متى ماخلصت العاصفه
وخفت الرياح ووقفت الديمه
والله المستعان

 

[نواخذة الكويت]

بعد الغدا نشوف جلسة اليوم

غدانا مطبق زبيدي قايلهم حمشوها لي

 

[بوووحمد]

بعد الغدا نشوف جلسة اليوم غدانا مطبق زبيدي قايلهم حمشوها لي

عليكم بألف عافية بس لا تنسى دهن العداني وأچار طماط مع ثوم يبل

 

[نواخذة الكويت]

عليكم بألف عافية بس لا تنسى دهن العداني وأچار طماط مع ثوم يبل

عمرك طويل توني خالص

من صجك ( هذا مكياج الزبيديه ) لازم يكون موجود معاها

يا زين أطرافها المقرمشه

المشكله الحين وين لي خلق اشتغل ههههههههه ودي انام بالصاله على الغنفه

بوحمد ما تتوقع إن في ناس ناطرين شرحي و أرقامي اللي بحطها بالصفحة و ينسبونها لهم

 

[نواخذة الكويت]

الله عليك يا طفل المستقبل

لا يزال يطعن القمه السنويه بعنف

اممممم هل في تسريبات عن الربع الأول ونتائجها ؟؟

أو اعلان طيب في قادم الأيام

 

[نواخذة الكويت]

يا فرحه ما تمت توچ صاعده

معقوله النزول بسبب الإستحقاقات ؟ تو الناس

وشنو هذا تاريخ التأكيد لأن اليوم التاريخ 6 - 5

 

[بوووحمد]

عمرك طويل توني خالص من صجك ( هذا مكياج الزبيديه ) لازم يكون موجود معاها يا زين أطرافها المقرمشه المشكله الحين وين لي خلق اشتغل ههههههههه ودي انام بالصاله على الغنفه بوحمد ما تتوقع إن في ناس ناطرين شرحي و أرقامي اللي بحطها بالصفحة و ينسبونها لهم

وعمر يطول على الطاعه وأحلى شيء المقرمشه هذه يفتر المخ معاها - من صجك الريال يمكن ما تغدى لغاية الحين منتظر يقتنص منك الدرر.
شقني النت شق من ربع ساعه وانا احاول ارد عليك

 

[نواخذة الكويت]

يطوف ال 600 وهو يضحك

 

[نواخذة الكويت]

وعمر يطول على الطاعه وأحلى شيء المقرمشه هذه يفتر المخ معاها - من صجك الريال يمكن ما تغدى لغاية الحين منتظر يقتنص منك الدرر.
شقني النت شق من ربع ساعه وانا احاول ارد عليك

ويمكن حط عينه على إزبيديتي بعد هههههههههه

خبرك صفحتي صارت سبيل العموم ياخذ و يمشي

 

[نواخذة الكويت]

والله اعلق واصفق يا بويوسف والله اعلق واصفق ✌️

( نواخذة الكويت محلل شعبي تعرفه و تثق به )

 

[نواخذة الكويت]

صدقتي يا الغاليه

 

[نواخذة الكويت]

3 جلسات يلامس ال 500 ويرتد ،، بعد مشاركتي

نبي الثالثه ثابته يا الدر المكنون

 

[نواخذة الكويت]

محد يطوله