المجموعة الدولية للاستثمار ش .م.ك.م ( المجموعة د )

[Bo Tasneem]

شباب .. وشابّات علشان ما يزعلون

عندي لكم معلومه تخص التداول إذا تسمحون أشرحها وطبقوها .. لزيادة الخير خيرين إن شاءالله

اخواني حبايبي .. إذا شفتوا بأن هناك عرض على 990 فلس بكمية 700 ألف .. و على 980 فلس بكمية 550 ألف .. وعلى 970 فلس بكمية 200 ألف .. (طبعاً مثال بس) ..

وكان هناك تداول على 960 فلس .. بحيث طلب بكمية 120 ألف .. وعلى 950 فلس بكمية 200 ألف .. وعلى 940 فلس بكمية 250 ألف .. وعلى 930 فلس بكمية 400 ألف ..

الزبدة بأن المعروض 5 ملايين .. والطلب 1 مليون .. أو 2 مليون .. فكّر اشوي وشغّل المخ .. وادرس الوضعيه ..

إذا لقيت بأن الأوامر كما هي فوق !! استفيد وقط على الطلب .. وبس ينزل 10 أو 20 فلس رد إخذه (إذا شفت بأن هناك أوامر طلب قد دخلت بقوة) ..

وإذا ما دخلت الأوامر وصفوها بتوحيد في الكميات .. يعني إذا ماوضعوا 700 ألف أو مليون .. فمعناته خلّك ناطر ولا تاخذ .. لأن الهجوم لم يبدأ بعد

وكرّر هالشغله كلما سنحت الفرصة .. راح تلقى بأن المستفيد هو أنت .. فهم يعرضون في الأعلى كي يلمون منّي ومنك .. ويردون يقطون فوق خل نلعب مثلهم

ترى الـ 5 آلاف سهم بصعود 10 فلوس فيها 50 دينار .. تسوى معاش السايق اطلعه بنص ساعه .. عدل !!

بس هاااااااااااااااااااااااااااا !!

إن شفت وشميت ريحة خبر .. ورأيت الأوامر مصفوفه عدل مدل .. وتساوى تقريباً المعروض بالمطلوب !! إهني امسك سهمك لأن فيها لقمه بإذن الله

وبعدين شباب .. وشابّات ..

إللي مايعرف يسوي هالشغله لايسويها .. تراها بالفطنه اتبيّن وبالقلب القوي تقدر عليها

وإذا مافهمت شي يبه .. اقضب سهمك أبرك لك

ونصيحة أخو .. "نوّع بالمجموعة الماسية"


بوتسنيم​

 

[قربان]

و هذا شارت تداول اليوم

 

[SOS]

هااها .. حلوه SOS

ماعندي رد هذي يقولونها ربع أولى متوسّط !!

للعلم علشان تبرئة الذمّه .. بأني فعلاً ذكرت إني بعت .. بس ارجع بقّق عينك أكثر بالمشاركة مالتي .. راح تشوف بعيونك بأني قلت بجرّب بجزء أسوّي هالشغله !!

وأخذت 5 آلاف سهم من المحفظة .. وجربت أبيعها على 970 .. وأرد أسترجعها بالنازل إذا شفت فرصة أو أنطر إلى سعر أراه فعلاً زين لإلتقاطه .. وعلى حسب الأوامر التي تدعم السهم إذا دخلت ..

هذا اللي صار .. وبعدين تعال .. انت شكو صج !!

اشرايك أعطيك اليوزر نيم والباسوورد وتشوف عندي المجموعه وربعها ولاّ لأ !! أقول أخوي أكرمنا بسكوتك إذا تسمح .. لأن الكلام السيده مولك .. للناس السيده ..

حضرتك تغط تغط .. وقلنا فكه لأن سهمنا بصعود الحمدلله .. بس نزل السهم طلع صاحبنا !!

ذكرتني بلعبه نشوفها ببعض الحدايق إللي فيها دوارف .. اللعبه إللي تقعد إنت على كرسي .. والسهم على الكرسي الثاني .. إذا السهم صعد إنت تنزل .. وإذا نزل إنت تطلع !! عسى مستانس بس وانت تلعب !! يحليلك

المجموعه صاعده إن شاءالله .. وسؤالك ليش ما استرجعت السهم عيل على 940 .. أقول لأني أرى يمكن هناك سعر أفضل .. ويمكن آخذه باجر على 940 اشدراك !! بس المحفظه مليانه المجموعه الحمدلله على النعمه ..

بكل فخر أقولك .. بأن سهم شفنا من وراه الخير من 200 فلس .. وذاك الوقت وإنت تقول : "يا أهل المدينه .. وخروا عن سامي البدر" .. والحمدلله شوف سعر السهم الحين جم ..

إكبر اشوي أخوي ..


بوتسنيم​

يجي منك أكثر يا بو تنسيم
هذا مستوى ردك؟؟ .. الله يعينك على نفسك

حبيبي انت ما بعت لأنك تبي تسترجع بكره
انت بعت لأنه ياك خبر على الخاص
لكن تدري وين المشكلة بالضبط .. المشكلة إنك طحت بلسانك وفضحت نفسك بنفسك ...
الله يعينك حبيبي .. ما يفيدك هذا الترقيع

 

[rahaly]

يا جماعة ... ليس دفاعا عن بو تسنيم .. ولا السهم ..

لكن كونوا منطقيين شوية ... رجل قاعد في السوق للاستفادة والاسترزاق مثلنا كلنا ..

يستثمر.. يضارب .. يتصيد الفرص

يعني لما باع بعض الكمية ... او كلها ... شاف فيه تذبذب وفرصة بيع فوق وشراء من تحت ............
وين المشكلة ..

يعني لما صار يشجع السهم ... خلاص .. لازم يحتفظ بالسهم طول عمرة؟؟؟

يعني حنا نبيع ونشتري وهو (القبقب) بس يطبلنا صاعد نازل .....

انا ما اتكلم عن بو تسنيم ... بو تسنيم يمثل اي شخص نتكلم عنه ...

يا اخوان قلنالكم مليون مرة هذا سوق ... والمصلحة فيه مالها صاحب
اللي يشوف الفرصة يقتنصها ...

يعني جزاه الله خير صبركم من 500 + الى 1040 ...

ولو الرجل سئ نية كان باع وما تكلم ومحد مطلع عليه ... صح ؟؟
بالعكس حتى لما باع قالكم بقصد انكم تستفيدون مثل ما هو سوه ...
حبلكم ما احب لنفسه(( هذي ما لها علاقة بفالينتاين)) ...

والرجل لما سامي البدر قال كلام ما عجبه ... كان بامكانه يسكت وداخله منزعج ..
بس هو لعلنها على الجميع بانه ما عجبه كذا وكذا من الكلام ....


والله الرجل عمري ما شفته .. ولا عرفته الا في المنتدى ...

لكن الحق يقال ...

وبو تسنيم .....
هذا الكلام مو لك 100% ( لا تستانس) ... هذا الكلام لكل من يكون في موقع بو تسنيم ..

(( ودير بالك بو تسنيم هذا ما يعطيك الفرصة تطبل زايد:d ))


الله يوفقكم جميعا ... وانشاء الله انكم اخوا واحبة والله يرزقكم على قد نياتكم


تحياتي



رحالي

 

[SOS]

نصيحة لك يا بو تنسيم
من الشارت اللي أرفقه الأخ قربان لا تستعيد سهمك بكرة .. انطره على ال 850 فلس إذا ارتد .. وإذا ما ارتد الله يعينك بعد شتسوي

 

[SOS]

عزيزي رحالي
الله يوفقك ويوفق الجميع يا رب

مو هذا اعتراضنا على بو تنسيم
اعتراضنا هو تحريضنا على الإمساك بالسهم بينما هو يصرف على روسنا
أنا واحد من اللي كان يراسلهم على الخاص ويقول امسك لا تبيع
وخسرت بسبب تمسكي بالسهم وثقتي في بو تنسيم
لكن بعدين وعيت للعبة وبعت بخسارة وقمت أضارب بين الدعم والمقاومة ليما طلعت فلوسي
تهقى كم واحد مثلي بهذا المنتدى .. بعدين اللي ما باع وتمسك بالسهم وجمد فلوسه 4 شهور شنو ذنبه

أرجو أن تكون الصورة واضحة الحين

 

[Q8 Stock]

السلام عليكم

مهم للجميع
الرجاء الابتعاد عن المشاحنات
مو معقول بالصعود والنزول للسهم لازم في مشكله ؟؟؟
كل واحد له وجهة نظر
ومحد يغصب الثاني على السهم
القرار الاول والاخير لك
افيدوا الاعضاء والزوار للموضوع

اللي تكسب بوه العب بوه


اتمنى الفائده للجميع

 

[Solid_investor]

يا جماعة السهم تحرك من 160 فلس الى دينار في سنة تقريبا
اتوقع السهم لو كان الحين سعره 200 فلس جان محد انتقد او هاجم اللي كانوا ينصحون بالسهم بقوة مثل المهذب و بوتسنيم و باقي الشباب الطيبين

هذا سوق فيه صعود و نزول و تذبذب واللي يبيع و يرد يشتري ممكن يسفيد وايد بس هم اللي مسك السهم استفاد عدل من تضاعف قيمة السهم الى 7 اضعاف ::: يا جماعة ترى المهذب و تسنيم ما قصروا ونصحوا الناس و شجعوهم ووايد انس استفادوا من نصايحهم فالله يجزيهم كل خير

واذكر بقول الله تعالى في محكم التنزيل
بسم الله الرحمن الرحيم

" هَلْ جَزَاء الْإِحْسَانِ إِلَّا الْإِحْسَانُ "


والله المستعان

 

[Bo Tasneem]

يجي منك أكثر يا بو تنسيم
هذا مستوى ردك؟؟ .. الله يعينك على نفسك

حبيبي انت ما بعت لأنك تبي تسترجع بكره
انت بعت لأنه ياك خبر على الخاص
لكن تدري وين المشكلة بالضبط .. المشكلة إنك طحت بلسانك وفضحت نفسك بنفسك ...
الله يعينك حبيبي .. ما يفيدك هذا الترقيع

حاط دوبه دوب الخاص !!

تدري لو أوريك الخاص إللي تتكلّم عنه بحرجك إحراج "حد أدنى" !!

عيب والله عيب أخوي .. كنت أكلمك وأدخّل بوسط الكلام أسطر اتضحك اشوي بقصد إنك تحترم نفسك اشوي وتستريح !!

لكن أشوفك منت معبّر إخلاصي ومحبّتي لإخواني والله الشاهد علي ..

عيب ياخوي ليمن أتكلّم عن سهم وأقول اشتروه من 320 فلس وآنا صوتي بح من الحنّه .. لأن عندي مصادر تقول "دينار" .. بس شقول غير الله يصبرنا عليك .. لأن الويه عريض !!


بوتسنيم​

 

[rahaly]

عزيزي رحالي
الله يوفقك ويوفق الجميع يا رب

مو هذا اعتراضنا على بو تنسيم
اعتراضنا هو تحريضنا على الإمساك بالسهم بينما هو يصرف على روسنا
أنا واحد من اللي كان يراسلهم على الخاص ويقول امسك لا تبيع
وخسرت بسبب تمسكي بالسهم وثقتي في بو تنسيم
لكن بعدين وعيت للعبة وبعت بخسارة وقمت أضارب بين الدعم والمقاومة ليما طلعت فلوسي
تهقى كم واحد مثلي بهذا المنتدى .. بعدين اللي ما باع وتمسك بالسهم وجمد فلوسه 4 شهور شنو ذنبه

أرجو أن تكون الصورة واضحة الحين

تسمحلي ياخوي ؟؟

احمل اخاك على 70 محمل ....
وليش ما يكون بو تسنيم هذا فكره .. ويظن ان اللي يقوله صح ويراسلك ينصحك ... وهو معاك نفس الشي !!!

فكر .... الرجل شاف فرصة بيع واسترداد من تحت ...
يعني يراسل الكل ... ويقول بيعوا وردوا اشتروا ؟؟؟

صدقني لو انت بمحلة بتسوي نفس الشي ... فرصة ما راح تطوفها عشان تلتزم مع الناس ....

هونها ياخوي .... تهون

قول يا الله .. وقول (((( يا بو تسنيم الله يرزقك على قد نيتك ))))

وقتها تعرف من الصادق:d


يرحم والديك ... نبي كلمة حلوة تغازل فيها بو تسنيم

صافي لبن ...... عسل يا مجموعة :d


يالله عشان باجر اصعدلكم السهم 150 فلس




رحالي

 

[rahaly]

وانت بو تسنيم .... ياخوي سكر الموضوع ...
وعط اخونا سوس كلمة حلوة فالنتانية :d

ابييييييي ... المشرفين ما يرضون توهم مسكريلي الموضوع :d


يالله ... وخيرهم الذي يبدا بالسلام .... يا سلام عليكم



رحالي

 

[Solid_investor]

يجي منك أكثر يا بو تنسيم
هذا مستوى ردك؟؟ .. الله يعينك على نفسك

حبيبي انت ما بعت لأنك تبي تسترجع بكره
انت بعت لأنه ياك خبر على الخاص
لكن تدري وين المشكلة بالضبط .. المشكلة إنك طحت بلسانك وفضحت نفسك بنفسك ...
الله يعينك حبيبي .. ما يفيدك هذا الترقيع

اخوي Sos :

اذا كنت تقصد الحوار اللي دار بيني و بوتسنيم و قلتله شوف الخاص ترى ما كان خبر ولا شي ... كنت اقوله بيع فوق و اشتر تحت عشان تستفيد زيادة والريال يوم سواها كان صريح واعلنها مع انه مو ملزوم يعلن .

بس حبيت اوضح عشان الريال ما ينظلم
و جزاك الله خير

 

[Bo Tasneem]

عزيزي رحالي
الله يوفقك ويوفق الجميع يا رب

مو هذا اعتراضنا على بو تنسيم
اعتراضنا هو تحريضنا على الإمساك بالسهم بينما هو يصرف على روسنا
أنا واحد من اللي كان يراسلهم على الخاص ويقول امسك لا تبيع
وخسرت بسبب تمسكي بالسهم وثقتي في بو تنسيم
لكن بعدين وعيت للعبة وبعت بخسارة وقمت أضارب بين الدعم والمقاومة ليما طلعت فلوسي
تهقى كم واحد مثلي بهذا المنتدى .. بعدين اللي ما باع وتمسك بالسهم وجمد فلوسه 4 شهور شنو ذنبه

أرجو أن تكون الصورة واضحة الحين

يالله على هالناس !! وينك من قبل هالـ 4 أشهر إللي تقول عنها !!

وينك يوم سعر المجموعه 650 فلس !!

وينك يوم سعرها 520 وكانت واقفه آن ذاك !!

وينك يوم سعرها 430 فلس !!

وينك يوم سعرها (تبي أقهرك أكثر) .. 120 فلس !! (بوتسنيم استريح حتى انت ماصدتها بهالسعر )

يايني الحين وتشكك في نيتي !!

لو سمحت رحالي .. قلبي كبير والحمدلله .. ومابي لا صافي لبن ولا حليب موز !!

إللي بيني وبينه تحدّي من جم شهر .. وليلحين عينه قويه صاحبنا .. لاااااا والحين ياي ويدخل بالنوايا !!

لو بعت .. جان قلت !!

هل هذا تصيّد منك مثلاً وقاضبها علي !! فعلاً الله يعينّا عليك بس ويقدرنا إن نوخّر الشك بنوايانا إن شاءالله .. والله العالم ماتحمله نفسي لإخواني .. والحبيب مادري صاير محلل نوايا !!


بوتسنيم​

 

[rahaly]

سوس ... وبو تسنيم .... رجاء مصالحة سريعة ...
لا تفقرونا ورانا تداول باجر :d


وترى اذا ما تصالحتوا الحين حالا ... باقفلكم موضوع المجموعة مثل وقف تداول جراند .... لحين ورود الايضاح :d

ترى المشرفين عطوني الباس وورد ... يعني اسكر اي موضوع على كيفي

 

[zancop]

مرحبا عليكم كلكم

يا اخوان في عندي تعليق بسيط ( بدون تحديد اشخاص)
مهما كانو الاخوان جزاهم الله خير ينصحون او يجيبون اخبار يرجع
القرار لك انت مو شخص ثاني انت اتحدد متى اتبيع و متي تشتري
اهم ينصحون بس ما يلزمون احد ابتسمع كيفك ماتبي هم كيفك
ارجع و اقول انت صاحب القرار و انت الي تحسبه صح و خلك ذيب
(( إن لم تكن ذئباً شديد الأذى .... عليك الثعالبُ ))​

 

[Bo Tasneem]

تصبحون على خير

نوعوا بمحافظكم نوعوا !!


بوتسنيم​

 

[zancop]

اكثر من 6 انواع من الاسهم ما اقدر واصل حدي يا بوتسنيم​

 

[ooo_75]

مساكم الله بالخير

انا بيني وبينكم ماعندي توصيه ولاشي

بس في واحد صاحب محفظه نصحني بهالسهم ويقول انشالله فيه ارتفاع

بس يبيله حول الشهر او شهر ونص

 

[SOS]

ليش قلبتوها حب وكره وتصيّد وحقد ومدري شنو

يا اخوان أنا أنتقد تصرفات أدت لخسارة أموال الناس .. فلوس يا يبه مو قراطيس
انتقاد التصرفات لا تعني وجود كراهية مسبقة أو حقد على أحد
لا يوجد بيني وبين بو تنسيم معرفة سابقة أو عداوة .. أنا أنتقد تصرفاته التي أدت بالكثيرين للاحتفاظ بالسهم دون فائدة منذ آخر قمة أي منذ أكثر من أربعة أشهر وحتى الآن.

أرجوكم .. الموضوع مو موضوع تصفية حسابات بقدر ما هو نقد موضوعي لتصرف قام به شخص أدى هذا التصرف لخسارة أو تجميد أموال لمدة أربعة أشهر .

 

[المستفسر]

سوس ... وبو تسنيم .... رجاء مصالحة سريعة ...
لا تفقرونا ورانا تداول باجر :d


وترى اذا ما تصالحتوا الحين حالا ... باقفلكم موضوع المجموعة مثل وقف تداول جراند .... لحين ورود الايضاح :d

ترى المشرفين عطوني الباس وورد ... يعني اسكر اي موضوع على كيفي