سهل جدا للي يعرف للسوق

[asking4u]

الاخوة محلليل ورواد المنتدى السلام عليكم ورحمة من الله وبركاتة

ارجو منكم التكرم بتقديم النصيحة لخوكم الصغير جدا جدا بالسوق ولا عنده اي خبره سابقة بخبايا سوق الاسهم

فارجوكم لاتخلوني بروحي محتاج مساعدتكم

عندي 15 الف ولا اعرف وين اتجه ولا شنو اشتري
ابي اوصلها 25 بس علشان اغطي مصاريف البنيان للقسيمه
ياريت تقولون لي بشنو اقدر استثمر لمدة 4 الى 6 شهور
مع اطنان من الشكر لمدة شارك بالرأي وابدى النصيحة

 

[بوعدول]

حبيبي asking4u
محد اهني يقدر يقولك شنو تسوي وشنو ماتسوي
لأن احتمال ان احد ينصحك بسهم وبعدين السهم ينزل او مايرتفع والله اعلم شنو يصير بالسهم
بس انا بقولك على شغله والعلم عند الله ,,,,
وبقولك انا وين شاري اسهم
انا شاري بمركز سلطان وشاري بالصفوة
وفي عندك أعيان العقارية وأعيان للإجاره هم حلوين للإستثمار
انا بتوقعاتي ان هالاسهم حلوه للإستثمار
حبيبي asking4u الشراء شي راجعلك انا قاعد اقولك بالاسهم الي انا شاري فيها
حبيبي لاتنسى شغله هذا رأيي الشخصي ويمكن في ناس تختلف معاي بهالشي ,,,,,,,,,,,,,,,,,,
والشراء شي راجع حق راعي الفلوس
ودير بالك من بعض الشركات الي يحوشها اكتتاب جديد او منحه ويتفسخ السهم وتقعد تنطر يمكن اكثر من سنه
وعلى فكره اغلب الشركات الحين على وشك اعلانات ارباحها ويمكن تصعد صعده موطبيعيه ,,,,
والله تعالى اعلم

 

[apollo]

أخذ بيت التمويل و وخر عن عوار الراس

 

[البواردي]

والله اخوي انا حاس فيك

انت انطر وشوف اي شركه تكون ارباحها ممتازه ودش على السهم مالها واطلع قبل ما يتفصخ السهم

وكمل بنيانك عقبها وان شاء الله تربح

 

[المريح]

أخوي السوق ربح وخسارة ،يعني راس مالك يمكن ينقص.

إذا ماعندك فكرة عن السوق ماينفع تدخل .

أنصحك أن تستثمرهم بصندوق أرباحه عالية.

أخوك المريح

 

[غازى]

دامك مادخلت السوق ابعد عنه ابرك لك .............واذا تبي تستثمر اشتر اسهم ناقلات الغاز بقطر افضل لك

 

[supv]

انصحك بالمساهمه في صندوق اذا كنت تجهل السوق

 

[الراقي]

أخذ بيت التمويل و وخر عن عوار الراس

حرام عليك بيت التمويل بهذا السعر استثمار لاأنطر بيت التمويل على صيف لما ينزل سعره وأخذه استثمار

 

[asking4u]

الشكر الجزيل لجميع من شارك بموضوعي واتمنى المزيد من المشاركة لتعدد الاراء
علشان اقدر احدد وين احط استثماري

 

[sprite]

ما في مانع إنك تدخل السوق .. و خلك على الأسهم اللي ما إرتفعت من مدة طويلة و مستقرة فهي إذا ما ربحتك ما تخسرك , مثل :

إستثمارات وطنية , مخازن , وطنية عقارية , شركات الإسمنت في القطاع الغير الكويتي .. مع مراعاة جانب التوزيع

و التقيد بالقاعده المعروفة " لا تحط كل البيض بسلة وحده "

 

[زمان اقتصادي]

إخذ سهم بيتك بعد اجتماع الجمعية العمومية وإنطر علية ولاتبيع إلا قبل إجتماع الجمعية العمومية
تحياتي

 

[white soul]

صج السوق يخوف هالايام

بس في فرص وفي شركات ما تحركت وفي شركات اسعارها مظلومه

استثمارات وطنيه

الاولى

تمويل خليج

وطنيه عقاريه_مركز سلطان

اسمنت الخليج_اسمنت القيوين

بس نصيحه تابع السوق جم يوم ولا تستعجل والله يوفقك​

 

[الاوحديون]

الاخوة محلليل ورواد المنتدى السلام عليكم ورحمة من الله وبركاتة

ارجو منكم التكرم بتقديم النصيحة لخوكم الصغير جدا جدا بالسوق ولا عنده اي خبره سابقة بخبايا سوق الاسهم

فارجوكم لاتخلوني بروحي محتاج مساعدتكم

عندي 15 الف ولا اعرف وين اتجه ولا شنو اشتري
ابي اوصلها 25 بس علشان اغطي مصاريف البنيان للقسيمه
ياريت تقولون لي بشنو اقدر استثمر لمدة 4 الى 6 شهور
مع اطنان من الشكر لمدة شارك بالرأي وابدى النصيحة

عمي حبيبي أول نصيحة لك لا لا لا لا لا تسمع الا من ذو الخبرة و المنتدى فيه من الصفوة الطيبة بس لازم تعرفهم و هم على فكرة معروفين .........

ولا تستعجل بالشراء او بالبيع خلك حريص وانشالله ياخوي ما تخطأ اخطائي القاتلة ........... مع التوفيق

 

[BuRashed]

إخذ سهم بيتك بعد اجتماع الجمعية العمومية وإنطر علية ولاتبيع إلا قبل إجتماع الجمعية العمومية
تحياتي

عدل شغلك, هذي أسهل و أأمن طريقة للاستثمار .

 

[pipes_kse]

نصحية من اخوك
سوق دبي و ابو ظبي في الحضيض الان
اليوم كان اول طلوع و الاسعار ممتازة
مين يصدق الدانة غاز صارت ب 3.85 درهم و املاك وصلت ل 8.50؟؟

يرجى رفع الموضوع بعد اسبوع فقط

 

[asking4u]

مشكورين على المشاركة
بس لان الموضوع يعني لي الاهميه الكبيره برفعه بعد اذنكم

اخوي الاوحديون ممكن تقرأ الايميل لو سمحت وترد علي

ارجو من الجميع التفاعل مع وضعي والمشاركة باعطاء النصائح
وشكرا

 

[Semsar]

اخوي الكريم بعطيك نصيحه من ذهب
ليش تسأل فلان وعلان ترى انا كنت مثلك بالبدايه تاااااااااااايه بين الاسهم وبين كل مايكتب في المنتديات
النصيحه:
اسحب من ال 15 الف اللي عندك 200 دينار وادخل دورة المؤشر للاخ سيف العجمي ( ابو علي ) لمدة 3 ايام وبعدها تعال وشوف اللي ينكتب في المنتدى.
صدقني راح تشوف شي غرييييييييييييييييييييييب
اسال مجرب ولا تسأل طبيب