لفلس عشاه الذيب

الموضوع في 'إستراحة المنتدى' بواسطة عفار, بتاريخ ‏19 أغسطس 2002.

  1. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    بعثت الى أحد الاخوان بيتا من تأليفى قبل دخولى الى عالم الاسهم

    ماهى غنيمه لنطلق مخلب الذيب
    0000000000000000000000ثم جاب عقب الصبر ربع الغنيمه

    فقال ردا على بيتى

    لفلس عشاه الذيب ما يعتبر عيب
    0000000000000000000000المكسب اعظامه تعوّد سليمه

    وقد اعتبرة هذا البيت فى ذلك الوقت من مثبطات الهمم

    ولم ادرك معنا له ألا فى مجال الاسهم اضرب واهرب أهم ماعليك

    كيف تحافظ على رأس مالك وأن لا تكون طماعا والمكسب القليل لو

    جمعناه أصبح مكسبا كبيرا

    وعند تطبيقى لهذه الاستراتجيه فى الاسهم أخذ هذا البيت حيّزا

    فى نفسى وأخذت أردده دائما

    صح لسانك يا مشعل
     
  2. خالد فهد السلوم

    خالد فهد السلوم عضو جديد

    التسجيل:
    ‏3 سبتمبر 2001
    المشاركات:
    369
    عدد الإعجابات:
    0
    مكان الإقامة:
    الدرعيه
    الفزعه يا عفار

    اخوي عفار البارح كنت عند صديق في بيته وهو رجال شرواك والاخوان

    يحب العلوم الزينه ويحب الضيوف وبيت الشعر اللي في فلته صايره مثل

    المنتدى الشعري لهواه الشعر النبطي والقهوه اللي نصها زعفران تشمها

    من بعد كيلو ... ويجي الدور على ( الشاعر زقام بن مشل ) وتنتشي

    مسامعنا بالاصاله اللي فقدناها بعد ما كثرنا من سماع اشعار ستوديو

    الفن ... المهم مشى الدور للي جنبه ... وما قصر ... وجاني الدور

    وبصراحه انا مانيب شاعر ولا اقرض الشعر .. ولكني احفظ بعض الابيات

    الزينه لشعار مرموقين ... المهم ابو طراد قال .. اها يابو فهد وش عندك

    قلت اسمعوا هالبيت اللي يسوى عندي ديوان :


    لفلس عشاه الذيب ما يعتبر عيب

    المكسب اعظامه تعود سليمه

    التفت على الشاعر ( زقام بن مشل ) وقال هي لك ؟ قلت لا والله

    هالبيت قريته في منتدى لشاعر اسمه (مشعل)

    قال تبلغه عني هالرد .. قلت ايه ابشر ... قال :-


    السلامه ماهيب للسنافيه غنيمه

    والخواف دوم جغوده سمينه

    والشجاع سكينه قبل سنينه

    والمقدام امش معه وخلك على يمينه

    والذيب ما يسمى ذيب

    اذا كان له قصه شعر وجديله

    وراعي البر تقرصه العقرب


    ويموت ولا تسمع حتى ونينه

    وكلامك يا بو فهد هالمره يا شينه ....



    قاطعت ابو طراد ... وقلت شاب البيت ... عن اذنك ابي اروح البيت

    وبعد ما تطمنت اني بعيد رددت هذا البيت وانا اضحك لانه يعجبني

    ويجوز لي :-


    " لفلس عشاه الذيب ما يعتبر عيب

    المكسب اعظامه تعود سليمه


    صح لسانك يا مشعل ... كلك بركه يا عفار ولا تنسانا من هالدرر .
     
  3. عفار

    عفار عضو جديد

    التسجيل:
    ‏16 يناير 2002
    المشاركات:
    1,389
    عدد الإعجابات:
    0
    مكان الإقامة:
    الرياض
    شرواك الطيب يابوفهد

    ياحبنى للمنتديات الشعر ومجالس الطيبين وسواليف الاولين

    والظاهر أن ابوطراد رايه مثل راى قبل دخولى للاسهم

    لانى أنتقدت مشعل لما سمعة بيته هذا واذكر انى قلت

    من طالع العليا يبا يكسب الطيب
    000000000000000000000بامر الولى لا صار فيها عزيمه
    ومن لاّ عرف قدره برك للعذاريب
    000000000000000000000غير الهوان يذوق طعم الهزيمه

    وقد ردعلى بأبيات لا أحفظها الان وسوف أقابله يوما ما وأخذها منه

    لكن بيته لفلس عشاه الذيب

    أصبح عندى أفضل من دوان بالكامل وخصوصا بعد دخولى للاسهم

    ولو ان أبو طراد معنى هنا كان أمن بهذا البيت

    مثلى أنا وياك الان

    أبشر بعزك يابوفهد

    سوف أحاول أن أضع بعض المواضيع فى أستراحة المنتدا عن الشعراء

    وبعضا من قصائدهم التى فيها روح الفكاهة والدعابة