مبروك المنحة مو أقل من 300

[abu-saleh]

هالخبر موجود بجريدة الانباء ومن مصادر مؤكدة

 

[Bo7athen]

انا سامع 500 دينار

 

[mar022]

آنا سامع يقولون 10000 وبس.
يبا مانبي منحه !
الأفضل 10 أو 20 دينار زياده بالرواتب .10X12= 120 بالسنه والأفضل 20X12= 240
قليل دائم خير من كثير منقطع .
أخوكم mar022

 

[abu-saleh]

الزيادة شبه مستحيلة

تم زيادة الرواتب وكثير من الموظفين حصلوا على كوادر والمنحة الاميرية افضل خيار للشيخ صباح الاقتصادي والسياسي المحنك

 

[mar022]

تم زيادة الرواتب وكثير من الموظفين حصلوا على كوادر والمنحة الاميرية افضل خيار للشيخ صباح الاقتصادي والسياسي المحنك

نبي بونص سنوي وما نبي زياده ولا منحه.
شكثر راح تكلف الدوله المنحه أحسن شئ يتم إستثمارها بصندوق ويتم توزيع بونص سنوي لأهل الكويت.

 

[Sharp Nero]

لا أنا سمعت بيعطون كل واحد بيت وسياره وحساب بالبنك 100 الف دينار
و 3 شركات وحده عقار و2 إستثمار.
والطلاب ما راح يروحون المدارس ولا الجامعات لان كل واحد بيمشون له 8 مدرسين لكل المواد.

 

[خالـــــد]

يقولون يبون يوزعون 25 فلس نقدي و 12 منحه و 10 زيادة راس مال

داش عرض

 

[الرومي]

أعلنت مصادر حكومية رفيعة لـ"الأنباء " أن ما يقارب 300 مليون دينار ستدرج كميزانية مخصصة لصرف المنحة الأميرية لجميع المواطنين الكويتيين.وقالت أن المنحة لن تزيد على 400 دينار ولن تقل عن 300 دينار. وكشفت المصادر أن الصرف يشمل 970 ألف مواطن ومواطنة سواء من الموظفين أو ربات البيوت أو الأطفال قبل نهاية شهر مايو المقبل .

 

[nabeels8]

تأكيدا لما نشرته الأنباء يوم السبت حول المنحة الأميرية

--------------------------------------------------------------------------------

أعلنت مصادر حكومية رفيعة لـ"الأنباء " أن ما يقارب 300 مليون دينار ستدرج كميزانية مخصصة لصرف المنحة الأميرية لجميع المواطنين الكويتيين.وقالت أن المنحة لن تزيد على 400 دينار ولن تقل عن 300 دينار. وكشفت المصادر أن الصرف يشمل 970 ألف مواطن ومواطنة سواء من الموظفين أو ربات البيوت أو الأطفال قبل نهاية شهر مايو المقبل .
(

 

[Leoo]

لا أنا سمعت بيعطون كل واحد بيت وسياره وحساب بالبنك 100 الف دينار
و 3 شركات وحده عقار و2 إستثمار.
والطلاب ما راح يروحون المدارس ولا الجامعات لان كل واحد بيمشون له 8 مدرسين لكل المواد.

صح صح ..
أنا سامع هالسالفه من قبل وسمعت يبون يوزعون مسابيح ونظاره شمسيه مع السياره .... أكيد الشركه يبــانــيه مو عدل؟؟

 

[الشورى خالد]

السلام عليكم ( اليوم طلب بدون عرض فيه أحد عنده أي معلومة

 

[s man]

اسقاط القروض

زادت اشاعات اسقاط القروض كون الحكومة انحطت بالزاوية بالنسبة لهذا الموضوع وماتقدر تتصدد عنه خلاص , خصوصا بعد الأزمة الدستورية الأخيرة ورغبة الشيخ صباح بكسب الشعب كله فى صفه ...

 

[الاوحديون]

بإذن الله

انشالله اكيد الـــــ 300 د.ك

مصادر تأخذ أخبارها على محمل الجد

 

[الاشنق]

صبحكم الله بالخير يأهلي اهل الكويت بس لاتزعلون مني تكفون يبقى رأي الشخصي واتمنى انه يكون خطأ اعتقد والله العالم انكم ميانين مأخذين الدنيا فوضى واحد ايقول 300 واحد يقول 500 واحد يقول اسقاط القروض الظاهر ما سمعتوا الخطاب امس .
عموما" تكفون لاتزعلون مني انتوا ميااااااااااااااااااااااااااانين

مشكورييييييييييييييييييييين

 

[مزاجي]

يقولون يبون يوزعون 25 فلس نقدي و 12 منحه و 10 زيادة راس مال

داش عرض

لوووووووووووووووووووووول

احسن تعليق سمعته بصراحه

 

[بيبلوس]

انا سمعت انه بيعطى بس




















اتوقع بيعطى طاف

 

[دنانير]

صباح الخير

هذا ما يسمونه في علم النفس بأحلام اليقظة ( Day Dreaming )

وسلامتكم



دنانير،،،،

وكلٌ يغنى على ليلاه ....

 

[الرومي]

سمو امير البلاد يطلب من الشعب الوقفه معاه
اللبيب بالاشاره يفهم

 

[الاوحديون]

ما شالله عليكم ياجماعة كله مو مصدقين و كله مكذبين ..............

مثل ماسويتوا بالمنحة الاميرية تبع المغفور له لما رجع من العلاج .........

حتى هذي حللتوها و كذبتوها ........... وعلى فكرة مو لما تنصرف المنحة تقولون ايه احنا كنا ندري و اهنا اللي قلنا و تحللون .....................
يا اشهر ناس بالتحليل

 

[ابومانع]

انا سمعت انها بتوقف عن التداول

لووووووووووووول