سنة الطفحه - سنة الهدامه 2006 ممكن ؟

الموضوع في 'السوق الكويتي للأوراق الماليه' بواسطة بوحسن, بتاريخ ‏13 فبراير 2006.

  1. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    هذي السنه ... الي طق فيها المطر على الكويت بشكل غريب

    ..اول شي الناس استبشرو فيها خير

    وبعد ما استمر المطر اسبوع ..اغرقت بيوت وطاحت .. طوف ...والفرجان صارت كلها ماي والارض ماهي راضيه تشرب الماي ولاهي قادره تشربه بالاصل

    الناس شكت ولولت وصار فيها ان البيوت بدت تتهدم على اصحابها ...اعذانا الله وياكم مثل هالايام

    ما يبونا نكمل بالسوق صدقوني ..بيخربون السوق لا محاله ونرجع على ايام المناخ

    هالسنه قاعدين نشوف التلاعب بالبورصه بسالفة زيادة رأس المال بطريقه جديده وليست لها سابقه


    بصراحه حدي متضايق

    كل شركه هابه هبه بالزياده .......

    خل نسترجع التاريخ اشوي اشوي مع بعض

    شفنا اول شي

    شفنا اول شي 16 % المخازن
    ثاني شي شفنا الهواتف 100%

    بعدين قلنا السوق بيطيح والسوق ما راح يستوعب والسيوله بتطلع من السوق

    بس السوق ما طاح واستوعب الي صار

    وخلونا نشوف اصاير الحين ( الارقام مو مضبوطه 100% )

    المال 33 % وخصلنا منها

    الصناعات 30 %

    الثمار 2000 %

    مزايا 33%

    ص متحده 20%

    التحصيلات 400%

    جلوبال 30 %

    جراند مو اقل من 30 %

    بتروجلف 100%

    المجموعه الدوليه 100% ( البدر قوي )

    اللبنانيه ( جراندالسياحيه ) 1000 %

    ادنك 20 %

    الاسواق 40 %

    واكيد ا صناعيه

    كل سهم له جروب والخ الخ


    والحبل على الجرار ..... وبنشوف ان اغلب الاسهم تبي زياده

    بس بالذمه الي كان يقول ان الهواتف والمخازن بتسحب السيوله من السوق ؟


    هالاكتتابات اشبتسوي ؟؟؟؟؟؟؟؟؟؟ بيقطون علينا ورق ... وياخذون اهم الفلوس


    اعاننا الله واياكم على نوائب الدهور وصروف الايام

    اعتقد انها بتكون

    سنة الطفحه - سنة الهدامه

    الا اذا ربك سهل والسوق قدر يستوعب هالزيادات

    من هالاعلانات الخاصه بالارباح ماكو شي مصبرني الا هالصوره :)
     
  2. الحووووت

    الحووووت عضو جديد

    التسجيل:
    ‏16 أكتوبر 2005
    المشاركات:
    141
    عدد الإعجابات:
    0
    اخوي الصبر:

    لك احترامي وتقديري .... بس فعلا احلى شي كان الصوره لووووووول من وين امحصلها .... وبعدين عندي سؤال اذا ممكن ..... المفتاح اللي بالصوره مفتاح باب ولا مفتاح قوطي سردين لوووووووووول :d
     
  3. SMoOoKY

    SMoOoKY عضو نشط

    التسجيل:
    ‏28 يناير 2006
    المشاركات:
    1,001
    عدد الإعجابات:
    0
    مكان الإقامة:
    بدار أبو مبــــارك
    اي والله الله يستر.... الاخوان ماصدقوا انه في سيوله بالديره قالوا ليش تقعد... وبدوا يشفطون من الاكو والي ماكو والجماعه على باب الله زيد ورب البيت كريم :/
    شركه من راس مال كذا مليون الى 100 او 250مليون ؟؟؟!!!!!
    مايندرى شنو نهاية هالفصل والله يستــــــــــــــــــر 100 او 250 مليون مره مثل زيادات راس المال....
    مشكور على الموضوع...
     
  4. FIFO

    FIFO عضو نشط

    التسجيل:
    ‏10 ابريل 2004
    المشاركات:
    169
    عدد الإعجابات:
    0
    السيوله ممكن تجيك من اي مكان ...
    المهم ان هذه الزيادات يكون العائد منها مجزي....

    لو ان هذه الشركات لم ترفع رؤس اموالها ونمت ارباحها بشكل ضئيل ..راح تبحث الصناديق عن اسواق اخرى ..
    الصناديق ليست ملزومه بسوق الكويت ...

    وصدقني ..وانا واثق من كلامي .. راح تشوف شي يبهرك ويغير نظرتك ..وبتتعجب من السيوله الي داخله في السوق ...

    خلال الاشهر الماضيه انشئت صناديق عده في السوق السعودي للاستثمار في اسواق المال الخليجيه ..

    احد هذه الصناديق 80 % من موجودات الصندوق سهمين من اسهم السوق الكويتي ...

    ومن الشركات التي زات رأس مالها..
     
  5. سنيوري

    سنيوري عضو جديد

    التسجيل:
    ‏15 سبتمبر 2005
    المشاركات:
    87
    عدد الإعجابات:
    0
    ولا تنسى اخوي رعد الصفوة من 5 ملايين ل 100مليون
     
  6. SOS

    SOS عضو جديد

    التسجيل:
    ‏20 أكتوبر 2005
    المشاركات:
    209
    عدد الإعجابات:
    0
    لو كانت زيادات رأس المال قبل انفتاح السوق الكويتي على الاستثمار الأجنبي لكان بالإمكان أن يتكرر سيناريو المناخ ولو بشكل آخر أو جديد
    ولكن بعد انفتاح السوق الكويتي على الاستثمار الأجنبي ووجود عدد كبير من الشركات مع وجود قوانين تحد من الصعود والهبوط المفرط (نظام الوحدات) يكون السوق الكويتي - باعتقادي - قادر على امتصاص زيادات رؤوس الأموال دون تأثير كبير أو نظرة تشاؤمية .


    شكرا لأنك طرحت مثل هذا الموضوع للنقاش ... تحياتي
     
  7. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    عزيزي

    مساله السيوله الي راح تبهرني ممكن بس باي سعر ومنو الي راح يشتري

    يعني في يوم الجمعيه العموميه

    راح تلقى الكثيرين ممن سيرغبون في بيع اسهمهم ليش ؟


    لان لا يستطيعون تحمل التكلفه ..... اسعار اغلب الاسهم بالنازل تقريبا

    الناس بتجمع اسهم المنحه واسهم الاكتتاب ؟ حق شنو ..السوق بيغرق لاصطياد السعر العالي للسهم قبل ان يستمر البيع

    قولي بشنو بيستخدمون هالسيوله ؟ ومتى سنرجو العائد منه ؟

    مصنع ؟ برج ؟ يبيله 3-5 سنوات علشان نشوف خيره

    شراء اسهم اخرى ؟؟ مصيبه

    حق شنو هالسيوله الي يبونها شنهي مشاريعهم ؟؟

    هي اسئله ...

    نضيف ايضا هالشركات الي طالبه زيادة راس مال

    الخرسانه 12 %

    اعيان ع 15 %


    وطنيه ب م 50%

    الكابلات 30 %

    الوطني والتجاري 10 %

    الشارقه 25 %

    السكب 50%

    والحبل على الجرار

    ويمكن نشوف العكس
     
  8. المساهم1

    المساهم1 عضو جديد

    التسجيل:
    ‏31 أغسطس 2004
    المشاركات:
    22
    عدد الإعجابات:
    0
    بسيطه يالصبر نستفيد من المنحه ولا نكتتب في راس المال
     
  9. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    زيادة راس المال بقيمة العلاوه السهم وقيمته الاسميه يتخفض فيها سعر السهم طال عمرك :) الا ان صارت مثل سالفة المخازن تتأجل لوقت لاحق

    بس بعدين يخفضون سعر السهم ..صح

    بس والله صورة الريال مع المفتاح الي يقول عنها اخونا انه مفتاح علبة سردين ..عجيبه

    توني احس ان نكي له تراث قديم :) ومفاتيح قديمه ...
     
  10. سوق التجار

    سوق التجار مشرف قسم الناسجت

    التسجيل:
    ‏1 ديسمبر 2004
    المشاركات:
    1,857
    عدد الإعجابات:
    0
    كلامك جداً جميل يا الصبر مفتاح وفيه بعد نظر فعلاً.

    بس حتى نعرف أن فعلاً راح تكون عندنا أزمه سيوله في السوق، لازم نحصي كل الشركات الي راح تزيد رأسمالها، وكم علاوه أصدارها ونسبه الزياده ونضربها في رأس المال حتى نحصل على رقم ممكن أنحدد من خلاله بأن سوف يكون هناك أزمه سيوله ولا لأ، يعني هل السوق سوف يستوعبها مثل ما أستوعب زياده المخازن والهواتف والا لأ.

    على فكره المفتاح الي بالصوره شكله مفتاح تجوري قديم، بس شفيه حلي :d
     
  11. waleeeeed

    waleeeeed عضو جديد

    التسجيل:
    ‏1 يوليو 2005
    المشاركات:
    45
    عدد الإعجابات:
    0
    زيادة رأس المال

    اخوي لما تقول زيادة رأس المال يعني تقصد شفط السيوله انا معاك بس اعتقد ان الزيادة مطلوبه وهذا شئ طيب 00000 يعني ان كل شركه تبي تطور او تبي تفتح مشاريع وبالنهايه يكون مردود جيد للمساهمين بس المشكله مو في هذي 0000000 لا المشكله في بعض المضاربين الله يهداهم اللي ياخذون السهم من تحت ويفرونه فر من العبدلي ليمن حولي وهناك يقولك حظا اوفر ودبر حالك وتعال دور من ياخذ وراك وانا اقولك وراك وراك ياك الذيب اضرب واهرب = الكر والفر :)
     
  12. abo faleh

    abo faleh عضو جديد

    التسجيل:
    ‏23 يونيو 2005
    المشاركات:
    183
    عدد الإعجابات:
    0
    اخوي الصبر مفتاح بالنسبه لزيادت راس المال حسب ماسمعت الاجمالي بكون مليار وثلاثة مية مليون دينار يعني الله يستر على السوق ما بعد التفصسخ :
     
  13. ابوسعود2005

    ابوسعود2005 عضو جديد

    التسجيل:
    ‏25 يونيو 2005
    المشاركات:
    99
    عدد الإعجابات:
    0
    السوق الظاهر ما راح يتحرك الا اخر السنة من شهر 8 وانت رايح
    بس اللحين الوضع ما يسر ابدا