ادراج المجموعه في دبي .؟؟؟ شارت اتمنى ما يصير..

[بوحسن]

بالنسبه الى وضع المجموعة في دبي

في ناس حاطه شارت انالسهم صاعد

وانا اقول يمكن السهم ينزل

ولكن جميع المعطيات الاساسية تقول ........ السهم صاعد 100%!!!!!!!!!!!!


1- الارباح المتوقعه جيده
2- ادراجها في دبي ( الوطنيه ) دافع جيد لها
3- السعر النازل الي وصلته سلطان وباقي المجموعة جدا نازل ولازم يرتفع
4- كل الاسهم خذت نصيبها بالارتفاع الا باقي المجموعة !
5- التوسعات وطبيعة الشركه يعطي انطباع للتوسع والنمو انه جيد جدا ؟


الا هالشارت اتمنى احد يصححه لي ان كنت غلطان ...

مع ملاحظه اني ادش هاليومين منتدى النوادي اتابع بعض ما يقال
مع مشاركات قليله جدا

والي خلاني احطه اني شفت شارت لاحد المحليلين هناك يقول السهم صاعد ! وحاط شارت صاعد !

الي اشوفه هذا شارت مركز سلطان
( سهم واحد من المجموعة اعتقد يبين باجي المجموعة يعني اي سهم يصعد الباجيين وراه والعكس صحيح )


عاد انا قلت اجرب حظي واشوف الشارت ( البخت للسهم )

بس رايي مو شي ونظرتي للسهم مو شي ... عسى ربي يطلعني غلطان

وما ادري اصدق المعطيات ولا شكل هالشارت ( الا ان كان شكله في شي غلط )

لاني انا ابي اربح
وكذلك الجميع

وحاط لكم مقارنه .... بمثلث سابق ومثلث حالي ومثلث برهان

للي عنده خبره يشارك وللجميع ..يمكن اكون غلطان برسم اضلاع المثلث ..او غلطان في بداية عمل الضلع .. النقاش يثري الموضوع

 

[بوحسن]

اشدعوه محد شارك

المهم من التكرشارت انقل رسمه

القصه وما فيها تعتمد على مكان بداية المثلث ؟

اذا اعتمدنا اللون الاحمر من مكان بداية المثلث .. اذا السهم منطلق الى الاعلى

اما اذا اعتمدنا الدائره الزرقه كمكان انطلاق المثلث ... نعتبرها نزول

عشان اسهل للقارئ البسيط انا شنو قاعد اقول

يبقى هني ... من وين نعتبر البدايه ...
وخصوصا في رؤوس اسهم
( الرأس الثاني للترند )

الي مو فاهم يطوف ويعتبرها شخابيط ويريح مخه

 

[بو صالح]

شارت من 11/12/2005

ارسلته الى احد المحللين من اهل الخبره في السوق

وقالي فنيا في احتمال ان يكون صحيح

وكتحليل اساسي صعبه

والله يكتب اللي فيه خير

 

[imate]

الشكل Rising Wedge

و سلطان Contracting Traingle

أعتقد في فرق واضح بين الأثنين

 

[imate]

حبيت أضيف لأخي الصبر بأن ال Wedges اللي في الشارتات لو فرضنا صحتها فمعناه أن الهدف من الودج الأول في أقصى اليسار اذا كان صحيح هو 2100-1400=700 فلس من كسر الترند... يعني مستويات سعريه قريبه من ال 750 ... و الكل يعلم بأن سلطان ما وصل لهذا السعر ... المقصد بأن التوجه غير صحيح


الأقرب لما يحصل هو أن سلطان ماخذ نموذج استداره... قاعها كان موجود عند ال 990 و حاليا صعوده و نزوله متوجه لاكمال الأستداره مع استذكار بأن ما حصل لصعود سلطان السابق و مروره بعمليات تصحيح انتهت...و السهم الأن يبدأ مرحله ثانيه لدورة صعود أخرى


تحياتي

 

[Moshaks_777]

انشالله صاعد صاعد سلطان

 

[sprite]

الأخ بوعبدالوهاب

يعطيك العافية و كلامك هو الأقرب للصح خصوصا و أن جميع الأخبار إيجابية .. و لنا عتب على قلة المشاركة في المنتدى .

الأخ الصبر بوحسن

يعطيك العافية ذكرت إن سهم واحد يبين إتجاه المجموعة .. في الحقيقة إن سهم المخازن هو اللي يقود المجموعة ككل , فليش ما تحط شارت المخازن ؟ لمعرفة إتجاه الباقي و إثراء الموضوع .. و شكرا لكم ,,

 

[knpcMAA]

ادراج المجموعة

السلام عليكم ..


شلونك اخوي الصبر مفتاح عساك بخير ..

انا ما عرف بالتحليل الفني .. لكن اللي اشوفه ادراج المجموعة

بهالوقت هاردلك .. غير مناسب لان مؤشر بورصة دبي نازل من 1200

واليوم المؤشر 787 ويمكن ينزل بعد الله يستر ..

لان ايقولون تجار سعوديين قاعدين اسيلون ابيعون اسهمهم في بورصة دبي

لان في اكتتابات قادمة كثيره في المملكة ... !!

هذا تعليقي بعيدا عن اي تشارت او تحليل فني ...


ولا شرايك يا الصبر مفتاح ..


اخوك بو عبدالله

 

[يوسف غضنفري]

السلام عليكم

الصبر مفتاح (بو حسن) .. تراك وايد مؤذي ... اشوفك وايد تحوس بالشارتات وملاحظاتك جديرة بالنقاش .. ومحد مطير عقلك غير المجموعة

سيدي الفاضل

الشارت المرفق اسبوعي .. وتلاحظ فيه ترند طويل وصاعد (باللون الأسود) وهو في نظري ترند قوي (ان شاء الله) ويشكل دعم للسهم .. وفي المقابل نشاهد قناة نزول للسهم (باللون الأزرق) عندما كان السهم في مرحلة التصحيح .. وكما نشاهد ايضا ان السهم وصل الى مستوى التصحيح 62% من الفيبوناشي او ما يطلق عليه عاميا (ابو ناشي) ...

على اي حال ..

نستخلص من هذا الكلام فنيا .. ان السهم يقع قريب من دعم قوي متمثل بالترند لاين وقريب من مقاومة للقناة الهابطة ... وبالتالي .... الترند لاين الصاعد يعتبر كدعم اقوى من المقاومة في القناة مما يدلل على ان احتمال الصعود ارجح منه للنزول ..... وهذا ما ارجحه في الوقت الحالي

اما فيما يتعلق بسوق دبي .. وهذا نقاش جانبي ... المؤشر متجه الى دعم اتوقع ارتداده من 772 او 764 بهذا الحدود ... واذا لم يرتد فان السوق سوف يدخل في نفق مظلم لان الدعم الذي يليه عند 580 تقريبا .. وان كنت متفائل بالاترداد ..

 

[careful_invest]

يوسف غضنفري لك وحشة..هابي فلانتين

 

[alamer70]

اخوى الصبر مفتاح انشاء الله صبرك خير


شوف الشارت وركز على مؤشر القوة النسبيه rsi

فى ترند صاعد واليوم اقترب من الترند ومن قبله حصل ارتداد للاعلى عند ملامسة الترند


وفى الشارت ايضا هناك ترند صاعد واقترب الشارت منه وانشاء الله الارتداد

عن قريب


وموفقين

 

[بوحسن]

على فكره انا ما املك ابهل الاسهم شي...

ولكن ماكو مانع نشتريه اذا اتفقت الاراء

بس لان الكثير مرتقب والنشاط محموم على هالاسهم

فحبينا نعرف راي الاغلبيه في اكثر الاسهم شعبيه

وهل صحيح ما رسمته من شارت ؟

الاخوه جميعهم ...جميعكم ..مشكورين

والحلو تشوف اختلاف الردود مما يثري النقاش لا سيما الي ونشوف الي غاطيين من زمان شلون يطلعون ابهل الطلعه البهيه ونشوف كل واحد وشنهي طريقته ونظرته

عموما عندي ايضا نظره اخرى احب اشاركم فيها واسمع رايكم اخواني

اعتقد السالفه كلها تكمن في حرف ال e وين بيكون ... وهل الان وقت هذا الحرف ؟ يعني في الغد سنجد الارتفاع ؟ لاننا قد نكون على ها الحرف