سابك خلال عام

[ابن بطوطه]

السلام عليكم

_*_*_*_*_*_

اكثر الشركات حيرة في السوق الان

سابك

لذا اود ان اطرح هذا الشارت للشركة ، وانتظر راي المحللين ورأيهم في سابك
خاصة ان السوق الان يقتحم ال 20000 ​

 

[عبدالله القحص]

مراحب ابن بطوطه
عاش من شافك

حبيب البي انا اليوم ماسك راسي وبقوه قل ليش
سابك احمر 33 وفيه شركات خنفشاريه مولعه نار وتعدت سابك وبمراحل

شيء يمخل العقل وبقووووووووووووووووووه

لكن التوقع والله اعلم ان ما طار طير وارتفع الا كما طار وقع

في مايو الشهير الشركات نسب فوق وسابك لم تتحرك
وفجأه السووووووووق داون وسابك معهم داون لكن ما نزلت الا 85 ريال بحدود ال 17% من الهاي حقها الى 410 واطلعي بعده لل 1980 ريال
يعني ثلاث مرات تدبيله

ما اريد قوله ان مهرجان الطماط الاسباني قادم لا محاله وفي وقت قريب جداً
بالرغم من ان السوق اثبت قوته بشكل غير طبيعي رغم المطبات الهوائيه الشديده فوق مرتفعات الجولان

لذلك على قولة اخونا اول لاترد السيل بعباتك

وانا حذر جدا هاليومين وتعبان نفسيا بعد

والحذر واجب

ونرجع لموضوع سابك لها قفزه بإذن الله فوق ما نتصور لكن بعد ان يعلقون الاشناب في الشركات الخنفشاريه فوق وبعدها تتحرك سابك وبناتها تصنيع ومجموعه والشركات القياديه وحنا نتفرج فلوسنا ومعلقينها فوق ولا نقدر نبيع بخساره على امل الارتداد والذي سوف يطول ويطووول الغذائيه على 900 ههههههه على ايش بس ودي افهم والله لو انهم يوزعون لكل سهم دجاجه ب 7 ريال كان قلنا حلو

هذا تحليل بدوي راعي بعارين قد يصيب وقد يخطيء لكن راعي البعارين يتبع المنطق

دمت بود

 

[عبدالله القحص]

ارفقت شارت الكهرباء في مايو 2004

 

[ابن بطوطه]

هلا براعي البعارين .. (عاد اللي يشوفني يقول راعي كاو بوي )
شكراً لمرورك .. وياهلا بك .
وعاشت ايامك حبيبي .. بالنسبه للغذائية تصدق ؟!!
انا من المؤسسين .. والشهادات ضايعه ولا سالت .. يوم طارت وعلى طول
دربق .. دربق .. دربق .. على وين ؟!! على شركة الغذائية .. وانشب لهم
( عاد اللي يشوفني يقول عنده 500 الف سهم !!! ) المهم بعد الاتصال ومن واحد الى واحد . قالوا : ابشر .. لك عندنا 8 اسهم !!! طبعاً الارباح راحت مع مصنع الزيتون بالجوف ... ومصنع التمور بالخرج ..
الان اوصلت الشهادات .. وان شاء الله اول ماتنزل على المحفظة
واللي يسلمك ترانزيت .. ماركت بيع
بالنسبة للسوق اعتقد في النهاية لايصح الا الصحيح فليس من المعقول سابك 1800 وبيشه الزراعية 2400 .. ( مع العلم ) لو تحسب قيمة بيشة قبل التقسيم وتعديل القيمة الاسمية تلقى سعرها الان لايقل عن 4900
... سوق هجيب فعلاً