يا طبطب يا دلع ..

[niseria]

السلام عليكم

انا عضو جديد في هذا المنتدى ( المتعوب عليه )

و كذلك عضو جديد بالبورصه ( المتعوب منها )

حبيت بس استفسر عن المحرك الرئيسي للسوق من وجهة نظركم .. هل هو مستوى ارباح الشركات و طبيعة خططها المستقبليه ؟ .. ام ان المحرك الرئيسي للسوق هي وكالة يقولون ؟

من خلال تواجدي بالسوق في الفتره البسيطه السابقه .. لاحظت مدى تأثير وكالة يقولون على سعر الاسهم .. و وكالة يقولون قويه لان بعض اخبارها صادقه .. بمعنى ان اخبار الصفقات و المناقصات تخرج على استحياء و ( للحبايب ) فقط .. و هذا ما يدفع الناس الى اتباع وكالة يقولون ..

قرأت الكثير عن كيفية اختيار الوقت المناسب للدخول على السهم و الخروج منه .. لكن مع احترامي الشديد تظل هذه النظريات محدوده الصلاحيه في احيان كثيره .. النظريه الاقوى و الانفع و الاكثر reliability هي الحضور اليومي في دواوين الهوامير و التنصت للشارد و الوارد من الاخبار ..

السوق سوق كبار .. اما البقيه مالهم الا التحلطم على الحكومه .. و الحكومه تتبع الحكمه الجديده ( يا طبطب يا دلع )

 

[البواردي]

السلام عليكم ورحمة الله وبركاته

اخوي اول شي احييك واقولك حياك الله بمنتداك المؤشر نت
ثاني شي اقولك ليش دشيت السوق الله يهديك ؟؟
ثالث شي المحرك الاساسي لاهو ارباح ولا نظرات مستقبليه سوقنا مينون شوي واللي خلاه يصير مينون المحافظ والصناديق الاستثماريه واهم المحرك الاساسي يعني مثلاً شركة شحلاتها اعلنت عن عقد قيمته 12 مليار دولار مقسم على 5 سنوات اللي اهي المخازن واول ما اعلنت نزل السهم !!! يه يه يه انزين ليييييييييييش يا المخازن يقولك لانها 5 سنين ترد عليهم تقولهم اوكي 5 سنين حلوييييييييييييين يقولولك لا احنا نبي العقد شهر ما يصييييير يا جماعه يقولون لا مالنا شغل نبي شهر .... يا الله يا جماعه دقووووها والفقيره تاكل فشقي ..... عاد احنا قبل الاعلان بيومين نشتري ونطير السهم عشان الاعلان مال العقد واثاري الجماعه مو عاجبهم العقد بجذي احترق كرتنا وكرت الشركه ونصير كلنا تحت رحمة الله ورحمة هالمحافظ

بطول عليك شوي عشان تعرف سوقنا

مثل ثاني ... شركه نفت خبر عقد يفترض انها تنزل تروح تبيع اسهمك عقبها يعلق السهم انت تصير فيك حاله نفسيه اسمها ام الربيان ويطلع على ويهك علامات استفهام وتعجب ليش علق هالسهم بالعلم انهم نفو الخبر تسأل يقولولك ما عليه هذي يسمونها محاوله وان شاء الله الشركه راح تعلن عن عقود قيمتهم 600 مليون دولار وكل عقد سنه لمدة 5 سنوات يعني اكيد بصير لها مستقبل !!!!!! شرايك فيني وانا ادخلك بدهالزيز واخليك ما تفهم شي ؟؟


جذي سوقنا الله يسلمك ما يخليك تفهم ولا شي وترجع بيتكم مستانس على الخساير اللي انت خسرانها ويخليك يضيق خلقك اذا شفت الشركه تعلن عن عقد لأن صار العكس


اخوي اذا المحافظ اشتهو يصعدون السوق يصعدونه وبسهوله وباسرع وقت واذا بغو ينزلونه من غير اي سبب مثل الحين ينزلونه مثل اللوز لا يقصون عليك يقولولك ارباح وتوزيعات ويقصون عليك مالك شغل ونصيحتي لك حط فلوسك بمحفظه تعطيك جم فلس ووخر عن السوق

انا دشيت السوق شحلاتي كان وزني 80 وشعر وبدلات وكرفتات وحركاااااات عقبها بشهرين طلعلي شيب وكرشت من الكافاتيريا وصمون الكرافت وعصير الكوكتيل ووصل وزني 110 طيعني اطلع قبل لا يصير فيك مثلي .......... ترى قمت اكلم نفسي هالايام دير بااااالك



وربي يوفقك

واسف اني طولت بس طيعني اطلع

 

[مهندسجي اسهم]

لوووووووووووووووول


اي والله كلامكم عدل بس شنسوي ودنا نتعلم واكشخ يا جميل