ساعدونا أنقذونا الحقونا

[lekyooom]

صبحكم الله بالخير

ياجماعة الخير السوق كل يوم اردى من أمس شنوو الحل

سهم شاريه على 370 والحين 290 ابيع والا شنو

والله من جد النفسية تعبت وياشباب خلو عنكم الشماته

وخلونا نفكر في حل يهون علينا مصيبتنا

وبارك الله في من افاد في معلومة تنفع

 

[متداول اسلامي]

شنو السهم
وبناء على شنو شريت وعلى اي اساس
ياليت تجاوب حتى تجد التجاوب

 

[السوق الكويتي]

شنو السهم اخووي ؟

 

[نفل]

لاتبيع ..........

اخي الكريم ......
اذا مو مضطر ..........لاتبيع اصبر لحين موعد الجمعية العموميه
وتكون بعدها بالخيار اما ان تاخذ الارباح وتنتظر ...او اذا ارتفع قبل موعد
الجمعيه بيعه .....ببساطه لا تبيع بخساره.

 

[white soul]

شكلك ماخذ استثمارات صناعيه..

السهم عالمدى البعيد طيب عندهم ادراجين هالسنه

السهم عنده دعم عال 280​

 

[lekyooom]

شكلك ماخذ استثمارات صناعيه..

السهم عالمدى البعيد طيب عندهم ادراجين هالسنه

السهم عنده دعم عال 280​

والله انك صدقت والمصيبة الكمية واجد كنت ماخذ قرض وتوهقت

وبالنسبة على اي اساس خذيته خذيته على توصية

من شخص له باع طويل في السوق خذيناه وابتلشنا

ومن خذيتاه والسهم بالنزول شنو يعني قبست عليه

والله الحين مابي شيء بس ابيه يوصل حق السعر

اللي خذيته منه واسكر القرض وبس وياليت احد يفيدني

وشنو تنصحوني فيه

450 فلس ومن خذيته قاعد ينزل لين وصل للي فيه

 

[lekyooom]

ياجماعه مو مني تخربطت ايديني
وقالي ان السهم راح يوصل 450 فلس

 

[ستار ستوك]

في حلين لك

تصبر على السهم

اما الحل الاخر
تبيع وتشتري فيه سهم ثاني نازل لكنه اعلن عن ارباحه ومستقبله

 

[متداول اسلامي]

يسلام عليك يا ستار
زين شرايك ترشح من الي تم الاعلان عنها ولها مستقبل

 

[Bo Tasneem]

أخوي .. كل سهم تخسر فيه لاتفكّر تطلع منه بالكامل

جزّء طلعتك أخوي .. وللأمانه بدلها بسهم موشرط بنفس قيمته علشان الفرقية لألأ لاتحاتي الخسارة بالفرقية .. بس اخذلك بنصهم سهم محترم نفسه !!

كيه سبان تراه زين .. والله يفرجها عليك إن شاءالله


بوتسنيم​

 

[silent_wind]

السلام عليكم

لا اخوي لاتبييع خلك ان شالله كل شي بيرتفع باذن الله هذي اهي الاسهم يوم فوق او يوم تحت وسع ص درك

 

[اعلامي]

بسم الله الرحمن الرحيم

السلام عليكم

المشكلة الحقيقة في تردي الأسهم بشكل عام وعدم وصولها الى الاهداف المرسومة هو نقل وكتابة اخبارها في المتتدى ...

اخواني .. نعلم ان كثير من الاخوة ممن يحملون اخبارا ايجابية عن الاسهم يرغبون في تنفيع الكل .. لكن ما يحصل ان هذه الاخبار و تلك التحليلات الفنية اتضح انها تضر اكثر مما تنفع ... و الامثلة كثيرة في السوق ..

كثير من الاسهم يكون عليها توصيات و يوضع لها اهداف بناءا على معلومة او خبر يكون موثوق جدا ... ولكن نلاحظ ان التوصية لا تصيب الحقيقة ابدا ..

اذا اردنا حل لهذه المشكلة فلا بد من تناقل الاخبار و المعلومات بشكل آخر غير النشر و الكتابة في المنتديات التي يدخلها القاصي و الداني ..

اخواني .. لابد ان نكون على علم بأن المنتديات لا يدخلها فقط صغار المستثمرين فهناك مدراء المحافظ و الصناديق وغيرهم ممن لهم صلة قوية ومؤثرة في الشركات يدخلون هذه المنتديات ... ويقرؤون كل ما يكتب عن الاسهم من اخبار وغيرها ... لذلك لابد ان يكون هناك حلا لكيفية نقل الخبر وإفادة اكبر عدد ممكن من المستثمرين بشكل لا يضر بحركة تداول السهم ..


دمتم سالمين
بومحمد

 

[ستار ستوك]

يسلام عليك يا ستار
زين شرايك ترشح من الي تم الاعلان عنها ولها مستقبل

يسلام عليك يا متداول مثل المركز المالي

 

[matrex-ku]

مـــــــــاشاء الله
يــاســـــــــــلام علي بورصة الرياجيل في السعوديه
شوفو شلون شــالوا السوق
الله يوفقهــــم

 

[lekyooom]

مشكوريـــــــــــــن يا أخوان على النصائح

وانشالله تلقونها في ميزان حسناتكم

 

[feb2005]

مو بس انت خسران وكلنا نفسيا تعبانين تقريبا راح نفلس

 

[lekyooom]

مو بس انت خسران وكلنا نفسيا تعبانين تقريبا راح نفلس

والله ادري مو بس انا اللي خسران وعسى يرزقنا من رزقه


حسبي الله ونعم الوكيل فيك ياسوقنا تبي الدليل اني خسران


روح قسم الأعلانات وراح تلقى مواضيعي ابي ابيع كل شيء

خطوط هواتف وجهاز لاب توب يمكن بعد تنطر شوي يمكن اعرض بيتنا

 

[alshammery]

اخى اسالك هل انت جديد فى السوق السهم اللى انت شارية اول ما قرات الموضوع خمنتة من اثتين يا استثمارات صناعية يا سهم التخصيص لانهم فى فترة كانت اسعارهم 370 .... المهم انك دشيت على السهم وهو طالع من 265 فلس وكان ذلك اواخر شهر 12يومها شريت ب270 كمية لانة سعرة كان مغرى للشراء فى وقت نزول السوق وعندما تعدل السوق ارتفع وكان فى فترات يعلق حد اعلى المهم كان فى فرصة لجنى الارباح ووصل على ما اذكر الى 375 فقط وعندما ايقنت انة راح ينزل جنيت ربحى والحمد للة بعت 360 والحين شوف سعرة اليوم اقفل 280.... اخى السوق يعلم ويعطيك دروس متى تشترى ومتى تبيع وكان عندى يومها اذكر فرصتين لشراء اسهم رخيصة كسهم التخصيص واللة العظيم نصحت اغلب المعارف والاصدقاء يوم راح التخصيص الى 380 فلس شهر 1 بان يجنوا ارباحهم ويخرجوا من السهم واليوم السهم بعد ارباحة الفاشلة 280 فلس ويبيلة فترة على ما يعود لسعر 340 مثلا ..... خلاصة الكلام السهم.. ابداء بالدخول على السهم عند ما يتم طلبة بكميات كبيرة غير طبيعية ويكون سعرة ثابت لفترة معقولة واذا ما دخلت على السهم عند ارتفاعة عدة ايام وبدون سبب لا اغامر ودش علية لانة وقتها فى اى لحظة يبدا جنى الارباح...

 

[ياقوت]

ان شاء الله محد يخسر وكلكم تربحون​

 

[feb2005]

متى مليناااااااااااااااااااااااااااااااااااااااااااااااااااااااا