متابع فقط
عضو نشط
- التسجيل
- 22 ديسمبر 2005
- المشاركات
- 14
سلام عليكم .... اولا كان الله في عون الكل على هذا النهيار الغير مبرر
ثانيا لاني منظر ولا محلل ولا ساب ولا مادح لكني بشاركم قصه عشتها اليوم بسوق البورصه:
من الصبح دخلت البورصه وفوق كتفي هم الخساره الكبيره من شركة بيان الله يعوضنا انشالله بالصحه والستر بعد ان خسرت اكثر من 50% من راس مالي فيها وانتظار سنه تقريبا عليها وهي من سيء لاسواء ومع تطمينات الكثرين بانها لان تستمر بالنزول ولها فرصه قادمه وووو الى ان النفس طابت وبعت اليوم وشلت هم الغبن والاحتيال من المطوع وغيره وتلاعب الكبار بامثالي وبحلالهم وقتنعت باني انقص علي وتقبلت الخساره ومادري بتقبل الغبن الي ياني منها او لا ، المهم حطيت الامر وكان يمي ريال كبير بالعمر بالسبعين تقريبا شياب الكويت الطيبين الي تحس فيه الوقار حتى لو كان لباسه متواضع وعرفت من كلامه انه نفسي مدبس في بيان والقضيه يا اوان مو عن بيان او غيرها الموضوع عن كل الشركات الي تلاعبت باموال المساكين ويا كثرها بالسوق .
سالته عمي بتبيع بيان قال اي يا ولدي بياع انشالله قلت انشالله خسارتك مو جايده قالي بعد ان ابتسم لا يا ولدي مو جايده الخساره الجايده بالعمر .
ولكن بلمح البصر نزلت دمعه من عين الحجي حسيت بحرارتها ونزل غترته ومسحها ومسكت ايده بدون شعور وقلت له اذكر الله وهو ضغط على ايدي حيييل وقال بصوت متحشرج حسبي الله ونعم الوكيل .
شي يمكن ماقدر اوصفه لاني ماني كاتب لكنه اكبر بكثير من الوصف مشينا بره الصاله بعد ماحطينا اوامرنا واحنا نمشي طالعين عزمته على الريوق بالمباركيه وقالي توكل على الله وتريقنا وسولفنا ساعه ونص عنه وعن اصله وعني وعن عملي وعن امور كثيره مالها اي علاقه بالاسهم وضحكنا وحسيت اني سويت شي وايد حلو اليوم كانسان اني خففت من حسرة والم ريال عود تصدقون يا اخوان نزول البورصه اليوم 450 نقطه شفته وماتاثرت له وايد رم اني لازلت مدبس في باسهم فيها .
مشكور يا ابو محمد لانك علمتني درس اليوم والله انشالله يعوضك بالخير ودعوتك لما قلت "حسبي الله ونعم الوكيل" حسيتها فتحت لها كل ابواب السماء وماعتقد بخير من ظلمك وقهرك يا بو محمد ان ماشافوها اليوم بيشوفونها باجر فيهم وبمالهم والله ام لاشماته بعيالهم .
ومشكورين
ثانيا لاني منظر ولا محلل ولا ساب ولا مادح لكني بشاركم قصه عشتها اليوم بسوق البورصه:
من الصبح دخلت البورصه وفوق كتفي هم الخساره الكبيره من شركة بيان الله يعوضنا انشالله بالصحه والستر بعد ان خسرت اكثر من 50% من راس مالي فيها وانتظار سنه تقريبا عليها وهي من سيء لاسواء ومع تطمينات الكثرين بانها لان تستمر بالنزول ولها فرصه قادمه وووو الى ان النفس طابت وبعت اليوم وشلت هم الغبن والاحتيال من المطوع وغيره وتلاعب الكبار بامثالي وبحلالهم وقتنعت باني انقص علي وتقبلت الخساره ومادري بتقبل الغبن الي ياني منها او لا ، المهم حطيت الامر وكان يمي ريال كبير بالعمر بالسبعين تقريبا شياب الكويت الطيبين الي تحس فيه الوقار حتى لو كان لباسه متواضع وعرفت من كلامه انه نفسي مدبس في بيان والقضيه يا اوان مو عن بيان او غيرها الموضوع عن كل الشركات الي تلاعبت باموال المساكين ويا كثرها بالسوق .
سالته عمي بتبيع بيان قال اي يا ولدي بياع انشالله قلت انشالله خسارتك مو جايده قالي بعد ان ابتسم لا يا ولدي مو جايده الخساره الجايده بالعمر .
ولكن بلمح البصر نزلت دمعه من عين الحجي حسيت بحرارتها ونزل غترته ومسحها ومسكت ايده بدون شعور وقلت له اذكر الله وهو ضغط على ايدي حيييل وقال بصوت متحشرج حسبي الله ونعم الوكيل .
شي يمكن ماقدر اوصفه لاني ماني كاتب لكنه اكبر بكثير من الوصف مشينا بره الصاله بعد ماحطينا اوامرنا واحنا نمشي طالعين عزمته على الريوق بالمباركيه وقالي توكل على الله وتريقنا وسولفنا ساعه ونص عنه وعن اصله وعني وعن عملي وعن امور كثيره مالها اي علاقه بالاسهم وضحكنا وحسيت اني سويت شي وايد حلو اليوم كانسان اني خففت من حسرة والم ريال عود تصدقون يا اخوان نزول البورصه اليوم 450 نقطه شفته وماتاثرت له وايد رم اني لازلت مدبس في باسهم فيها .
مشكور يا ابو محمد لانك علمتني درس اليوم والله انشالله يعوضك بالخير ودعوتك لما قلت "حسبي الله ونعم الوكيل" حسيتها فتحت لها كل ابواب السماء وماعتقد بخير من ظلمك وقهرك يا بو محمد ان ماشافوها اليوم بيشوفونها باجر فيهم وبمالهم والله ام لاشماته بعيالهم .
ومشكورين