الاخوة الاعزاء استفسار عن انواع المؤشر؟

الموضوع في 'السوق الكويتي للأوراق الماليه' بواسطة المستثمرالكويتى, بتاريخ ‏8 مارس 2006.

  1. المستثمرالكويتى

    المستثمرالكويتى عضو نشط

    التسجيل:
    ‏19 فبراير 2006
    المشاركات:
    147
    عدد الإعجابات:
    0
    السلام عليكم

    ارجو من الاخوة الاعضاء اللى يعرف انواع المؤشر للسوق

    انا اسمع عن المؤشر الوزنى وغيره؟



    وما هو المؤشر الذى يعطى حاله السوق الصحيحه ؟



    وهل يوجد انواع للمؤشر؟
     
  2. متداول اسلامي

    متداول اسلامي عضو مميز

    التسجيل:
    ‏7 أكتوبر 2005
    المشاركات:
    2,106
    عدد الإعجابات:
    1
    مكان الإقامة:
    في الميتاستوك
    حياك الله اخوي
    للسوق مؤشران وهما:

    1- المؤشر السعري
    2-المؤشر الوزني
     
  3. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    ماراح تلقى افضل من هالشرح

    السلام عليكم ..

    و أخيرا قررت أن أكتب موضوعا يتعلق بشرح المؤشرات السوقية المعتمده في أسواق المال..خاصة أنه كان هناك نقاش من مده بيني و بين أحد الزملاء الأفاضل بهذا الخصوص ..و بالأمس تقدم أحد أعضاء منتدى توصية الأعزاء بسؤال على البريد الخاص يطلب مني شرح المؤشر السعري و الوزني ..

    في البداية يجب أن أبين أمرا مهما في طبيعة شرحي لهذا الموضوع، و هو انني لن أقدم المعادلات الحسابية التي تدخل في حساب المؤشر ذاته ، أو ذكر الأسهم المدرجة في مؤشر معين .. و لكن في المقابل سوف أبين ما هو تعريف المؤشر ..و المفهوم الذي يعتمد عليه ..

    (جني بأبدى أخلط عامي و فصحة...أصابيعي تعكفت و أنا اكتب فصحه ..لازم نقلب شعبي شوي .. )

    شوفوا ..

    أولا .. لا يوجد شيء اسمه "مؤشر سعري" حاف .. ! المؤشرات المنتشرة أغلبها وزنية .. لكن ..كل واحد فيهم شكل ..و منهم المؤشر السعري المعتمد عندنا ..

    في شي يسمى مؤشر "القيمة السوقية" الوزني :

    و هذا عبارة عن مؤشر يأخذ بعين الإعتبار القيمة السوقية للشركة ..

    أي شنهي عاد القيمة السوقية ؟؟ (ذبحنا قيمة سوقية و قيمة سوقية)

    أنا أقولكم ..

    القيمة السوقية هي ما يسمى بال Market Value ..Or.. Market Capitalization

    يعني ..شركة قيمة سهمها دينار .. و عدد الأسهم "المدرجة" .. 100 مليون سهم .. فقيمتها السوقية = 100 مليون دينار

    حسابها بسيط ..قيمة السهم في السوق مضروب في عدد الأسهم المدرجة ... و أكرر كلمة "مدرجة" ..مو "مصدرة".. لأن الأسهم الغير مخصصة للبيع ما تدخل ضمن القيمة السوقية ..بكل بساطه لأنها ماهي جزء من كمية الأسهم القابلة للتداول السوقي ..مثال على هذ المؤشر هو مؤشرنا الوزني و الناسداك المركب - Nasdaq Composite


    في شي اسمه مؤشر "الحصة السوقية" الوزني:

    و هذا المؤشر بكل سلاسة و سهالة معناه ان المؤشر يأخذ بعين الإعتبار حصة هذا السهم من كمية الأسهم المدرجة في السوق لكل الشركات .. يعني بطريقة ثانية .. "عدد الأسهم المدرجة للشركة"

    فهمتوا ؟

    زين اللي فهم أوكي ..و اللي ما فهم نفهمه غضب ..

    مثال .. حصة المشاريع القابضة من "عدد أسهم السوق" تساوي مليار سهم .. ليش مليار؟ ..لأن عدد الأسهم المدرجه لشركة المشاريع يساوي مليار ..

    يعني لو يبنا خيشة ..و كودنا كل أسهم السوق فيها ..و أنا أقصد كل سهم مدرج ..يعني فرضا بو سويهي يمكلك 5000 أسماك .. كل سهم من هال 5000 سهم تلقاه فردا فردا ....نفر نفر ..موجودين بالخيشة (شوال بالمصري)

    فبالتالي ..الشركة اللي عدد أسهمها المدرجة كبير ..أو بالأحرى "رأس مالها" كبير ..يكون تأثيرها على المؤشر المعني أكبر من الشركة اللي رأس مالها صغير .. مثل رعد ..أو الخرسانه ..

    لكن هذا المؤشر ماله أي علاقة بسعر السهم بالسوق .. المهم عنده ..عدد الأسهم المدرجه ..كل ما زادت ..كل ما كبرت الشركة بعينه

    شلون الشرح تمام ؟ أصلح أعطي دورات ؟؟

    المهم ..

    المؤشر الأخير اللي راح أتكلم عنه .. و هو أبسطهم ..

    مؤشر "السعر" الوزني :

    (لخبطنا أكثر يا بو فرووووووس..دخلنا السعري بالوزني ) ..

    لا لا ..لا لخبطة و لا هم يحزنون .. الموضوع بسيط ..

    المؤشر هذا يأخذ بعين الإعتبار "سعر" السهم السوقي..

    بس و كان الله غفور رحيم ..

    ها جنه في ناس تبي شوية تفصيل ؟؟

    طيب ..

    المؤشر هذا يشاخي نسبيا للسهم اللي قيمته عالية بالسوق ..أو الأسهم الغالية ..لكن شغل سهم بو ربع ..و سهم بو ميتين فلس هذا طراقه اببيزه ..

    لكن سهم مثل جلوبل ..أو الهواتف .. بو دينارين ..ثلاثة (اللي تكته 20 فلس) .. من يتحرك المؤشر يطقله تعظيم سلام ..و يتأثر فيه تأثر أكثر وضوح ..يعني الموضوع ما هو الا انك تجمع قيمة الأسهم اللي في المؤشركلهم .. و بعدين تقسم على عدد الأسهم اللي في المؤشر.. (It's an Average)

    سهله صح ؟

    مثال على هذا المؤشر هو مؤشرنا السعري (الله يحفظه من العين)..و مؤشر الداو جونز الصناعي..
    Dow Jones Industrial Average

    هكذا نكون قفلنا على كل المواضيع .. و المؤشرات المشهوره .. (كلش مو راكبه "هكذا" بالجمله)

    يالله ..الحين كل واحد فيكم يدفع دينار .. العلم مو بلاش ..و محد يخدم بخيل على قولة الزواوي .. (عاش سيدنا و الله)

    و الله أعلم ..

    و بالتوفيق ..

    بو فارس ..

    ____________________

    منقول من منتدى توصيه للكاتب فيرسون
     
  4. kuwait25

    kuwait25 عضو نشط

    التسجيل:
    ‏25 يونيو 2005
    المشاركات:
    185
    عدد الإعجابات:
    0
    boalons اخوي


    كنت فاهم والحين خربطتني عدل هههههههههههههههه

    شكرا لك على مجهودك عزيزي boalons
     
  5. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    شاللي مطلع هالموضوع من بين هالاغبار ..؟
    من سنة 2006 ..!
     
  6. buhamadr

    buhamadr عضو جديد

    التسجيل:
    ‏15 سبتمبر 2007
    المشاركات:
    77
    عدد الإعجابات:
    0
    شكرا لك على مجهودك الحين ( شوى) فهمنا
     
  7. dawood

    dawood عضو مميز

    التسجيل:
    ‏12 أغسطس 2006
    المشاركات:
    986
    عدد الإعجابات:
    0
    مكان الإقامة:
    الكويت
    شوف اخوي

    اذا ناوي تدخل السوق
    نراقب وبترتيب
    1- مؤشر السوق السعري والوزني.
    2- مؤشر القطاع الى ناوي تشترى السهم منه
    3- مؤشر الشركة التى تريد شراؤها