الثلاثاء 14/3/2006

[سندباد]

اللي عنده كاش

هذي أكبر فرصه للشراء نصيحه اللي عنده كاش يشتري و يقهر النصابين الكبار و ينام و إن شا ء الله يدوبل فلوسه

 

[التحليل الفني]

شنو رايك في افضل سهم الان

 

[استثماراتي]

والله أخوي سندباد ماكواااااا سيووووووله


الله يصبرنا

 

[JoKaR]

مو ألحين وقت الشراء


محد يدري المؤشر بيوقف على كم


ألي عنده بيزات يصبر .. وبعدها اذا ارتفع السوق أما يبرد على سهمه ولا بيلاقي فرص بكل شركات السوق


بس ألحين الصبر وحافظ على فلوسك وأعتبر من ألي قاعد يصير مع أغلبنا من المستثمرين الصغار

 

[محب التوحيد]

هذه الاسباب الي تخليني أقولكم (أمسكوا أسهمكم )واللي عنده رد يتفضل لا يبخل علينا.

بسم الله الرحمن الرحيم
الأخوة الكرام
السلام عليكم ورحمةو الله وبركاته:
أريد أن أشرح
أولا : أنواع المستثمرين.
ثانيا:من المستثمر الذي أدى الى انخفاض السعر.
ثالثا: من المستثمر الذي استفاد من انخاض الأسعار.
رابعاً:ما هو الحل.

أولا : أنواع المستثمرين:
المستثمر الصغير أو الساذج أو الأمي:هو مستثمر يشتري و يبيع السهم تأثراً بأي خبر صدقا كان أو كذبا.وهو يشتري ويبيع بدون دراسة مالية علمية للموضوع.
وهم الأكثر عددا في بورصة الكويت ويتبين ذلك من جدولات الأوامر .
وهو مستثمر ذو خسارة ضئيلة فلا يهتم بالخسارة لأنها لا تعتبر بالنسبة له شيء.
سريع الهروب من البورصة وهو الذي يؤثر على السوق بشكل كبير بطريقة غير مباشرة.

المستثمر الدارس أو الفاهم أو المطلع:فهو مستثمر لا يتخذ قرار الا بعد النظر في الجدول الباني للشركة جدول الأوامر الصفقات وأوقاتها اخبار الجرائد الميزانيات والمراكز المالية له علاقات داخل الشركة .
فهو يشتري ويبيع في الوقت المناسب ولا يتأثر بالأخبار الوهمية -كما هو وضع البورصة حاليا-
وهم الأقل عددا كأفراد في البورصة الكويتية.
يستثمر بالوقت المناسب بالدخول والخروج.

المستثمر صاحب الحذاء الأسود اللامع:أطلق عليه صاحب الحذاء الأسود اللامع لأنه ما يمشي بالسوق ولا يعرف عنها شي.
هو مستثمر صاحب رأس مال كبير أو ضخم له موكلين يتحكمون في رأس المال.
له تأثير واضح جداً على السوق بالصعود والنزول.
يعتمد في استثماره على علاقاته القوية جدأً بالآخرين لأنه صاحب رأس مال كبير .
يعتمد على ضعف نفسيات المستثمرين السذج أو الصغار أو الأميين.
بالوقت نفسه طويل النفس ،ولكنه اذا حس أن السوق سيبقى على وضعه الحالي بالنزول فانه سيضع امكانياته لرفع السهم.
وهذا السبب الذي يجعلنا بأن نقول للأخوة أمسكوا أسهمكم لا تبيعون


ثانيا:من المستثمر الذي أدى الى انخفاض السعر.

المستثمر صاحب الحذاء الاسود اللامع و المستثمر الساذج.

ثالثا: من المستثمر الذي استفاد من انخفاض الأسعار.


المستثمر صاحب الحذاء الاسود اللامع .



رابعاً:ما هو الحل.

أمسك سهمك باذن الله أنت الربحان​

 

[راعي خير]

انا اتمنى اننا نعيد تنظيم المظاهره امام باب البورصه فورا

مو معقوله يكذبون علينا ويقولون الهيئه بتدخل السوق ويخلونا ندخل بقوه وتاليها حكى فاضي

ليش يتركون الكبار يلعبون فينا ..

تحركوا يامال الغنيمه

 

[بوعزيز]

الصبر مفتاح الفرج


اخو الرقم الي قاعد اتقوله خرافي ولا يمكن يوصله منطقيا


تدري اب هالرقم جم اتصير الاسعار يا الحبيب ابو دينار اب 400



دمتم

راح يصير ولد عمي

 

[ashahri]

التريث التريث التريث ..... ياجماعه اللي يحصل شي موطبيعي لحد يدش بهالوقت في اشياء نجهلها واشياء مانعرفها فأي واحد برة السوق لايدش بالوقت هذا

 

[سندباد]

هذي أمثله

شنو رايك في افضل سهم الان

مستثمر د
عارف
صكوك
تمويل خليجي
الخليجي
الأمان
تعليميه

أخوي و كل إسلامي طيب

 

[fahad100]

هذي أكبر فرصه للشراء نصيحه اللي عنده كاش يشتري و يقهر النصابين الكبار و ينام و إن شا ء الله يدوبل فلوسه

هل يوجد ضمان ؟؟؟؟؟؟

 

[نفل]

لا لا لا للبيع بخساره.........

الاخ الفاضل ابو محمد ....موضوعك رائع .....والنصيحه التي لا تحتاج الى تفكير كثير ....خاصة لاصحاب النقدي ...

لالالالالالالالالالالا تبيع بخساره ، استلم ارباحك ، خذ اجازه ولا تهتم بالسوق.
ويبدو والله اعلم ...ان من الاهداف الخفيه لطحن العظام اللى حصل هو ارغام
صغار المستثمرين القبول بتوزيعات الارباح الضعيفه لبعض الشركات وعدم التطلع لاعلى ......ودمتم .

 

[SMoOoKY]

أنطــــــــــــــــــــــــــــــــــرني اذا احد تحرك

 

[mar022]

نعيد ونؤكد إنه تصحيح طبيعي !
اللهم لاتسلط علينا من لايخافك ولايرحمنا

 

[القناص الذهبي]

تعبنا خلاص

لي متى بالنسبة لي انا فقدت الامل وفلوسي على وشك الانتهاء انا انهرت بس ما اقووول إلى يارب عوضني خير

 

[عكاظ]

الدخول للشراء يجب ان يكون بعد ان نتاكد من اقفال اليوم ونرى ما هو الوضع عليه.. اهم شيء ان قدرنا ان نقفل اليوم المؤشر الوزني فوق مستوى 515 نشوف وش الوضع بعدين

 

[oko0k]

لا تبيعون

لحد يبيع وشوفوا النتيجة وخلكم ايد وحده مو كل واحد بروح (مو كل واحد يقول نفسى نفسي)
لن يغير الله بقوم حتى يغيروا ما بانفسهم
الصناديق والهوامير قاعدين يخرعونكم علشان تقطون اسهمكم
واهم معتمدين عليكم في السوق وان طلعتوا ما يلقون احد يبيعون عليه
خلوكم اقوى منهم ولا ترتبكون
وما ينفعكم الله الدعاء
اللهم رد كيدهم في نحرهم
والله يعين المديونين ويفرج عليهم

 

[عكاظ]

لا للتسرع في الدخول !!

 

[محب التوحيد]

لي متى بالنسبة لي انا فقدت الامل وفلوسي على وشك الانتهاء انا انهرت بس ما اقووول إلى يارب عوضني خير

أخوي الله يرزقنا واياك الرزق الحلال
أنا أقول
أولا عليك بدعاء الله عز وجل الذي لا غنى لنا عنه طرفة عين.
ثانياً يالحبيب المستثمر اللامع ذو نفس طويل لكن اذا خلص نفسه شوف شلون السوق راح يصير بس أصبر يالحبيب
والله تعالى أعلى وأعلم

 

[fahad1234_1]

http://www.da3y.org/index.php?cat=06&act=01&id=80



ملخص السوق

السوق مفتوح

المؤشر السعرى (395.70) 10,044.6
المؤشر الوزنى ( 19.22) 507.13
الكمية المتداولة 70,224,000
القيمة المتداولة 44,344,370
عدد الصفقات 2,233

 

[Bazona]

المؤشر السعرى (403.20) 10,037.1
المؤشر الوزنى ( 19.58) 506.77
الكمية المتداولة 72,359,000
القيمة المتداولة 45,806,140
عدد الصفقات 2,277

جنا وصلنا خير؟؟