انا ارشح الاخ المارد كعضو (.... ) تقديرا لجهوده

[جرير]

يستاهل الماارد...

ماشالله عليه اخلاق .... ومجهوود واضح

وعليه تحليلات ماشالله دائما تصيب كبد الحقيقه

ومتعاون مع الجميع ....​

 

[SpeciaL 1]

وآنا هم بعد وياكم
أوافق
وبشــــده
لأن استفدنا منه وايد​

 

[garmin]

وايد يناجرني بس سامحته ويستاهل




كافي أخلاقه العاليه

اخوكم
بوفواز

 

[حريص]

الاخ الصبر مفتاح كان ودي تكون انت الي تترشح لاهان اخوانا المارد بس هذا اعتبرها ميزه من ميزاتك الكثيره الي يعجز اللسان عن ذكرها

يستاهل ولدنا ونعم فيه وفيك الف يا بو حسن

 

[rahaly]

حقيقة المارد عضو محترف مكعب ....
وله شارتات اعتقد فيها وغالبا تحققت .... واللي ما يتحقق مو تقصيره


كفو والله المارد يستاهل كل خير ...


اما الترقيه .... اسمحولي مو شغلنا ... ما اعرف اصلا طريقتها
:d



رحالي

 

[قربان]

المارد ونعم فيه .. ويستاهل
وإيضا في عضو آخر .. مجتهد جدا ويستحق لقب جدير به وهو أخونا ( متداول إسلامي ) .. حتى لا نبخس الناس حقوقها .

ودمتم .

و نعم بالشباب الحلوين

" متداول اسلامي " محلل محترف و اعتقد انه ماخذ اقل من قدره في المنتدي -- لديه العديد من التحاليل المميزه و المشاركات المميزه الي انا شخصيا استفدت منها الكثير

" المارد " مع اني ما انسي " تداول قبل الازمه و بعده " و النظريات الفنيه الي يخترعها " بس للامانه محلل مجتهد و في تطور مستمر و بما انه " يستخدم التحليل الفني " لتوضيح اسباب ترشيحه للاسهم للصعود " بغض النظر عن تحقيق الاسهم لاهدافها و عدمه " فهو يشخص يستحق الاحترام و التقدير علي مجهوده ..

عشان الاسباب الي ذكرتها ..ادعم ترشيحهم للدائره ...
عفوا .. للترقيه ..يستاهلون الشباب

اخوكم بو ادم

 

[matrex-ku]

المارد صاحب الأخلاق العاليه وفزعته المعهوده مع ربعه

اكيــــد يستـــــــاهل

بس فيه شغله وحده المارد ما يحب اللي يكابرون
ولك مني كل تحيه وتقدير

 

[بوحسن]

يا جماعة الخير

عندي لكم اقتراح

علشان لا يتهمني احد اني اطبل للمارد لانه اخوي التوم

واخوي التوم الحقيقي هو ستار واخوي الثاني الدرب العصامي

عموما

اقول في واحد راسلني على الخاص

جنه يقول ................. يقول رشحني بعد !

اتمنى على المشرفين يحطون ضوابط على الالقاب مانبي تعطون واحد لقب وبواسطه تعطون واحد ثاني لقب نفسه شالكلام
ترى اسه شي افتج منتدى يمكم واول 100 واحد يدش له سهمين بالنخيل

وخصوصا انا لقبي مو عاجبني

ابي لقب رومانسي اكثر اذا سمحتو
مثل ذو اللمسه الساحره او مثلا صاحب الشارتات الي كل يوم تناقض نفسها

والله شنو لقب عضو مميز ..كاسكو انا ؟

عادي السوق اخضر النفسيه زينه ..السوق احمر نتهاوش مع الهوا

شوفو يا تحطون ضوابط يا ترى منتداكم هذا اصكره عادي اطب بالسياسه

صج نبي ضوابط قبل لا توزعون ترشيحات ومانبي واسطات
لذلك اطلب ايضا لاخواني القاب ستار والدرب العصامي

ويا المارد ادري انك ما تدور لا القاب ولا بطيخ

بس حاليا انا ابي ضوابط على الترشيحات قبل لا يتم اعطائك اي لقب

وشكرا على تنفيذ اقتراحي مقدما

انا راعي واسطه

حتى شوفو الوانيت

 

[الفهلوي]

اتمنى على المشرفين يحطون ضوابط على الالقاب مانبي تعطون واحد لقب وبواسطه تعطون واحد ثاني لقب نفسه شالكلام
ترى اسه شي افتج منتدى يمكم واول 100 واحد يدش له سهمين بالنخيل

بس حاليا انا ابي ضوابط على الترشيحات قبل لا يتم اعطائك اي لقب

وشكرا على تنفيذ اقتراحي مقدما

حياك الله بوحسن

مسألة الضوابط ليست بالأمر السهل

فنحن لا نريدها بعدد المشاركات مثل بعض المنتديات وذلك ان هناك من تعدت مشاركاتهم اكثر من 1000 مشاركة ولكنها بدون فائدة ، وهناك من مشاركاتهم معدودة ولكن تجد فيها الفائدة العظمى والنفع الكثير .

ومن الضوابط الأولى عندنا والمهمه هي الأخلاق ثم الأخلاق ثم الأخلاق في التعامل مع الكل اعضاء ومشرفين .

المواضيع الجاده والهادفه .

الحرص على تحري المصداقيه في المعلومه .

الحرص على ترك الجدال الغير مجدي والنزاع والعناد .

الأهتمام بمساعدة اخوانه الأعضاء والذين هم هدفنا الأول .

الأبداع والأبتكار لكل ما يخدم اخوانه الأعضاء كمن يصمم برنامج او يحدث بيانات ..... الخ .

وامور اخرى لا تحضرني .


=====

وللعلم نحن نعلم ان هذه التسمية لا تقدم ولا تؤخر بل انها لا تنقص من فقدها ولاتزيد من اخذها .

ولكن هي نوع من انواع التميز بين الأعضاء ، وللعلم هناك والله من تم ترقيتهم الي القاب محترف ومميز ورفضوا ذلك واصروا ان تكون القابهم عاديه كغيرهم .


اتمنى ان تكون الصورة وصلت يابوحسن


الفهلوي​

 

[Bo_Rashed1]

يستـــاهــــل اخونا المارد ... بو سلمان



ومشكوور اخوي / بو حسن .... على طرحك للموضوع

 

[stillhamad]

مو موافق

أنا غير موافق

ليش ؟؟؟

جذي نحاسه

 

[JoKaR]

يستاهل كل خير أخونا المارد

ومشكور يابو الحسن

المارد .. أعتقد شهادة الأخوان فيك بتكفيك عن كل الألقاب

موفق خير وتستاهل كل خير

 

[بوحسن]

انت تقصدني ابهل الشي

فنحن لا نريدها بعدد المشاركات مثل بعض المنتديات وذلك ان هناك من تعدت مشاركاتهم اكثر من 1000 مشاركة ولكنها بدون فائدة

وانا مسامحك وبزيد مشاركاتي ليم توصل ال 3000 واحقق رقم قياسي يتسجل في موسوعة غينيس

وبعدين تعطي الالقاب علشان الاخلاق ؟ قاعدين بمسيد احنا ؟

لا يبا تعطي الالقاب علشان الناس تعرف ان هذيلي محل تقدير لمجهوداتهم والعلم بدون اخلاق ماله طعم

ترى شكلنا بنتخلف وبنتزاعل وبهد المنتدى ..انا زعوووول

اولا المارد والمتداول الاسلامي يستاهلون الاشاده وكذلك لكل مجتهد لابد من نصيب

وماني ذاكر اسماء اخرى وهي على البال

وبعدين ؟ تقولي في ناس رفضت القاب مثل محلل وغيره

مو غلط ولكن انت اعرض بالاول وخلهم تالي يرفضون

وهقتك مره ثانيه

هههههههههههههههههههههههههههههههههههههههههههههههههههه

بس ليم اذكر مسج واحد دزه لي بالغلط اموت ضحك

والله هذا منتداكم وانتو مشرفينه والتنظيم راجع لكم يا الفهلوي

وعلى الاقل موضوعي هذا خلى المارد يعرف محله بين الناس ورايهم فيه وتقدير الناس له

وكل اسبوع بفتحلك موضوع مثل هذا وبوهقك او تحطني موقوف

 

[طير شلوة]

الوانيت للبيع ؟

 

[محب التوحيد]

و أنا هم أرشح المارد بشرط ما ينسى المصباح وعلاء الدين بعدين نتوهق ما نقدر نجيبه
وعليه أنا أرشح المارد والمصباح وعلاء الدين ثلاثتهم ويا بعض



صراحة أعضاء بدون مجاملات أحب أقرا مشاركاتهم
1-الصبر مفتاح
2-المارد.
3-تلميذ المؤشر.
4-بو راشد.

ولا نزكي على الله أحدا

 

[بوحسن]

الوانيت للبيع ؟

الوانيت انباع باقي الجيتي

اخوي محب التوحيد شكرا جدا جدا جدا ا ااا ا ا

والله المنتدى بكلكم حلو

وبدون اي تنقيص باي احد انا احب اقرء مجلة سعد وماجد بالذات

الفهلوي انصحك تحط لجنة تحكيم للشارتات والتقييم التقني من 3 اشخاص
1- بومهدي - الريان - الغضفري - مثلا
2- لجنه تقييم مواضيع وهم المشرفين طبعا
3- لجنة اخلاق حطلك مطوع وواحد ليبرالي ..... و بو تسنيم

جذي تصير اوكي والفلوس الي تندفع للترقيات ديوان المحاسبه راح يجيزها لك

 

[الضحاك]

يستاهل أخونا المارد .........

انسان معدنه طيب وأصيل ........

أعطيه صوتي عور ....... يستاهل ولدنا .........

 

[العمـــــــــدة]

المهم متى العشاء يا المارد . ... أو تدري شلون ....

وزع أسهم منحه على من صوتلك . ... وتستاهل ... بدون مجاملة