أنتم سبب النزول

[البلدوزر]

نعم أنتم سبب نزول مؤشر البورصه لو كل واحد فيكم امتنع عن البيع وصمم انه مايبيع بخساره وطنش بالبورصه كلها وامتنع عن الذهاب حتا للبورصه جان مانزل المؤشر انتم شوفو منو الي قاعد يبيع هم الصغار بس بس الواحد يقولهم كش انحاشوا انا ابي اعرف انتم خايفين من شنو الي خسر 50 % من راس ماله شبقا يحافظ عليه حبيبي والله انتم سبب الخسارة تلقا الواحد هنيه لما تنصحه بعدم البيع يرد عليك بالمنتدى ويقول اى والله كلامك صح وثاني يوم من الساعه 7 الصبح راز ويه جدام البورصه مايصدق يفتح الا حاط امر بيع ويجينا هنيه يتحلطم انا خسرت انا ما ادرى شصار فيني حسبي الله عليهم حراميه مدرى شنو زين انتا منو الي جابرك تبيع ياخي لا تبيع اعتبر البورصه اجازه مفتوحه بدون راتب
عموما انا اقول انتم السبب في النزول والخسارة بيدكم لا بيد غيركم
وخلاص طقت جبدى مليت

 

[انور النقوشي]

نعم أنتم سبب نزول مؤشر البورصه لو كل واحد فيكم امتنع عن البيع وصمم انه مايبيع بخساره وطنش بالبورصه كلها وامتنع عن الذهاب حتا للبورصه جان مانزل المؤشر انتم شوفو منو الي قاعد يبيع هم الصغار بس بس الواحد يقولهم كش انحاشوا انا ابي اعرف انتم خايفين من شنو الي خسر 50 % من راس ماله شبقا يحافظ عليه حبيبي والله انتم سبب الخسارة تلقا الواحد هنيه لما تنصحه بعدم البيع يرد عليك بالمنتدى ويقول اى والله كلامك صح وثاني يوم من الساعه 7 الصبح راز ويه جدام البورصه مايصدق يفتح الا حاط امر بيع ويجينا هنيه يتحلطم انا خسرت انا ما ادرى شصار فيني حسبي الله عليهم حراميه مدرى شنو زين انتا منو الي جابرك تبيع ياخي لا تبيع اعتبر البورصه اجازه مفتوحه بدون راتب
عموما انا اقول انتم السبب في النزول والخسارة بيدكم لا بيد غيركم
وخلاص طقت جبدى مليت

نعم انتم سبب النزول و البيع قلنا لا تبيعون ما سمعو الكلام حطووووه بالادني و يالله اخذ نزووول السوق و صراخ و فوق هذا يبون مظاهرات علي شنو
امسك السهم لا تفرط فيه و اهو نازل اذا عندك اشتر ترى هل الوقت وقته للشراء لا بيع

 

[faqeer]

الي خسر 50 % من راس ماله شبقا يحافظ عليه

حبيبي مو هذيل اهما صغار المستثمرين اللي خسروا 50% من راس المال ؟؟؟
مو اهما اللي ماسكين السهم و مو قاعدين يبيعون ليما خسروا 50% من راس المال؟؟؟؟

عيل شلون اهما السبب ؟؟؟!!!

محد فيهم راضي يبيع عشان ما يخسر زياده .. ولسان حالهم يقول " ليتنا بايعين امس "

حبيبي روح دور منو اللي قاعد يبيع و يشتري ؟؟!!!

صغار المستثمرين على باب الله .. كم مليون يملكون عشان يكونون اهما السبب ؟؟!!!

 

[meshari22]

السلام عليكم

اسمحولي على المداخله

اخوي انت شوي ظلمت صغار المستثمرين ترى الكميات اللي اتشوفها
اغلبها الاجل .

وصل الى الحد الادنى وتفصخت عليهم او تاريخ انتهاء العقد

اتمنى اتكون مشاركتي خفيفه عليكم.......

 

[Black]

يقول ان احنا سبب النزول !!!
انت بنفسك اتقول ان راحت 50% من فلوسهم و من سعر السهم و شنو اللي وصله الى هالحد
صغار المستثمرين ماسكين و مو راضين يبيعون الى ان راحت نص فلوسهم و ظلوا على هالحال من بداية السنة و كل يوم يقولون باجر يتعدل السوق و عقبه يتعدل السوق و اصلا هذه صارت من صالح اصحاب الصناديق ان الواحد يمسك سهمه لفترة ، يعني لو انا بعت بعد خسارة 10% جان حالتي بألف خير بس كانوا يبوني امسك و امسك الى ان خسر الواحد نص فلوسه و الحين ماله شغل بالسوق و لو ارتفع السوق و علق و علق و علق انا بعدني مو راد شي من فلوسي و ماراح استفيد شي من التعليقات و طفرات السوق .
و فوق هذا صرنا احنا السبب و ما يقول ان اصحاب الصناديق و الناس الكبار و معاهم الحكومة قاعدين يلعبون بالسوق و مو هامهم الا التاجر انه يربح و انتوا شوفوا بالجرايد و التلفزيونات مافي تاجر واحد انتقد اللي صاير او تضايق منه ، الكل يقول حركة تصحيحية و كل شي على ما يرام
بس ما اقول الا الله كريم
يمكرون و يمكر الله و الله خير الماكرين
سلام

 

[م. سعد]

في سؤالين مهمين يدورون في بالي و هم كم نسبة ملكية صغار المستثمرين في البورصة ؟؟

و كم نسبة الصغار اللي يتداولون في البورصة و يتابعون السوق منهم ؟؟

 

[كهرب]

سلام عليكم

المهندس سعد انا قريت بالجريده انه صغار المستثمرين يمثلون 80 % في ملكيات اسهم البورصه

 

[sam]

اسمحولي على المداخله

اخوي انت شوي ظلمت صغار المستثمرين ترى الكميات اللي اتشوفها
اغلبها الاجل .

وصل الى الحد الادنى وتفصخت عليهم او تاريخ انتهاء العقد

اتمنى اتكون مشاركتي خفيفه عليكم.......

واللة انا اقول هذا هو السبب - اما صغار المستثمرين ما اعتقد احد راح يبيع الا اذا احتاج سيولة وهذا اللة يكون بعونه

 

[م. سعد]

المهندس سعد انا قريت بالجريده انه صغار المستثمرين يمثلون 80 % في ملكيات اسهم البورصه

يعطيك العافية اخوي ماربلا

يعني كبار التجار و المحافظ و الصناديق و الهيئات الحكومية يملكون 20% فقط ؟؟

يبقى السؤال الثاني و هو كم نسبة صغار المتداولين اللي مجابلين البورصة و يتداولون ؟

و مشكور

 

[ابومانع]

كلامك عين العقل

 

[hamhali]

عن الكلام اللي ما يقدم وليودي

نعم أنتم سبب نزول مؤشر البورصه لو كل واحد فيكم امتنع عن البيع وصمم انه مايبيع بخساره وطنش بالبورصه كلها وامتنع عن الذهاب حتا للبورصه جان مانزل المؤشر انتم شوفو منو الي قاعد يبيع هم الصغار بس بس الواحد يقولهم كش انحاشوا انا ابي اعرف انتم خايفين من شنو الي خسر 50 % من راس ماله شبقا يحافظ عليه حبيبي والله انتم سبب الخسارة تلقا الواحد هنيه لما تنصحه بعدم البيع يرد عليك بالمنتدى ويقول اى والله كلامك صح وثاني يوم من الساعه 7 الصبح راز ويه جدام البورصه مايصدق يفتح الا حاط امر بيع ويجينا هنيه يتحلطم انا خسرت انا ما ادرى شصار فيني حسبي الله عليهم حراميه مدرى شنو زين انتا منو الي جابرك تبيع ياخي لا تبيع اعتبر البورصه اجازه مفتوحه بدون راتب
عموما انا اقول انتم السبب في النزول والخسارة بيدكم لا بيد غيركم
وخلاص طقت جبدى مليت

حبيبي البلدوزر ما في أحد قاعد يبيع كل اللي قاعد يبيعون هم نفسهم أصحاب الشركات ولا عمرك شفت شركة اليوم حد أعلى باجر حد أدنى من بداية السوق حبيبي كلا لعب بلعب واللي عند آجل ما يلام أذا باع وشكرا

 

[أبو بدر]

مساكين يا صغار المستثمرين واللة انكم محسودين

على جم بيزة حاسدينكم ولا طيروها

راح يجى يوم يحسدونكم حتى على العافية

النزول انتم السبب ! واللة غريب

بكرة يقولون ادفع فلوس عشان يدفنونك بالقبر اجرة قبر

اضحكتنى

 

[BUTTERFLY]

الكل متشائم

مادام الكل متشائم يعني غدا انشالله صعــــــــــــــــــــــود
دائما يمشون عكس توقعات المستثمرين.
انشالله صعود عكس كل التوقعات

 

[انور النقوشي]

انشاء الله انا متفائل
السوق اخضر

 

[استثماراتي]

باجر ياخال يا بوثنتين



باجر أو




الله كريم

 

[خوش خبر]

صغار المستثمرين

كل يوم سالفه يوم الكريبى (الله يشافيه) ويوم تعديل ويوم توزيع الارباح وكل يوم شىء والسوق فى نزول واليوم صار سبب النزول صغار المستثمرين والله حرام عليكم قطيتوها على هل المساكين الحين واللى يسمع يصدقكم وخصوصا بعد اللى صار مع المخازن اليوم اكيد بتقول كان السبب اتحاد صغار المستثمرين اللى باقل من دقيقه السهم صعد الاعلى(1380) . ارحموا من فى الارض يرحمكم من فى السماء

 

[BUTTERFLY]

السعودي اخر السوق صلح اشوي الظاهر احنا يبيلنا اربع عمال ايرانين يحركون السوق:d :d
ارجع واقول مادائم الكل متشائم باجر انشالله خضر خضر يارب
احنا ندعي حق الله لان الرزق من عنده لو من عند هل الناس الي بل السوق جان حتي ملابسنا يخذونها.

 

[shamssoe]

يا عمي كلام فاضي انك تقوول احنا السبب. خساره اكثر من 60% من راس المال لو ما سمعت كلام بعض الاخوان الي يقولوون لا تبيع اصبر كان احسن. استررررررريح

 

[mubarak2006]

يارب الله يسمع منكم ويكون اخضر باشر ونفتك من هالنحس اللى صارله الحين اكثر من شهرين واحنا بحاله يرثى لها وكل اردى من اليوم اللى بعده بس مادرى اعتقد ان باشر اخضر مادرى ليش مجرد احساس... والله كريم

والله يوفقنا احنا صغار المستثمرين ونعوض على الاقل جزء من خسايرنا

وتحياتى لكم وخلونا دايما متفائلين .....

 

[shamssoe]

بكرا يبين يا انه يرتفع بعد تسكييره الفجوه اليووم او رايح ل9500 نقطه او اقل