يا شباب بالله احد يفهمني وشلون التجزئة

الموضوع في 'السوق السعودي للأوراق الماليه' بواسطة ralraja11, بتاريخ ‏27 مارس 2006.

  1. ralraja11

    ralraja11 عضو محترف

    التسجيل:
    ‏29 يناير 2005
    المشاركات:
    2,770
    عدد الإعجابات:
    0
    يا شباب بالله احد يفهمني وشلون التجزئة بتزيد عدد الاسهم وبالتالي تقليل سيطرة المضاربين

    ماهو اللي كان يملك مليون سهم صار يملك 5 مليون سهم

    واللي يقدر يشتري مليون سهم صار يقدر يشتري 5 مليون

    لكن الخطوة الحلوة صراحة صندوق التدخل الوطني

    مهو صانع سوق كما قيل

    لكن اقرب له ما يحدث في تايوان من ضمان استمرارية عمل السوق

    والمحافظة على حيويته بحيث متى ما تريد تبيع ومتى ما تريد تشتري تلقا ناس تعطيك اللي تبغى

    لكن وشلون التجزئة بتفيد ما ادري؟؟؟ يا ليت تفيدونا
     
  2. الغذامي

    الغذامي عضو محترف

    التسجيل:
    ‏5 ديسمبر 2005
    المشاركات:
    675
    عدد الإعجابات:
    0
    مكان الإقامة:
    Riyadh
    باعتقادي , التجزئة تفيد في :
    1-اتاحة فرصة لشراء الاسهم ذات السعر الكبير بكميات مناسبة , حيث ارتفاع اسعار السهم بغض النظر عن قيمتة الدفترية او عوائدة او هامش ارباحه قد يبعد صغار المستثمرين "نفسيا" احيانا .. ولك في الراجحي واليمامة والمصافي مثال .

    2-ارتفاع السهم يعطي انطباع بان السهم قد "نضج" سعريا .. وهكذا يجعل فرص نمو السوق محدودة , ولو فرضا سابك استطاعت كسب ارباح وقامت بتوزيعات واكتسب عوائد اضعاف اضعاف ماهي علية , فان وصول سعرها فرضا 5000 ريال تعطي انطباع بان هناك تضخم , ولاحظ انه انطباع فقط وليس واقع .. وكما نعلم كلنا بان اسواق المال تذهب باتجاهات تنطبع نفسيات المتداولين .

    3- يزيد متوسط حجم تداول الكميات مما يعطي فرصة اكبر للتداول .. يعني مهب من اول 20 دقيقة يقفل السهم ..


    ولا تنسى هناك مستثمرين لا علم لهم بواقعيتها .. فيظنون بانها فرصة مناسبه لاقتناص اسهم باسعار منخفضة ولهذا تكون التجزئة في اغلب اوجهها نفسيه , وما تبقى هو تقني .

    ولكن لا نفع بكل هذا اذ لم يضعوا الكسور .. فتخيل مواشي المكيرش بدون كسور .. 107 , وقسمناها واصبحت 107/5=21.4 ,,,, قل انها فرضا بدون الكسر 22 , يعني لو فتح السوق وارتفعت ريال واحد فقط لان لا يوجد هناك كسور فتصبح 23 يعني انها ارتفعت بسبب الريال الواحد هذا 4.5 بالمائة ... اذا لا مجال لها بسبب ال 5% اما ريال فوق او ريال تحت ...

    الان حذفوا هذه القرارات لانقاذ السوق , ولكن يجعلنا نعلم بان من وضع هذه القرارات من قبل لم يفكر بها جيدا .. بالواقع لم يفكر نهائيا .. لانها حساب يستطيع ان يقوم به اقل العلم بالرياضيات .
     
  3. ralraja11

    ralraja11 عضو محترف

    التسجيل:
    ‏29 يناير 2005
    المشاركات:
    2,770
    عدد الإعجابات:
    0
    والله الظاهر السالفة كلها نفسية

    والا وش الفايدة تشتري بكميات مناسبة اذا رأس المال واحد يعني 10 اسهم بدلها تاخذ 50

    ربما هو لتنويع المحفظة وتسهيل ذلك ؟؟؟؟ لكن والله ربعنا من جنبها اذا طبوا طبوا بعنف :eek:

    كذلك حجم التداول اللي قدر يقفل الشركة يقدر يقفلها مهو لا قوة الشراء عنده قلت ولا عدد اسهمه نقص نسبة تملكه من الشركة تبقى ثابته

    عموما عزيزي الغذامي ...... اذا الناس طيروا بيشة لل2500 والمصافي لهالسعر

    لا تتوقع يتعدلون بعد هالطيحة :(
     
  4. الغذامي

    الغذامي عضو محترف

    التسجيل:
    ‏5 ديسمبر 2005
    المشاركات:
    675
    عدد الإعجابات:
    0
    مكان الإقامة:
    Riyadh
    ماهم متعدلين ولكن كلها فترة وينسون ويطيحون بشكل جديد ...الخوف مهب من الارتفاع , الخوف لو وصل المؤشر الى ال 20950 قبل ان ترتفع باقي الشركات ...فالرقم هذا سبب هاجس مرعب للناس فيصعب كسرة , حتى لو تقاطينا انا وياك وانون والشباب في سابك :)
     
  5. the unknown

    the unknown عضو جديد

    التسجيل:
    ‏3 سبتمبر 2004
    المشاركات:
    1,693
    عدد الإعجابات:
    0
    المسألة كلها نفسية ...

    لكن

    الله يستر لا تكون المسألة كلها ( جزء ثاني ) !!!!

    تحياتي
     
  6. ralraja11

    ralraja11 عضو محترف

    التسجيل:
    ‏29 يناير 2005
    المشاركات:
    2,770
    عدد الإعجابات:
    0
    براحتهم يصملون بس شهرين ندبل ونرجع للامريكي والا نروح للعملات
     
  7. & ensaaan &

    & ensaaan & عضو جديد

    التسجيل:
    ‏25 يناير 2006
    المشاركات:
    214
    عدد الإعجابات:
    0
    مكان الإقامة:
    المملكة العربية السعودية
    حبيبي ..........................التجزئة راح يعملونها علشان اللي باقي ما دخل السوق يتجرء و يدخل بحكم ان الاسعار اصبحت في متناول الجميع بعد التجزءة .
     
  8. الغذامي

    الغذامي عضو محترف

    التسجيل:
    ‏5 ديسمبر 2005
    المشاركات:
    675
    عدد الإعجابات:
    0
    مكان الإقامة:
    Riyadh
    عموما لا شيء مستغرب , انا بصمت انه سوق جاهل بعد ان رأيت قبل فترة اعلان الغذائية بتخفيض رأس مالها , فارتفع السهم بطريقة جنونيه , وهذا الاعلان يعني بان الشركة لم تستطع توفير وعودها بالتطور ودخول مشاريع مستقبلية , اي من المفترض ينزل السهم , ولكن المتداولين نظروا الى الاعلان بانه "اعلان" فقط لا غير , واي اعلان ايجابي ام سلبي "مستقبيلا" او غيرة كفيل بتحريك السيولة الموجودة الى طلب شديد ... ولكن اعلانات هيئة الاموال كانت "حسية" و "قانونية" وتاثر بشكل مباشر باموالهم , مما سبب ارتباك ..

    وهناك ايضا قبل النزول بفترة وجيزة . اصبح المساهم يبحث عن الشركات ذوات الاسهم القليلة , والشركات ذات قيمة دفترية كبيرة .. ضنا منهم بانها فرصة لا تعوض وانه تحليل مالي صائب .

    اللوم لا يأتي عليهم فقط , بل من فوض نفسه كعالم وهو لا يعلم بشيء ...

    في التحليل الفني نجدهم , مفصفصين ال Rsi لحاله ...وان تميز واحد طلع لي بال Mfi متناسيا انها اداة من بين الف اداة .

    في التحليل المالي نراهم في مكرر الربحية , وينام , او كلمة بدون اثبات ويقول (الشركة مظلومة سعريا) متناسيا بان هناك عشرات الكتب المعقدة رياضيا تتحدث عن التقييم الامثل للسهم .

    وفي الطرف الاخير , يقولون اللحق الهامور او مضارب او حزب مضاربين . وكل ما اعلاه من تحاليل كلام فاضي .

    وفي النهاية , احمدالله على وجودي بينكم ووجودنا مع بعضنا البعض في هذا المنتدى العريق الذي لا يجعل اي مجال "للخربطة" .
     
  9. ralraja11

    ralraja11 عضو محترف

    التسجيل:
    ‏29 يناير 2005
    المشاركات:
    2,770
    عدد الإعجابات:
    0
    اااااااااااااه

    ذكرتني باللي مضى

    هذا ياعزيزي واحد دخت وانا اقوله

    اذا كنت تذكر يوم الخميس الذي سبق العاصفة

    يا ابن الاوادم بيع

    وهو معيي

    الاخ يقول مستثمر في اللجين

    يا حبيبي

    قلت له طيب ما دامك محترف على الاقل حطها بصافولا والا الاسمنتات ارحم

    قال لا وش فهمك انت اصلا

    .....................
    امس اكلمه :

    *الو
    *الو
    *السلام عليكم كيف حالك ابو فلان
    *الحمد لله بخير

    * وش اخبار الاسهم ؟
    * والله ماشي حالها :eek:

    *واللجين ان شاء الله تمام؟
    * والله افكر احول منها لشركة احسن تعرف انا مستثمر ماني مضارب حدي شهرين بالسهم .

    ملاحظة : سلملي على مفهوم الاستثمار
    *طيب بتروح صافولا والا الراجحي والا سابك ؟
    * يا عمي طير الشركات هذي الناس عارفينها انا ادور شركات خسرانه وقدامها ارباح تعرف يعني زي الوليد

    * /&*%^$^$##%
    * وش فيك ياخي؟
    * يا عمي انت ما تتوب ؟ علمنا وش شركتك الخطيرة اللي تبي تروح لها؟

    * فتيحي :eek:
    * ما شاء الله طيب رايك ندخل؟

    * والله بكيفك بس انا احس ان هالشركة بتبدع ...يا رجل بيفتحون مستشفى

    *طيب بس انا رايي لو نستثمر في المواشي احسن .
    شرايك؟

    * ليش؟؟؟ يقولون شركة خسرانه.

    ملاحظة : لاحظ يقولون

    * بس يا بو فلان سعرها رخيص جدا

    * والله انك صادق خلني بشوف واعلمك انت خلك معي وما تشوف الا الخير ان شاء الله

    * الله يجزاك بالخير سلام عليكم

    * هلا ان شاء الله اول ما اشوف شركة كويسة بعلمك


    سلملي على سوق هذولا مستثمرينه :mad:
     
  10. الغذامي

    الغذامي عضو محترف

    التسجيل:
    ‏5 ديسمبر 2005
    المشاركات:
    675
    عدد الإعجابات:
    0
    مكان الإقامة:
    Riyadh
    السوق لو كانت هذه نقاطة السفلية فتحول لترند اقل حدة , يعني لو بيصحح مستقبلا .. يبيلك دورة يسوونها في فلوريدا للهبوط المظلي , وقابلني لو فتح الباراشوت قبل لا تعلق في شجرة عند النزلة :)
     
  11. & ensaaan &

    & ensaaan & عضو جديد

    التسجيل:
    ‏25 يناير 2006
    المشاركات:
    214
    عدد الإعجابات:
    0
    مكان الإقامة:
    المملكة العربية السعودية
    تدري وش اللي حببني فيك ابو عبد العزيز ان اذا صار عليك موقف رهيب زي كذا على طووول تعلمنا و تدري اش يصير لنا نتسدح قدام الاجهزة من الضحك الله يوفقك انت وخويك هالهامور