المهذب جداً قال:
.
سبحان الله .............
أغلب الردود سلبية و قاتلة للغاية!
ليش ؟ يعني دبي أحسن منا بشنو؟
توقعت أنا الشباب تدش و تمدح!
.
ناقشنا الموضوع انا و زملاء مهندسين و طبعا تنقصنا الخبرة في المجال عشان نحكم على الموضوع جملة و تفصيلا، بس ما يمنع من الاجتهاد و ابداء الرأي و الله المستعان.
اولا المشروع غير مبهر بتاتا .. يعني عادي جدا جدا مدينة فيها معظم الخدمات و الترفيه، وايد مدن بالعالم افضل من هذه خصوصا انها راح تنتهي بالمستقبل، يعني عقلية اليوم بزمن الغد البعيد .. يعني يومها راح تكون فكرة عافى عليها الزمن و يطلعون فيها مليون عيب و عيب و يقولون لك تلوث بيئي و ضوضاء و غيره من الموصفات و الاعتبارات الحديثة ..
و لا ننسى انها راح تضيق على الناس مساكنهم و تحرمهم من حرية التوسع في شقق ما ينبني فوقها او يمها .. و الكل يعلم ان سعة المنزل من اساب السعادة في الدنيا مثل ما قال علي بن ابي طالب رضي الله عنه ..
25 مليار د.ك غالية جدا (75 مليار دولار) ، مو جنه وايد ؟؟ .. اسال بس !! .. لو عطوا كل مواطن نصيبه من هذه الفلوس و تركوه لنفسه يمكن يقدر يبني بيت مريح افضل.
و لا ننسى عدم المصداقية و الجدية في التنفيذ، استاذ جابر و جسر الصبية (الحلم الكويتي) و فيلكا و لؤلؤة الخيران و غيره وايد، بالاضافة ان معظم الشوراع و البنى التحتية للعاصمة و للسالمية و للمناطق التجارية المهمة بالكويت مازالت مكسرة و تفشل، يعني الجدية في التطوير معدومة تقريبا بالحكومة ..
25 سنة وايد، على ما تخلص تكون ردت قديمة و سكربت و البنى التحتية و الاساسات صار لك عليها و طبعا تقنيتها و مواصفاتها قديمة، على ما نسكن فيها تكون خلاص تبي ترميم او اعادة بناء او تطوير و تحديث ...
الاهم من هذا و ذاك الضغط المو طبيعي اللي راح يصير على الخدمات و البنى التحتية للمنطقة و الزحمة في الشوراع .. جنها تكفي 700 الف نسمة، يعني 70% من الكويتين الحاليين بخدمهم و عمالهم راح يسكنون فيها .. مو وايد ؟؟!!
انا صراحة اعتبره مشروع فاشل و غير مجدي و لا يناسب المواطن الكويتي اللي المفروض يعتبر من اغنى الناس في العالم و الفوائض المالية تشهد و اسعار النفط في ارتفاع .. ودي اشوف المشروع على ارض الواقع عشان احكم عدل.
المهذب جداً قال:
.
لي متى بنتم جذي يعني؟ للأبد؟
أنا أقصد إن حنا شنو ناقصنا عشان ننخطط مثل مايخططون؟
.
القيادة.
و سلامتكم
