نتبهوا تداول اليوم00000مايريح؟؟؟

[مضارب1]

 

[ارسطو الدروازه]

ليش ما يريح .... ارتفاع وكميه التداول حلوه 109 مليون دينار ..

وانشالله يتخطى المقاومه باجر واشوفك عند 10800 انشالله ...

ممكن باجر تكون المقاومه قويه اشويه ... بس انشالله ماراح تأثر حيل ..

 

[السوق الكويتي]

يا أخي شنووووو كله متشائم انت !!!

بالله على اي اساس مايطمن التداول !!!

 

[العميل عبدالله]

يا أخي شنووووو كله متشائم انت !!!

بالله على اي اساس مايطمن التداول !!!

كلامك صحيح كل يوم طالع واحد مره التداول مايطمن والثاني السوق بينزل

تصدق صرنا مثل اخوانا المصريين فاهمين بكل شي حتى سايق التكسي

في مصر يتكلم بالسياسه والرياضه والاقتصاد

 

[matrex-ku]

ليش زعلانين يا شباب خلوهم يتشائمون ويتحلطمون
يمكن هذا اللي رفع السوق

 

[Bo_Rashed1]

والله فيني ضحك

يالغالي ممكن تقولي ليش ما يريح؟
إذا كمية التداول وقيمة التداول ما يطمنون عجل شنو اللي يطمن ؟

____________________________________________________​

بالعكس كل شي مطمن ولله الحمد.

بس إنت الظاهر خفت مثلي بآخر التداول .. لما قاموا يقطون بالهبل

بس لا تهتم ... ولا تتشائم .. ممكن ان باجر يصير زحمه على المقاومه 10273 ... بس دام ان الماكد رفع خشمه ... ان شاء الله يكسرها. وقول الله كريم.


واتمنى لكم التوفيق .

 

[أبو محسن]

اذا ما يريح جفد القير

 

[المعوشرجي79]

نتبهوا وين الالف اولا انت من اشتغلت بدلياتك احنا مو بخير !

 

[albederi]

الله عليك يابو راشد كلامك جميل - الاخوان لهم يحق يخافون اللي حصل اخر ربع ساعة يخوف وهذا هم اللي يبونة يبونك تخاف وتقط اللي بيدك عشان ياخذونة ماشبعوا من اللم الجماعة -بصراحة وين يحصلون مثل هذة الاسعار ولا بالاحلام - اعيد واكرر نصيحة ياخوان لاتخافون -خلك مستثمر اشتر اليوم وانساة بيجيك يوم ماتنساة ربحك فية كبير - !!

 

[Black]

كلامك عدل
كان التداول مو مريح خصوصا في الفترة الأخيرة
كان مثل الرسالة اللي اتقول السهم اللي معلق نقدر بلحظة انييبه الأرض
و الله يستر و ان شاء الله يكون خير و الاحساس ما يكون في محله
سلام

 

[AMR]

بالعكس اخوي يريح

اهم شي قيمة التداول 110 تقريبا

جدا مريح الحمدلله

انا اقول الحين يمكن بدوا يشترون

و ان شاء الله ان السوق بدأ يعدل و نتهى التصحيح