شرايكم صندوق العسجد ولا صندوق الدار للصناديق

[محمد10]

ابي رايكم يا شباب اي صندوق ادش ؟

ولكم جزيل الشكر

 

[رحنا ملح]

السلام عليكم
والله يا اخي الكريم يعتمد الجواب على سعر صندوق الصناديق جج قيمة الوحده حاليا انا خبري فيه نزل لي مستوى 800 مع نزول السوق كونه مرتبط بشكل كبير باداء الصناديق وهذي نقطة ضعف صراحه فيه انااشوفها حسب وجهة نظري بس بامكانك تشتري على هالسعر ومجرد مايطلع لمستوى الدينار تطلع وتبيع بس تاكد طريقه التخارج اشلون؟شهريه ولاربع سنويه؟ لاتنصاد ..... بس ما انصح اطول بالصندووق لان ضعيف........العسجد اتوقع احسن واظمن بوايد وادارته زينه واللي اهي نفسها اداره صندووق ايفا بس توقيته موجيد وماستفاد من نزلة السوق اللي صارت ولم الاسهم بسعر رخيص بس هم احسن من صندوووووق الصناديق

هذا رايي الشخصي
بوعبدالعزيز

 

[abo aseel]

وانا اضم صوتي لصوت اخوي بو عبدالعزيز

 

[مستثمر مبتدئ]

اعتقد أن الصناديق الخسرانة ما تخوف كون نزول السوق مرحلي
واضح أن السوق عدل الآن
يمكن بالعكس تدش بصندوق محقق خسائر أفضل مثل اللي يشتري سهم يعتقد أنه نازل ويتوقع له مستقبل جيد في ضل السعر الحالي

تدش صندوق تشتري سهم نفس المعني مع تحوط أكبر

الله يوفق الجميع

 

[بوخليفة]

العسجد طيعني

 

[زمان اقتصادي]

أنا أشوف العسجد

ـــــــــــــــــــــــــــــــــــــــــــ

 

[rahaly]

الدار خسران 6%

العسجد جديد


اثنينهم زينين .... بس اظن العسجد بادارة ايفا افضل .... والله اعلم

 

[osamaism]

ممكن احد يفيدنا ، من وين نعرف سعر الوحده الحالى ؟؟؟؟؟
مثال : سعر صندوق الصناديق !!!!!!!!!!!!!!!!!!!!!!

مع شكرى وامتنانى

 

[محمد10]

مشكورين يا شباب والله يعطيكم العافية

ويبدو ان الغالبية مع العسجد

 

[rahaly]

ممكن احد يفيدنا ، من وين نعرف سعر الوحده الحالى ؟؟؟؟؟
مثال : سعر صندوق الصناديق !!!!!!!!!!!!!!!!!!!!!!

مع شكرى وامتنانى

عيب اكثر الصناديق ... مالهم مواقع الا جلوبل
الباقي لازم تتصل فيهم

او بالجرايد انت وحظك تطيح عليه



رحالي

 

[مستثمر مبتدئ]

ممكن احد يفيدنا ، من وين نعرف سعر الوحده الحالى ؟؟؟؟؟
مثال : سعر صندوق الصناديق !!!!!!!!!!!!!!!!!!!!!!

مع شكرى وامتنانى

من خلال اعلانات الصحف

ومن خلال المسجات اذا ساهمت بالصندوق يدزون لك مسج شهريا بقيمة الوحدة وأيضا الزكاة

آخر رسالة وصلتني قبل أسبوع

 

[q8_chamber]

والله انا اقول الدار

لانها شركة اسلامية ومتخصصة

و بالنسبة حق نزول صندوق الدار

شيء طبيعي

كل الصناديق خسرانه


و انت اختار و التوفيق من الله​

 

[almotaktak]

اسمحولي

السلام عليكم ورحمة الله وبركاته
كوجهة نظر شخصيه وحطو تحت شخصية خطين
ان اكثر من يرى بالعسجد فرصه كبيره هو بسبب التأثير النفسي لأارباح صندوق ايفا او بالاحرى صندوقس ايفا والتوقع بأن الاداء سيكون مشابها
شخصيا ارى عكس ذلك لأن العسجد لم يأت بجديد او فكره جديده ( انما هو الاسثثمار في اكبر 25 شركه اسلامية مدرجه في سوق الكويت ) وهذا مكتاح لجميع الصناديق الاسلامية وغير الاسلامية وصعب يححق مثل صندوقي ايفا لأن مجال الاستثمار امامهم اوسع .
صندوق الصناديق فكرته حلوه المساهمه في صناديق ذات ادارات جيده في كل دول الخليج ( لاحظ مجال العمل اوسع وليس اقليمي )

وعندك صندوق حلو وهو صندوق الطاقة التابع للمركز المالي ينتهاي الاكتتاب فيه في 29/4 الحد الادنى 5 آلاف
وعذرا للاطاله