بكم تبيع سهم بنك بوبيان الإسلامي ؟؟؟

[بن تركي]

سؤال حق اللي غطالهم البنك قيمة الإكتتاب لبنك بوبيان ؟

--------------------------------------------------------------------------------

في أحد من الإعضاء هني معانا غطالهم البنك اللي هو يتعامل معاه وراتبة ينزل عليه يوم كان الإكتتاب بنك بوبيان ويطلعنا على الشروط اللي تمت بينه وبين البنك المغطي وشلون كانت الإجراءات بينهم الرجاء من عنده العلم يفيدنا بهالمعلومات مع خالص الشكر والإمتنان ،،،،،،

 

[البواردي]

السلام عليكم


انا اقول لا تبيعون خلوو لعيالكم يعني تخلونه ذخر ولا تتحسفون مثل الوالد يوم باع المخازن بـ260 فلس والهواتف بـ700 فلس وما ادري شنو بعد

خلو اسهم الاكتتابات حق 10 سنوات لي جدام واذا مو لك لعيالك


وموفقين خير

 

[الغافقى]

والله ما ادرى على أى اساس الناس تبى تبيع بسعر مو معقول مثل اللى يقول ب700 واللى يقول بدينار

وهو الى الحين ما عندة الا فرعين وارباحة بحدود ارباح الصفوة

ولا علية مشاكل فى الادارة

اقول بس لو تضيفون للتصويت 150 و 200 فلس

 

[NBK]

السلام عليكم


انا اقول لا تبيعون خلوو لعيالكم يعني تخلونه ذخر ولا تتحسفون مثل الوالد يوم باع المخازن بـ260 فلس والهواتف بـ700 فلس وما ادري شنو بعد

خلو اسهم الاكتتابات حق 10 سنوات لي جدام واذا مو لك لعيالك


وموفقين خير

كلام معقول

عندي مثال اقتدي فيه وهو

اخو صاحبي كان شاري بوبيان للبترو كيماويات ب 100, فلس باع

ب 1,000 ماشاالله الله يرزقه

الله يوفق الجميع

 

[الخلوري]

ننصح بالشراء عند نزول السهم بالسوق لاي سعر ما بين 350 الى 450 والاستثمار فيه لمدة سنه اقل او اكثر -- وانا شراي ان شاءالله

الخلوري

 

[bo 6obar]

المشكله كثير من الاسهم تملكها العامة اللي ماعنده حساب في البورصه وسمعت من البعض قرارهم راح يبيعون أول يوم يعني راح يصير قط وعند سماعي ذلك عدلت على الدخول في أول يوم على السهم

ممكن أعرف رايكم هل الدخول يكون في أول يوم أحسن وله أنطر لان ما عرف سعره العادل

 

[الذوق كله]

يا جماعة خلو السهم الى وقت التقاعد من الوظيفة وفي ذللك الوقت:

بيع بوبيان وأرباحة المتكدسة + بيعة من المعاش =
[COLOR="Sienna"

عمارة , فيلا , مزرعة , شقة بحمدون او أغادير , لامبرغيني ,

اربع جواخير مفتوحين على بعض ، سوق شعبي ببتاية , يخت ببوكيت ,

فندق بدبي ، اقامة دائمة بشرم الشيخ .... اللي تبي تامر تدلل

اوووه عاد في ذاك الوقت تدور الراحة , ولا شرايكم شباب ؟؟؟؟[/COLOR][/SIZE]

[SIZE="7"]يبيلة

 

[q8i22i]

للاخوان اللي شارين السهم

بن تركي لا تزعل علي ترا انا صريح و الله


انا اقول للاخوان اللي شارين السهم و يبون يستثمرون فيه ان شاء الله البنك في المستقبل زين و راح يوصل فوق 500 فلس خلال 2007 ان شاء الله

-------

بس رايي اللي يبي يشتري ينطر الى مستوى 300 او قريب منها و يمكن انشوق 250 عند الضغط على السهم بعد 3 او 4 اشهر

------
السهم موزع على العامه راح يكون في بيع قوي لان لو كان السهم بيد صانع سوق لتحكم في السعر

و انا اعتقد ان الكثير من الذين يملكون السهم لا يعرفون عن الاستثمار شي و اذا قلت حق الواحد و صل 300 قال بيع مايفكر شنو مستقبل السهم و لا شي تقوله 3 دبلات يبيع و هو مغمض

يقولون ان الدمج ازدحام هذا دليل على البياعه و ايد و الله يستر

------------------------

اما سوق الجت انا ما اعترف فيه اللي بالكويت مع احترامي و تقدير نصابين اي نصبين و ستين نصابين ( بالنسبه للاكتتابات العامه ))

يا خوفي يا بن تركي لا تشوفه على 222 جني اشوف هذا السعر بالتصحيح

0-----------------------------------------------0

التصويت اللي صار كان غالب الناس تحت 400
و اللي صوتوا ناس لهم خبر باسواق المال و يعرفون مستقبل السهم جيد

فما بالك بالناس اللي ما تعرف الا اسمه و اذا قلتله ربحت قال بيع

و الناس للي يملكون السهم ما يعرفون شي

الله يوفق الجميع

لالالالالالالالا للبيع تحت 200 فلس

 

[المرزوق]

السلام عليكم
اخوى q8i22i
السهم الحين ينباع بسوق الجت علي من 400 الي 450 ؟؟؟
وانت تقول 2007 400 فلس ؟؟؟
فهمني شلون
تحياتي

 

[بن تركي]

* أولاً :
أتقدم بالشكر الجزيل لمشرفنا القدير الفهلوي اللي ساعدني على إنشاء هذا التصويت كما أشكر كل من شارك بهذا التصويت وأبدا بصوته وتعليقة.

* ثانياً :

نقاط القوة التي سوف تدعم السهم للوصول إلى أسعار مرضية لملاك السهم :

1. أول بنك إسلامي في الكويت ورأس ماله 100 مليون دينار كويتي.

2. أسهم البنك موزعة على عموم المواطنين ولا يوجد أشخاص يملكون كميات كبيرة لكي يتحكموا بسعر السهم وذلك من خلال العرض والطلب.

3. الصدمة الغير متوقعة بالنسبة لعملية الدمج اللي نحصرت في أقارب الدرجة الأولى والتعقيدات اللتي تصاحب عملية الدمج في الوقت الحالي وكلنا يعلم أنه كان من المتوقع أن يسمح للدمج حتى للأقارب الدرجة الرابعة.

4. كلنا يعلم بأن هناك صناديق ومحافظ إسلامية ومستثمرين لايتعاملون إلا بالأسهم الإسلامية سوف يدخلون على السهم بقصد الإستثمار المتوسط والطويل المدى.

5. شركات ومؤسسات سوف تحاول الحصول على نسب مؤثرة من أسهم البنك.

6. الكل يعلم بأنه كان الإكتتاب ببنك بوبيان هو الأقوى والأفضل من ناحية نوع الإكتتاب من بين كل الشركات اللتي نطرحت للإكتتاب العام خلال الثلاث سنوات الماضية.

بالنهاية يبقى هو المفصل الوحيد لتحديد سعر السهم يوم 15.5.2006 والذي سوف يحددة صغار المستثمرين وذلك من خلال عملية العرض بأسعار لاتقل عن ال 800 فلس وعدم التسرع في البيع بأسعار بخسة لكي لايفوتوا الفرصة من تحقيق مكاسب مرضية لهم أعيد وأكرر للمرة الألف مركز الجمان بكل تحفظه له تقرير خاص عن بنك بوبيان يتوقع به بأن يكون سعر الإدراج 500 فلس.

ومع تمنياتنا بكل التوفيق لملاك سهم بنك بوبيان الإسلامي.

 

[AYAM ZAMAN]

قـــــــوه


صراحه الموضوع بدأ ياخذ منحى اخر من خلال مشاركات بعض الاعضاء الغير .........


اولا بنك بوبيان الكل يعررف قوه البنك من حيث راس المال وقوه من حيث الدعم الحكومي بشكل مباشر او غير مباشر ........


بينك بوبيان تذكرون لما كانو يشترون البطاقات المدنيه على 50 دينار ووصلت لبعض الاحيان 80 دينار ليش عشان شنو

مو عشان يجمعون فيه ويملكون اكبر كميه بالسهم

ويصيرون اصحاب استثمار وملايين

يااخوان الهوامير يستانسون لما تقول بنك بوبيان ماراح يوصل غير 300 و 250 فلس عشان تبيع ويجمعون فيه على الراحه

لين يصير اهو المتحكم الرئيسي



نقطه

اقدر اجمع بالسهم على الراحه وبصفقات وبكميات مخفيه عن الاعين لين اجمع الكميه اللي ابيها مايندرى خلال جم شهر شهرين سنه سنتين المهم اجمع صح

وبعدين صدقوني يبيعونه لكم بالعلالي واهم المستفيدين

لنا عبره بالوطنيه للاتصالات ((((( عبره شخصيه ))))


فا ارجو من الاخوه الي مايعروفن بنك بوبيان او مو شارين فيه او مو مكتتبين فيه عدم ابداء الرأي وعدم التأثير على الناس واحباط عزيمتهم



ملاحظه جاني واحد من الربع يقولي ابو سعد شلون تقول بنك بوبيان بيوصل 750 فلس الي دينار وبالانترنت مكتوب حد حده 400 فلس

والله ضاق خلقي على هذا الرجل اللي تأثر بكلامهم


فا يااخوان الرجاء الرجاء
اللي مايقدر لايقول ويحتفظ برايه لنفسه للاهميه العامه


وشكراااااا

 

[سناعيس]

500 فلس

اليوم السهم انباع بسوق الجت بعد المغرب ب500 فلس ​

 

[التحليل الفني]

يا جماعة خلو السهم الى وقت التقاعد من الوظيفة وفي ذللك الوقت:

بيع بوبيان وأرباحة المتكدسة + بيعة من المعاش =
[COLOR="Sienna"

عمارة , فيلا , مزرعة , شقة بحمدون او أغادير , لامبرغيني ,

اربع جواخير مفتوحين على بعض ، سوق شعبي ببتاية , يخت ببوكيت ,

فندق بدبي ، اقامة دائمة بشرم الشيخ .... اللي تبي تامر تدلل

اوووه عاد في ذاك الوقت تدور الراحة , ولا شرايكم شباب ؟؟؟؟[/COLOR][/SIZE]

[SIZE="7"]يبيلة

اشهد انك صاج

 

[التحليل الفني]

اليوم السهم انباع بسوق الجت بعد المغرب ب500 فلس ​

عطني رقم المكنب يامعود لحق علينا

 

[بن تركي]

معلومة وصل سعر البطاقة المدنية يوم بنك بوبيان 200 دينار للعلم ،،

 

[بو سليمان]

عندي قناعة ان السهم راح ينصدمون منه ناس واجد​

عن نفسي راح اترك السهم استثمار طويل الاجل​

يا خوفي بكرة المشاكل بين البايع و الشاري ( البايع مو فاضي و الشاري قاعد يتودد له و يساحلة )​

​

 

[boalons]

عدد المصوتين 215

وتقريبا 75% منهم راح يبيعون و 25% راح يستثمرون

السؤال ليش اغلب الناس راح تبيع ؟

معقوله 75% محتاجين يبيعون , وكل واحد شكثر راح يطلعله من البيعه !

يا اخوان الي مومحتاج ليش يبيع , ليش مانتعلم نستثمر

اعتقد والله العالم ان كثير من الاشخاص راح يبيعون مو علشان محتاجين بل بيع لمجرد البيع او مع الخيل ياشقرا

 

[خير الكلام]

السلام عليكم

عندي قناعة ان السهم راح ينصدمون منه ناس واجد​

عن نفسي راح اترك السهم استثمار طويل الاجل​

يا خوفي بكرة المشاكل بين البايع و الشاري ( البايع مو فاضي و الشاري قاعد يتودد له و يساحلة )​

​

====
مااعتقد انه بينزل اقل من 400 فلس .

انا شخصيا راح اشتريه ب400 من السوق .

ماابي احد يقول تعال عندي كميه اشترها .


انا من السوق بس اشتري .



خلونا نشوف شلون الصدمه

ملاحظه : تستثمر كويس تربح كويس

 

[Nasser pwc]

انا اقول هالسهم بيرضي ملاكه

يبي يستثمر او يبيع

وكلنا متفائلين ان شاءلله​

 

[خالـــــد]

اكثر الناس يمكن تبيع عند ادراجه بالبورصه بأي سعر

ولكن لن يبيعون بسوق الجت لخطورة البيع بسوق الجت و المشاكل التي

تنتج عن الاختلاف بين الطرفين او سوء نية احدهم