بنك بوبيان ش.م.ك ( بنك بوبيان )

[FLOOD]

السلام عليكم

تؤمنون بلمحة من التحليل الاساسى



الاسم : بنك بوبيان


السعر : 440


معامل بى اي : 61,5 P/E

العائد السنوى : 1,6 %

القيمة الاسمية : 100 فلس

القيمة الدفترية : 106,9 فلس

معدل P/e المناسب للاستثمار من 5 الى 15 ف 61,5 يعتبر اكثر سهم متضخم بالسوق مقرنتا بارباحة
تدرون يعنى شنو العائد السنوى 1,6 اترك لكم الرد !!!!!! يعنى غير مجدى

*تدرون لو اعلن البنك نتيجة الربع 2 ارباح هزيلة وهى متوقعة شبيصير فية

معنى من محبين هذا السهم بس الواقع واقع لانضحك على انفسنا المستثمر اذا مافى عائد سنوى على السهم شلى جابرة على الاستثمار السوق فية ما يقارب 160 سهم كل واحد يقول الزود عندى سهم البنك فى الوقت الحالى للمضاربة فقط

ولكم ببنك الريان عبرة الكل يتمنى بس مو كل مايتمناة المرء يدركة

نتائج الربع 2 راح تحدد مصير السهم نوعا ما

مع العلم كنت املك بالسهم بس حكمت عقلى على عواطفى و صرفتها وانا متضايق على 540 بسبب لمحة من اخ بالمنتدى خلانى اعيد حساباتى مرة اخرا وكنت اتمنى باكثر بس هذا الواقع ولو بعاند الواقع بخسر اكثر




السهم انشاللة فية خير و استثمارى لفترة طويلة (سنوات) هذة الحقيقة الى بيستثمر لايطل على السعر الحين

اتمنا ما اكون ضايقت عشاق السهم اعتبرها وجهة نظر لا تملك من الصواب شيئا بس هذى معطيات السهم الحالية الى نتعامل معاها واكيد راح تتغير مع الايام


ليست دعوة للبيع ولا للشراء ولكن معلومات واقعية يمكن يستفيد منها البعض


السلام ختام

 

[الخمعلى]

السلام عليكم 0000000000000 انا لا أعلم شنوا نظرتكم لبنك بوبيان ليش مو منطقيين انتم اللى يقول قيمته الدفتريه كذا واللى يقول عندكم مثال بنك الريان وووو الخ000000 كل اللى تقولونه مع احترامى للجميع كلام غير منطقى ولا كلام نظره اقتصاديه نهائيا اولا بوبيان بنك جديد ومن الطبيعى جدا لن يكون محملا بالأرباح اللى تكون سببا فى صعود السهم+ المشاريع الناجحه +مجلس اداره ناجح والسبب الاول يحتاج لوقت ليس ليس بقصير وبالنسبه لأصحاب السهم إما ان يكون مستثمر او ان يكون مضارب والمضارب يتحمل إختياره الخاطئ لأنه لم يكن مبنى على نظره شامله عن البنك وعن اهدافه المستقبليه ولا يعلم اذا فيه ارباح أو لا يعنى ليش انت شارى السهم؟ لكن تعال وكلمنى بعد سنتين على الاقل (اذا عطانا الله عمر جمينا ان شاء الله ) وقولى ليش السهم نازل لكن حنا الأن بالحمد والصبر زين يا اخوانى ولا تطلب المستحيل من بنك جديد لنتعلم من ابائنا يا اخوان اذكر والدى رحمه الله اذا اكتتب مايبيع الا عند الظروره جدا وكان ينسى السهم ويستفيد من ارباحه السنويه 0الصبر زين

 

[ابوعايض]

نزول بنك بوبيان والكويت فيها طفره ماليه وتوجه لتكون مركز مالي وعوامل الثراء ونهوض الصناعه والاقتصاد وغيرها كل هذا من صالح البنك , البنك مدعوم من الدوله , بنك اسلامي فيه البركه انشاء الله , يا اخواني انتو اخبر مني وانا اتعلم منكم وانا ابدي وجهة نظر ومخلي التحليل لهل الخبره
ما يجوز مقارنة الشركات القديمه بالشركات الجديده الوضع قبل غير عن الوضع الحالي , السهم في 2006 راح يصارع من اجل اثبات الذات وهذا شي طبيعي وفي 2007 راح يكون له شأن كبير .

سعر الافتتاح 630 اعلى سعر 680 تحت ال500 ظلم

 

[بوسليمان بوشهري]

اخوي ارجوا ان يكون ردك بلا استهزاء ( ارجوا ان اكون فاهمك غلط) ولكن بنك بوبيان صحيح انه اسلامي ولكن ماذا لديه من استثمارات او عمليات مصرفيه او قروض او ودائع فهذه هي عوائد البنوك المربحه!!! ومع الاسف البنك فقير من هذه النواحي - ولكن مع الاسف الغلط الوحيد اللي صار هو المبالغه في سعر الافتتاح وهذا اللي طمع الناس (وجعل الحقيقه غائبه) وهو السعر العادل للبنك 0000 والسلام اما فيما يتعلق بامنياتك او انك من ملاك السهم فهذا امر اخر!!! والبرازيل هي من سيفوز بكاس العالم

اولا اخي العزيز الارجنتين ممكن تفوز :d , الحمدلله انك مافهمتني غلط لاني كنت اتغشمر وياك مو استهزاء . بالعكس انا معاك وحذرت من نزول السهم وبعت كميتي كلها وناطر اصيده تحت (احسن من مايصيدونه احناانصيدهم) بس علقت على طريقة كتابتك ووضع التواريخ والعلم عند الله.

انا اسف اذا فهمتني غلط..اخوك بوسليمان

 

[alhooot1]

يا اخواني

السلام عليكم
يا اخواني انا من زمان وانا اتابع طريقة تنزيل السهم
اولا من غير تطبيل للسهم او للبنك
احنا نبي نربح وبس ما يهمنا هذا البنك راح يكون ناجح او لا
همنا احنا كم نربح من البنك
اللي يهمة وضع البنك هم كبار المستثمرين
وايضا الاعضاء يا اخواني شوفو بنك الوطني ترى كان بالتسعينات وصل 500 فلس واليوم دينارين الملاك ما يهمهم وين يوصل سعر البنك لانهم ما راح يبيعون مهما وصل من سعر
البنك اليوم بالكويت مكان اللي يملك فية او يكون عضو فيه مثل اللي يكون عضو في مجلس امة يعني يعطية وجاهة داخل المجتمع
واللي حاصل الحين مع بنك بوبيان تجميع فعلا تجميع خبراء على مستوى محترف جدا شوفو شنو اللي صار البنك من 680 واليوم 440
طريقة التنزيل للاخذ اسهم البنك باسعار متدنية
لو كان الانطلاقة من 400 جان ما لقو احد يبيع
كانت فرصة وجاذبة للي يملك اسهم قليلة بالاكتتاب خلو كثير من الناس اتبيع وهم شرو كميات حتى اتساعدهم على تنزيل سهم البنك وبنفس الوقت يلمون لو اتلاحضون بالاسعار الحالية خفت عملية البيع يعني ما في الكميات اللي يبونها لعبة واللة صعبة
باعتقادي واللة والعالم بفترة بسيطة جدا ما تتجاوز الشهر راح يصعد السهم بصورة مفاجئةوسريعة بحيث يخلونك ما اتفكر وتبيع اللي عندك
اشلون راح يسوون اقفالات وتعليقات للسهم جم يوم بعدين نزول للسهم للحد الادنى حتى ما يخلونك اتفكر وتعتقد السهم راح ينزل
وراح انت اتبيع بسرعة لتقتنص الفرصة بعدين راح يرجع للصعود السريع للاعلى شوفو العرض والطلب اليومي يعني ابصراحة استطاعو السيطرة علينا وعلى الاسهم بس مو ملاحضين الكميات قلت وايد منو شراها لا اتقولون صغار المستثمرين
راح يتعدى 700 خلال شهر سبعة واللة والعالم
يمكن ما قدرت اوصل لكم المعلومة بالصورة اللي افكر فيها
بس خلوناا ننطر وانشوف اخر اللعبة

 

[dcnaq]

احلى رد

السلام عليكم
كنت اتمنى ان اكون انا الي يكتب هذا الرد

شكرا اخ فلووود flood ردك كان جميل جدا وعجبني
انا كان عندي نفس الاحساس بس صرفت السهم على 520
اللحين اقدر اشتريه بس ناطر ان يكمل نزوله بعدين اخمطه من تحت
ولكن اتمنى ان يقف عند هذا الحد لان كنت اتمنى ان يكون البنك الاسلامي اقوى من جذي يعني التجار المفروض كانوا يدعمونه مو يحطمونه .
وشكرا ولكن مع الاسف دينك دينارك ....!

 

[FLOOD]

السلام عليكم
كنت اتمنى ان اكون انا الي يكتب هذا الرد

شكرا اخ فلووود flood ردك كان جميل جدا وعجبني
انا كان عندي نفس الاحساس بس صرفت السهم على 520
اللحين اقدر اشتريه بس ناطر ان يكمل نزوله بعدين اخمطه من تحت
ولكن اتمنى ان يقف عند هذا الحد لان كنت اتمنى ان يكون البنك الاسلامي اقوى من جذي يعني التجار المفروض كانوا يدعمونه مو يحطمونه .
وشكرا ولكن مع الاسف دينك دينارك ....!

تسلم اخوى كلك ذوق اللة يوفقك وتخمط الكمية الى تبيها بسعر الى تبية





السلام ختام

 

[nasy]

النزول الكبير لبنك بوبيان بعد كسره لدعم 500 فلس ووقفته الان على 445 فلس اقفال الربع الثاني هل هو نقطة دعم ما راح يتجاوزها ؟ ننتظر ونشوف المرحله القادمه !!!!

 

[wildibm]

للأسف بوبيان وصل إلى 430 فلس
والله اعلم اذا ماراح ينزل لأقل من 400 فلس
الذكي إلي باع بسعر 600 فلس

شكل السهم راح ينزل إلى 350 فلس

والله يستر

 

[NBK]

والله حرام يا بوبيان بنك اسلامي وشكله في نزول

لا والبنوك الربويه فوق​

 

[بومحمد55]

نبيها خمسه

انا سمعت ان الي ماسكين البنك متهاوشين شنهو جهال انتم ولا موعارفين تمسكون حلال المسلمين وذا معارفين تديرون البنك شحقه منتخيبن مو حق الاصلاح ولا للبوق للسف انجان هذي رجالك ياحسينه ؟؟

 

[kuwait77]

طيب يا اخوان ماتدرون متى اعلان ارباح الربع الثاني لبرقان

 

[ابومانع]

اعتقد ان السعر مال يوم الاربعاء كان وهمي وبينزل اكثر خلال الايام القادمه

 

[bmw740_i99]

يا جماعة مافي أي تحليل جديد عن السهم هذا حاطين عليه وايد آمال

ولكم جزيل الشكر

 

[سهم استثماري]

يا جماعة مافي أي تحليل جديد عن السهم هذا حاطين عليه وايد آمال

ولكم جزيل الشكر

التنزيل متعمد والبيع اللي قاعد يصير غير منطقي والسهم يتداول الآن بالقاع .... إنسى وخله إستثمار

 

[Moshaks_777]

أحلى سعر للشراء بتصوري 305

 

[obo haya]

أحلى سعر للشراء بتصوري 305

تعتقدون اخبار المجلس مع الحكومه راح تأثر على سعر هالسهم؟؟

لان ودى اشترى بالنازل بس مانى عارف اذا ممكن يرتفع اذا استقر الوضع السياسى بالبلد والا لا !!

305 ولا احلى من هالسعر للشراء صراحه

 

[الفارس 2]

بوبيان

راح يوصل 305ولاكن باحلام الظهيره خاصه بعد الغداء ومكثر من لبن المراعي ذيك الساعه لايطوفك0

 

[بو بندر]

راح يوصل 305ولاكن باحلام الظهيره خاصه بعد الغداء ومكثر من لبن المراعي ذيك الساعه لايطوفك0

انا وياك والزمن او باجر انشوف او هالاسبوع اذا ما ارتد صعود راح تاخذه ابهالسعر

لاتستغرب

هذي الكويت صل علي النبي

دمتم

 

[الفارس 2]

بوبيان

البايع خسران والشاري ربحان0