المجموعة الدولية للاسـتثمار ش .م.ك.م ( المجموعة د )

[mimanasra]

عفوا : تصحيح للحسبة بعد اذنك
700-30=670/1.45=462 الاقرب 460
السعر بعد التفسيخ 460 على افتراض اقفال الاربعاء 700

 

[المجموعي]

نصيحة للجميع
لا اتصدقون الكلام اللي ينقال بالمنتدى
أغلبه جذب و إشاعات و غرضه توريط الناس علشان عيون ناس ما اتساوي شي و بايعين ذممهم
اتمنى ان كل واحد يدش المنتدى ما يصدق اللي فيه و يستشير نفسه و ما يتسرع في اتخاذ القرار

قولوا للناس ان السوق منهار و مافي اسهم مأمونه الا البنوك لأنها مدعومة من الدولة ، ولا الباجي مافي منهم مأمون لا مجموعة المجموعة ولا المخازن ولا الهواتف ولا شي فيه أمان ، غالبية الكلام مقصود فيه تظليل الناس
الله يعينكم على حالكم و الله يعطيكم على نيتكم
و ان شاء الله اتحصلون اللي بنواياكم
و ان شاء الله يرتفع السوق و تتعدل جميع الاسهم و الناس اترجع خسارتها
و الله يعين
سلام

الله يعطيك العافيه اخوي العزيز

كلامك صحيح عن اللي ينقال بالمنتديات لابد للشخص انه مايبني قراره عليه وان يسأل وستشير قبل لايقدم على اي شي..


(لكن اغلب اللي ينقال موصحيح وغرضه توريط الناس وناس بايعه ذمتها)
اقدر اقولك اش حقه داش المنتدى وتكتب وتوجه النصايح لاخوانك ادا هالقناعه عندك...

اخوي الدخول بنوايا الناس والظن فيهم شي سيئ..(ان بعض الظن اثم) ليس كل الظن انما بعض اي القليل...

النقطه الثانيه

نقول حق الناس السوق منهار!!!!

شلون قررت انه منهار
وشنو مفهوم الانهيار عندك
وجم نسبة نزول السوق الكويتي وهل يطلق عليها انهيار او هل وصلت لدرجة الانهيار
بعدين
من اللي قال اذا صار انهيار اسهم البنوك تصمد بروحها
اذا صار انهيار راح تنهار كل الاسهم ولن يصمد اي سهم امام كلمة(انهيار)
انت شلون قلت انهيار وخصيت البنوك بعدم التأثر...

شنو المقومات اللي من اجلها تساعد الانهيار انه يتم او يقع(اقتصاديه..امنيه..سياسيه..اجتماعيه) حدد بالضبط في خلل من احد العناصر المذكوره..

اخيرا اخوي
اختلاف في وجهات النظر لايفسد للود قضيه
وانت اخو وعزيز ولك قدر
والله يوفقك ويرزقك كل خير


وفقنا الله لما يحب ويرضى

 

[trust]

ياجماعه مو معقوله جراند وبترو جلف امس واليوم يعلقون من اول خمس دقايق

والمجموعه الدوليه الي محمله بالارباح ماهي قادره تمشي خطوتين

ليش

وشنو السر

---------------------------------------------------
حبيبى هالشركات كلها كلك فى كلك مطلوبه بالحد الاعلى على 200000 الف سهم ومع الاسف فى بعض المشرفين يشعون بعض الاعضاء على التطبيل بطريقه او باخرى نصيحه لوجه الله تعالى وللاعضاء اللى على باب الكريم لا تصدقون اللى ينكتب ترى هذول( حراميه بو طير)
واخر الاخبار ان الامير راح يعين البدر رئيس الوزراء القادم

 

[بوراشد جروب]

الضوء الأخضر للهيئة إشتغل.

نصيحة للجميع
لا اتصدقون الكلام اللي ينقال بالمنتدى
أغلبه جذب و إشاعات و غرضه توريط الناس علشان عيون ناس ما اتساوي شي و بايعين ذممهم
اتمنى ان كل واحد يدش المنتدى ما يصدق اللي فيه و يستشير نفسه و ما يتسرع في اتخاذ القرار
المجموعة لو تصعد يوم واحد يشتغلون المطلبين و يبينون للناس انها صاعدة السما و كله عندها نقاط دعم و دعم و لو تنزل ما يتكلمون و اذا قالوا شي يقولون ان هذه مكيده و مؤامره على المجموعة
و من غير ذكر اسماء شوفون خلال الايام اللي فاتت جم واحد قال ان السهم رايح 800 و 900 و غيره و الحين صار رايح 700
الناس كل واحد مشغول بخسارته و هذول بعدهم يطبلون و شغالين علينا بنظرية المؤامرة و كلما صعد السهم نزلوا رسومات و قالوا شوفوا الدعم القوي و اذا نزل السهم ما يحطون شي و لا يتكلون عن الانهيار اللي صاير
قولوا كلمة الحق اذا زين قولوا السهم زين و اذا مو زين قولوا انه مو زين ، بينوا للناس ان الوقت الحالي مو وقت شراء او استثمار لان الجو مو واضح و مو معروف شنو بيصير ، قولوا للناس ان السوق منهار و مافي اسهم مأمونه الا البنوك لأنها مدعومة من الدولة ، ولا الباجي مافي منهم مأمون لا مجموعة المجموعة ولا المخازن ولا الهواتف ولا شي فيه أمان ، افضل شي للي يبي يدش السوق انه لما يسكر السوق اتكون فلوسه معاه ، لا اتبينون للناس انهم راح يربحون الملايين و اتخلون الشمس في ايد و القمر في ايد ، كثيرين اتهدمت بيوتهم من الكلام اللي ينقال بالنت و الاشاعات اللي يسمعونها و يصدقونها و المساكين مو عارفين ان اللي ينقال اغلبه مو صحيح و ياريت يكون عن حسن نيه و سوء تقدير ، غالبية الكلام مقصود فيه تظليل الناس
الله يعينكم على حالكم و الله يعطيكم على نيتكم
و ان شاء الله اتحصلون اللي بنواياكم
و ان شاء الله يرتفع السوق و تتعدل جميع الاسهم و الناس اترجع خسارتها
و الله يعين
سلام

يعطيك العافية يالأسود(Black) على المشاركة والنقد.

أنا أعتبر النقد إستشاره مجانية تقدم للمنتقد ...

المادح والذام عندنا متساوون إن شاءالله وما نزعل منها ، مثل نسعد بالمدح هم لازم نتقبل النقد بكل رحابه صدر ...

وانا أييد كلامك بتحمل المسؤلية الكاملة عند إتخاذ قرارك في الدخول على أي سهم ، لأنه فعلاً قد يطرأ مالايحمد عقباه ويحدث العكس.

على سبيل المثال سبق ان قيل أن سهم المجموعة د راح يوصل 1,500 و 2,000 ومن أعز الناس وأكثرهم أمانه ونثق فيهم ثقه عمياء إن صح التعبير ، ولكن حصل مالم يتوقع له ، فلا نذم من كان يريد الخير لغيره ونتهمه بالعميل وغيره.

تعرف أن أي سهم سواء المجموعة د. أو غيرها إذا إنعدمت فيه الثقة وصار الكلام عليه بإدارته بالذم وعدم الثقة وإنتشرت عدم الثقة بالمنتديات وبالسوق وبالدواوين ما يعتبر هذا أيضاً من التدليس وقلب الحقائق والضرر بمالح الناس الى قاطه دم قلبهم بالشركة. (من سيكون مسؤؤل عن هؤلاء).

في اسهم بالسوق بعيده عن القيل والقال وكثره السؤال > تلاقيها حتى لو تنزل الى قيمتها الدفترية ما عليها أي إشكاليه ومتفائلين مستثمرينها فيها إلى أبعد حد مثل سهم أعيان وعارف وأصول ، شركات ماعليها شبهات.

وهذا ما نسعى لنشره نريد إنك لما تستثمر في سهم معين :

1) يجب أن يكون قرارك الخاص مع تحمل المسؤلية وليس بناء على كلام بوراشد ولا غيره.

2) تأخذ النصائح والتوجيهات كداعم لقراراتك قناعاتك الداخلية وليس كتوصية مباشرة بالدخول أو الخروج.

3) يجب أن تحدد هدفك قبل الدخول على السهم ، وليس كما هو موصي به في المنتدى. فالأهداف متفاوته ومختلفه من شخص للآخر ، فمثلاً هدف بوراشد بعد 4 أو 5 سنوات إستثمار إذا حقق الهدف 1,700 راح يسيل ... (مثال مو تصدق)

4) إذا نزل السوق والأسهم كلها بلا إستثناء في نزول فلماذا يذم السهم ويلعن مطبليه.

5) عندنا شي أسمه الجمعية العمومية تقدر تقول وتسأل كل إلى تبي تعرفه عن الشركة ، مو بس فقط بالمنتديات ، يجب أن تاخذ بحقك من السؤولين وجه لوجه إن كنت فعلاً خسرت إفلوسك وإفلوس من تعول.

6) ليش تبيع بخسارة وانت مو مضطر تبيع بخسارة أخي الكريم ، إصبر وصبر نفسك وإخذ أرباح وتوزيعات زي الورد (إلا إذا كنت مضارب وأخذت علقه) وحبيت تنتقم علي وعلى أعدائي...(

ما حدث بالسوق اليوم جاءت الأوامر من قبل هيئة الإستثمار بالدخول بكل قوة الساعة 12 وما مداهم يشترون(قبل أنباء حل المجلس)...

وغداً راح تشوف السوق شي ثاني بعد حل المجلس ، وشوف هيئة الإستثمار شنو راح تخبص خباص بالسوق ، ولا تلوم المجموعة د . ودير بالك تذم في بوبدر ترى بعدين أطلع لك من الشاشة وأعظك على خشمك.

وهذا دليل أن السوق في يد الحكومة وليس في يد رجال الأعمال كالبدر والخرافي وبوراشد ... ... وهذا ما طالب به البدر وأقسم بالله لو ترفع يد الحكومة عن السوق لكان بألف عافية وخير وهذا الكلام قيل على الهواء مباشرة في تلفزيون الكويت.

وانا علشانك راح أتوقف عن التطبيل والتحليل إلى أن يشهد السهم نزول غير طبيعي ، جزاك الله خير إنك تريحني وتعطيني إجازة مفتوحة علشان أسترخي إشوي من الرسوم والتحاليل وآخر الأخبار... وباجر راح أقدملك هدية يالأسود Black مخصوصه لك أرجو تقبلها من صنع يدي.

تصبحون على خير.

 

[بوراشد جروب]

---------------------------------------------------
حبيبى هالشركات كلها كلك فى كلك مطلوبه بالحد الاعلى على 200000 الف سهم ومع الاسف فى بعض المشرفين يشعون بعض الاعضاء على التطبيل بطريقه او باخرى نصيحه لوجه الله تعالى وللاعضاء اللى على باب الكريم لا تصدقون اللى ينكتب ترى هذول( حراميه بو طير)
واخر الاخبار ان الامير راح يعين البدر رئيس الوزراء القادم

شكراً جزيلاً حبيبي والله يعطيك على قدر نيتك.

البدر لو تسوي نصف ما عمله يكون حققت للكويت الكثير الكثير...

يستاهل رئيس الوزراء ولا مايستاهل ...

انا أقول يستاهل ولا بعد ، نوقف معاه وندعمه بالسيارة إذا ما وفى بوعوده...

انا من هذه اللحظة اقدر أقول أستطعت انت مع Black التغلب علي وأقدم إستقالتي مؤقتاً إلى أن يحدث شيء غير طبيعي للمجموعة د لا سمح الله.

وارجوا أن تواصلوا المشاركات مع الشباب وبوتسنيم بالسراء والضراء ، وإذا شفتوا من بوبدر شي إيجابي أرجوا ذكره إن كنتم تهتمون وقلوبكم على الناس المساكين ، مثل ما ذكرتموه بالسلبية...

 

[Bo Tasneem]

---------------------------------------------------
حبيبى هالشركات كلها كلك فى كلك مطلوبه بالحد الاعلى على 200000 الف سهم ومع الاسف فى بعض المشرفين يشعون بعض الاعضاء على التطبيل بطريقه او باخرى نصيحه لوجه الله تعالى وللاعضاء اللى على باب الكريم لا تصدقون اللى ينكتب ترى هذول( حراميه بو طير)
واخر الاخبار ان الامير راح يعين البدر رئيس الوزراء القادم

نعم أخوي نعم حراميه .. وأفتخر إني أستثمر مع الحرامي الكبير بوبدر .. ليش محتر وطاق الرصيف بدون فلاشر وبدون حتى هرنات !!

أقول روح نام أحسن ووفّر هالكلمتين في الجمعية العمومية يوم الأربعاء ..

إلاّ ماقتلي اشلون الشيخ سلمان !! ليلحين يبي المجموعة من بعد ماشاف نجاحها وتعب بوبدر عليها ويبي يشيله من منصبه !!

صج إنّك منكر حسنه يا trust ..


بوتسنيم​

 

[المجموعي]

اصبحنا واصبح الملك لله

يالله صباح خير
_______________

لازم يستغلون الوضع اليوم ويعلقون السهم بالحد الاعلى

لو شلع السوق فووووووق راح تكون فرصه وجتهم على طبق من ذهب لرفع السهم لمستويات عاليه قبل الجمعيه العموميه يوم الاربعاء

الله كريم ونشوف خير ان شاء الله اليوم


وفقنا الله لما يحب ويرضى

 

[جرير]

اللي بخاطره تعليقه

يرفع ايده ​

 

[بوراشد جروب]

اللهم ما اصبح بي من نعمة أو بأحد من خلقك فمنك وحدك لا شريك لك ، فلك الحمد ولك الشكر.

يالله صباح خير
_______________

لازم يستغلون الوضع اليوم ويعلقون السهم بالحد الاعلى

لو شلع السوق فووووووق راح تكون فرصه وجتهم على طبق من ذهب لرفع السهم لمستويات عاليه قبل الجمعيه العموميه يوم الاربعاء

الله كريم ونشوف خير ان شاء الله اليوم


وفقنا الله لما يحب ويرضى

ياصباح الخير والنور وعبير الزهور وتغريد الطيور ...

 

[بوراشد جروب]

اللي بخاطره تعليقه

يرفع ايده ​

ساد ساد ساد ...

 

[trust]

نعم أخوي نعم حراميه .. وأفتخر إني أستثمر مع الحرامي الكبير بوبدر .. ليش محتر وطاق الرصيف بدون فلاشر وبدون حتى هرنات !!

أقول روح نام أحسن ووفّر هالكلمتين في الجمعية العمومية يوم الأربعاء ..

إلاّ ماقتلي اشلون الشيخ سلمان !! ليلحين يبي المجموعة من بعد ماشاف نجاحها وتعب بوبدر عليها ويبي يشيله من منصبه !!

صج إنّك منكر حسنه يا trust ..


بوتسنيم​

------------------------------
صباح الخير بو 15000 بترو غلف
انتى تقول عن نفسك انك حرامى انتى ابخص والحديث الشريف يقول- صفات المنافق ثلاث ....... واللى ينطبق عليك اكثر من ثلاث

 

[حسين بن عاقول]

الاوامر طيبه أن شاء الله​

 

[Bo Tasneem]

------------------------------
صباح الخير بو 15000 بترو غلف
انتى تقول عن نفسك انك حرامى انتى ابخص والحديث الشريف يقول- صفات المنافق ثلاث ....... واللى ينطبق عليك اكثر من ثلاث

إي نعم 15 ألف بتروجلف اشتبي يعني .. لايكون فضحتني يعني !! يالهوتييييييييييييي .. يعني كلّش اتعرفلك جم راس بالأوسط ويقولون لك جم عند فلان وفلان !!

منكر حسنه إنت وأشكالك ..

خذيتوا خير الشركه .. ويوم صحولكم ياي تقول حراميه !! .. أقول إلعب بعيد يبه ..

والمنافق مثل ماتفضّلت يبيّن بالنهاية

أوه آسف يا جماعه من الصبح سامحونّا .. حتّى نسيت أصبّح عليكم ..

صبحكم الله بالخير جميعاً ..


بوتسنيم​

 

[Bo Tasneem]

------------------------------
صباح الخير بو 15000 بترو غلف
انتى تقول عن نفسك انك حرامى انتى ابخص والحديث الشريف يقول- صفات المنافق ثلاث ....... واللى ينطبق عليك اكثر من ثلاث

وبعدين تعال يالطيّب ..

انت اشلون تفهم بالمقلوب ولاّ شنو !! اشلون أحّد يقول عن نفسه حرامي ماتفهمني !!

أمس حضرتك تقول هذول حراميه وتقصد بوبدر .. وآنا قتلك إي نعم حراميه واستثمارنا وياهم والنّعم فيه .. اشلون فهمتها إني أقول عن نفسي حرامي !!

والله أخوي الظاهر يبيلك درس خصوصي مو باللغة العربية لألأ .. بالكويتية واشلون تفهمها


بوتسنيم​

 

[.osama]

اخوي بوراشد

صبحك الله بخير

ابيك تبلغ بوبدر اني زعلان ترى

شنو يعني المجموعه الدوليه مخلينها الطوفه الهبيطه بالجروب

ليش يعني ماتعلق من الصبح مع ربعها​

 

[المجموعي]

يالله لك الحمد والشكر

بوراشد 640 تهقى يعلقها

واذا علقها

يكمل فيها الى يوم الجمعيه العموميه...



الله يوفق الجميع لما يحب ويرضى

 

[Bo Tasneem]

والله حبايبي رأيي أشوفها لازم تتعلّق ..

البترووو وجراند تعليقات الحمدلله .. المجموعة أشوفها بتتعلّق بس صبروا اشوي لي آخر التداول إن شاءالله .. لأن أكيد يبون ياخذون بهالأسعار أكثر

وإن شاءالله يوم الجمعية نلقاها 760فلس يارب


بوتسنيم​

 

[حسين بن عاقول]

والله حبايبي رأيي أشوفها لازم تتعلّق ..

البترووو وجراند تعليقات الحمدلله .. المجموعة أشوفها بتتعلّق بس صبروا اشوي لي آخر التداول إن شاءالله .. لأن أكيد يبون ياخذون بهالأسعار أكثر

وإن شاءالله يوم الجمعية نلقاها 760فلس يارب


بوتسنيم​

تري هم زين بو تسنيم فوق 700

 

[.osama]

اخوي بوراشد

صبحك الله بخير

ابيك تبلغ بوبدر اني زعلان ترى

شنو يعني المجموعه الدوليه مخلينها الطوفه الهبيطه بالجروب

ليش يعني ماتعلق من الصبح مع ربعها​

بوراشد بلغ بوبدر اني خلاص موزعلان

بس قوله تكفه لا تخلي تداول المجموعه اليوم بالحمر​

 

[بوراشد جروب]

أمام الحكومة فرصة لتأكيد جديتها بالإصلاح الاقتصادي
سامي البدر لـ الوطن: عدة مؤشرات تدفع بتحسن السوق على المدى القصير

كتب مبارك الشعلان:

اعتبر الرئيس التنفيذي للمجموعة الدولية للاستثمار سامي البدر أن هناك عدة عوامل تدفع باتجاه وجود مؤشرات ايجابية على تحسن وضع السوق منها أن السوق تحسن خلال الأيام الأخيرة وسيكون لحل المجلس آثار إيجابية على السوق على المدى القصير لأن ما يحدث في السوق يعود جزء كبير منه إلى الحالة النفسية للمتعاملين بالسوق.

وأوضح في تصريح لـ «الوطن» أن الحكومة امام اختبار في المرحلة المقبلة «لطمأنة» الناس عبر سياسات اقتصادية من شأنها الدفع بتحسن الأوضاع الاقتصادية خاصة أن السوق الكويتي سوق جيد ويجب ألا يقل عن 12 ألف نقطة.

وقال إن هناك عوامل عديدة ساهمت بانخفاض السوق منها الأزمات السياسية بين المجلس والحكومة وذلك يعتبر في إطاره الطبيعي إلا أن تأثر الناس بهذا الصراع جعل المستثمرين يتابعون حالة الشد والجذب مما كان له الأثر على السوق.

وذكر أن أمام الحكومة فرصة لتقديم بدائل لتحسين الوضع حتى لو تطلب الأمر ضخ أموال لإشعار الناس بجديتها في الإصلاح الاقتصادي.

Link

تاريخ النشر: الاثنين 22/5/2006​