الجرس طق والشريط التداول شغال بالبورصه

[مرعوب بالسوق]

كلامك عدل

يالله حيه بو سليمان

لا أخوي أصحح لك معلوماتك . . التأخير ما كان بس في الصفقات و أوقاتها . . التأخير كان حتى في سجلات الاوامر و كميات العرض و الطلب . . يعني معلومات التداول كلها كان فيها تأخير . .

و على فكره محد قال ان كان فيه صفقات تمت بعد 12:30 !

يا أخي مادري شنو الصعب في الموضوع لك أو لأي شخص ثاني ؟؟ متابعة الأسهم كان فيها تأخير أكثر من 40 دقيقة . . شلون تعتبر الوضع طبيعي ؟؟؟

اخواني الاعزاء


احنا ما قلنا فيه تأخير بالصفقات بعد الساعه 12.30 يعني ما فيه تداول بعد الساعه 12.30

وفعلا طق الجرس الساعه بنفس الوقت بس التأخير اللي كان بالعروض والصفقات واوقاعها

تقولي دق على الدلال اساسا مو فاضي يرد على التلفونات وتم الاتصال بأحد الدلالوه بعد التداول وتدرون شنو رده

افتكينه من العروض اللي كانوا الناس تبي تعرض وايقول عوار راس من اللي يبي ايبيع واللي يبي بس يسأل عن العروض ايقول السبت راح ايخفون العروض والضغط اللي عليهم ( القصد الدلالوه )

بيني وبينك وعلينا احنا بعد ما تعرف اتشوف سهم عدل من تفتح الجهاز الشخصي مالك اييون يمك لا وازيدك من الشعر بيت

يالي واحد وايقولي جم العرض والطلب ( قلتله ) جان ياخذ الجريده من غير استأذان ويقراها ( بلعتها )

والغريب انه اخذ الجريده وياه ( قلتله ) اخوي الجريده لو سمحت تدري شنو رده ( كلها 100 فلس )

شنو تحطله وايطيب

والله لو تشوفون اول يوم بالتداول على البنك انا امصوره بالتلفون جان تقول التوزيع على الناس ببلاش

وكانوا العالم ناطرين بس العروض للبيع ولو اعرف اشلون احط التصوي جان حطيته لكم


ولكم التعليق

اخوكم مرعوب بالسوق

 

[startq8]

اللي كان عنده كمية في بنك بويبان لنفترض 7260 سهم والسهم حسب الأوسط او موقع البورصه أو شريط قاعه التداول كان 495 وحب يبيع الكمية كامله ومايبي كسور وراح باعهم في سوق الكسور كاملين والسهم كان يتداول على سعر 510 شنو ذنبه !!! ومن يتحمل فرق السعر .

الذي يحصل من أمور فنية في سوق الكويت أمر لايصدق !! واعتقد تداول الأربعاء بالكويتي نقولها ضيع ناس وايد . في قرارات البيع او الشراء
اخوكم
بوفواز

اخوي مايصير تبيع الوحدات بسوق الكسور النظام مايستقبل الامر

يعني لو عندك 7260 ومعروض بشريط التداول 495

والسهم يتداول على على 510

لازم تبيع 5 الاف سهم بالسوق الرسمي ب510

وتبيع 2260 بسوق الكسور

واللى صار يوم الاربعاء كان متوقع بسبب الضغط الهائل

يعني لاتكبرون المسأله وادارة البورصه واهمال

والنظام تعبان الحمدالله احنا احسن من غيرنا بكثير

وادارة البورصه قاعد اطور النظام كل اشهر وتزيد استيعاب الاوامر

ومافي فرق سعر لانه محد باع اللى واهو يدري بسعر

الطلب والعرض

النهايه الطلب مالكم معروف

اقالة مدير البورصه

حظ اوفر بالمرات القادمه

بس مو عشان بوبيان

 

[راعي الحقوق]

تحياتى للاخ راعى الحقوق

اخوى نحن لسنا بصدد الجدال هنا .

اللى حصل يسمونه rush or jam

و اذكرك بان سوقنا ( رغم تحفظاتى عليه ) سوق خبرات و انظمة , و متقدم جدا على اسواق المنطقة , اكيد نحن جميعا نطمح للاحسن .

و لازم نشوف الجيد تماما كما نرى السىء

و اكرر التحية لك عزيزى .

زين ابى رايك : بوبيان كم بيوصل

شرايك يا محبوب السلامة نتواعد انا معاك بمكتب العامر مدير ادارة الحاسوب في البورصة و نسألة هو شراية بنظام البورصة الحالي ؟؟

و اذا سمعت منه كلام يسرك عن النظام لك مني 10 الاف سهم بوبيان . . و ببلاش علشان ما تسأل وين بيوصل لأن ما راح تفرق معاك


يا اخي شنو هالمنطق الغريب ؟؟ شنو رش و جام ؟؟ و اذا يا اخي صارت شوية زحمة على الاوامر ؟؟

حنا الآن مش بصدد البحث عن الاسباب الفنية اللي ادت للخلل . . حنا بصدد تقييم الموقف و ردة فعل المسؤولين . . هل كان الموضوع طبيعي و عادي و بالطقاق بالناس اللي كانت تشتري و تبيع عمياني ؟؟ هل نطوف موضوع اللخبطة اللي صارت ؟؟ يعني الناس ما هي عارفة بأي سعر تطلب و لا بأي سعر تعرض . . بسبب تأخر المعلومات . . طيب يا أخي فيه آلاف يتداولون عن طريق الانترنت . . هذول وشهو ذنبهم ؟ المصيبة ان مجموع الصفقات كلها بحدود 5000 صفقة . . و يفترض السوق يتحمل 30 الف صفقة

بعدين يا أخي هل انت شخص فني و متخصص و مطلع على جميع انظمة اسواق المنطقة علشان تصدر حكمك بأن نظامنا هو افضل نظام في المنطقة ؟؟

تقدر تقولي سالفة (شاري بايع) هذي وش سالفتها ؟؟ يعني الحين أنا أمامي عرض بسهم معين و بسعر عاجبني . . اعطي للدلال أمر شراء . . ما يتنفذ و يظل معلق أكثر من دقيقتين . . تشوف أمر البيع مجابل أمر الشراء كأنهم دياكه . . و من غير تنفيذ . . و شوي ما توعى الا واحد جاك و خمط لقمتك من قدامك . . كل هذا ليش ؟ لأن الشخص اللي عارض السهم من نفس مكتبك !!

و عيوب واجد و كثيره. . و على فكرة السوق العماني أحسن من نظامنا بسنين ضوئية

 

[startq8]

شرايك يا محبوب السلامة نتواعد انا معاك بمكتب العامر مدير ادارة الحاسوب في البورصة و نسألة هو شراية بنظام البورصة الحالي ؟؟

منو هذا المدير اللى يصرح جذي ؟

 

[راعي الحقوق]

اخوي مايصير تبيع الوحدات بسوق الكسور النظام مايستقبل الامر

يعني لو عندك 7260 ومعروض بشريط التداول 495

والسهم يتداول على على 510

لازم تبيع 5 الاف سهم بالسوق الرسمي ب510

وتبيع 2260 بسوق الكسور

واللى صار يوم الاربعاء كان متوقع بسبب الضغط الهائل

يعني لاتكبرون المسأله وادارة البورصه واهمال

والنظام تعبان الحمدالله احنا احسن من غيرنا بكثير

وادارة البورصه قاعد اطور النظام كل اشهر وتزيد استيعاب الاوامر

ومافي فرق سعر لانه محد باع اللى واهو يدري بسعر

الطلب والعرض

النهايه الطلب مالكم معروف

اقالة مدير البورصه

حظ اوفر بالمرات القادمه

بس مو عشان بوبيان

أخوي الظاهر انت بايع بوبيان و مستانس و ما ودك تصير شوشره على الموضوع و يمكن توصل لألغاء التداول . . فصرت للأسف محامي الشيطان و انت منت حاس

عقد تحديث نظام التداول صارلة سنتين متوقع و مفعل و لي يومك هذا ما كملوا تركيب النظام و الموضوع معلق بسبب نشاط مدير عام البورصة و حيويته و اهتمامه بالموضوع


و بعديم يا أخي أنا لي واحد من الأقارب يتداول عن طريق خدمة الانترنت الخليج للوساطة اذا ما خاب ظني و كان قدامه العرض على الشاشه 495. . حط الامر للشراء من العرض 10 الاف سهم . . و ما ثبت ان كانت صفقته تنفذت و لا لأ . . لأن الصفقات كثيرة . . اكتشف الحبيب انه ما حصل السهم آخر السوق لأن وقت وضع الأمر كان السهم مطلوب بال 500 و يشترون ب 510 . . و نهاية السوق اكتشف انه طول الفترة كان طالب بال 495 . . و ان ما تنفذت له اي صفقه . .

بس و لا تزعل يا خوك . . و النعم بالركيبي . .

 

[راعي الحقوق]

منو هذا المدير اللى يصرح جذي ؟

مدير ادارة الحاسب الآلي في البورصة . . يتف و يسف بالنظام اللي عنده. . و مدير عام البورصة مطبق نظام "عمك اصمخ"

بس ما يمنع ان و النعم فيه

 

[startq8]

مدير ادارة الحاسب الآلي في البورصة . . يتف و يسف بالنظام اللي عنده. . و مدير عام البورصة مطبق نظام "عمك اصمخ"

بس ما يمنع ان و النعم فيه

شوف اخوي انا ماني محامي احد واتمنى تختار الفاظك

ثاني شي مدير الحاسب الآلى اذا مايقدر على الاصلاح

او مو قادر يقنع مدير البورصه بشغله ليش مايقدم استقالته

اظن يكون برء ذمة امام الله مو يصير شيطان اخرس

ثاني شي انا مااملك مليون سهم بوبيان اللى املكه اكتتابي

ماراح يتأثر بالألغاء

بس تعرف ان الغاء صفقات بوبيان اخر شي تفكر فيه يصير بالبورصه

واتحداك اذا تم الغاء صفقه وحده من الصفقات

تدري ليش لانه سليمه 100%

ومن ناحيتي ماودي الالغاء عشان الناس اللى باعت شنو ذنبها

لو تم الالغاء واللى اشترى بالملايين قرر عدم الشراء

وقررت المحافظ والشركات الرد على البورصه بنزول السهم

لمستوى 250 فلس شنو ذنب الناس اللى باعت

بالعكس اللى باع مبروك له وعليه بالعافيه

واللى شرا هم عليه بالعافيه هذى ارزاق والله اللى يقسمها

بس لا تحسب انا بدافع عن مدير البورصه بشخصه لا والله

انا يعجبني الشخص اللى يوقف امام الظلم ومايهمه احد

لا مسؤول ولا تاجر ولا اي شخص وجود مدير بورصه قوى وحقاني

اهم من نظام تداول بكثير عرفت اخوي منو الشطان الاخرس

 

[راعي الحقوق]

شوف اخوي انا ماني محامي احد واتمنى تختار الفاظك

ثاني شي مدير الحاسب الآلى اذا مايقدر على الاصلاح

او مو قادر يقنع مدير البورصه بشغله ليش مايقدم استقالته

اظن يكون برء ذمة امام الله مو يصير شيطان اخرس

ثاني شي انا مااملك مليون سهم بوبيان اللى املكه اكتتابي

ماراح يتأثر بالألغاء

بس تعرف ان الغاء صفقات بوبيان اخر شي تفكر فيه يصير بالبورصه

واتحداك اذا تم الغاء صفقه وحده من الصفقات

تدري ليش لانه سليمه 100%

ومن ناحيتي ماودي الالغاء عشان الناس اللى باعت شنو ذنبها

لو تم الالغاء واللى اشترى بالملايين قرر عدم الشراء

وقررت المحافظ والشركات الرد على البورصه بنزول السهم

لمستوى 250 فلس شنو ذنب الناس اللى باعت

بالعكس اللى باع مبروك له وعليه بالعافيه

واللى شرا هم عليه بالعافيه هذى ارزاق والله اللى يقسمها

بس لا تحسب انا بدافع عن مدير البورصه بشخصه لا والله

انا يعجبني الشخص اللى يوقف امام الظلم ومايهمه احد

لا مسؤول ولا تاجر ولا اي شخص وجود مدير بورصه قوى وحقاني

اهم من نظام تداول بكثير عرفت اخوي منو الشطان الاخرس

يعطيك العافية اخوي . . انا الظاهر اكتب بلغة غير مفهومه بس ما فيه مشكلة ان شاء الله

ما ودي ارد على كلامك لأن ماله معنى جدل اساسه المكابره بس برد على شغلتين و هما

اذا الرجل قدم استقالته . . تصرفله انت راتب ؟ و لا من وين يبي يوكل عياله ..؟؟؟ الرجل سوى اللي عليه و رفع الموضوع لصاحب القرار و صاحب القرار عاجبه الوضع الخربان !!!

و بعدين العباره اللي بالاحمر صراحة جبتها بالصميم و خاصة بعد مواقفه المتعلقة بقضية البحر و قضية الهواتف المتنقله . .

و على فكره ترى انا ما اسأت لك و لا اتهمتك بشي منكر علشان تزعل و تطلب مني انتقي الفاظي

و شكرا