كم تتوقع يكون سعر بنك بوبيان نهاية 2006م

[ولد الدسمة]

بسم الله الرحمن الرحيم

إخواني الأعزاء .. السلام عليكم و رحمة الله و بركاته

كم تتوقع يكون سعر سهم بنك بوبيان نهاية هذه السنة ؟

و ليش ؟

ملاحظة صغيرة : يا ريت تحط السعر المتوقع .. و ليس السعر اللي تتمناه


أكيد الكل يتمنى بالعالي .. أنا ودي يوصل 3 دنانير .. بس منين يا حسرة

 

[خير الكلام]

السلام عليكم

اللي مرشح مابين 300 و400 .

اهما علي التبريزي وصاحبه قفه عرفتوهم .

عل ايدكم وينه سعر 300 و400 .

 

[1aziz]

1.800 د.ك
البنك الاسلامي الوحيد في الكويت........................و اذا تحول العقاري يكون البنك الاسلامي الاكبر

 

[Moshaks_777]

اتوقع 650 فلس

 

[fawazzz]

اعتقد اللي يبيع الحين ماعنده سالفة
انا انصحه ينسى ان عنده اسهم بوبيان ومايتذكرها الا لما توصل 3 دنانير

ادري قوية
بس لايبيع وبس

 

[some one]

في تقييم البنوك يؤخذ في الإعتبار مستقبل البنك وأسعار مثيلاته البنوك لحظة التقييم ( فقط للتنويه )
ناهيك عن كونه بنك إسلامي ثاني في دولة الكويت والبديل الوحيد لبيت التمويل الكويتي في مجال البنوك الإسلاميه أضف الى ذلك محاولة بعض الشركات والبنوك على إستحواذ أكبر كم من الأسهم في بدايات طرحه أملا منهم في التحكم في مجلس إدارته واتخاذ القرار .

كل هذه الأمور تؤخذ في الحسبان عند التوقع لكي نحصل على أكبر قدر من الصحة في التوقع

 

[1aziz]

في تقييم البنوك يؤخذ في الإعتبار مستقبل البنك وأسعار مثيلاته البنوك لحظة التقييم ( فقط للتنويه )
ناهيك عن كونه بنك إسلامي ثاني في دولة الكويت والبديل الوحيد لبيت التمويل الكويتي في مجال البنوك الإسلاميه أضف الى ذلك محاولة بعض الشركات والبنوك على إستحواذ أكبر كم من الأسهم في بدايات طرحه أملا منهم في التحكم في مجلس إدارته واتخاذ القرار .

كل هذه الأمور تؤخذ في الحسبان عند التوقع لكي نحصل على أكبر قدر من الصحة في التوقع

مرحبا اخوي someone
بيت التمويل مو بنك!!!!!
حتى اليوم البنك الاسلامي الوحيد في الكويت هو بنك بوبيان.
و العقاري لما الحين ما في أعلان رسمي عن التغير / التحويل من بنك تقليدي الى اسلامي...............الله يعطيك الصحة و العافية

 

[المناور]

2_0 بوبيان

 

[Nasser pwc]

والله اتوقع مابين 700 الى 800


وان شاءلله يكون فوق التوقع للفائده للجميع​

 

[بو سليمان]

1.800 د.ك
البنك الاسلامي الوحيد في الكويت........................و اذا تحول العقاري يكون البنك الاسلامي الاكبر

حدد متى؟ و اين؟ و لماذ؟

حتى نشوف 1.800 بدل السعر العادل 0.180

 

[vactory]

1.800 د.ك
البنك الاسلامي الوحيد في الكويت........................و اذا تحول العقاري يكون البنك الاسلامي الاكبر

قويه!!!!!!

 

[some one]

مرحبا اخوي someone
بيت التمويل مو بنك!!!!!
حتى اليوم البنك الاسلامي الوحيد في الكويت هو بنك بوبيان.
و العقاري لما الحين ما في أعلان رسمي عن التغير / التحويل من بنك تقليدي الى اسلامي...............الله يعطيك الصحة و العافية

كلامك صحيح عزيز لكن مجازا يعتبر بنك
والمقصد هو انه راح يكون البديل الإسلامي الوحيد في الكويت اللي تقدر تحول راتبك عليه

 

[الذوق كله]

يا جماعة أشفيكم شبيتوا على الرجال لاحول ولا قوة إلا بالله

الموضوع مو توقعات خلوه يبدي رأية وكل واحد واعتقادة واشفيها 1,800

المخازن من 160 فلس إلى 6دنانير بسبة عقد مع الجيش الامريكي

وسلطان كذلك من120 فلس الى2,800 وهي سوبر ماركت وكان رايح فيها

ذاك الوقت , وهذا بنك اسلامي وما يوصل ارقام قياسية , والله أنا توقعاتي

يطوف 2,000 د.ك , اذا اشتدت المنافسة وارتفعت اصول البنك .

واللي مو عاجبة .. ينتف حواجبة .

 

[بو سليمان]

يا جماعة أشفيكم شبيتوا على الرجال لاحول ولا قوة إلا بالله

الموضوع مو توقعات خلوه يبدي رأية وكل واحد واعتقادة واشفيها 1,800

المخازن من 160 فلس إلى 6دنانير بسبة عقد مع الجيش الامريكي

وسلطان كذلك من120 فلس الى2,800 وهي سوبر ماركت وكان رايح فيها

ذاك الوقت , وهذا بنك اسلامي وما يوصل ارقام قياسية , والله أنا توقعاتي

يطوف 2,000 د.ك , اذا اشتدت المنافسة وارتفعت اصول البنك .

واللي مو عاجبة .. ينتف حواجبة .

الاحتفاظ بالسهم على امل 1.800 مو مشكلة لكن الدخول علية اكبر مشكلة لان العقل و المنطق و الرياضيات لا تعطيه اكثر 230فلس و واجد عليه
الا اذا كان الاقتصاد و الارقام نحول الى خطابات و تعبير انشائيه

 

[الذوق كله]

يعني اللي شروا يوم الاثنين 29 مليون سهم على 600فلس

واللى شروا الاربعاء 60 مليون سهم على 500فلس

ما عندهم عقل ولا منطق ولا رياضيات ,

أخوي إذا بخاطرك تشتري بالسهم لحق علية لايطوفك ترى ما راح ينزل

واذا تبي الناس تبيع اللي عندها لاتخاف اشكثر اللى يبون إيبيعون

وخل عنك العقل والمنطق والرياضيات لايودونك بداهية , ولا تزعل مني

ترى أمزح معاك , وعلى نياتكم ترزقون .

 

[napoli]

اتوقع الى نهاية السنة بين 800 الى دينار وخلال 3 الى 4 سنوات يكون بين 3 الى 4 دنانير .. السهم هذا قيادى ومن العيار الثقيل جدا جدا وراح يكون اغلى سهم ببورصه الكويت واقدر اشبهه بالراجحى بالسوق السعودى

 

[بو سليمان]

اتوقع الى نهاية السنة بين 800 الى دينار وخلال 3 الى 4 سنوات يكون بين 3 الى 4 دنانير .. السهم هذا قيادى ومن العيار الثقيل جدا جدا وراح يكون اغلى سهم ببورصه الكويت واقدر اشبهه بالراجحى بالسوق السعودى

نرجؤ منك الشرح شلون قيادي يعني عنده ليسن و الباقي ماعندهم
بعدين نبي شرح بالارقام و التواريخ مع تقديم كافة الضمات بعدم كسر حاجز 400 فلس مع حلول العطلة الصيفية لاني سامع كلام حريم يقولون السنة هذي سنة سفر و وناسة علشان بوبيان
و بعد السفر مافيه مشكلة القرن و الاولي بالدرب

 

[napoli]

نرجؤ منك الشرح شلون قيادي يعني عنده ليسن و الباقي ماعندهم
بعدين نبي شرح بالارقام و التواريخ مع تقديم كافة الضمات بعدم كسر حاجز 400 فلس مع حلول العطلة الصيفية لاني سامع كلام حريم يقولون السنة هذي سنة سفر و وناسة علشان بوبيان
و بعد السفر مافيه مشكلة القرن و الاولي بالدرب

التوقع على نهاية السنة الله يهديك .. وارجو انك تتحاور بأدب وتترك عنك سوالف الحريم ...

 

[الذوق كله]

أشفيك بوسليمان قاعد لهم قعدة , هذا منتدى لتبادل الآراء ,

مو كل واحد يكتب عن بنك بوبيان ندوس ببطنه الله يهداك بس ,

لو السالفة تكسير مجاديف مالة داعي نتابع بالمنتدى ولا نشتري

أسهم , وأنا ملاحظك كل ما كتب أحد عن بوبيان كسرت فيه ليش

لا تقولي خايف علينا ماله داعي أفضل الاسهم بالعالم قطاع البنوك

لا وبوبيان اسلامي بعد , لاتحاتي بوسليمان , ليش ما تنصح الناس

اللي عندهم أسم بالشركات الخسرانة واللي عندها خسائر غير محققة

واللي أرباحها غير تشغلية , أنا أشوف أنهم راح يدعولك ويشكرونك .


ديرت الفسد تعمر ............ وديرت الحسد ما تعمر

 

[1aziz]

البيع و المشترى قرار شخصي......................و لكن هذا لا يمنع ان اي واحد قبل ان يشتري او يبيع ان يشوف و يبحث عن السعر العادل.

هذه ما هي الا مجرد توقعات و انشاء الرحمن يرزق الجميع الرزق الحلال و يوفقهم.