شنو حل اللى يخاف من الطيارة

[kuwait77]

انا يا اخوان اخاف من الطيارة ما ادرى ليش مع انى ركبت طيارات واجد انا مانى حالف بس والله انى من اكثر الناس اللى ركبو طيارة فى المنتدي وللحين الطائرة تسببلي ارق مدرى ليش شنو الحل ما ادرى شلون اتغلب على الخوف هذا والتفكير هذا

 

[khalid592]

انا مثلك بعد لاحظت بالسنتين اللي فاتو اني صرت اخاف من ركوب الطياره بشكل غير طبيعي .. مع اني راكبها واجد وكل تقريبا سفراتي طياره يعني مال منها ..

بس فعلا صرت اخاف من ركوب الطياره لدرجه اني ممكن اكنسل السفره او حاب اسافر بس ماروح عشان هالطياره

 

[kuwait77]

والله انا مرة كنسلت روحة للندن للعلاج وحولتها للسعودية عشان الطيارة ورحت للسعودية بسيارة مع انهم صارفيلي تذاكر الى جدة شرايك بس ليش هالخوف شكلى احب الحياة بالحيل ولا احب المغامرة

 

[عليمي و مقرود]

السلام عليكم
بالنسبة لي شخصياً ، (كون عملي اللي اداوم فيه )اعتقد ان الطائرة أمن من السيارة لعدة اسباب
وعلى العموم يوجد عندنا بالكويت شبه عيادة لعلاج الخوف من ركوب الطائرات
بادارة طيارين كويتيين .لازالة الخوف منهم كما يوجد جهاز السمليتر بالعيادة.

قل لن يصيبنا شي الا بما كتبه الله لنا

 

[ralraja11]

روح اي عيادة طب نفسي يصرفون لك حبوب

تركب وانت زي الحلاوة :d

وما منها ايه اضرار ...

انت جربها مرة وحدة بس وبتشوف

 

[stillhamad]

السلام عليكم
بالنسبة لي شخصياً ، (كون عملي اللي اداوم فيه )اعتقد ان الطائرة أمن من السيارة لعدة اسباب
وعلى العموم يوجد عندنا بالكويت شبه عيادة لعلاج الخوف من ركوب الطائرات
بادارة طيارين كويتيين .لازالة الخوف منهم كما يوجد جهاز السمليتر بالعيادة.

قل لن يصيبنا شي الا بما كتبه الله لنا

زين هالعياده يعلمون فيها القران ..

 

[Nasser pwc]

على قولتهم شر لابد منه​

 

[عليمي و مقرود]

عزيزي
حضرتك تطنز .......... ولا .......... بس حبيت اعرف
شنو قصدك من تعليم القرأن في عيادة الخوف من الكوارث الجوية
ممكن بس حضرتك تفهمني ؟

 

[ولد ابوه]

اخوي انا مثلك بالضبط وانهار انهيار نفسي لما اركب الطياره
وعلي فكره هذا مرض نفسي نسيت اسمه بالضبط

لكن معروف عند الاطباء النفسيين
علي العموم في برامج تشتريها بخصوص هالموضوع
تجيك علي هيئة كتيبات صغيره + افلام علميه للطياريين متمرسين
يشرحون فيها طرق الطياران وكل شي عنه وسلامت الطيران وهالشخابيط

ودكاتره معروفين يشرحون طرق الاسترخاء وانت بالطياره وعندهم خوش
طرق للعلاج الخوف من الطيران
بصراحه ماشترية هالبرامج انا لكن اسمع عنها وايد

انصحك بالبدايه تزور طبيب نفسي وتقوله عن هذا المرض وهو راح يعطيك جلسات علاجيه
او برامج علاجيه

وانا ان شاءلله بعالج نفسي من هالمرض

سلام عليكم

 

[stillhamad]

انا قصدت بأنه من المعروف بأن قراءة القران تساعد في تخفيف ومعالجة الكثير من الفوبيا

ومنها الخرعه من ركوب الطائرات

هذا قصدي لا اكثر ولا اقل