اسهم مجموعة المخازن طلعت اي حاجة!

[مغامرجي]

بصراحة


اسهم مجموعة المخازن طلعت تيش بيش !! يعني وين الداعمين لهذا السهم ؟ معقولة عقد لم يتأكدوا عنها ينهار السهم بهالصورة ؟؟

وين صناع السوق ؟؟ وين كبار الملاك ؟؟ وين الي يدعمون السهم ؟؟

صراحة والله هالنوعية من الاسهم حرام ادش فيها اللهم مضاربة يومية وتخب عليها !! نصيحة يا اخوان اسهم مجموعة المخازن مضاربة يومية بس!

 

[أبو محسن]

والله كان عندي احساس انها اشاعة من صنع الجناعات للتصريف في اسهم مركز سلطان والوطنية العقارية ولا ليش الخبر ما طلع الا بعد ساعة ونصف من ايقاف المخازن

 

[some one]

كلامك صحيح
وكان يجب ايقاف جميع الشركات اللي تمتلك حصص مؤثرة في المخازن سواءا مباشرة أو غير مباشرة

والمفروض يقاضون شركة المخازن نفسها على التساهل الموجود عندهم في السماح بتسريب الإشاعات أكثر من مره وبنفس الحركه طبعا بافتراض حسن النية عند مجلس الإدارة اللي بدينا نشك فيها الصراحه

لكن ما دام مجلس الإدارة راضي على اللي قاعد يصير والمساهمين راضين على أداء مجلس الإدارة ماكو مشكلة

 

[almostabeda]

اهي مش اي حاجه اهي كل حاجه

السلام عليكم ورحمه الله وبركاته
اسهم الجناعات متى تفاعلت بالاخبار الايجابيه ؟ دهر تنزل وقت اي خبر حلو
وبعدين لازم ينحط بعين الاعتبار ان الارباح ما توزعت للحين شلون يصعدون السهم علشان يبيعون الملاك باسعار مرتفعه واللي حصل هي من باب المضاربه البحته للي يعرف يضارب معاهم الناس وراهم صيف وسفر وراحه واستجمام في ربوع مونترو لازم يطلعون مصاريف السفره
مع العلم اني احتفظ في سلطان من سعر 1800 وهم ماراح ابيع

_________________________
سلطان يا سلطان لاتصير شيطان​

 

[UNDER_0]

خسرت اب سهمهم لمه قلت بس واخر شي بعته والحين معوض نص خسارتي الحمدالله ونشالله باقي النص...صراحه اسهم تطلع الروح لو عقود اب مليارات لو يقوليلي اب توصل 10 دنانير هم ما ابيهم بعد عوار الراس وياهم كل همهم استحواذ الشركات وتكبير قاعدة شركاتهم والمساهمين والسهم طاف

 

[ابو العداله]

الناس ماكانت ناقصه خساير منهم ؟؟ واللى يقهرك انهم تاخرو بالاعلان يعنى اهما يدرون ان البورصه راح تطلب توضيح ؟؟ صج عدم احساس وماكو خوف من الله لكن ربك كريم

 

[panorama]

ربنا عالظالم يا جدعان​

 

[أمير النحل]

مرت ايام وقالوا ان سهم (( المـــحــــــازن )) متجه الى 15 دينار ولكننا ماوعينا الا ان السهم في حدود 1.500 فلس هل

لقد انكشف ستار البورصة وانكشفت الالاعيب والعتب على الحكومة والتي كانت هي اللاعب الاساسي في انهيار مدخرات مواطنيها

 

[مايجامل]

والله كان عندي احساس انها اشاعة من صنع الجناعات للتصريف في اسهم مركز سلطان والوطنية العقارية ولا ليش الخبر ما طلع الا بعد ساعة ونصف من ايقاف المخازن

أبو محسن

كلامك 100%

 

[hhhmg]

السهــــم مــــرآة الادارة

التلاعب هي السمة الواضحة

مع تمنياني لصغار المساهمين بأن يعوضهم الله خيراً

 

[مغامرجي]

للعلم

كلمت رجل محامي وقالي ترى تقدر ترفع قضية على الجريدة وعلى الشركة نفسها وذكرلي باب بالقانون يدل على هالشي

 

[ابو فوز]

اخوان ممكن توضحون لنا الصوره؟؟ شنو صاير ترا انا عندى السهم ومو فاهم شى شكلى اطرش بالزفه؟؟

قصدكم ايقاف السهم بالامس؟؟

ممكن واحد يتبرع جزاه الله خير يشرح لى شنو صااير؟

 

[saleh69]

اخوان ممكن توضحون لنا الصوره؟؟ شنو صاير ترا انا عندى السهم ومو فاهم شى شكلى اطرش بالزفه؟؟

قصدكم ايقاف السهم بالامس؟؟

ممكن واحد يتبرع جزاه الله خير يشرح لى شنو صااير؟

اخي العزيز

بالامس نشر في احد الجريد ان المخازن بصدد توقيع عقد بالمليارات فكان لزاما على ادارة البورصه ايفاف سهم المخازن للتاكد من هذه المعلومه مثلما كانت تفعل مع جميع الشركات وقد كانت الشركات ترد على البورصه خلال نصف ساعه تقريا ولكن اللي حصل امس انه لم ترسل المخازن الرد الا بعد ساعه ونصف من التداول وخلال هذه الفتره ارتفعت جميع اسهم مجموعة المخازن بالحد الاعلى بناء على هذه المعلومه لان الاخوه الجناعات صرفوا اسهمهم بهذه الشركات بالحد الاعلى وهم يعلمون انه لايوجد عقد حاليا وبعد التوضيح المرسل من المخازن اتضح انه لايوجد عقد حاليا وانما هو نفسه العقد الموقع مع الجيش الامريكي العام

عرفت شالسالفه علشان تعرفون انهم نصابين

 

[السهم الخارق]

اخي العزيز

بالامس نشر في احد الجريد ان المخازن بصدد توقيع عقد بالمليارات فكان لزاما على ادارة البورصه ايفاف سهم المخازن للتاكد من هذه المعلومه مثلما كانت تفعل مع جميع الشركات وقد كانت الشركات ترد على البورصه خلال نصف ساعه تقريا ولكن اللي حصل امس انه لم ترسل المخازن الرد الا بعد ساعه ونصف من التداول وخلال هذه الفتره ارتفعت جميع اسهم مجموعة المخازن بالحد الاعلى بناء على هذه المعلومه لان الاخوه الجناعات صرفوا اسهمهم بهذه الشركات بالحد الاعلى وهم يعلمون انه لايوجد عقد حاليا وبعد التوضيح المرسل من المخازن اتضح انه لايوجد عقد حاليا وانما هو نفسه العقد الموقع مع الجيش الامريكي العام

عرفت شالسالفه علشان تعرفون انهم نصابين

اذكر مرة البورصة وقفتهم على عقد او قضية كلهم
ومعهم بيان واللبنانية
ليش ماتسوي نفس الشي على الثلاثة بس
خاصة اذا الخبر عن المخازن

 

[RICARDO-KAKA]

8:49:12 المخازن تستلم خطاب التجديد الرسمي لسنة ثانية لعقد النقل مع البنتاغون ‏
يعلن سوق الكويت للأوراق المالية، عطفا على اعلانه السابق بتاريخ 10-06-06،
والخاص بموضوع تجديد عقد النقل المبرم بين شركة المخازن العمومية ووزارة
الدفاع الأمريكية، أن الشركة قد أفادت بما يلي:‏
لقد استلمت الشركة خطاب التجديد الرسمي للسنة الثانية من قبل الجيش الأمريكي،
وستستمر الشركة في تنفيذ العقد للسنة الثانية على التوالي


الله يكتب اللي فيه الخير ان شاء الله

 

[al.jamly91]

شباب ارجو التوضيح

شباب قبل شوى كان في خبر على الاقتصاديه يقول
ان مجموعة المخازن تفوز بعقد بناء جسر بالسعوديه
بس مو محددين كم السعر
وهل هذى العقد مفيد للسهم والا يطلع فشوش نفس غيره

 

[اقتصاد77]

شباب قبل شوى كان في خبر على الاقتصاديه يقول
ان مجموعة المخازن تفوز بعقد بناء جسر بالسعوديه
بس مو محددين كم السعر
وهل هذى العقد مفيد للسهم والا يطلع فشوش نفس غيره

الله يسمك منك