في كل ديرةجددوا لابن برمان*قصرمن البيضاءرفيع بناها

الموضوع في 'إستراحة المنتدى' بواسطة عبداللة, بتاريخ ‏17 يناير 2003.

  1. عبداللة

    عبداللة عضو جديد

    التسجيل:
    ‏4 يونيو 2002
    المشاركات:
    39
    عدد الإعجابات:
    0
    مكان الإقامة:
    السعودية
    في عام 1360هجريه تجاور كلآ من دحيم بن عبدالله بن برمان العزه
    السبيعي وعبيد بن حويل الخييلي الدوسري وقد كانوا في ضواحي رماح
    واخذوا وقت طويل وهم جيران على حشمه وتقدير ، وبعد فتره قتل ولد
    الدوسري ولد دحيم بن برمان من غير عمد بطريقة الخطأ ثم جاب الدوسري
    ولده لابن برمان وقال هذا ولدي اذا اردت قتله اقتله وقال بن برمان والله
    ماني مخلي مرت جاري تبكي مثل مرتي واعتقه لوجه الله ولايستغرب
    الطيب من الطيبين وقال الدوسري هذه القصيده رد ثناء على جارهـ :-



    ياراكبن هجنٍ مراديم وسمان=عيرات الانضاء مايرقع حفاها

    ياراكبين الهجن نصوهن عمان=ومروا على رفحا وروحوا وراها

    في كل ديره جددوا لابن برمان=قصرٍ من البيضاء رفيعٍ بناها

    ثم اجنبوا من عندكم يم نجران=دار المذاكر دوجوا في قراها

    حطوا له البيضاء على كل مابان=راعي الفعول اللي طريٍ نباها

    ومروا على الخرمه وحطوا بها اعلان=اعلان بيضاء كل من جاء قراها

    وابنوا بدار سبيع بيضآ لها شان=من مر ديرتهم يشوقه بناها

    نصوهن الحاير عسى دربكم زان=ديرة سبيع متيهين قصراها

    اللي عطا جاره عطآ مابعد كان=عطيةٍ ماقبله احدٍ عطاها

    ماهيب لاغرسٍ ولا ابلٍ ولاضان=ولاعطا دنيآ يدور جزاها

    يبغى العلوم الطيبه مثل ماكان=قصيرته عطيت ولدها وجاها

    يافاعل الحسنى جزاك الله احسان=فعلت لك حسنى على الله جزاها





    منقووووله