عيون القصايـــــــــــــــــــــــــــد

[ارحبو]

الله ..أكــبــر كيــف ما مـتـنــا قـهـَـــر
والـزمـــن دايـــم يـحـــرق / كـبــــودنــا !!:

 

[بوسعود66666]

لا تقول اني ذكرت .. ولا تقول انـي نسيـت
كيف يعني .. يذكرك انسان لحضـه مانسـاك
ادري اني صدق احبك .. وادري انك مادريـت
اني حتى ضد نفسي صـرت ياعمـري معـاك
لو اقول اشكثر احبك ! ما تصدق لـو حكيـت
داااام حبي فـووق والله مستـواي ومستـواك
(كل حرف ٍ لك كتبت ) و (كل حرف ٍ لي قريت)
(في شي ٍ من عناي) و(فيه شي ٍ من غـلاك)
في غيابك ... ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك
مو مهم اللي جرى لي ... المهم انك رضيـت
دام يزعلني زعلّك ... ودام يرضينـي رضـاك
انت دمع ٍ في عيوني .. مابكيتـه لـو بكيـت
وانت كل اللي كتبته ... وانا بس اللي قـراك
وانت درب ٍ من بديته فـي حياتـي منتهيـت
وانت تعني لـي بهالدينـا نجاتـي والهـلاك
جيتك أتأسف حبيبي.. وأعترف انـي خطيـت
جيتك اسبق لهفة اشواقـي ويسبقنـي غـلاك
وانا مدري( شلت قلبي لك ) بعد عمري وجييت
والا ( قلبي شالني لك ) يابعد عمـري وجـاك
جيت اقول( اني احبك) شفت عينـك استحيـت
في عيونك قدرة الله ... واشهـدن الله عطـاك
لا تقول اني ذكرت .. ولا تقول انـي نسيـت
دام قلبي ماذكـرك .... ودام قلبـي مانسـاك
​

 

[سيده اعمال 2008]

الليله واضحه ليله فراق

الليله هذي واضحه ليلة فراق
حاولت اعديها وعيت تعدي
ظروف ماتنطاق ولاراح تنطاق
صد القدر ماهو بصدك وصدي
تعال اخذني بين أياديك مشتاق
قبل انتفارق حط يدك بيدي
بجلس معك ساعة حبايب وعشاق
من بعدها كيفك ولو صرت ضدي
فيني خليط اشواق باشواق باشواق
واصل معك من كثرة الشوق حدي
ودي ألمك واحضنك حضنة عناق
ياشيب عيني كل ماقلت ودي!!
في خاطري! وش خاطري؟ خاطري ضاق
الكون كله ضاق ماهو بقدي
حتى الدموع اللي استحت كبر واخلاق
تساقطت من فوق خدك وخدي
لوحة شعر تبكي على بيض الاوراق
بيحت فيها من ردى الحظ سدي
ليلة جفا وافراق مامثله افراق
حاولت اعديها وعيت تعدي
​

 

[بوسعود66666]

الله يوفق مثلك الله يخليه=كانك نويت الصد والهجر وياه

غالي ولك بالقلب شي ومخفيه=اكبر من اللي بالضماير تهقواه

في غيبتك قلبي ترى الهم صاليه=واسهرت ليلي بين ونه وويلاه

البارحه طيفك مع الليل احاكيه=يشهد علي الليل والنجم يصغاه

فكرت ويا الليل مبدع قوافيه=مسحوب طرقي والقوافي تقفاه

والحزن فوق القلب والهم مقفيه=و ليلي غدا ليلين والصبر مقواه

اكتب شطروالشطر الاخر نجاريه=شاعر تحد ه والليالي توطاه

اجزل بيوت الشعر وحكم معانيه=ولا هزيل القاف واضح ثناياه

ياللي حرقت القلب منهو يطفيه=النار نار ٍ تتعب القلب واحشاه

يا مانسيت اللي من الناس نغليه=ولاعاد به شي ليا حل طرياه

استر عيوب الناس والطيب ابديه=وش خانت اللي ماسترعيب رفقاه

امسٍ وقبل البارح القلب اهنيه=امسي مع الفرحه وصبّح بفرحاه

في شوفتك افرح مع اللحن اغنيه=وطيفك يسلي كل طرقٍ بمغناه

قلبي كثير اللي من الناس ترجيه=وانا الذي قلبك من الناس يرجاه

لاتحسب ان الصد صعبٍ تحديه=ترى الزمن يشكي ومثلي تحداه

انشد وتلقى الليل تقصر مساريه=صدر الزمن يشكي من اقصاه ودناه

راحت هجوسك مبعده في هقاويه=انشد جبال اطويق واللي ترقاه

تلقى زمانك قاصرات ٍ لياليه=هذا الصحيح وتدمع العين فرقاه

وانت الذي لاضاق صدره نراضيه=نتعب على شانه على شان نرضاه

ولا انت تدري من زعل عيب اصافيه=يادارس اطبوع المشاعر وتدراه

يا ما لقيتك تشكي الهم تشكيه=وجهك عبوسٍ تشكي الحظ برداه

ياللي خذيت القلب وشعادكم فيه=رده ترى قلب العنا وافي اشقاه

ارفق بقلب هالليالي تفاجيه=يابو ثمانٍ مرهفاتٍ مصفاه

انا عشقت وعشقي محدٍ يظاهيه=جيتك على الفطره وذ القلب يغشاه

احساس من قمة شعورٍ وطريه=عليك ياللي ناسي القلب تنساه

في كفي سيفٍ للعواذيل مرهيه=وفي صدري درعٍ لسهوم المصلاه

ياقلبي الليله على وادي التيه=جريت ونه والف ونه من الأه

اسمع صدى صوت المعنا بتاليه=اضحك واقول الله يعين الذي تاه

والحق انا اللي تايهٍ في دواهيه=مجراك نار تكوي القلب تكواه

باغيه قلبي والمشاعر تناديه=قلبي عشق قلبه مع الليل ناداه

يفداك منهو يجمع اريال وجنيه=يفداه وجه الطيب والعز يفداه

مثل البواخر لا رست في مراسيه=حبك رسا صبح ومسا ابكل مرساه

بين الظلوع الحدب حبه ابنيه=واكتب عليه من الغلا شي يزهاه

لكنّ كيف القلب هذا امتناسيه=ياصرح مدري جرح ياجرح ودواه

يمكن صواديف الليالي تحاديه=ولاّ تغلا والغلا في مزاياه

لكنّ قلبي ماصبر ليل مشقيه=دنت هجوسي والبلا في محاتاه

همٍ على قلبي وهمٍ يباريه=ولا جروح القلب صعبه تبراه

البارحه قلبي من اللي يداويه=ياكود وجهٍ يبري الجرح ملفاه

حامت شياطين الشعرمن بلاويه=وسرحت في عالم صعيبٍ بمسراه

هلّت دموع العين هلّت غواديه=على الذي قلبي من الناس بداه

اكتب حسين القاف وارجع ومحيه=جف القلم حبره ولا نافعٍ ماه

شطرٍ نهليبه وشطرٍ نحييه=وشطرٍ على ماقيل ملعون مثواه

هذا حبيب ولا عليّه مشاريه=عشره قديمه والحكي توّ معناه

ترى الوفا والطيب حق ٍموّفيه=ترى الغلا والحب حق موّفاه

من باعني بعته وتقصر خطاويه=مدعي عليه ادعي عسى الله يرعاه

لا ياندي العرض هذي تواصيه=ابوي انا اللي وافي الهرج بوصاه

وانا الذي من يشري القلب شاريه=هذا محله قلبي واسعد بلقياه

اقلّطه في صدر قلبي وهلّيه=ارحب هلا واهلاٍ وننحر له الشاه

ونقدّم الفنجال والهيل حاليه=اشقر مقره من ورى الهند مجناه

يعني انتهى المشوار لاباس ياهيه=خمسين بيتٍ شاعر الجن سواه

وخمسين بيتٍ تقفي اللي مسويه=مسرج خيول الجن واهجيك بحكاه

من قدّم الطيبه نرفّع معاليه=ومن قدّم السيّه مع الدرب دسناه

ادعيك من قلبي وانا الغير مدعيه=مشتاق انا والشوق وشلون ابنهاه

في داخلي حربٍ من الشوق مذيه=والصبر طعمه مر وكيف اتحلواه

من لايعرف الحر لاشك يشويه=اخطيت في حقي وانا ارجيك رجواه

انا الذي منهو رقا فوق اوطيه=عليك ياللي كل رجمٍ تعلاه

لا تحسب اني بسهر الليل مقضيه=جاتك مثايل وفهم القول وقراه

قبل امس احبه وفتخر في تلاقيه=واليوم هذا مثلي صرّح كرهناه

الخط الاحمر ليه نفسك تعديه=قد قلت الك ومحذّرك لا تعداه

رادي ومثلي لاحشى ما ترديه=درب الردى لارحم منهو تمشاه

كان الغدر ميزه وتفخر بتاليه=الله يعينك تالي الوقت عزاه

تصبح مابين الناس محدٍ يدانيه=قبلك صفق يمناه في كف يسراه

الرادي اللي يمشي محدٍ يراعيه=هذي حياتك باخر الوقت وتلاه

ياللي تقول الحب وافي ومرخيه=حبل الوفا تقصره وشلون ترخاه

الحر لامن فز يكفخ جناحيه=انا عزيز النفس واللي ورثناه

المرجله والطيب لازم نقديه=ماني شحيحٍ تايه ارداه برداه

واليوم ياوجهٍ بدا فيه وشفيه=الاّ عرفت القلب هذا ومرضاه

لا يالذي قلبك من الغدر تحشيه=هذا وانا مهجيه وذكر حلاياه

.لكن علي الله ماعاد انا ارجيه=في رجعته همٍ ولا عاد نبغاه

فيه البقا واللي حلاته نعزيه=اقولها من بعد هذا عرفناه

يرثيه وقت الحب والحال ترثيه=كم واحدٍ قبلك ترانا رثيناه

هذاك غالي والله اللي متوفيه=ولاانت لا مثله ولا وجيت شرواه

يشهد له التاريخ حضر وبواديه=يرحمك ياللي وافي الطيب والجاه

ونتي بديتي بالغدر من مواريه=عمر الغدر شاين ولو زان مرباه

درب العنا ياللي نويتي مساعيه=خايب وظنك ضايع ابكل مسعاه

فيك الغدروافي على كل اراضيه=ثوب الغدر ما والله يومٍ لبسناه

بأسم من انزل محمد وحاميه=الواحد القهار ربٍ عبدناه

ماني على صدك ترى القلب اعنيه=وشعاد يعني لو مثلك هجرناه

القلب يسلا مع هل الطيب اسليه=عندك خبر كلٍ على كيف مشهاه

اقفت ليال الحب واقفت لياليه=والشوق روّح لاترجى وتنصاه

اطغيت حتى القلب بالغدر معميه=الصبح لك قلبٍ مع الحب يهواه

والليل لك قلبٍ من الغدر ماليه=كنت الامل والنفس مثلك تحراه

ماني صغير السن مثلك يخطيه=اخطيت ياللي كل شيٍ تخطاه

اللي رقا للخير ربي يجازيه=جعله بخير وراعي الطيب حياه

واللي يحب الشر منهو يخاويه=ياكود مثل الطبع لاشك خاواه

العقل راس المال وشلون اقديه=في ذكر ربٍ عالي الناس تخشاه

جفت عروق القلب جفت خباريه=لاتحسب ان الحر مثلي تشواه

حرٍ وفي وصفه طوالٍ مواميه=انا عريب الجد ياضايع اجداه

اخطيت في قلبي على الكيف مهديه=انا اشهد اني ظالم القلب وسقاه

اسقاه من ظيم الليالي ومسقيه=همٍ وكل همٍ موفّي زواياه

الصدر لا من ضاق بالقاف اواسيه=شاعر وومّر كل شطرٍ كتبناه

اكتب حروف الشعر من كيفي ووفيه=والشعر وهبه والعفو ماشريناه

وغيري كثير الناس لشعر تنخيه=الناس واجد ياهل العرف تنخاه

لامن كتب بيتٍ تعزوا بعزاويه=مسكين ياللي كل شطرٍ تبناه

وانا احمد الله كل شطرٍ موازيه=لاطاح شطرٍ قام خيّه توازاه

العقل وافي واحمدلله مكسيه=بالطيب والمعروف حنا كسيناه

حاضر بحاضر ياهل الحسد اسويه=والموت حقٍ يحصد العمر يفناه

متين شطرٍ وافي العرف محصيه=ساعه وثلث الطرق حنا بدعناه

وختم قصيدي عد ماهب ذاريه=على النبي اللي طريقه مشيناه ​

 

[Patman]

اضحك ولا كل الوجيه احترمها *** بعض الوجيه اهينها بابتسامه

واطوف الزلة و ان مغتنمها **** يستعجل اللي عاد عنده غشامة

ناس تعلمك الكرم من كرمها *** و ناس ترويك الردى و الرخامة

 

[بوسعود66666]

اضحك ولا كل الوجيه احترمها *** بعض الوجيه اهينها بابتسامه

واطوف الزلة و ان مغتنمها **** يستعجل اللي عاد عنده غشامة

ناس تعلمك الكرم من كرمها *** و ناس ترويك الردى و الرخامة

 

[بوسعود66666]

أحبـك .. وهذا الشي يكفيني

أحبك لو تزيدي الجرح وتجرحيني

أحبك لو تداوي الجرح و تشفيني

أحبك لو تزيدي القهر و تقهريني

أحبك لو تزيدي الهجر و تهجريني

أحبك حتى لو من الجرح تسقيني
أحبك حتى لو من الهـم ترويني

أحبك حتى لو بكذبـك تحرقيني

أحبك حتى لو بغـدرك تكويني

أحبك وحبك ساكن وسط عيني

أحبك وحبك دم يمشي بشراييني

أحبك وبحبك تحلى كل سنـيني

أحبك وبحبك أظنـك سحرتيني

أحبك وبحبك أظنـك ملكتيني

أحبك وبحبك أظنـك سرقتيني

أحبك حتى لو ماتفكري ترحميني

أحبك حتى لو ماتفكري تعشقيني

أحبك حتى لو تروحي و تتركيني

أحبك حتى لو تكرهيني وماتحبيني

أحبك لو تحبي غيـري و تنسيني أحبك لو تغيبي عني و ماتذكريني

أحبك حتى لو لا سمح الله ماتبيني أحبك ومايهمني تبيني أو ماتبيني

أحبك وهذا أهم شي و يكفيني أحبك وغير كذا أبد مايرضينـي

أحبك اجرحي فيني وبكّينــي أحبك اجرحي فيني و سهـريني

أحبك اجرحي فيني و اذبحينـي أحبك اجرحي فيني و ارمينـي

أحبك مدري ليه ولا تسألينـي أحبك مدري ليه ولا تكلمينـي

أحبك مدري ليه تعالي فهمينـي أحبك مدري ليه تعالي علمينـي

أحبك مع انك بسهوله بعتينـي أحبك مع انك غدرتي و خدعتيني

أحبك مع انك ياما وياما لوعتيني أحبك مع انك ياما وياما كسرتيني

أحبك مع انك والله ما تستاهليني أحبك مع انك والله ما تستحقيني

أحبك وصعب أنساكِ سامحينـي أحبك وصعب أخليكِ تسيبينـي

أحبك ومتأكد من حبي اعذريني طبعي لوحبيت أحب بكل ما فيني

وأعشق كل الجروح اللي تجينـي وأرضى بعيوبك ياعساكِ تحبينـي

حتى لو تجرحي وتقتلي فيني حنيني مادام أنا أحبك هذا الشي يكفيني ​

 

[zoya_y]

أول بداية غلاها الي سكن ذاتي رحلة قطار ابتدت منها حكايتنا
شافت غرامي وحبي وسط نظراتي من دون لاشعر بدينا في محبتنا
وصارت محطة فكري واحتمالاتي كل ماغمض عيوني شفت ضحكتنا
من وين اطالع ألاقيها اتجاهاتي صارت مساحة الأرض ماتوسع مساحتنا

****


وأنا معاها رحلت من دون ماحاتي وأقول ربي يطول في مسافتنا
الله على إلي حسنها جمع أشتاتي إلي بحلاها ولادري وين ودتنا
إن كان للزين غاية أو علاماتي والله العظيم أوصافها حيل شاقتنا
شفت الغرام والمحبة وكل راحاتي مع فوضوية دلعها تزيد راحتنا


****


ترضى وتزعل وأراضيها .... وتقول هذا ترا من زود غيرتنا
حتى زعلها يليق بكل حالاتي فديت من زاردت حلاوتها ...حلاوتنا
وإذا زعلت تقول تكفى بس وحياتي زعلك هذا ياعمري يزيد حسرتنا
هاذي حياتي وهاذي كل غاياتي يالله عساها عخير ادوووم فرحتنا ​

 

[zoya_y]

" موت وميلاد "

في عيني تغيب الشمس وتشرق بعيني
في ناظري للشمس موت وميلاد
لليل في دمعي سنا نجمتيني
للصبح في جفني شفق هم وسهاد

****

كن السهر درب عليه بتجيني
ولا ودي اقطع درب ........
يلي جميع الناس بينك وبيني
كل لحظه ابنتظر منك ميعاد

****

عذري ليآسي منك انك تبيني
خنت الرجا وان صنت
لي عهدد ووداد
لمصافحك ربي خلق لي يميني
امدها لك وصل ... وامدها بعاد

****

ولبسمتك ترخص غوالي سنيني
همي يزول ... وصادق الشوق يزداد
انسى عذاب العمر مانسى حنيني
تبلى ليالي العمر وجرووحك جداد ​

http://gulf.salmiya.net/songs/abdelmajed/ram/abdelmajed43.ram​

 

[abu.omar]

أنا ما أقول من ترحل بكانا بس يدمع لك

.............. أقول الله يعين عيون تشوف قصر دسمانك​

 

[abu.omar]

حبيبي لا يبكيك الفراق و لا يهد حيلك
أخاف الدمع من عينك .. يجفف صورتي بالك ..!!


شوف بعثرني احتياجي لك بـ النظر
شوف وجهي امتلى منك بـ ( أفــــــــــا ) ..!!​

​

 

[abu.omar]

بعنوآن الجرآح

\



عسى مازعلتك البارح وزودت الجراح جـراح
عسى مامرت الدمعة على اهدابك من اسبابـي

جرحتك من كثر شوقي وخليت الكلام رماح !.
ولا ادري شلون ياعمري طعنتك حيل بعتابي ..

بدون شعور صدقني ترى كثـر الغـلا ذبـاح
تعال شوف بغيابك غـلاك شلـون سـوا بـي

حرام تغيب من عمري وتعطيني الفراق وشاح
حرام الدمع في عيني مناديلـه هـي اهدابـي

غيابك يشغل عيون الزوايـا وامتلـي اشبـاح
وانا انثر صوتك بقلب المكان واشعل ابوابـي

تلفت للامل دام الرجا فـي عمـري المنـواح
اناديلك ولو شرهك واصولك تقطـع اعصابـي

أبيك الجاي من عمري أنـا ما ابيك شى وراح
مادامك اجمل واخـر مادامـك أول أحبـابـي

ابي ارتاح ياعمري انا ادري هم تبـي ترتـاح
تعال وقبل ما افرح تـرى تفـرح بـك ثيابـي

أحبك يا بعد عمر الحزن والجـرح والافـراح
أحبك كثر مانامـت عيونـك داخـل أهدابـي





لشاعرها / سالـــم السيار​

 

[الدمقراطي]

ان كـان هـمك بالـزمن بـس لـقمـتك .... الفـول بـ ريـالـين والـخـبز بـ ريــال

سعد بن جدلان الاكلبي​

 

[نمر الأصلي]

يا ذا الذي ماكفاه الذنب في رجب __________ حتى عصى ربه في شهر شعبان
لقد أظلك شهر الصوم بعدهما __________ فلا تصيره أيضا شهر عصيان
واتل القرءان وسبح فيه مجتهدا __________ فإنه شهر تسبيح وقرءان
فاحمل على جسد ترجو النجاة له __________ فسوف تضرَم أجساد بنيران
كم كنت تعرف ممن صام في سلف ________ من بين أهل وجيران وإخوان
افناهم الموت واستبقاك بعدهم __________ حيا فما أقرب القاصي من الداني
ومعجب بثياب العيد يقطعها ___________ فأصبحت في غد أثواب أكفان
حتى متى يعمر الانسان مسكنه __________ مصير مسكنه قبر انسان​

 

[بوسعود66666]

كانت الحقيقة الوحيدة في حياتي
وكانت أجمل وأعظم معنى لوجودي
ليت الزمن توقف هنـــــــا

ولكن مرت الأيام والليالي كالبرق
وجاءت الساعة
كان يوماً مشؤوماً
قاسياً وظالماً في عمري
كانت ... مفاجأة القدر أن نفترق

كيف أنســـــــاه
وكلامه المعسول يرن كالجرس
في ذهني وأفكاري
وإسمه من نبضات قلبي
وصورته في زوايا تخيلاتي
تحرّك بي كل لحظة
أشواقي ... وأشجاني

وها أنا اليوم
تلتهم الأيام عمري
ما زلت حتى اليوم
أكتب إسمه على شاطىء البحر
والموج يمسحه
إسمه مكتوب في جدران وشرايين قلبي
فمن يمسحه
عمري ضاع من أجله
غاب عني ورحل كالعاصفة
وبقيت أنا جثة بلا روح

أين ســــــــــــعادتي
هل كانت مجرّد وهم وسراب
ام طيشاً طفولياً عابراً
ام كانت حقيقة كاذبة
مرت كالسحاب في فصول حياتي​

 

[ارحبو]

أبكي على اللي خوته ترفع الراس

والا الردي نذبح لفرقاه ناقه

 

[coooool2]

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد بتاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما قدره

عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

 

[game over]

احسبن ما للجمايل على الدنيا جحود لين معروفي بذرته بناس وجحـدوه
اشهد من يفعل الجود في من لا يجود مثل من حجج على غاربه ذباح ابوه

*_*_*
الشاعر حمد المسردي

 

[الرأي السديد]

هذه قصيده ل محمد السيتي وهي لقصه حقيقيه وان كانت القصيده في بعض الكسر في الوزن الا انه رغب بنشرها بحالتها قبل جبر الكسر حتى تحاكي حاله ووضع من كتبها له ( جرح الخيانه المستكين)
شلون قلبج طاوعج تخدعين
وأنا اللي وهبت الروح لج سكن
شلون هان عليج بي تلعبين
وانا اللي خليت عيوني لعينج وطن
شلون قدرتي دور المحبه تمثلين
وأنا اللي صافي الود قدمته لج رسن
شلون قدرتي كلام الحب اللي حقي تقولين
لغيري وبذات الوقت قلتيه بلحن
شلون هانت عليج عشرتي والسنين
تخدعيني وتكذبين لين انضمن
انضمن حبج في روحي سجين
وغلاج في حشا الجوف استكن
انا كنت اصدق ان امي لي تهين
وانها تستغل فيني طيبه ووهن
وانها يمكن تخدعني وبعد يمكن تشين
وانها يمكن تخلط لي صافي بعفن
واصدق ان النمله بالظلمه تبين
واصدق ان القمر مايطلع زمن
واصدق ان البحر ينقلب طين
واصدق ان الجبل يبجي حزن
لكن على بالي ما يخطر لحظه..تعرفين
اني من الظهر احصل منج طعن
ولا كنت اصدق انج ممكن تخونين
وان اللي عرفته اليوم صار لقلبي كفن
اواااااااه ياجرح الخيانه المستكين
اوااااااااااااااااااه جرحك وسط قلبي مكن
اواااااه ياخدعه المحبه اللي تلعبين
اوااااااااااااااااااااه ياجروحن بقلبي انزفن
ذليت لج النفس بوفا ومحبه ولين
واخفضت لج هامن حشا عمره ماطمن
كنتي تامرين والبي قبل لا تقولين
واقول تحبني ويازين الحبايب لا اطلبن
وش غير الغلا مني كنتي تشوفين
شلون بعتي روحي اللي تحبج بابخس ثمن
تدرين كلمه باباتي اللي كنتي تقولين
كانت تسوي بقلبي سواة ومحن
ياحيف شلون لغيري بها تنطقين
وحبال وصلي للحين ما ارتخن
ليتني قبل اعرف اللي عرفته دفين
ليت وقتها دقات قلبي اوقفن
انا من غلاج ما قدرت اواجهج باللي تسوين
قلت اشيل الهم بقلبي واضن
ما ينطق بالعيبه عليج لساني ولا الشين
لا جيت اعاتبج حروف لساني اسكتن
هذه دموعي من الغدر تروي زهور البساتين
ولو ذبلت ورود هالدنيا دموعي ماانشفن
هذا عتاب ماانكتب بحبر وقلم وايدين
هذه دموع عيني بجت حسره و شجن
ان كانت المحبه عندج مني وش تستفيدين
لعنبوا دينار غدا لاحساسنا ثمن

 

[coooool2]

هذه قصيده ل محمد السيتي وهي لقصه حقيقيه وان كانت القصيده في بعض الكسر في الوزن الا انه رغب بنشرها بحالتها قبل جبر الكسر حتى تحاكي حاله ووضع من كتبها له ( جرح الخيانه المستكين)
شلون قلبج طاوعج تخدعين
وأنا اللي وهبت الروح لج سكن
شلون هان عليج بي تلعبين
وانا اللي خليت عيوني لعينج وطن
شلون قدرتي دور المحبه تمثلين
وأنا اللي صافي الود قدمته لج رسن
شلون قدرتي كلام الحب اللي حقي تقولين
لغيري وبذات الوقت قلتيه بلحن
شلون هانت عليج عشرتي والسنين
تخدعيني وتكذبين لين انضمن
انضمن حبج في روحي سجين
وغلاج في حشا الجوف استكن
انا كنت اصدق ان امي لي تهين
وانها تستغل فيني طيبه ووهن
وانها يمكن تخدعني وبعد يمكن تشين
وانها يمكن تخلط لي صافي بعفن
واصدق ان النمله بالظلمه تبين
واصدق ان القمر مايطلع زمن
واصدق ان البحر ينقلب طين
واصدق ان الجبل يبجي حزن
لكن على بالي ما يخطر لحظه..تعرفين
اني من الظهر احصل منج طعن
ولا كنت اصدق انج ممكن تخونين
وان اللي عرفته اليوم صار لقلبي كفن
اواااااااه ياجرح الخيانه المستكين
اوااااااااااااااااااه جرحك وسط قلبي مكن
اواااااه ياخدعه المحبه اللي تلعبين
اوااااااااااااااااااااه ياجروحن بقلبي انزفن
ذليت لج النفس بوفا ومحبه ولين
واخفضت لج هامن حشا عمره ماطمن
كنتي تامرين والبي قبل لا تقولين
واقول تحبني ويازين الحبايب لا اطلبن
وش غير الغلا مني كنتي تشوفين
شلون بعتي روحي اللي تحبج بابخس ثمن
تدرين كلمه باباتي اللي كنتي تقولين
كانت تسوي بقلبي سواة ومحن
ياحيف شلون لغيري بها تنطقين
وحبال وصلي للحين ما ارتخن
ليتني قبل اعرف اللي عرفته دفين
ليت وقتها دقات قلبي اوقفن
انا من غلاج ما قدرت اواجهج باللي تسوين
قلت اشيل الهم بقلبي واضن
ما ينطق بالعيبه عليج لساني ولا الشين
لا جيت اعاتبج حروف لساني اسكتن
هذه دموعي من الغدر تروي زهور البساتين
ولو ذبلت ورود هالدنيا دموعي ماانشفن
هذا عتاب ماانكتب بحبر وقلم وايدين
هذه دموع عيني بجت حسره و شجن
ان كانت المحبه عندج مني وش تستفيدين
لعنبوا دينار غدا لاحساسنا ثمن

فعلا الايام هذي حاصله